<p>ಬೆಕ್ಕಣ್ಣ ಪೇಪರು ಓದುತ್ತ ಪಕಪಕನೆ ನಗುತ್ತಿತ್ತು.</p>.<p>‘ಹಿಂತಾಪರಿ ಎದಕ್ಕೆ ನಗಾಕೆ ಹತ್ತೀ?’ ನಾನು ಅಚ್ಚರಿಯಿಂದ ಕೇಳಿದೆ.</p>.<p>ಪ್ರಜಾವಾಣಿಯಲ್ಲಿ ‘ಬೇಕಾಗಿದ್ದಾನೆ ಕಿಂದರಿಜೋಗಿ’ ಅಂತ ಐವತ್ತು ವರ್ಷಗಳ ಹಿಂದಿನ ಸುದ್ದಿಯನ್ನು ಬೆಕ್ಕಣ್ಣ ತೋರಿಸಿತು.</p>.<p>‘ಒಂದು ಜೋಡಿ ಹೆಗ್ಗಣಗಳ ಸಂತಾನ ಮೂರು ವರ್ಷದಲ್ಲಿ 35 ಕೋಟಿ ಆಗುವುದೆಂದು ಆಹಾರ ಮತ್ತು ನಾಗರಿಕ ಪೂರೈಕೆ ಇಲಾಖೆಯ ಪ್ರಕಟಣೆಯೊಂದು ತಿಳಿಸುತ್ತದೆ’ ಎನ್ನುವುದು ಸುದ್ದಿಯ ಸಾರವಾಗಿತ್ತು.</p>.<p>‘ಒಂದು ಜೋಡಿ ಹೆಗ್ಗಣದಿಂದ 35 ಕೋಟಿ ಹೆಗ್ಗಣಗಳ ಸಂತಾನ ಆಗೂದು ಉತ್ಪ್ರೇಕ್ಷೆ ಅನ್ನಿಸಿ ದರೂ, ಲಕ್ಷಗಟ್ಟಲೆ ಆಗೂದಂತೂ ಹೌದು’ ಎಂದೆ.</p>.<p>‘ಆತಪಾ… ಹಂಗೇ ಅಂದ್ಕಳಣ. ಈ ಐವತ್ತು ವರ್ಸಕ್ಕೆ ಎಷ್ಟಾಗಿರಬೌದು ಹೇಳು’ ಎಂದು ಮರುಪ್ರಶ್ನಿಸಿತು.</p>.<p>ಹೆಗ್ಗಣಗಳು ಪ್ರತಿ ಮೂರು ತಿಂಗಳಿಗೆ ಸುಮಾರು 8-10 ಮರಿ ಹಾಕುತ್ತವೆ, ಇವುಗಳಲ್ಲಿ ಅರ್ಧದಷ್ಟು ಹೆಣ್ಣು ಅಂದ್ಕಳಣ, ಪ್ರತಿ ಮರಿಯೂ ಮೂರೇ ತಿಂಗಳಲ್ಲಿ ಸಂತಾನೋತ್ಪತ್ತಿಗೆ ಸಿದ್ಧವಾಗುತ್ತೆ. ಅಂದ್ರೆ ಘಾತೀಯ ಬೆಳವಣಿಗೆ, ಎಕ್ಸ್ಪೊನೆನ್ಷಿಯಲ್ ಗ್ರೋತ್. ಅರ್ಧದಷ್ಟು ಮಾತ್ರ ಬದುಕುಳೀತಾವೆ, ಒಂದೂವರೆ-ಎರಡು ವರ್ಷ ಇವುಗಳ ಆಯುಷ್ಯ… ನಾನು ತಲೆ ಕೆರೆದುಕೊಂಡೆ.</p>.<p>ಬೆಕ್ಕಣ್ಣ ಚಾಟ್ಜಿಪಿಟಿಗೆ ಕೇಳಿತು. ಚಾಟ್ಜಿಪಿಟಿ ಅದೇನೋ ಪೈಥಾನ್ ಸ್ಕ್ರಿಪ್ಟ್ ಹಾಕಿ ತಟ್ಟನೆ ಉತ್ತರಿಸಿತು ‘50 ವರ್ಷದ ಹಿಂದಿದ್ದ ಒಂದು ಹೆಗ್ಗಣ ದಂಪತಿಯಿಂದ 13ರ ಮುಂದೆ 48 ಸೊನ್ನೆ ಹಾಕಿದ್ರೆ ಎಷ್ಟಾಗುತ್ತೆ ಅಷ್ಟು ಹೆಗ್ಗಣಗಳು ಹುಟ್ಟಿರತಾವೆ’.</p>.<p>ರಾತ್ರಿ ಬೆಂಗಳೂರಿನ ರಸ್ತೆಗಳಲ್ಲಿ ಕೋಟ್ಯಂತರ ಹೆಗ್ಗಣಗಳೇ ಓಡಾಡುವುದನ್ನು ಚಿತ್ರಿಸಿಕೊಂಡು ನನ್ನ ಮೈನಡುಗಿತು.</p>.<p>‘ಬೀದಿ ಬೆಕ್ಕುಗಳ ಸಂತಾನೋತ್ಪತ್ತಿ ಹೆಚ್ಚಿಸೋದಕ್ಕೆ ಸರ್ಕಾರ ಕ್ರಮ ತಗಂಡು, ಛಲೋತ್ನಾಗಿ ಸಾಕಿ, ಹೆಗ್ಗಣ ಹಿಡಿಯೋ ಡ್ಯೂಟಿ ವಹಿಸಬೇಕು’ ಎಂದೆ.</p>.<p>‘ನಾವು ಬೆಕ್ಕುಗಳು ಡ್ಯೂಟಿ ಮಾಡತೀವಿ, ಬಿಡು. ಆದರೆ ಈ ಐವತ್ತು ವರ್ಸದಲ್ಲಿ ಎರಡೇ ಕಾಲಿನ ಹೆಗ್ಗಣಗಳ ಸಂಖ್ಯೆ ಸರ್ಕಾರದ ಎಲ್ಲಾ ಇಲಾಖೆವಳಗೆ ಎಕ್ಸ್ಪೊನೆನ್ಷಿಯಲ್ ಆಗಿ ಹೆಚ್ಚೈತಲ್ಲ… ಅವರನ್ನು ಹಿಡಿಯೋರು ಯಾರು?’ ಎಂದು ಬೆಕ್ಕಣ್ಣ ಮರುಪ್ರಶ್ನಿಸಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಕ್ಕಣ್ಣ ಪೇಪರು ಓದುತ್ತ ಪಕಪಕನೆ ನಗುತ್ತಿತ್ತು.</p>.<p>‘ಹಿಂತಾಪರಿ ಎದಕ್ಕೆ ನಗಾಕೆ ಹತ್ತೀ?’ ನಾನು ಅಚ್ಚರಿಯಿಂದ ಕೇಳಿದೆ.</p>.<p>ಪ್ರಜಾವಾಣಿಯಲ್ಲಿ ‘ಬೇಕಾಗಿದ್ದಾನೆ ಕಿಂದರಿಜೋಗಿ’ ಅಂತ ಐವತ್ತು ವರ್ಷಗಳ ಹಿಂದಿನ ಸುದ್ದಿಯನ್ನು ಬೆಕ್ಕಣ್ಣ ತೋರಿಸಿತು.</p>.<p>‘ಒಂದು ಜೋಡಿ ಹೆಗ್ಗಣಗಳ ಸಂತಾನ ಮೂರು ವರ್ಷದಲ್ಲಿ 35 ಕೋಟಿ ಆಗುವುದೆಂದು ಆಹಾರ ಮತ್ತು ನಾಗರಿಕ ಪೂರೈಕೆ ಇಲಾಖೆಯ ಪ್ರಕಟಣೆಯೊಂದು ತಿಳಿಸುತ್ತದೆ’ ಎನ್ನುವುದು ಸುದ್ದಿಯ ಸಾರವಾಗಿತ್ತು.</p>.<p>‘ಒಂದು ಜೋಡಿ ಹೆಗ್ಗಣದಿಂದ 35 ಕೋಟಿ ಹೆಗ್ಗಣಗಳ ಸಂತಾನ ಆಗೂದು ಉತ್ಪ್ರೇಕ್ಷೆ ಅನ್ನಿಸಿ ದರೂ, ಲಕ್ಷಗಟ್ಟಲೆ ಆಗೂದಂತೂ ಹೌದು’ ಎಂದೆ.</p>.<p>‘ಆತಪಾ… ಹಂಗೇ ಅಂದ್ಕಳಣ. ಈ ಐವತ್ತು ವರ್ಸಕ್ಕೆ ಎಷ್ಟಾಗಿರಬೌದು ಹೇಳು’ ಎಂದು ಮರುಪ್ರಶ್ನಿಸಿತು.</p>.<p>ಹೆಗ್ಗಣಗಳು ಪ್ರತಿ ಮೂರು ತಿಂಗಳಿಗೆ ಸುಮಾರು 8-10 ಮರಿ ಹಾಕುತ್ತವೆ, ಇವುಗಳಲ್ಲಿ ಅರ್ಧದಷ್ಟು ಹೆಣ್ಣು ಅಂದ್ಕಳಣ, ಪ್ರತಿ ಮರಿಯೂ ಮೂರೇ ತಿಂಗಳಲ್ಲಿ ಸಂತಾನೋತ್ಪತ್ತಿಗೆ ಸಿದ್ಧವಾಗುತ್ತೆ. ಅಂದ್ರೆ ಘಾತೀಯ ಬೆಳವಣಿಗೆ, ಎಕ್ಸ್ಪೊನೆನ್ಷಿಯಲ್ ಗ್ರೋತ್. ಅರ್ಧದಷ್ಟು ಮಾತ್ರ ಬದುಕುಳೀತಾವೆ, ಒಂದೂವರೆ-ಎರಡು ವರ್ಷ ಇವುಗಳ ಆಯುಷ್ಯ… ನಾನು ತಲೆ ಕೆರೆದುಕೊಂಡೆ.</p>.<p>ಬೆಕ್ಕಣ್ಣ ಚಾಟ್ಜಿಪಿಟಿಗೆ ಕೇಳಿತು. ಚಾಟ್ಜಿಪಿಟಿ ಅದೇನೋ ಪೈಥಾನ್ ಸ್ಕ್ರಿಪ್ಟ್ ಹಾಕಿ ತಟ್ಟನೆ ಉತ್ತರಿಸಿತು ‘50 ವರ್ಷದ ಹಿಂದಿದ್ದ ಒಂದು ಹೆಗ್ಗಣ ದಂಪತಿಯಿಂದ 13ರ ಮುಂದೆ 48 ಸೊನ್ನೆ ಹಾಕಿದ್ರೆ ಎಷ್ಟಾಗುತ್ತೆ ಅಷ್ಟು ಹೆಗ್ಗಣಗಳು ಹುಟ್ಟಿರತಾವೆ’.</p>.<p>ರಾತ್ರಿ ಬೆಂಗಳೂರಿನ ರಸ್ತೆಗಳಲ್ಲಿ ಕೋಟ್ಯಂತರ ಹೆಗ್ಗಣಗಳೇ ಓಡಾಡುವುದನ್ನು ಚಿತ್ರಿಸಿಕೊಂಡು ನನ್ನ ಮೈನಡುಗಿತು.</p>.<p>‘ಬೀದಿ ಬೆಕ್ಕುಗಳ ಸಂತಾನೋತ್ಪತ್ತಿ ಹೆಚ್ಚಿಸೋದಕ್ಕೆ ಸರ್ಕಾರ ಕ್ರಮ ತಗಂಡು, ಛಲೋತ್ನಾಗಿ ಸಾಕಿ, ಹೆಗ್ಗಣ ಹಿಡಿಯೋ ಡ್ಯೂಟಿ ವಹಿಸಬೇಕು’ ಎಂದೆ.</p>.<p>‘ನಾವು ಬೆಕ್ಕುಗಳು ಡ್ಯೂಟಿ ಮಾಡತೀವಿ, ಬಿಡು. ಆದರೆ ಈ ಐವತ್ತು ವರ್ಸದಲ್ಲಿ ಎರಡೇ ಕಾಲಿನ ಹೆಗ್ಗಣಗಳ ಸಂಖ್ಯೆ ಸರ್ಕಾರದ ಎಲ್ಲಾ ಇಲಾಖೆವಳಗೆ ಎಕ್ಸ್ಪೊನೆನ್ಷಿಯಲ್ ಆಗಿ ಹೆಚ್ಚೈತಲ್ಲ… ಅವರನ್ನು ಹಿಡಿಯೋರು ಯಾರು?’ ಎಂದು ಬೆಕ್ಕಣ್ಣ ಮರುಪ್ರಶ್ನಿಸಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
