<p>‘ಮೈಸೂರು ಸ್ಯಾಂಡಲ್ ಸೋಪು ಕೊಂಡುಕೊಳ್ಳಿ ಮೇಡಂ, ಸ್ನಾನ ಮಾಡಿದರೆ ಕೊಳೆ ಹೋಗುತ್ತೆ, ಕಳೆ ಮೂಡುತ್ತೆ...’ ಸೋಪು ಕೊಟ್ಟ ಅಂಗಡಿಯವನು, ‘ತಮನ್ನಾ ರಾಯಭಾರಿ ಆದಮೇಲೆ ನಮ್ಮ ಸ್ಯಾಂಡಲ್ ಸೋಪಿನ ಸ್ಕೋಪ್ ಹೆಚ್ಚಾಗಿದೆ’ ಅಂದ.</p>.<p>‘ತಮನ್ನಾ ನಿತ್ಯ ಮೈಸೂರ್ ಸ್ಯಾಂಡಲ್ನಲ್ಲೇ ಸ್ನಾನ ಮಾಡ್ತಾರಾ?’ ಶಂಕ್ರಿ ಕೇಳಿದ.</p>.<p>‘ಮಿಲ್ಕಿ ಬ್ಯೂಟಿ ಸೋಪಿನಲ್ಲಿ ಸ್ನಾನ ಮಾಡ್ತಾರೊ ಹಾಲಿನಲ್ಲಿ ಮಾಡ್ತಾರೊ ನನಗೆ ಗೊತ್ತಿಲ್ಲ, ಬೇರೆಯವರ ಬಾತ್ರೂಂ ಇಣುಕಿ ನೋಡಬಾರದು ಸಾರ್’.</p>.<p>‘ಸೋಪಿನ ಸುಂದರಿಯರು ಬಾತ್ರೂಮಿ ಗಿಂತ ಟಿ.ವಿಯಲ್ಲೇ ಹೆಚ್ಚು ಸ್ನಾನ ಮಾಡ್ತಾರೆ. ಪ್ರತಿದಿನ ಹತ್ತಾರು ಸೋಪು ಸುಂದರಿಯರು ನಮ್ಮ ಮನೆಯ ಟಿ.ವಿ.ಯಲ್ಲಿ ಸ್ನಾನ ಮಾಡ್ತಾರೆ’ ಎಂದು ಶಂಕ್ರಿ ಕಿಸಕ್ಕನೆ ನಕ್ಕಾಗ ಸುಮಿ ರೇಗಿದಳು.</p>.<p>‘ದುಬಾರಿ ದುಡ್ಡು ಕೊಟ್ಟು ತಮನ್ನಾರನ್ನು ಕೆಎಸ್ಡಿಎಲ್ ರಾಯಭಾರಿ ಮಾಡುವ ಅಗತ್ಯವಿರಲಿಲ್ಲ, ನಮ್ಮಲ್ಲೇ ಬಹಳಷ್ಟು ಸುಂದರಿಯರಿದ್ದರು ಎಂದು ಹಲವರು ಆಕ್ಷೇಪ ಮಾಡಿದ್ದಾರೆ ಕಣ್ರೀ’ ಅಂದಳು ಸುಮಿ.</p>.<p>‘ಇಂತಹ ವಿವಾದಗಳ ನಂತರ ನಮ್ಮ ಮೈಸೂರು ಸೋಪಿನ ಶ್ರೀಗಂಧದ ಘಮಲು ಇಂಡಿಯಾ ದಾಟಿ ಜಾಗತಿಕ ಮಾರುಕಟ್ಟೆವರೆಗೂ ಹರಡಿದೆಯಂತೆ, ವಿದೇಶಿಯರೂ ಗಂಧದ ಪರಿಮಳಕ್ಕೆ ಫಿದಾ ಆಗಿದ್ದಾರಂತೆ’ ಅಂಗಡಿಯವ ಕೊಚ್ಚಿಕೊಂಡ.</p>.<p>‘ವಿವಾದಗಳು ಲಾಭದಾಯಕವೇ ಆಗುತ್ತವೆ. ಆಪರೇಷನ್ ಸಿಂಧೂರ ಸಂಘರ್ಷದ ನಂತರ ನಮ್ಮ ಮೈಸೂರುಪಾಕ್ಗೂ ದೊಡ್ಡ ಮಟ್ಟದ ಪ್ರಚಾರ ಸಿಕ್ಕಿದೆಯಂತೆ’ ಎಂದಳು ಸುಮಿ.</p>.<p>‘ಹೌದು, ಕೆಲವು ಕಡೆ ಮೈಸೂರುಪಾಕ್ ಅನ್ನು ‘ಮೈಸೂರುಶ್ರೀ’ ಅಂತ ಹೆಸರು ಬದಲಾಯಿಸಿಕೊಂಡು ಚಪ್ಪರಿಸುತ್ತಿದ್ದಾರಂತೆ. ಹೇಗೋ ಮೈಸೂರು ಸೋಪು, ಮೈಸೂರುಪಾಕು ಪ್ರಸಿದ್ಧಿಯಾಗುತ್ತಿವೆಯಲ್ಲ’ ಎಂದು ಅಂಗಡಿಯವನು ಆನಂದಪಟ್ಟ.</p>.<p>ಮೈಸೂರು ಸ್ಯಾಂಡಲ್ ಸೋಪು ಖರೀದಿಸಿದ ಶಂಕ್ರಿ, ಸುಮಿ ಮೈಸೂರುಪಾಕ್ ಕೊಳ್ಳಲು ಹೊರಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಮೈಸೂರು ಸ್ಯಾಂಡಲ್ ಸೋಪು ಕೊಂಡುಕೊಳ್ಳಿ ಮೇಡಂ, ಸ್ನಾನ ಮಾಡಿದರೆ ಕೊಳೆ ಹೋಗುತ್ತೆ, ಕಳೆ ಮೂಡುತ್ತೆ...’ ಸೋಪು ಕೊಟ್ಟ ಅಂಗಡಿಯವನು, ‘ತಮನ್ನಾ ರಾಯಭಾರಿ ಆದಮೇಲೆ ನಮ್ಮ ಸ್ಯಾಂಡಲ್ ಸೋಪಿನ ಸ್ಕೋಪ್ ಹೆಚ್ಚಾಗಿದೆ’ ಅಂದ.</p>.<p>‘ತಮನ್ನಾ ನಿತ್ಯ ಮೈಸೂರ್ ಸ್ಯಾಂಡಲ್ನಲ್ಲೇ ಸ್ನಾನ ಮಾಡ್ತಾರಾ?’ ಶಂಕ್ರಿ ಕೇಳಿದ.</p>.<p>‘ಮಿಲ್ಕಿ ಬ್ಯೂಟಿ ಸೋಪಿನಲ್ಲಿ ಸ್ನಾನ ಮಾಡ್ತಾರೊ ಹಾಲಿನಲ್ಲಿ ಮಾಡ್ತಾರೊ ನನಗೆ ಗೊತ್ತಿಲ್ಲ, ಬೇರೆಯವರ ಬಾತ್ರೂಂ ಇಣುಕಿ ನೋಡಬಾರದು ಸಾರ್’.</p>.<p>‘ಸೋಪಿನ ಸುಂದರಿಯರು ಬಾತ್ರೂಮಿ ಗಿಂತ ಟಿ.ವಿಯಲ್ಲೇ ಹೆಚ್ಚು ಸ್ನಾನ ಮಾಡ್ತಾರೆ. ಪ್ರತಿದಿನ ಹತ್ತಾರು ಸೋಪು ಸುಂದರಿಯರು ನಮ್ಮ ಮನೆಯ ಟಿ.ವಿ.ಯಲ್ಲಿ ಸ್ನಾನ ಮಾಡ್ತಾರೆ’ ಎಂದು ಶಂಕ್ರಿ ಕಿಸಕ್ಕನೆ ನಕ್ಕಾಗ ಸುಮಿ ರೇಗಿದಳು.</p>.<p>‘ದುಬಾರಿ ದುಡ್ಡು ಕೊಟ್ಟು ತಮನ್ನಾರನ್ನು ಕೆಎಸ್ಡಿಎಲ್ ರಾಯಭಾರಿ ಮಾಡುವ ಅಗತ್ಯವಿರಲಿಲ್ಲ, ನಮ್ಮಲ್ಲೇ ಬಹಳಷ್ಟು ಸುಂದರಿಯರಿದ್ದರು ಎಂದು ಹಲವರು ಆಕ್ಷೇಪ ಮಾಡಿದ್ದಾರೆ ಕಣ್ರೀ’ ಅಂದಳು ಸುಮಿ.</p>.<p>‘ಇಂತಹ ವಿವಾದಗಳ ನಂತರ ನಮ್ಮ ಮೈಸೂರು ಸೋಪಿನ ಶ್ರೀಗಂಧದ ಘಮಲು ಇಂಡಿಯಾ ದಾಟಿ ಜಾಗತಿಕ ಮಾರುಕಟ್ಟೆವರೆಗೂ ಹರಡಿದೆಯಂತೆ, ವಿದೇಶಿಯರೂ ಗಂಧದ ಪರಿಮಳಕ್ಕೆ ಫಿದಾ ಆಗಿದ್ದಾರಂತೆ’ ಅಂಗಡಿಯವ ಕೊಚ್ಚಿಕೊಂಡ.</p>.<p>‘ವಿವಾದಗಳು ಲಾಭದಾಯಕವೇ ಆಗುತ್ತವೆ. ಆಪರೇಷನ್ ಸಿಂಧೂರ ಸಂಘರ್ಷದ ನಂತರ ನಮ್ಮ ಮೈಸೂರುಪಾಕ್ಗೂ ದೊಡ್ಡ ಮಟ್ಟದ ಪ್ರಚಾರ ಸಿಕ್ಕಿದೆಯಂತೆ’ ಎಂದಳು ಸುಮಿ.</p>.<p>‘ಹೌದು, ಕೆಲವು ಕಡೆ ಮೈಸೂರುಪಾಕ್ ಅನ್ನು ‘ಮೈಸೂರುಶ್ರೀ’ ಅಂತ ಹೆಸರು ಬದಲಾಯಿಸಿಕೊಂಡು ಚಪ್ಪರಿಸುತ್ತಿದ್ದಾರಂತೆ. ಹೇಗೋ ಮೈಸೂರು ಸೋಪು, ಮೈಸೂರುಪಾಕು ಪ್ರಸಿದ್ಧಿಯಾಗುತ್ತಿವೆಯಲ್ಲ’ ಎಂದು ಅಂಗಡಿಯವನು ಆನಂದಪಟ್ಟ.</p>.<p>ಮೈಸೂರು ಸ್ಯಾಂಡಲ್ ಸೋಪು ಖರೀದಿಸಿದ ಶಂಕ್ರಿ, ಸುಮಿ ಮೈಸೂರುಪಾಕ್ ಕೊಳ್ಳಲು ಹೊರಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
