<p>‘ನಿಮ್ಮ ಮನೇಲಿ ಹಳೇ ಪೇಪರ್ರು, ಹಳೆ ಕಬ್ಬಿಣ, ಹಳೆ ಪಾತ್ರೆ, ಸ್ಕ್ರ್ಯಾಪು ಇದ್ದರೆ ಬೈ–ಬ್ಯಾಕ್ ಸ್ಕೀಮಿನಲ್ಲಿ ಒಳ್ಳೆ ರೇಟಿದ್ದಾಗ ಮಾರಿಬುಡಿ ಸಾ’ ತುರೇಮಣೆಗೆ ಅಡ್ವೈಸು ಕೊಟ್ಟೆ.</p><p>‘ಬೊಡ್ಡಿಹೈದ್ನೆ ನೀನು ಹೇಳ್ತಿರದು ಮನೇಲಿರ ಹಳೆ ಸಾಮಾನು ಬಗ್ಗೆನೋ, ಇಲ್ಲ ರಾಜಕೀಯದ ಸ್ಕ್ರ್ಯಾಪುಗಳ ಬಗ್ಗೆನೋ?’ ನನಗೇ ವಾಪಸ್ ಪ್ರಶ್ನೆ ಹಾಕಿದರು. ನಾನು ಅರೀದ ಮುಕ್ಕನ ಥರ ಕೂಕಂದೆ.</p><p>‘ಬೈ–ಬ್ಯಾಕ್ ಅಂದ್ರೆ ಗೊತ್ಲಾ ನಿನಗೆ? ತನ್ನ ರಾಜಕೀಯ ವಿರೋಧೀನ ಅವನ ಬೆನ್ನ ಹಿಂದೆ ಕಂಡಾಬಟ್ಟೆ ಬಯ್ಯೋದನ್ನ ಬೈ–ಬ್ಯಾಕ್ ಅಂತರೆ. ಕಾಂಗ್ರೇಸು, ಬೀಜೆಪೀಲಿ ಅಧಿಕಾರ ಇಲ್ಲದ ಸಂಕಟಕ್ಕೆ ಬೈ-ಬ್ಯಾಕ್ ಸ್ಕ್ಯಾಮು ನಡೀತಾ ಅದೆ ಕಪ್ಪಾ’ ಅಂತ ವಿವರಿಸಿದರು.</p><p>‘ಯತ್ನಾಳಣ್ಣ–ಇಜಿಯಣ್ಣ, ರಾಮುಲಣ್ಣ–ರೆಡ್ಡಿಯಣ್ಣನ ಬೈ–ಬ್ಯಾಕ್ ಬೋದಾಟ ಯಾವ ಪ್ರಕಾರದಲ್ಲಿ ಬತ್ತದೆ?’ ಅಂತಂದೆ.</p><p>‘ಅದು ಬೋಗುಳ ಕಾಂಡದಲ್ಲಿ ಬರೋ ಮುಸುಡಿಯುದ್ಧದ ಜಗಳಗೀತೆ ಕಲಾ. ರಾಜಕಾರಣಿಗಳು ಆಗಾಗ ಇಂತೇ ಬೈ–ಬ್ಯಾಕ್ ಬೋಗುಳಗಳನ್ನ ಉದುರಿಸಿದ್ರೂ ‘ನಾನು ಹಂಗಂದೇ ಇಲ್ಲ ಕನ್ರಿ. ನನ್ನನ್ನ ಬೋದೋರಿಗೆ ಒಳ್ಳೇದಾಗಲಿ’ ಅಂತ ದಡ್ಡಸ್ತಿಕೆ ತೋರಿಸ್ತರೆ’ ಅಂದ್ರು.</p><p>‘ಸಾ... ರಾಜಕೀಯದ ಸ್ಕ್ರ್ಯಾಪು ಅಂತೇನೋ ಅಂದ್ರಿ’ ಅಂತ ವಿಷಯ ಬದಲಾಯಿಸಿದೆ.</p><p>‘ಯಾವುದೇ ಯವಸ್ಥೆಲಿ ಸ್ಕ್ರ್ಯಾಪುಗಳೇ ಜಾಸ್ತಿ ತುಂಬಿಕ್ಯಂದಾಗ ಅಭಿವೃದ್ಧಿಗೆ, ನ್ಯಾಯಕ್ಕೆ ತುಕ್ಕು ಹಿಡಿದು ಬ್ಯಾರೆ ಪಕ್ಸಕ್ಕೆ ಜಂಪುಗಾರಿಕೆ ಸುರುವಾತದೆ’ ಅಂತಂದ್ರು.</p><p>‘ಅದ್ಯಾಕೆ ಸಾ ಹಂಗೆ?’ ತುರೇಮಣೆಯನ್ನ ಕೇಳಿದೆ.</p><p>‘ಎಲ್ಲಾ ಪಕ್ಸಗಳ ರಾಜಕಾರಣಿಗಳಿಗೂ ಅಧಿಕಾರ ವ್ಯಾಧಿ ಅಮರಿಕ್ಯಂಡಿರತದೆ ಕನೋ. ಪಕ್ಸದಲ್ಲಿ ಅಧಿಕಾರ ಕೊಡದೇ ತಮ್ಮನ್ನ ತಾತ್ಸಾರ ಮಾಡ್ತಾವ್ರೆ ಅನ್ನಿಸಿದಾಗ ಬೈ–ಬ್ಯಾಕ್ ಜೊತೆಗೆ ಬಣರಾಜ್ಯೋತ್ಸವ ಸುರು ಮಾಡ್ತವೆ’ ಅಂತಂದ್ರು.</p><p>‘ಬಡಜನ ಮೈಕ್ರೊ ಫೈನಾನ್ಸ್ ಕಂಪನಿ ಬಡ್ಡಿ ಹೈಕ್ಳ ಕುಣಿಕೇಲಿ ಸಿಗಾಕ್ಕಂದು ಒಣರಾಜ್ಯೋತ್ಸವ<br>ಆಯ್ತಿರೋ ಶಾಪಾರಾಧನೆ ಇವುರ ಕಣ್ಣಿಗೆ ಕಾಣಕ್ಕೇ ಇಲ್ಲವೇನೋ?’ ಅಂತ ಶರಾ ಬರೆದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನಿಮ್ಮ ಮನೇಲಿ ಹಳೇ ಪೇಪರ್ರು, ಹಳೆ ಕಬ್ಬಿಣ, ಹಳೆ ಪಾತ್ರೆ, ಸ್ಕ್ರ್ಯಾಪು ಇದ್ದರೆ ಬೈ–ಬ್ಯಾಕ್ ಸ್ಕೀಮಿನಲ್ಲಿ ಒಳ್ಳೆ ರೇಟಿದ್ದಾಗ ಮಾರಿಬುಡಿ ಸಾ’ ತುರೇಮಣೆಗೆ ಅಡ್ವೈಸು ಕೊಟ್ಟೆ.</p><p>‘ಬೊಡ್ಡಿಹೈದ್ನೆ ನೀನು ಹೇಳ್ತಿರದು ಮನೇಲಿರ ಹಳೆ ಸಾಮಾನು ಬಗ್ಗೆನೋ, ಇಲ್ಲ ರಾಜಕೀಯದ ಸ್ಕ್ರ್ಯಾಪುಗಳ ಬಗ್ಗೆನೋ?’ ನನಗೇ ವಾಪಸ್ ಪ್ರಶ್ನೆ ಹಾಕಿದರು. ನಾನು ಅರೀದ ಮುಕ್ಕನ ಥರ ಕೂಕಂದೆ.</p><p>‘ಬೈ–ಬ್ಯಾಕ್ ಅಂದ್ರೆ ಗೊತ್ಲಾ ನಿನಗೆ? ತನ್ನ ರಾಜಕೀಯ ವಿರೋಧೀನ ಅವನ ಬೆನ್ನ ಹಿಂದೆ ಕಂಡಾಬಟ್ಟೆ ಬಯ್ಯೋದನ್ನ ಬೈ–ಬ್ಯಾಕ್ ಅಂತರೆ. ಕಾಂಗ್ರೇಸು, ಬೀಜೆಪೀಲಿ ಅಧಿಕಾರ ಇಲ್ಲದ ಸಂಕಟಕ್ಕೆ ಬೈ-ಬ್ಯಾಕ್ ಸ್ಕ್ಯಾಮು ನಡೀತಾ ಅದೆ ಕಪ್ಪಾ’ ಅಂತ ವಿವರಿಸಿದರು.</p><p>‘ಯತ್ನಾಳಣ್ಣ–ಇಜಿಯಣ್ಣ, ರಾಮುಲಣ್ಣ–ರೆಡ್ಡಿಯಣ್ಣನ ಬೈ–ಬ್ಯಾಕ್ ಬೋದಾಟ ಯಾವ ಪ್ರಕಾರದಲ್ಲಿ ಬತ್ತದೆ?’ ಅಂತಂದೆ.</p><p>‘ಅದು ಬೋಗುಳ ಕಾಂಡದಲ್ಲಿ ಬರೋ ಮುಸುಡಿಯುದ್ಧದ ಜಗಳಗೀತೆ ಕಲಾ. ರಾಜಕಾರಣಿಗಳು ಆಗಾಗ ಇಂತೇ ಬೈ–ಬ್ಯಾಕ್ ಬೋಗುಳಗಳನ್ನ ಉದುರಿಸಿದ್ರೂ ‘ನಾನು ಹಂಗಂದೇ ಇಲ್ಲ ಕನ್ರಿ. ನನ್ನನ್ನ ಬೋದೋರಿಗೆ ಒಳ್ಳೇದಾಗಲಿ’ ಅಂತ ದಡ್ಡಸ್ತಿಕೆ ತೋರಿಸ್ತರೆ’ ಅಂದ್ರು.</p><p>‘ಸಾ... ರಾಜಕೀಯದ ಸ್ಕ್ರ್ಯಾಪು ಅಂತೇನೋ ಅಂದ್ರಿ’ ಅಂತ ವಿಷಯ ಬದಲಾಯಿಸಿದೆ.</p><p>‘ಯಾವುದೇ ಯವಸ್ಥೆಲಿ ಸ್ಕ್ರ್ಯಾಪುಗಳೇ ಜಾಸ್ತಿ ತುಂಬಿಕ್ಯಂದಾಗ ಅಭಿವೃದ್ಧಿಗೆ, ನ್ಯಾಯಕ್ಕೆ ತುಕ್ಕು ಹಿಡಿದು ಬ್ಯಾರೆ ಪಕ್ಸಕ್ಕೆ ಜಂಪುಗಾರಿಕೆ ಸುರುವಾತದೆ’ ಅಂತಂದ್ರು.</p><p>‘ಅದ್ಯಾಕೆ ಸಾ ಹಂಗೆ?’ ತುರೇಮಣೆಯನ್ನ ಕೇಳಿದೆ.</p><p>‘ಎಲ್ಲಾ ಪಕ್ಸಗಳ ರಾಜಕಾರಣಿಗಳಿಗೂ ಅಧಿಕಾರ ವ್ಯಾಧಿ ಅಮರಿಕ್ಯಂಡಿರತದೆ ಕನೋ. ಪಕ್ಸದಲ್ಲಿ ಅಧಿಕಾರ ಕೊಡದೇ ತಮ್ಮನ್ನ ತಾತ್ಸಾರ ಮಾಡ್ತಾವ್ರೆ ಅನ್ನಿಸಿದಾಗ ಬೈ–ಬ್ಯಾಕ್ ಜೊತೆಗೆ ಬಣರಾಜ್ಯೋತ್ಸವ ಸುರು ಮಾಡ್ತವೆ’ ಅಂತಂದ್ರು.</p><p>‘ಬಡಜನ ಮೈಕ್ರೊ ಫೈನಾನ್ಸ್ ಕಂಪನಿ ಬಡ್ಡಿ ಹೈಕ್ಳ ಕುಣಿಕೇಲಿ ಸಿಗಾಕ್ಕಂದು ಒಣರಾಜ್ಯೋತ್ಸವ<br>ಆಯ್ತಿರೋ ಶಾಪಾರಾಧನೆ ಇವುರ ಕಣ್ಣಿಗೆ ಕಾಣಕ್ಕೇ ಇಲ್ಲವೇನೋ?’ ಅಂತ ಶರಾ ಬರೆದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
