ಸೋಮವಾರ, ಜೂನ್ 1, 2020
27 °C

50 ವರ್ಷಗಳ ಹಿಂದೆ | ಶನಿವಾರ, 18–4–1970

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚಂದ್ರಯಾತ್ರಿಗಳು ಸುರಕ್ಷಿತವಾಗಿ ಭೂಮಿಗೆ ವಾಪಸ್‌

ಐವೊಜಿಮಾ ನೌಕೆ, ಏ. 17– ಮೃತ್ಯುವನ್ನು ಬೆನ್ನಿಗೆ ಕಟ್ಟಿಕೊಂಡು ಬಾಹ್ಯಾಕಾಶದಲ್ಲಿ ನಾಲ್ಕು ಕಳವಳಕಾರಕ ದಿನಗಳನ್ನು ಕಳೆದ ಅಮೆರಿಕದ ಅಪೊಲೊ– 13ರ ಮೂವರು ಗಗನಯಾತ್ರಿಗಳು ಇಂದು ರಾತ್ರಿ ಭಾರತೀಯ ಕಾಲ 11.38 ಗಂಟೆಗೆ ಸುರಕ್ಷಿತವಾಗಿ ಭೂಮಿಗೆ ಹಿಂತಿರುಗಿದರು. ಅವರ ನೌಕೆ ಶಾಂತಿಸಾಗರದಲ್ಲಿ ನಿಶ್ಚಯಿಸಲಾಗಿದ್ದ ಸ್ಥಳದಲ್ಲಿ ನೇರವಾಗಿ ಇಳಿಯಿತು.

ಜೇಮ್ಸ್‌ ಲೊವೆಲ್‌, ಜಾನ್‌ ಸ್ವಿಗರ್ಟ್‌ ಮತ್ತು ಫ್ರೆಡ್‌ ಹೈಸ್‌ ಅವರಿದ್ದ ಮಾತೃನೌಕೆಯನ್ನು ಹೆಕ್ಕಿಕೊಳ್ಳಲು ಜೆಟ್‌ ಹೆಲಿಕಾಪ್ಟರ್‌ಗಳು ಶರವೇಗದಿಂದ ಸಾಗಿದವು. ದಣಿದ ಗಗನಯಾತ್ರಿಗಳನ್ನು ಕರೆದುಕೊಳ್ಳಲು ಕಾದಿದ್ದ ವಿಮಾನ ವಾಹಕ ನೌಕೆ ‘ಐವೊಜಿಮಾ’ ನಾಲ್ಕು ಮೈಲಿ ದೂರದಲ್ಲಿ ಕಾದಿತ್ತು.

ಹೊಸಪೇಟೆಗೆ ಉಕ್ಕು ಕಾರ್ಖಾನೆ

ನವದೆಹಲಿ, ಏ. 17– ಹೊಸಪೇಟೆಯಲ್ಲಿ ಉಕ್ಕು ಕಾರ್ಖಾನೆ ಸ್ಥಾಪಿಸುವ ನಿರ್ಧಾರವನ್ನು ಪ್ರಧಾನಿ ಶ್ರೀಮತಿ ಇಂದಿರಾ ಗಾಂಧಿ ಅವರು ಇಂದು ಪ್ರಕಟಿಸಿದರು.

ಇದರ ಜೊತೆಗೆ ವಿಶಾಖಪಟ್ಟಣ ಮತ್ತು ಸೇಲಂನಲ್ಲೂ ಮತ್ತೆರಡು ಉಕ್ಕು ಕಾರ್ಖಾನೆಗಳನ್ನು ಸ್ಥಾಪಿಸಲಾಗುವುದು. ಈ ಕಾರ್ಖಾನೆ
ಗಳಿಗಾಗಿ 110 ಕೋಟಿ ರೂ.ಗಳ ಅವಕಾಶ ಮಾಡಿರುವುದಾಗಿಯೂ ಹೇಳಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.