ಮಂಗಳವಾರ, ಸೆಪ್ಟೆಂಬರ್ 22, 2020
25 °C

50 ವರ್ಷಗಳ ಹಿಂದೆ | ಶುಕ್ರವಾರ 7/8/1970

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಭಾರತದ ಪ್ರದೇಶ ಚೀನಾಕ್ಕೆ
ರಷ್ಯದ ತಪ್ಪು ಭೂಪಟ: ರಾಜ್ಯಸಭೆಯಲ್ಲಿ ಗಲಭೆ, ಗೊಂದಲ, ಸಭ್ಯಾತ್ಯಾಗ

ನವದೆಹಲಿ, ಆ.6– ರಷ್ಯ, ತನ್ನ ಭೂಪಟಗಳಲ್ಲಿ ಭಾರತದ ಬಹು ಭಾಗಗಳನ್ನು ಚೀನಾಕ್ಕೆ ಸೇರಿದೆಯೆಂದು ತೋರಿಸಿ ನಡೆಸಿರುವ ‘ಭೂಪಟಾಕ್ರಮಣ’ವನ್ನು ತಡೆಗಟ್ಟುವುದರಲ್ಲಿ ಸರ್ಕಾರ ವಿಫಲವಾಗಿರುವುದರ ವಿರುದ್ಧ ಇಂದು ರಾಜ್ಯಸಭೆಯಲ್ಲಿ ಕೋಲಾಹಲ ಉಂಟಾಗಿ ಸಂಸ್ಥಾ ಕಾಂಗ್ರೆಸ್‌, ಸ್ವತಂತ್ರ ಮತ್ತು ಜನಸಂಘ ಸದಸ್ಯರು ಸಭಾತ್ಯಾಗ ಮಾಡಿದರು.

ಇಂಥ ಭೂಪಟಗಳನ್ನು ರಷ್ಯವು ಕಳೆದ ಹದಿನಾಲ್ಕು ವರ್ಷಗಳಿಂದ ಮುದ್ರಿಸುತ್ತಿದೆಯೆಂದೂ, ಅದನ್ನು ರಷ್ಯವು ಸರಿಪಡಿಸುವಂತೆ ಮಾಡುವುದರಲ್ಲಿ ಭಾರತದ ಸರ್ಕಾರ ವಿಫಲವಾಗಿದೆಯೆಂದೂ ಅವರು ಆಪಾದಿಸಿದರು.

ಹೆಚ್ಚುತ್ತಿರುವ ನಿರುದ್ಯೋಗ ಸಮಸ್ಯೆ: ಲೋಕಸಭೆ ಸದಸ್ಯರ ಅಸಮಾಧಾನ

ನವದೆಹಲಿ, ಆ.6– ರಾಷ್ಟ್ರದಲ್ಲಿ ಹೆಚ್ಚುತ್ತಿರುವ ನಿರುದ್ಯೋಗ ಸಮಸ್ಯೆ ಬಗ್ಗೆ ಲೋಕಸಭೆ ಇಂದು ನಲವತ್ತು ನಿಮಿಷಗಳ ಚರ್ಚೆ ನಡೆಸಿದಾಗ ಗೊಂದಲಮಯ ವಾತಾವರಣ ಉಂಟಾಯಿತು.

ಯೋಜನಾ ಆಯೋಗದ ಜತೆ ಸಮಾಲೋಚಿಸಿ ಸಂಪುಟ ಕಾರ್ಯಾಲಯದ ಉದ್ಯೋಗ ಕಮಿಷನರ್‌ ಉದ್ಯೋಗ ಕಲ್ಪಿಸುವಂತಹ ಯೋಜನೆಗಳನ್ನು ರೂಪಿಸುತ್ತಿರುವರೆಂದು ಪ್ರಶ್ನೋತ್ತರ ವೇಳೆಯಲ್ಲಿ ಕಾರ್ಮಿಕ ಸಚಿವ ಡಿ. ಸಂಜೀವಯ್ಯನವರಿತ್ತ ಉತ್ತರ ಸದಸ್ಯರಿಗೆ ಸಮಾಧಾನ ತರಲಿಲ್ಲ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು