ಮಂಗಳವಾರ, ಮೇ 18, 2021
30 °C

50 ವರ್ಷಗಳ ಹಿಂದೆ: ಸೋಮವಾರ 29.3.1971

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹಂಗಾಮಿ ಬಾಂಗ್ಲಾದೇಶ ಸರ್ಕಾರ ರಚನೆ; ಢಾಕಾ ಕಡೆಗೆ ದಂಡಯಾತ್ರೆ

ಕಲ್ಕತ್ತ, ಮಾರ್ಚ್ 28– ಹಂಗಾಮಿ ಬಾಂಗ್ಲಾ ದೇಶ್‌ ಸರ್ಕಾರವನ್ನು ರಚಿಸಲಾಗಿದೆಯೆಂದು ಸ್ವತಂತ್ರ ಬಾಂಗ್ಲಾ ರೇಡಿಯೊ ಇಂದು ಪ್ರಕಟಿಸಿ ತನ್ನ ವಿಮೋಚನಾ ಸೇನೆಯು ಚಿತ್ತಗಾಂಗಿನಿಂದ ಢಾಕಾಗೆ ದಂಡಯಾತ್ರೆ ಹೊರಟಿದೆಯೆಂದು ತಿಳಿಸಿತು.

ಹೊಸ ಸರ್ಕಾರಕ್ಕೆ ಕೂಡಲೇ ಮಾನ್ಯತೆ ನೀಡಬೇಕೆಂದು ವಿಶ್ವದ ಎಲ್ಲ ಸ್ವತಂತ್ರ ರಾಷ್ಟ್ರಗಳಿಗೆ ಅದರಲ್ಲೂ ನೆರೆರಾಷ್ಟ್ರಗಳಿಗೆ ರೇಡಿಯೊ ಮನವಿ ಮಾಡಿಕೊಂಡಿದೆ.

ಚಿತ್ತಗಾಂಗ್‌ನಲ್ಲಿರುವ ತಮ್ಮ  ಕ್ರಾಂತಿಕಾರಿ ಪ್ರಧಾನ ನೆಲೆಯಿಂದ ವಿಮೋಚನೆ ಸಮರವನ್ನು ನಿರ್ದೇಶಿಸು ತ್ತಿರುವ ‘ಬಾಂಗ್ಲಾ ಬಂಧು’ ಶೇಖ್ ಮುಜೀಬುರ್ ರಹಮಾನ್‌ರವರು ಸರ್ಕಾರಕ್ಕೆ ಮಾರ್ಗದರ್ಶನ ನೀಡುವರೆಂದೂ ರೇಡಿಯೊ ಹೇಳಿದೆ.

‘ಮನ ಒಲಿಸುವ ಶಾಸ್ತ್ರ’ ಸಾಹಿತ್ಯ ಕಿರುಕುಳ ಆಗಬಾರದು: ಬೇಂದ್ರೆ

ಬೆಂಗಳೂರು, ಮಾರ್ಚ್ 28– ಸಾಹಿತ್ಯವನ್ನು ‘ಮನ ಒಲಿಸುವ ಶಾಸ್ತ್ರ’ ಎಂದು ಇಂದು ಇಲ್ಲಿ ಕರೆದ ಕವಿ ದತ್ತಾತ್ರೇಯ ರಾಮಚಂದ್ರ ಬೇಂದ್ರೆಯವರು ‘ಸಾಹಿತ್ಯವು ಕಿರುಕುಳ ಆಗಬಾರದು’ ಎಂದರು.

ಸಹಕಾರ, ಸಹಭಾವವಿಲ್ಲದವನಿಗೆ ಸಾಹಿತ್ಯವಿಲ್ಲವೆಂದ ಅವರು, ‘ಸಾಹಿತ್ಯದಲ್ಲಿ ಬಹಿಷ್ಕಾರದ ಮಾತಿಲ್ಲ. ಸಾಹಿತ್ಯದಲ್ಲಿ ಸ್ಪರ್ಶಜನ್ಯ ರೋಗ ಸಲ್ಲದು’ ಎಂದರು.

ಬೆಂಗಳೂರು ವಿಶ್ವವಿದ್ಯಾನಿಲಯದ ಕನ್ನಡ ವಿಭಾಗದ ಆಶ್ರಯದಲ್ಲಿ ‘ಹೊಸಗನ್ನಡ ಕಾವ್ಯದ ಎರಡು ಮಾರ್ಗಗಳು’ ಕುರಿತ ಮೂರು ದಿನಗಳ ವಿಚಾರ ಸಂಕಿರಣವನ್ನು ಉದ್ಘಾಟಿಸಿದ ಬೇಂದ್ರೆಯವರು, ‘ಸಾಂಕೇತಿಕ ಸಾಹಿತ್ಯದಲ್ಲಿ ಸಹನೆ ಅಭ್ಯಾಸ ಮಾಡದಿದ್ದರೆ ಜೀವನದಲ್ಲಿ ಸಹನೆ ಹೇಗೆ ಬರುತ್ತೆ?’ ಎಂದು ಕೇಳಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು