ಕೆಟ್ಟ ಅಭಿರುಚಿಯ ಸಿನಿಮಾ ಗೀತೆಗಳ ಕುರಿತು ಸಾಹಿತಿ ಡಾ. ದೊಡ್ಡರಂಗೇಗೌಡ ಅವರು ಬರೆದಿರುವ ಲೇಖನ (ಸಂಗತ, ಮೇ 28) ತುಂಬ ಅರ್ಥಪೂರ್ಣವೂ ಔಚಿತ್ಯಪೂರ್ಣವೂ ಆಗಿದೆ. ನಮ್ಮ ಸಾಂಸ್ಕೃತಿಕ ರಾಯಭಾರಿಗಳೂ ಅಭಿರುಚಿಯ ನಿರ್ಮಾತೃಗಳೂ ಆಗಿರುವ ಗೀತ ರಚನಕಾರರು ತಮ್ಮ ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಜವಾಬ್ದಾರಿಯನ್ನು ಅರಿತು ಉತ್ತಮ ಗೀತೆಗಳನ್ನು ರಚಿಸುವುದು ತುಂಬ ಅಗತ್ಯ. ಆದರೆ ಈಗ ಬರುತ್ತಿರುವ ಸಿನಿಮಾ ಗೀತೆಗಳು ಪ್ರಚೋದನಕಾರಿಯೂ ಹಿಂಸೆಯನ್ನು ವೈಭವೀಕರಿಸುವಂತೆಯೂ ಇದ್ದು, ಯುವಜನರ ಮೇಲೆ ದುಷ್ಪರಿಣಾಮವನ್ನು ಉಂಟು ಮಾಡುತ್ತವೆ.
