ಕಾಯ್ದೆ ಇನ್ನಷ್ಟು ಬಿಗಿಯಾಗಲಿ

ಪಕ್ಷಾಂತರ ನಿಷೇಧ ಕಾಯ್ದೆಯನ್ನು ಇನ್ನೂ ಬಿಗಿಯಾಗಿಸಬೇಕಾಗಿದೆ. ಒಂದು ಪಕ್ಷದ ಬಿ ಫಾರಂ ಪಡೆದು ಆಯ್ಕೆಯಾಗುವ ಶಾಸಕ, ಕೊನೇಪಕ್ಷ ಆ ಅವಧಿ ಪೂರ್ಣಗೊಳ್ಳುವವರೆಗಾದರೂ ಅದೇ ಪಕ್ಷದಲ್ಲಿ ಇರಬೇಕು. ರಾಜೀನಾಮೆ ನೀಡಲೇಬೇಕಾದ ಸ್ಥಿತಿ ಇದ್ದರೆ, ಅದಕ್ಕೆ ಅವಕಾಶ ನೀಡಬಹುದಾದರೂ ಬೇರೆ ಪಕ್ಷಕ್ಕೆ ಸೇರಲು ಅವಕಾಶ ಇರಬಾರದು. ಇಂತಹ ಮೂಗುದಾರ ಹಾಕದೇ ಇದ್ದರೆ ಪ್ರಜಾಪ್ರಭುತ್ವಕ್ಕೆ ಅರ್ಥವೇ ಇರುವುದಿಲ್ಲ.

-ವಿ.ಎನ್‌. ಶ್ರೀನಿವಾಸಮೂರ್ತಿ,ಬೆಂಗಳೂರು