ಅಸ್ತಿತ್ವದ ಅಂಜಿಕೆ

ಕೆಲಸದ ಒತ್ತಡ ಹಾಗೂ ಮಾನಸಿಕ ವೇದನೆಯಿಂದ ಈ ಅಮೂಲ್ಯ ಜೀವಗಳು ಬಲಿಯಾದ ಸುದ್ದಿ ಓದಿದಾಗ, ಈ ಹಿಂದೆ 1960ರ ದಶಕದಲ್ಲಿ ನಾನು ಬೆಳಗಾವಿ ಜಿಲ್ಲೆಯ ಸವದತ್ತಿ ತಾಲ್ಲೂಕಿನಲ್ಲಿ ಪಂಚಾಯಿತಿ ಚುನಾವಣೆಗಳ ಮತಪತ್ರಗಳನ್ನು ಎಣಿಸಿದ ಸಂದರ್ಭ ನೆನಪಾಯಿತು.

ಆಗ ಚುನಾವಣಾ ಏಜೆಂಟರ ತಕರಾರಿನಿಂದಾಗಿ, ಮತ್ತೆ ಮತ್ತೆ ಮತ ಪತ್ರಗಳನ್ನು ಎಣಿಸುತ್ತ, ಎರಡು ಹಗಲು, ಎರಡು ರಾತ್ರಿ ತಹಶೀಲ್ದಾರರ ಕಚೇರಿಯಲ್ಲಿಯೇ ಕಳೆದು ನೌಕರಿ ಉಳಿಸಿಕೊಳ್ಳಬೇಕಾದ ಪ್ರಸಂಗ ಒದಗಿತ್ತು. ಜೀವನೋಪಾಯದ ನೌಕರಿಗಾಗಿ ಇಂಡೊನೇಷ್ಯಾದ ಚುನಾವಣಾ ಸಿಬ್ಬಂದಿ ಜೀವವನ್ನೇ ಬಲಿ ಕೊಡಬೇಕಾದುದು ದುರ್ದೈವ.
-ಬಸವರಾಜ ಡಿ. ಕುಡಚಿ,ಬೆಳಗಾವಿ