₹1 ಕೋಟಿ ಕಾರು ಖರೀದಿಸಿದ ಬಾಲಕಿ!

ಜನ್ಮದಿನ ಬಂತೆಂದರೆ ಸಾಕು, ಮಕ್ಕಳೆಲ್ಲಾ ಅಪ್ಪ–ಅಮ್ಮನನ್ನು ಕಾಡಿಸಿ ತಮಗಿಷ್ಟವಾದ ಉಡುಗೊರೆಗಳನ್ನು ಪಡೆದುಕೊಳ್ಳುತ್ತಾರೆ. ಆದರೆ ಥಾಯ್ಲೆಂಡ್ನ ನಾಟ್ಹಾನಸ್ ಎಂಬ ಬಾಲಕಿ ಮಾತ್ರ ತನ್ನ ಜನುಮ ದಿನಕ್ಕೆ ತಾನೇ ₹1 ಕೋಟಿ ಮೌಲ್ಯದ ಬಿಎಂಡಬ್ಲ್ಯೂ ಕಾರು ಖರೀದಿಸಿ ವಿಶ್ವದ ಗಮನ ಸೆಳೆದಿದ್ದಾಳೆ. ಪುಟ್ಟ ಬಾಲಕಿ ಕೋಟಿ ರೂಪಾಯಿ ಸಂಪಾದಿಸಿದ್ದು ಹೇಗೆ ಎಂಬ ಆಲೋಚನೆ ಮೂಡುವುದು ಸಹಜ. ಈ ಕುತೂಹಲ ತಣಿಸುವ ಮಾಹಿತಿ ಇಲ್ಲಿದೆ.

. ಏಳು ವರ್ಷ ತುಂಬುವ ಹೊತ್ತಿಗೆನಾಟ್ಹಾನಸ್ ಮೇಕಪ್ ಮಾಡುವುದನ್ನು ಆಟವಾಗಿ ಭಾವಿಸಿ, ತಾಯಿಯ ಮುಖಕ್ಕೆ ಬಣ್ಣ ಬಳಿಯುತ್ತಿದ್ದಳು. ಹುಡುಗಾಟಕ್ಕೆ ಆರಂಭಿಸಿದ ಈ ಪ್ರವೃತ್ತಿ ಬಾಲಕಿಯ ಜೀವನವನ್ನೇ ಬದಲಿಸಿತು. ತಾಯಿ ಅಂದ ಹೆಚ್ಚಿಸಿದ ಅವಳ ಕೈಚಳಕ ಕಂಡು ಬಂಧು–ಮಿತ್ರರಿಗೆಲ್ಲಾ ಅಚ್ಚರಿಯಾಯಿತು. ಅವಳ ಈ ಕೆಲಸಕ್ಕೆ ಹಲವರಿಂದ ಮೆಚ್ಚುಗೆ ಮಾತುಗಳು ವ್ಯಕ್ತವಾದವು.

. ಈ ಮಾತುಗಳಿಂದಾಗಿ ಹೋದಲ್ಲಿ, ಬಂದಲೆಲ್ಲಾ ಮೇಕಪ್ ಮಾಡುವಂತೆ ಕೇಳಿಕೊಳ್ಳುವವರ ಸಂಖ್ಯೆ ಹೆಚ್ಚಾಗತೊಡಗಿತು. ಮದುವೆ, ಸಮಾರಂಭಗಳಿಗೆ ಹೋದಾಗಲೆಲ್ಲಾ ತಿಳಿದವರು ಆ ಬಾಲಕಿಯಿಂದ ಮೇಕಪ್ ಮಾಡಿಸಿಕೊಳ್ಳುತ್ತಿದ್ದರು. ಇದರಿಂದ ಮತ್ತಷ್ಟು ಪ್ರಾವಿಣ್ಯತೆ ಸಾಧಿಸುತ್ತಾ ಹೋದಳು. ಹಲವು ಕೋರ್ಸ್ಗಳನ್ನು ಪೂರೈಸಿದಳು. ತನ್ನ ನೈಪುಣ್ಯದ ಮೂಲಕ ಜನರ ಅಂದ ಹೆಚ್ಚಿಸುವ ಕಲೆ ಕರಗತವಾಯಿತು.

. ನಿತ್ಯ ಹೊಸ ವಿಧಾನವನ್ನು ಕಂಡುಕೊಳ್ಳುತ್ತಿದ್ದಳು. ಹೊಸ ತಂತ್ರಗಳನ್ನು ಪಾಲಿಸುತ್ತಿದ್ದಳು. ಇದರಿಂದ ಈ ಬಾಲಕಿಯ ಬಗ್ಗೆ ಊರಿಗೆಲ್ಲಾ ಮಾಹಿತಿ ತಿಳಿಯಿತು. ಇದರಿಂದ ಪ್ರೇರಣೆ ಪಡೆದು, ಯೂಟ್ಯೂಬ್ ಚಾನೆಲ್ ಆರಂಭಿಸಿ. ಆನ್ಲೈನ್ನಲ್ಲಿ ಮೇಕಪ್ ಮಾಡುವ ಪಾಠಗಳನ್ನು ಶುರು ಮಾಡಿದಳು.

. ಅತಿಕಡಿಮೆ ಸಮಯದಲ್ಲೇ ಚಾನೆಲ್ನ ವೀಕ್ಷಕರ ಸಂಖ್ಯೆ ಹೆಚ್ಚಾಯಿತು. ಲೈಕ್ಗಳು, ಷೇರ್ಗಳು ಹೆಚ್ಚಾಗತೊಡಗಿದವು. ಇದೇ ಪ್ರೇರಣೆ ಪಡೆದು ಫೇಸ್ಬುಕ್ ಪುಟವನ್ನೂ ತೆರೆದಳು. ಪ್ರಸ್ತುತ ಸುಮಾರು 8.5 ಲಕ್ಷ ಮಂದಿ ಈ ಪುಟವನ್ನು ಅನುಸರಿಸುತ್ತಿದ್ದಾರೆ.

. ಈಗ ಆ ಬಾಲಕಿ ವಿಶ್ವದ ಖ್ಯಾತ ಮೇಕಪ್ ಆರ್ಟಿಸ್ಟ್ ಆಗಿದ್ದಾಳೆ. ಖ್ಯಾತನಾಮರ ಮುಖಕ್ಕೆ ಬಣ್ಣ ಬಳಿಯುವ ಕೆಲಸದಲ್ಲಿ ನಿರತಳಾಗಿದ್ದಾಳೆ. ಹಲವು ಅಂತರರಾಷ್ಟ್ರೀಯ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದಾಳೆ.

. 2018ರಲ್ಲಿ ಲಂಡನ್ನಲ್ಲಿ ನಡೆದ ಫ್ಯಾಷನ್ ವೀಕ್–2018 ಸ್ಪರ್ಧೆಯಲ್ಲಿ ಭಾಗವಹಿಸಿದ ಅತಿ ಕಿರಿಯಳಾಗಿ ದಾಖಲೆಯನ್ನೂ ನಿರ್ಮಿಸಿದ್ದಾಳೆ.

. ವಯಸ್ಸಿಗೆ ಮೀರಿದ ಪ್ರತಿಭೆ, ಅದಕ್ಕೂ ಮೀರಿದ ಹೆಸರು ಸಂಪಾದನೆ ಮಾಡಿದ್ದರಿಂದಾಗಿ, ಹಣ ಸಂಪಾದಿಸುವ ಹಲವು ದಾರಿಗಳು ಆ ಬಾಲಕಿಯನ್ನು ಕೈ ಬೀಸಿ ಕರೆಯುತ್ತಿವೆ. ಹೀಗಾಗಿಯೇ ಈಚೆಗಷ್ಟೇ ನಡೆದ ತನ್ನ ಜನುಮದಿನಕ್ಕೆ ಐಷರಾಮಿ ಕಾರು ಖರೀದಿಸಿದ್ದಾಳೆ.

. ‘ಹ್ಯಾಪಿ ಬರ್ತ್ಡೇ ಟು ಮಿ’ ಎಂಬ ಸಂದೇಶ ಬರೆದುಕೊಂಡು ಖರೀದಿಸಿದ ಕಾರಿನ ಜೊತೆಗೆ ತೆಗೆಸಿಕೊಂಡ ಫೋಟೊವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡು ಹಲವರ ಗಮನ ಸೆಳೆದಳು.

. ಥಾಯ್ಲೆಂಡ್ ಕಾನೂನಿನ ಪ್ರಕಾರ 18 ವರ್ಷದೊಳಗಿನ ಮಕ್ಕಳು ನಾಲ್ಕುಚಕ್ರದ ವಾಹನಗಳನ್ನು ಓಡಿಸುವುದಕ್ಕೆ ಅವಕಾಶವಿಲ್ಲ. ಆದರೇನಂತೆ ‘ಈ ಕಾರನ್ನು ಅಪ್ಪ–ಅಮ್ಮನಿಗೆ ನೀಡುತ್ತೇನೆ. ದೊಡ್ಡವಳಾದ ಮೇಲೆ ಸ್ಟೇರಿಂಗ್ ಹಿಡಿಯುತ್ತೇನೆ’ ಎಂದು ಹೇಳುತ್ತಾಳೆ.

. ಹಲವು ಸಾಧನೆಗಳನ್ನು ಮಾಡಿರುವ ಈ ಬಾಲಕಿಯ ವಯಸ್ಸು ಇನ್ನೂ 12!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

₹1 ಕೋಟಿ ಕಾರು ಖರೀದಿಸಿದ ಬಾಲಕಿ!

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ