<p>`ಚಾಲಕರೇ ದೇಶದ ಬೆನ್ನೆಲುಬು. ಆದರೆ ಭಾರತದಲ್ಲಿ ಚಾಲಕವರ್ಗವನ್ನು ಅತ್ಯಂತ ಕೆಳಮಟ್ಟದಲ್ಲಿ ನೋಡಲಾಗುತ್ತಿದೆ. ಇದನ್ನು ಬದಲಾಯಿಸಲೆಂದೇ ನಾವು ಭಾರತಕ್ಕೆ ಬಂದಿದ್ದೇವೆ. ಬಂದಿರುವುದು ಕೇವಲ ಐದು ಅಥವಾ ಐವತ್ತು ವರ್ಷಕ್ಕಲ್ಲ. <br /> <br /> ಇಲ್ಲಿಯೇ ನೆಲೆ ನಿಂತು ಭಾರತದ ಭಾಗವಾಗಿ ಮೋಟಾರು ಸಾರಿಗೆ ಕ್ಷೇತ್ರದಲ್ಲಿ ಹೊಸ ಅಧ್ಯಾಯ ಬರೆಯುವುದೇ ನಮ್ಮ ಧ್ಯೇಯ~ ಹೀಗೆಂದು ಡಾಮಿಲೆರ್ ಇಂಡಿಯಾ ಕಮರ್ಷಿಯಲ್ ವೆಹಿಲಕ್ಸ್ (ಡಿಐಸಿವಿ) ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಮಾರ್ಕ್ ಲಿಸ್ಟೊಸೆಲ್ಲಾ ಅವರು ಅತ್ಯಂತ ವೀರಾವೇಶದಿಂದ ಮಾತನಾಡಿದ್ದರು.<br /> <br /> ಗೊಟ್ಲಿಬ್ ಡಾಮಿಲೆರ್ ಹಾಗೂ ಕಾರ್ಲ್ ಬೆಂಜ್ ಎಂಬ ಇಬ್ಬರು ಗೆಳೆಯರು 1896ರಲ್ಲಿ ಎಂಜಿನ್ ಮೇಲೊಂದು ಕ್ಯಾಬ್ ಕೂರಿಸಿ ಅದಕ್ಕೊಂದು ಟ್ರಕ್ ಅಳವಡಿಸಿ ಜಗತ್ತಿನ ಮೊದಲ ಮೋಟಾರು ಚಾಲಿತ ಟ್ರಕ್ ನಿರ್ಮಿಸಿದರು. ಅಂದು ನಡೆದ ಆ ಆವಿಷ್ಕಾರವೇ ಇಂದು ಜಗತ್ತಿನಲ್ಲೇ ಐಷಾರಾಮಿ ವಾಹನ ಎಂದೇ ಪ್ರಖ್ಯಾತಿ ಪಡೆದಿರುವ ಮರ್ಸಿಡೀಸ್ ಬೆಂಜ್ ಆಗಿದೆ. ಟ್ರಕ್, ಬಸ್, ಕಾರು ಹೀಗೆ ಮೋಟಾರು ಚಾಲಿತ ವಾಹನಗಳ ತಯಾರಿಕೆಯಲ್ಲಿ ಈ ಜೋಡಿ ನಿರ್ಮಿಸಿದ ಕಂಪೆನಿಯು ಸದಾ ಮುಂಚೂಣಿಯಲ್ಲಿದೆ.<br /> <br /> ಹೀಗಾಗಿಯೇ `ಟ್ರಕ್ನ ಅನ್ವೇಷಕರಿಂದ ಈಗ ಭಾರತಕ್ಕಾಗಿ ಮತ್ತೊಮ್ಮೆ ಅನ್ವೇಷಣೆ~ ಎಂಬ ಘೋಷವಾಕ್ಯದೊಂದಿಗೆ `ಭಾರತ್ ಬೆಂಜ್~ ಆಗಿ ಈ ಕಂಪೆನಿ ಭಾರತಕ್ಕೆ ಕಾಲಿಟ್ಟಿದೆ.<br /> ಚೆನ್ನೈ ಬಳಿಯ ಊರ್ಗಡಂನ 160 ಹೆಕ್ಟೇರ್ ಪ್ರದೇಶದಲ್ಲಿ 4,400 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಿಸಿರುವ ಡಿಐಸಿವಿ ಬೃಹತ್ ವಾಹನ ತಯಾರಿಕಾ ಘಟಕದಲ್ಲಿ 9ರಿಂದ 49 ಟನ್ ಸಾಮರ್ಥ್ಯದ ಒಟ್ಟು 20 ಟ್ರಕ್ಗಳು ತಯಾರಾಗುತ್ತವೆ.<br /> <br /> ಶೇ. 85ರಷ್ಟು ಸ್ಥಳೀಯ ಸಂಪನ್ಮೂಲ ಬಳಸಿಕೊಂಡು ಭಾರತ್ ಬೆಂಜ್ ಟ್ರಕ್ಗಳು ನಿರ್ಮಾಣವಾಗುತ್ತಿವೆ. ಭಾರತದ ವಿವಿಧ ಮಾದರಿಯ ರಸ್ತೆ (ಕಚ್ಚಾ, ಗುಂಡಿ, ಹಳ್ಳ-ದಿಣ್ಣೆ, ಗಣಿ ಪ್ರದೇಶ, ಜೌಗುಪ್ರದೇಶ)ಗಳನ್ನೇ ಹೋಲುವಂಥ ಟ್ರಾಕ್ ನಿರ್ಮಿಸಲಾಗಿದೆ. ದಿನದ 24 ಗಂಟೆಯೂ ಇಲ್ಲಿ ವಾಹನಗಳನ್ನು ಪರೀಕ್ಷಿಸುವುದಕ್ಕಾಗಿ ಓಡಿಸಲಾಗುತ್ತದೆ.<br /> <br /> ಇಂದಿನ ಅಗತ್ಯಗಳಿಗೆ ತಕ್ಕಂತೆ ಕಡಿಮೆ ತೂಕ ಸಾಮರ್ಥ್ಯದ ಎಲ್ಡಿಟಿ ಟ್ರಕ್ಗಳನ್ನು ಬೆಂಜ್ ಇತ್ತೀಚೆಗಷ್ಟೇ ತನ್ನದಾಗಿಸಿಕೊಂಡ ಮಿಟ್ಸುಬಿಷಿ ಫುಸೊ ಕ್ಯಾಂಟರ್ನಿಂದ ಪ್ರೇರಿತವಾಗಿದೆ. ನಾಲ್ಕು ಸಿಲಿಂಡರ್ ಎಂಜಿನ್ ಹೊಂದಿರುವ ಈ ಟ್ರಕ್ಗಳು 140 ಹಾಗೂ 175 ಅಶ್ವಶಕ್ತಿಯಲ್ಲಿ ಲಭ್ಯ. 9 ಹಾಗೂ 12 ಟನ್ ಸಾಮರ್ಥ್ಯದ ರಿಜಿಡ್ ಹಾಗೂ ನಿರ್ಮಾಣ ಕಾಮಗಾರಿ ಟ್ರಕ್ಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಇನ್ನು ಎಚ್ಡಿಟಿ ಭಾರಿ ಟ್ರಕ್ಗಳು ಮರ್ಸಿಡೀಸ್-ಬೆಂಜ್ ಆಕ್ಸಾರ್ ಎಂಬ ಟ್ರಕ್ನಿಂದ ಪ್ರೇರೇಪಣೆಗೊಂಡಿದೆ. <br /> <br /> ಆರು ಸಿಲೆಂಡರ್ ಎಂಜಿನ್ ಸಾಮರ್ಥ್ಯದ ಈ ಟ್ರಕ್ಗಳಲ್ಲಿ 231 ಹಾಗೂ 279 ಅಶ್ವಶಕ್ತಿಯಲ್ಲಿ ಲಭ್ಯ. 25, 31, 49 ಟನ್ ಸಾಮರ್ಥ್ಯದಲ್ಲಿ ಲಭ್ಯವಿರುವ ಈ ಟ್ರಕ್ಗಳನ್ನು ರಿಜಿಡ್ ಅಥವಾ ನಿರ್ಮಾಣ ಕಾಮಗಾರಿಗೆ ಬಳಸಬಹುದಾಗಿದೆ. ಎರಡೂ ಟ್ರಕ್ಗಳಲ್ಲಿ ಕಾಮನ್ ರೈಲ್ ಡೈರೆಕ್ಟ್ ಇಂಜೆಕ್ಷನ್ ವ್ಯವಸ್ಥೆ ಅಳವಡಿಸಿರುವುದರಿಂದ ಇಂಧನ ಮಿತವ್ಯಯ ಸಾಧ್ಯ<br /> <br /> <strong>ಚಾಲಕರ ಹಿತ ಕಾಪಾಡುವ ಬೆಂಜ್</strong><br /> ವಾರಗಟ್ಟಲೆ ಟ್ರಕ್ನಲ್ಲೇ ಕಳೆಯುವ ಚಾಲಕನ ದಣಿವಾರಿಸಲು ಹವಾನಿಯಂತ್ರಿತ ಕ್ಯಾಬಿನ್ಗಳು, ಚಾಲಕನ ಅನುಕೂಲಕ್ಕೆ ತಕ್ಕಂತೆ ಹಿಂದೆ-ಮುಂದೆ ಹಾಗೂ ಮೇಲೆ-ಕೆಳಗೆ ಮಾಡಬಲ್ಲ ಸ್ಟೇರಿಂಗ್ ಹಾಗೂ ಆಸನ. <br /> <br /> ಲಾರಿಯ ದಾಖಲಾತಿ, ಟೋಲ್ಗೇಟ್ನ ಚೀಟಿಗಳು, ಪರವಾನಗಿ ಇತ್ಯಾದಿಗಳನ್ನು ಸುರಕ್ಷಿತವಾಗಿಡಲು ಟ್ರೇಗಳು, ಚಾಲಕನ ಬಟ್ಟೆಗಳನ್ನು ನೇತು ಹಾಕಲು ಹ್ಯಾಂಗರ್ ಇತ್ಯಾದಿ ಪ್ರತಿಯೊಂದು ಚಿಕ್ಕ ಪುಟ್ಟ ಅಗತ್ಯಗಳನ್ನೂ ಚಾಲಕ ಅಭಿಪ್ರಾಯ ಸಂಗ್ರಹಿಸಿ ಗುರುತಿಸಿ ಟ್ರಕ್ಗಳಲ್ಲಿ ಅಳವಡಿಸಲಾಗಿದೆ. <br /> <br /> ಮಾಲೀಕನ ಜೇಬನ್ನು ಕಾಪಾಡಲು ಟ್ರಕ್ಗಳಲ್ಲಿ ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಅಳವಡಿಸಲಾಗಿದೆ. ಇದು ಎಂಜಿನ್ಗೆ ಪೂರೈಕೆಯಾಗುವ ಡೀಸಲ್ನ ಪ್ರಮಾಣವನ್ನು ನಿರ್ಧರಿಸುತ್ತದೆ. ಇದರಿಂದ ಇಂಧನ ಅಪವ್ಯಯವಾಗದು. ಜತಗೆ ಟ್ರಕ್ನಲ್ಲಿ ಅಳವಡಿಸಿರುವ ಮತ್ತೊಂದು ಎಲೆಕ್ಟ್ರಾನಿಕ್ ಉಪಕರಣದ ಮೂಲಕ ಮಾಲೀಕ ತನ್ನ ಟ್ರಕ್ಗೆ ಫೋನಾಯಿಸಿ ಚಾಲಕನೊಂದಿಗೆ ಮಾತನಾಡಬಹುದು. <br /> <br /> ಟ್ರಕ್ ಸದ್ಯ ಇರುವ ಸ್ಥಳದ ಮಾಹಿತಿಯನ್ನೂ ಪಡೆಯಬಹುದು. ಎಲೆಕ್ಟ್ರಾನಿಕ್ ಓಡೋಮೀಟರ್ನಲ್ಲಿ ಟ್ರಕ್ ಹೊರಗಿನ ಹಾಗೂ ಒಳಗಿನ ತಾಪಮಾನ, ಗೇರ್ನ ಮಾಹಿತಿ, ಇಂಧನದ ಮಾಹಿತಿ ಹಾಗೂ ಇಂಧನ ಕ್ಷಮತೆಯ ಲೆಕ್ಕಾಚಾರ ಇತ್ಯಾದಿ ಮಾಹಿತಿ ಲಭ್ಯ.<br /> ತನ್ನ ಟ್ರಕ್ಗಳಿಗಾಗಿಯೇ `ಭಾರತ್ ಬೆಂಜ್ ಇನ್ಶೂರೆನ್ಸ್~ ಎಂಬ ಹೊಸ ವಿಮಾ ಕಂಪೆನಿಯನ್ನು ಹುಟ್ಟುಹಾಕಿರುವ ಸಂಸ್ಥೆ, ಈ ಮೂಲಕ ಹಣವಿಲ್ಲದೆ ವಾಹನದ ದುರಸ್ತಿ, ಶೂನ್ಯ ಸವಕಳಿ ಹಾಗೂ ಸಂಪೂರ್ಣ ನಿರ್ವಹಣೆಯ ಒಪ್ಪಂದ ಮಾಡಿಕೊಡುತ್ತಿದೆ. <br /> <br /> ಜತೆಗೆ ವಾಹನ ಖರೀದಿಗೆ ಎಚ್ಡಿಎಫ್ಸಿ, ಐಸಿಐಸಿಐ ಹಾಗೂ ಸುಂದರಂ ಹಣಕಾಸು ಸಂಸ್ಥೆ ಮೂಲಕ ಹಣಕಾಸಿನ ನೆರವನ್ನೂ ನೀಡುತ್ತಿದೆ. ಕರ್ನಾಟಕದ ಬೆಂಗಳೂರು, ಚಿತ್ರದುರ್ಗ ಹಾಗೂ ಹುಬ್ಬಳ್ಳಿಯಲ್ಲಿ ತನ್ನ ಮಳಿಗೆಗಳನ್ನು ಹೊಂದಿದೆ. <br /> <br /> ಜರ್ಮನ್ ತಂತ್ರಜ್ಞಾನದ ಭಾರತ್ಬೆಂಜ್ ಟ್ರಕ್ಗಳು ಎರಡು ಅಂಕಿಯ ಇಂಧನ ಕ್ಷಮತೆ ಹಾಗೂ ಒಂದಂಕಿಯ ಬೆಲೆಗೆ ಲಭ್ಯ ಎಂದು ಡಿವಿಐಸಿ ಹೇಳಿದೆಯೇ ಹೊರತು ನಿಜವಾದ ಬೆಲೆಯನ್ನು ಪ್ರಕಟಿಸಿಲ್ಲ. ಈಗಿನ ಅಂದಾಜುಗಳಂತೆ ಟ್ರಕ್ನ ಬೆಲೆ ಸುಮಾರು 10 ಲಕ್ಷ ರೂಪಾಯಿಗಳಿಂದ ಆರಂಭವಾಗಬಹುದು.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಚಾಲಕರೇ ದೇಶದ ಬೆನ್ನೆಲುಬು. ಆದರೆ ಭಾರತದಲ್ಲಿ ಚಾಲಕವರ್ಗವನ್ನು ಅತ್ಯಂತ ಕೆಳಮಟ್ಟದಲ್ಲಿ ನೋಡಲಾಗುತ್ತಿದೆ. ಇದನ್ನು ಬದಲಾಯಿಸಲೆಂದೇ ನಾವು ಭಾರತಕ್ಕೆ ಬಂದಿದ್ದೇವೆ. ಬಂದಿರುವುದು ಕೇವಲ ಐದು ಅಥವಾ ಐವತ್ತು ವರ್ಷಕ್ಕಲ್ಲ. <br /> <br /> ಇಲ್ಲಿಯೇ ನೆಲೆ ನಿಂತು ಭಾರತದ ಭಾಗವಾಗಿ ಮೋಟಾರು ಸಾರಿಗೆ ಕ್ಷೇತ್ರದಲ್ಲಿ ಹೊಸ ಅಧ್ಯಾಯ ಬರೆಯುವುದೇ ನಮ್ಮ ಧ್ಯೇಯ~ ಹೀಗೆಂದು ಡಾಮಿಲೆರ್ ಇಂಡಿಯಾ ಕಮರ್ಷಿಯಲ್ ವೆಹಿಲಕ್ಸ್ (ಡಿಐಸಿವಿ) ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಮಾರ್ಕ್ ಲಿಸ್ಟೊಸೆಲ್ಲಾ ಅವರು ಅತ್ಯಂತ ವೀರಾವೇಶದಿಂದ ಮಾತನಾಡಿದ್ದರು.<br /> <br /> ಗೊಟ್ಲಿಬ್ ಡಾಮಿಲೆರ್ ಹಾಗೂ ಕಾರ್ಲ್ ಬೆಂಜ್ ಎಂಬ ಇಬ್ಬರು ಗೆಳೆಯರು 1896ರಲ್ಲಿ ಎಂಜಿನ್ ಮೇಲೊಂದು ಕ್ಯಾಬ್ ಕೂರಿಸಿ ಅದಕ್ಕೊಂದು ಟ್ರಕ್ ಅಳವಡಿಸಿ ಜಗತ್ತಿನ ಮೊದಲ ಮೋಟಾರು ಚಾಲಿತ ಟ್ರಕ್ ನಿರ್ಮಿಸಿದರು. ಅಂದು ನಡೆದ ಆ ಆವಿಷ್ಕಾರವೇ ಇಂದು ಜಗತ್ತಿನಲ್ಲೇ ಐಷಾರಾಮಿ ವಾಹನ ಎಂದೇ ಪ್ರಖ್ಯಾತಿ ಪಡೆದಿರುವ ಮರ್ಸಿಡೀಸ್ ಬೆಂಜ್ ಆಗಿದೆ. ಟ್ರಕ್, ಬಸ್, ಕಾರು ಹೀಗೆ ಮೋಟಾರು ಚಾಲಿತ ವಾಹನಗಳ ತಯಾರಿಕೆಯಲ್ಲಿ ಈ ಜೋಡಿ ನಿರ್ಮಿಸಿದ ಕಂಪೆನಿಯು ಸದಾ ಮುಂಚೂಣಿಯಲ್ಲಿದೆ.<br /> <br /> ಹೀಗಾಗಿಯೇ `ಟ್ರಕ್ನ ಅನ್ವೇಷಕರಿಂದ ಈಗ ಭಾರತಕ್ಕಾಗಿ ಮತ್ತೊಮ್ಮೆ ಅನ್ವೇಷಣೆ~ ಎಂಬ ಘೋಷವಾಕ್ಯದೊಂದಿಗೆ `ಭಾರತ್ ಬೆಂಜ್~ ಆಗಿ ಈ ಕಂಪೆನಿ ಭಾರತಕ್ಕೆ ಕಾಲಿಟ್ಟಿದೆ.<br /> ಚೆನ್ನೈ ಬಳಿಯ ಊರ್ಗಡಂನ 160 ಹೆಕ್ಟೇರ್ ಪ್ರದೇಶದಲ್ಲಿ 4,400 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಿಸಿರುವ ಡಿಐಸಿವಿ ಬೃಹತ್ ವಾಹನ ತಯಾರಿಕಾ ಘಟಕದಲ್ಲಿ 9ರಿಂದ 49 ಟನ್ ಸಾಮರ್ಥ್ಯದ ಒಟ್ಟು 20 ಟ್ರಕ್ಗಳು ತಯಾರಾಗುತ್ತವೆ.<br /> <br /> ಶೇ. 85ರಷ್ಟು ಸ್ಥಳೀಯ ಸಂಪನ್ಮೂಲ ಬಳಸಿಕೊಂಡು ಭಾರತ್ ಬೆಂಜ್ ಟ್ರಕ್ಗಳು ನಿರ್ಮಾಣವಾಗುತ್ತಿವೆ. ಭಾರತದ ವಿವಿಧ ಮಾದರಿಯ ರಸ್ತೆ (ಕಚ್ಚಾ, ಗುಂಡಿ, ಹಳ್ಳ-ದಿಣ್ಣೆ, ಗಣಿ ಪ್ರದೇಶ, ಜೌಗುಪ್ರದೇಶ)ಗಳನ್ನೇ ಹೋಲುವಂಥ ಟ್ರಾಕ್ ನಿರ್ಮಿಸಲಾಗಿದೆ. ದಿನದ 24 ಗಂಟೆಯೂ ಇಲ್ಲಿ ವಾಹನಗಳನ್ನು ಪರೀಕ್ಷಿಸುವುದಕ್ಕಾಗಿ ಓಡಿಸಲಾಗುತ್ತದೆ.<br /> <br /> ಇಂದಿನ ಅಗತ್ಯಗಳಿಗೆ ತಕ್ಕಂತೆ ಕಡಿಮೆ ತೂಕ ಸಾಮರ್ಥ್ಯದ ಎಲ್ಡಿಟಿ ಟ್ರಕ್ಗಳನ್ನು ಬೆಂಜ್ ಇತ್ತೀಚೆಗಷ್ಟೇ ತನ್ನದಾಗಿಸಿಕೊಂಡ ಮಿಟ್ಸುಬಿಷಿ ಫುಸೊ ಕ್ಯಾಂಟರ್ನಿಂದ ಪ್ರೇರಿತವಾಗಿದೆ. ನಾಲ್ಕು ಸಿಲಿಂಡರ್ ಎಂಜಿನ್ ಹೊಂದಿರುವ ಈ ಟ್ರಕ್ಗಳು 140 ಹಾಗೂ 175 ಅಶ್ವಶಕ್ತಿಯಲ್ಲಿ ಲಭ್ಯ. 9 ಹಾಗೂ 12 ಟನ್ ಸಾಮರ್ಥ್ಯದ ರಿಜಿಡ್ ಹಾಗೂ ನಿರ್ಮಾಣ ಕಾಮಗಾರಿ ಟ್ರಕ್ಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಇನ್ನು ಎಚ್ಡಿಟಿ ಭಾರಿ ಟ್ರಕ್ಗಳು ಮರ್ಸಿಡೀಸ್-ಬೆಂಜ್ ಆಕ್ಸಾರ್ ಎಂಬ ಟ್ರಕ್ನಿಂದ ಪ್ರೇರೇಪಣೆಗೊಂಡಿದೆ. <br /> <br /> ಆರು ಸಿಲೆಂಡರ್ ಎಂಜಿನ್ ಸಾಮರ್ಥ್ಯದ ಈ ಟ್ರಕ್ಗಳಲ್ಲಿ 231 ಹಾಗೂ 279 ಅಶ್ವಶಕ್ತಿಯಲ್ಲಿ ಲಭ್ಯ. 25, 31, 49 ಟನ್ ಸಾಮರ್ಥ್ಯದಲ್ಲಿ ಲಭ್ಯವಿರುವ ಈ ಟ್ರಕ್ಗಳನ್ನು ರಿಜಿಡ್ ಅಥವಾ ನಿರ್ಮಾಣ ಕಾಮಗಾರಿಗೆ ಬಳಸಬಹುದಾಗಿದೆ. ಎರಡೂ ಟ್ರಕ್ಗಳಲ್ಲಿ ಕಾಮನ್ ರೈಲ್ ಡೈರೆಕ್ಟ್ ಇಂಜೆಕ್ಷನ್ ವ್ಯವಸ್ಥೆ ಅಳವಡಿಸಿರುವುದರಿಂದ ಇಂಧನ ಮಿತವ್ಯಯ ಸಾಧ್ಯ<br /> <br /> <strong>ಚಾಲಕರ ಹಿತ ಕಾಪಾಡುವ ಬೆಂಜ್</strong><br /> ವಾರಗಟ್ಟಲೆ ಟ್ರಕ್ನಲ್ಲೇ ಕಳೆಯುವ ಚಾಲಕನ ದಣಿವಾರಿಸಲು ಹವಾನಿಯಂತ್ರಿತ ಕ್ಯಾಬಿನ್ಗಳು, ಚಾಲಕನ ಅನುಕೂಲಕ್ಕೆ ತಕ್ಕಂತೆ ಹಿಂದೆ-ಮುಂದೆ ಹಾಗೂ ಮೇಲೆ-ಕೆಳಗೆ ಮಾಡಬಲ್ಲ ಸ್ಟೇರಿಂಗ್ ಹಾಗೂ ಆಸನ. <br /> <br /> ಲಾರಿಯ ದಾಖಲಾತಿ, ಟೋಲ್ಗೇಟ್ನ ಚೀಟಿಗಳು, ಪರವಾನಗಿ ಇತ್ಯಾದಿಗಳನ್ನು ಸುರಕ್ಷಿತವಾಗಿಡಲು ಟ್ರೇಗಳು, ಚಾಲಕನ ಬಟ್ಟೆಗಳನ್ನು ನೇತು ಹಾಕಲು ಹ್ಯಾಂಗರ್ ಇತ್ಯಾದಿ ಪ್ರತಿಯೊಂದು ಚಿಕ್ಕ ಪುಟ್ಟ ಅಗತ್ಯಗಳನ್ನೂ ಚಾಲಕ ಅಭಿಪ್ರಾಯ ಸಂಗ್ರಹಿಸಿ ಗುರುತಿಸಿ ಟ್ರಕ್ಗಳಲ್ಲಿ ಅಳವಡಿಸಲಾಗಿದೆ. <br /> <br /> ಮಾಲೀಕನ ಜೇಬನ್ನು ಕಾಪಾಡಲು ಟ್ರಕ್ಗಳಲ್ಲಿ ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಅಳವಡಿಸಲಾಗಿದೆ. ಇದು ಎಂಜಿನ್ಗೆ ಪೂರೈಕೆಯಾಗುವ ಡೀಸಲ್ನ ಪ್ರಮಾಣವನ್ನು ನಿರ್ಧರಿಸುತ್ತದೆ. ಇದರಿಂದ ಇಂಧನ ಅಪವ್ಯಯವಾಗದು. ಜತಗೆ ಟ್ರಕ್ನಲ್ಲಿ ಅಳವಡಿಸಿರುವ ಮತ್ತೊಂದು ಎಲೆಕ್ಟ್ರಾನಿಕ್ ಉಪಕರಣದ ಮೂಲಕ ಮಾಲೀಕ ತನ್ನ ಟ್ರಕ್ಗೆ ಫೋನಾಯಿಸಿ ಚಾಲಕನೊಂದಿಗೆ ಮಾತನಾಡಬಹುದು. <br /> <br /> ಟ್ರಕ್ ಸದ್ಯ ಇರುವ ಸ್ಥಳದ ಮಾಹಿತಿಯನ್ನೂ ಪಡೆಯಬಹುದು. ಎಲೆಕ್ಟ್ರಾನಿಕ್ ಓಡೋಮೀಟರ್ನಲ್ಲಿ ಟ್ರಕ್ ಹೊರಗಿನ ಹಾಗೂ ಒಳಗಿನ ತಾಪಮಾನ, ಗೇರ್ನ ಮಾಹಿತಿ, ಇಂಧನದ ಮಾಹಿತಿ ಹಾಗೂ ಇಂಧನ ಕ್ಷಮತೆಯ ಲೆಕ್ಕಾಚಾರ ಇತ್ಯಾದಿ ಮಾಹಿತಿ ಲಭ್ಯ.<br /> ತನ್ನ ಟ್ರಕ್ಗಳಿಗಾಗಿಯೇ `ಭಾರತ್ ಬೆಂಜ್ ಇನ್ಶೂರೆನ್ಸ್~ ಎಂಬ ಹೊಸ ವಿಮಾ ಕಂಪೆನಿಯನ್ನು ಹುಟ್ಟುಹಾಕಿರುವ ಸಂಸ್ಥೆ, ಈ ಮೂಲಕ ಹಣವಿಲ್ಲದೆ ವಾಹನದ ದುರಸ್ತಿ, ಶೂನ್ಯ ಸವಕಳಿ ಹಾಗೂ ಸಂಪೂರ್ಣ ನಿರ್ವಹಣೆಯ ಒಪ್ಪಂದ ಮಾಡಿಕೊಡುತ್ತಿದೆ. <br /> <br /> ಜತೆಗೆ ವಾಹನ ಖರೀದಿಗೆ ಎಚ್ಡಿಎಫ್ಸಿ, ಐಸಿಐಸಿಐ ಹಾಗೂ ಸುಂದರಂ ಹಣಕಾಸು ಸಂಸ್ಥೆ ಮೂಲಕ ಹಣಕಾಸಿನ ನೆರವನ್ನೂ ನೀಡುತ್ತಿದೆ. ಕರ್ನಾಟಕದ ಬೆಂಗಳೂರು, ಚಿತ್ರದುರ್ಗ ಹಾಗೂ ಹುಬ್ಬಳ್ಳಿಯಲ್ಲಿ ತನ್ನ ಮಳಿಗೆಗಳನ್ನು ಹೊಂದಿದೆ. <br /> <br /> ಜರ್ಮನ್ ತಂತ್ರಜ್ಞಾನದ ಭಾರತ್ಬೆಂಜ್ ಟ್ರಕ್ಗಳು ಎರಡು ಅಂಕಿಯ ಇಂಧನ ಕ್ಷಮತೆ ಹಾಗೂ ಒಂದಂಕಿಯ ಬೆಲೆಗೆ ಲಭ್ಯ ಎಂದು ಡಿವಿಐಸಿ ಹೇಳಿದೆಯೇ ಹೊರತು ನಿಜವಾದ ಬೆಲೆಯನ್ನು ಪ್ರಕಟಿಸಿಲ್ಲ. ಈಗಿನ ಅಂದಾಜುಗಳಂತೆ ಟ್ರಕ್ನ ಬೆಲೆ ಸುಮಾರು 10 ಲಕ್ಷ ರೂಪಾಯಿಗಳಿಂದ ಆರಂಭವಾಗಬಹುದು.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
