<p><strong>ತ್ತಗಾಂಗ್ (ಬಾಂಗ್ಲಾದೇಶ):</strong> ಬಾಂಗ್ಲಾದೇಶ ಏಕದಿನ ತಂಡದ ನಾಯಕ ತಮೀಮ್ ಇಕ್ಬಾಲ್ ಅವರು ತಕ್ಷಣದಿಂದ ಜಾರಿಗೆ ಬರುವಂತೆ ಎಲ್ಲ ಮಾದರಿಯ ಕ್ರಿಕೆಟ್ಗೆ ಗುರುವಾರ ನಿವೃತ್ತಿ ಘೋಷಿಸಿದ್ದಾರೆ. ಏಕದಿನ ವಿಶ್ವಕಪ್ಗೆ ಮೂರು ತಿಂಗಳು ಉಳಿದಿರುವಂತೆ ಅವರು ಅಚ್ಚರಿಯ ರೀತಿ ವಿದಾಯ ಹೇಳಿರುವುದು ತಂಡಕ್ಕೆ ಆಘಾತ ಮೂಡಿಸಿದೆ.</p><p>ಅಫ್ಗಾನಿಸ್ತಾನ ಎದುರು ಏಕದಿನ ಸರಣಿಯ ಮೊದಲ ಪಂದ್ಯ ಸೋತ ಮರುದಿನವೇ 34 ವರ್ಷದ ಎಡಗೈ ಆಟಗಾರ ತಮೀಮ್ ಈ ನಿರ್ಧಾರ ಕೈಗೊಂಡಿದ್ದಾರೆ.</p><p>‘ಅಫ್ಗಾನಿಸ್ತಾನ ವಿರುದ್ಧ ನಿನ್ನೆಯ ಪಂದ್ಯ ನನ್ನ ಪಾಲಿಗೆ ಕೊನೆಯ ಅಂತರರಾಷ್ಟ್ರೀಯ ಪಂದ್ಯ. ಈಗಿಂದೀಗ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳುತ್ತಿದ್ದೇನೆ’ ಎಂದು ತಮೀಮ್ ಸುದ್ದಿಗಾರರಿಗೆ ತಿಳಿಸಿದರು. ಸುದ್ದಿಗೋಷ್ಠಿಯು ರಾಷ್ಟ್ರೀಯ ವಾಹಿನಿಯ ನೇರ ಪ್ರಸಾರವಾಗಿದ್ದು, ನಿರ್ಧಾರ ಪ್ರಕಟಿಸುತ್ತಿದ್ದಂತೆ ಕಣ್ಣೀರು ಹರಿಸಿದರು.</p><p>‘ಇದು ತಕ್ಷಣದ ನಿರ್ಧಾರವಲ್ಲ. ಕೆಲಸಮಯದಿಂದ ಈ ಬಗ್ಗೆ ಯೋಚಿಸುತ್ತಿದ್ದೆ. ಕೆಲದಿನಗಳ ಹಿಂದೆ ಕುಟುಂಬ ಸದಸ್ಯರ ಜೊತೆಗೂ ಚರ್ಚಿಸಿದ್ದೆ. ನಿರ್ಧಾರ ಕೈಗೊಳ್ಳಲು ಇದು ಸಕಾಲ ಎನಿಸಿತು’ ಎಂದು ಅವರು ಹೇಳಿದರು.</p><p>ಬುಧವಾರ ನಡೆದ ಮೂರು ಪಂದ್ಯಗಳ ಸರಣಿಯ ಮೊದಲ ಏಕದಿನ ಪಂದ್ಯದಲ್ಲಿ ಅವರು, ಪೂರ್ಣ ಫಿಟ್ ಆಗದೇ ಆಡಲು ಮುಂದಾಗಿದ್ದು ವ್ಯಾಪಕ ಟೀಕಿಗೆ ಒಳಗಾಗಿತ್ತು. ಇದಾದ ಎರಡೇ ದಿನಗಳಲ್ಲಿ ಈ ನಿರ್ಧಾರಕ್ಕೆ ಬಂದಿದ್ದಾರೆ. ತಮೀಮ್ ಆ ಪಂದ್ಯದಲ್ಲಿ 21 ಎಸೆತಗಳಿಂದ 13 ರನ್ ಗಳಿಸಿದ್ದರು.</p><p>ಬಾಂಗ್ಲಾ ಕ್ರಿಕೆಟ್ ಮಂಡಳಿ ಅಧ್ಯಕ್ಷ ನಜ್ಮುಲ್ ಹಸನ್ ಅವರೇ ಈ ಬಗ್ಗೆ ಧ್ವನಿಎತ್ತಿದ್ದು, ಆಟಗಾರನ ವೃತ್ತಿಪರತೆಯ ಬಗ್ಗೆ ಪ್ರಶ್ನೆ ಎತ್ತಿದ್ದರು.</p><p>ತಮೀಮ್ 241 ಏಕದಿನ ಪಂದ್ಯಗಳನ್ನಾಡಿದ್ದು 8,133 ರನ್ ಕೆಲಹಾಕಿದ್ದಾರೆ. ಇವುಗಳಲ್ಲಿ 14 ಶತಕಗಳು ಒಳಗೊಂಡಿವೆ. ಇದು ಬಾಂಗ್ಲಾ ಪರ ಅತ್ಯಧಿಕ ಗಳಿಕೆ.</p><p>70 ಟೆಸ್ಟ್ಗಳ 134 ಇನ್ನಿಂಗ್ಸ್ಗಳಿಂದ 5,134 ರನ್ ಶೇಖರಿಸಿರುವ ತಮೀಮ್ 10 ಶತಕಗಳನ್ನು ಗಳಿಸಿದ್ದಾರೆ. ಕಳೆದ ವರ್ಷ ಅವರು ಟಿ–20 ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದರು. ಎಲ್ಲ ಮೂರೂ ಮಾದರಿಗಳಲ್ಲಿ ಶತಕ ಹೊಡೆದ ಏಕೈಕ ಬಾಂಗ್ಲಾದೇಶ ಆಟಗಾರ ಎನಿಸಿದ್ದರು.</p><p>ಮಾಜಿ ನಾಯಕ ಹಬಿಬುಲ್ ಬಷರ್ ಅವರು ತಮೀಮ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದು, ‘ಬಾಂಗ್ಲಾದೇಶ ಕಂಡ ಅತ್ಯುತ್ತಮ ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬರು’ ಎಂದಿದ್ದಾರೆ. ‘ನಿರ್ಭೀತ ಬ್ಯಾಟಿಂಗ್ನಿಂದಾಗಿ ಎಂದೆಂದೂ ನೆನಪಿನಲ್ಲುಳಿಯುವಿರಿ’ ಎಂದು ಚಿತ್ರ ನಿರ್ಮಾಪಕ ಅಶ್ಫಾಖ್ ನಿಪುನ್ ಬಣ್ಣಿಸಿದ್ದಾರೆ.</p><p>ಚಿತ್ತಗಾಂಗ್ನಲ್ಲಿ ಜನಿಸಿದ ತಮೀಮ್ ಅವರದ್ದು ಕ್ರಿಕೆಟ್ ಕುಟುಂಬ. ಸೋದರ ಮಾವ ಅಕ್ರಮ್ ಖಾನ್, ಹಿರಿಯಣ್ಣ ನಫೀಸ್ ಇಕ್ಬಾಲ್ ಇಬ್ಬರೂ ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸಿದವರು.</p><p>2007ರಲ್ಲಿ ವೆಸ್ಟ್ ಇಂಡೀಸ್ನಲ್ಲಿ ನಡೆದ ಏಕದಿನ ವಿಶ್ವಕಪ್ನಲ್ಲಿ ಭಾರತ ವಿರುದ್ಧ ಪಂದ್ಯದಲ್ಲಿ ಜಹೀರ್ ಖಾನ್ ಬೌಲಿಂಗ್ನಲ್ಲಿ ಭರ್ಜರಿ ಸಿಕ್ಸರ್ ಎತ್ತುವ ಮೂಲಕ ಅವರು ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಪ್ರಸಿದ್ಧಿಗೆ ಬಂದಿದ್ದರು. ಆ ಪಂದ್ಯದಲ್ಲಿ 53 ಎಸೆತಗಳಲ್ಲಿ ಗಳಿಸಿದ 51 ರನ್ಗಳಿಂದಾಗಿ ಬಾಂಗ್ಲಾದೇಶ ಅನಿರೀಕ್ಷಿತ ಜಯ ಪಡೆದಿತ್ತು.</p><p>2010ರಲ್ಲಿ ಲಾರ್ಡ್ಸ್ನಲ್ಲಿ ಶತಕ ಹೊಡೆದ ಬಾಂಗ್ಲಾದೇಶದ ಮೊದಲ ಆಟಗಾರ ಎನಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತ್ತಗಾಂಗ್ (ಬಾಂಗ್ಲಾದೇಶ):</strong> ಬಾಂಗ್ಲಾದೇಶ ಏಕದಿನ ತಂಡದ ನಾಯಕ ತಮೀಮ್ ಇಕ್ಬಾಲ್ ಅವರು ತಕ್ಷಣದಿಂದ ಜಾರಿಗೆ ಬರುವಂತೆ ಎಲ್ಲ ಮಾದರಿಯ ಕ್ರಿಕೆಟ್ಗೆ ಗುರುವಾರ ನಿವೃತ್ತಿ ಘೋಷಿಸಿದ್ದಾರೆ. ಏಕದಿನ ವಿಶ್ವಕಪ್ಗೆ ಮೂರು ತಿಂಗಳು ಉಳಿದಿರುವಂತೆ ಅವರು ಅಚ್ಚರಿಯ ರೀತಿ ವಿದಾಯ ಹೇಳಿರುವುದು ತಂಡಕ್ಕೆ ಆಘಾತ ಮೂಡಿಸಿದೆ.</p><p>ಅಫ್ಗಾನಿಸ್ತಾನ ಎದುರು ಏಕದಿನ ಸರಣಿಯ ಮೊದಲ ಪಂದ್ಯ ಸೋತ ಮರುದಿನವೇ 34 ವರ್ಷದ ಎಡಗೈ ಆಟಗಾರ ತಮೀಮ್ ಈ ನಿರ್ಧಾರ ಕೈಗೊಂಡಿದ್ದಾರೆ.</p><p>‘ಅಫ್ಗಾನಿಸ್ತಾನ ವಿರುದ್ಧ ನಿನ್ನೆಯ ಪಂದ್ಯ ನನ್ನ ಪಾಲಿಗೆ ಕೊನೆಯ ಅಂತರರಾಷ್ಟ್ರೀಯ ಪಂದ್ಯ. ಈಗಿಂದೀಗ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳುತ್ತಿದ್ದೇನೆ’ ಎಂದು ತಮೀಮ್ ಸುದ್ದಿಗಾರರಿಗೆ ತಿಳಿಸಿದರು. ಸುದ್ದಿಗೋಷ್ಠಿಯು ರಾಷ್ಟ್ರೀಯ ವಾಹಿನಿಯ ನೇರ ಪ್ರಸಾರವಾಗಿದ್ದು, ನಿರ್ಧಾರ ಪ್ರಕಟಿಸುತ್ತಿದ್ದಂತೆ ಕಣ್ಣೀರು ಹರಿಸಿದರು.</p><p>‘ಇದು ತಕ್ಷಣದ ನಿರ್ಧಾರವಲ್ಲ. ಕೆಲಸಮಯದಿಂದ ಈ ಬಗ್ಗೆ ಯೋಚಿಸುತ್ತಿದ್ದೆ. ಕೆಲದಿನಗಳ ಹಿಂದೆ ಕುಟುಂಬ ಸದಸ್ಯರ ಜೊತೆಗೂ ಚರ್ಚಿಸಿದ್ದೆ. ನಿರ್ಧಾರ ಕೈಗೊಳ್ಳಲು ಇದು ಸಕಾಲ ಎನಿಸಿತು’ ಎಂದು ಅವರು ಹೇಳಿದರು.</p><p>ಬುಧವಾರ ನಡೆದ ಮೂರು ಪಂದ್ಯಗಳ ಸರಣಿಯ ಮೊದಲ ಏಕದಿನ ಪಂದ್ಯದಲ್ಲಿ ಅವರು, ಪೂರ್ಣ ಫಿಟ್ ಆಗದೇ ಆಡಲು ಮುಂದಾಗಿದ್ದು ವ್ಯಾಪಕ ಟೀಕಿಗೆ ಒಳಗಾಗಿತ್ತು. ಇದಾದ ಎರಡೇ ದಿನಗಳಲ್ಲಿ ಈ ನಿರ್ಧಾರಕ್ಕೆ ಬಂದಿದ್ದಾರೆ. ತಮೀಮ್ ಆ ಪಂದ್ಯದಲ್ಲಿ 21 ಎಸೆತಗಳಿಂದ 13 ರನ್ ಗಳಿಸಿದ್ದರು.</p><p>ಬಾಂಗ್ಲಾ ಕ್ರಿಕೆಟ್ ಮಂಡಳಿ ಅಧ್ಯಕ್ಷ ನಜ್ಮುಲ್ ಹಸನ್ ಅವರೇ ಈ ಬಗ್ಗೆ ಧ್ವನಿಎತ್ತಿದ್ದು, ಆಟಗಾರನ ವೃತ್ತಿಪರತೆಯ ಬಗ್ಗೆ ಪ್ರಶ್ನೆ ಎತ್ತಿದ್ದರು.</p><p>ತಮೀಮ್ 241 ಏಕದಿನ ಪಂದ್ಯಗಳನ್ನಾಡಿದ್ದು 8,133 ರನ್ ಕೆಲಹಾಕಿದ್ದಾರೆ. ಇವುಗಳಲ್ಲಿ 14 ಶತಕಗಳು ಒಳಗೊಂಡಿವೆ. ಇದು ಬಾಂಗ್ಲಾ ಪರ ಅತ್ಯಧಿಕ ಗಳಿಕೆ.</p><p>70 ಟೆಸ್ಟ್ಗಳ 134 ಇನ್ನಿಂಗ್ಸ್ಗಳಿಂದ 5,134 ರನ್ ಶೇಖರಿಸಿರುವ ತಮೀಮ್ 10 ಶತಕಗಳನ್ನು ಗಳಿಸಿದ್ದಾರೆ. ಕಳೆದ ವರ್ಷ ಅವರು ಟಿ–20 ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದರು. ಎಲ್ಲ ಮೂರೂ ಮಾದರಿಗಳಲ್ಲಿ ಶತಕ ಹೊಡೆದ ಏಕೈಕ ಬಾಂಗ್ಲಾದೇಶ ಆಟಗಾರ ಎನಿಸಿದ್ದರು.</p><p>ಮಾಜಿ ನಾಯಕ ಹಬಿಬುಲ್ ಬಷರ್ ಅವರು ತಮೀಮ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದು, ‘ಬಾಂಗ್ಲಾದೇಶ ಕಂಡ ಅತ್ಯುತ್ತಮ ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬರು’ ಎಂದಿದ್ದಾರೆ. ‘ನಿರ್ಭೀತ ಬ್ಯಾಟಿಂಗ್ನಿಂದಾಗಿ ಎಂದೆಂದೂ ನೆನಪಿನಲ್ಲುಳಿಯುವಿರಿ’ ಎಂದು ಚಿತ್ರ ನಿರ್ಮಾಪಕ ಅಶ್ಫಾಖ್ ನಿಪುನ್ ಬಣ್ಣಿಸಿದ್ದಾರೆ.</p><p>ಚಿತ್ತಗಾಂಗ್ನಲ್ಲಿ ಜನಿಸಿದ ತಮೀಮ್ ಅವರದ್ದು ಕ್ರಿಕೆಟ್ ಕುಟುಂಬ. ಸೋದರ ಮಾವ ಅಕ್ರಮ್ ಖಾನ್, ಹಿರಿಯಣ್ಣ ನಫೀಸ್ ಇಕ್ಬಾಲ್ ಇಬ್ಬರೂ ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸಿದವರು.</p><p>2007ರಲ್ಲಿ ವೆಸ್ಟ್ ಇಂಡೀಸ್ನಲ್ಲಿ ನಡೆದ ಏಕದಿನ ವಿಶ್ವಕಪ್ನಲ್ಲಿ ಭಾರತ ವಿರುದ್ಧ ಪಂದ್ಯದಲ್ಲಿ ಜಹೀರ್ ಖಾನ್ ಬೌಲಿಂಗ್ನಲ್ಲಿ ಭರ್ಜರಿ ಸಿಕ್ಸರ್ ಎತ್ತುವ ಮೂಲಕ ಅವರು ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಪ್ರಸಿದ್ಧಿಗೆ ಬಂದಿದ್ದರು. ಆ ಪಂದ್ಯದಲ್ಲಿ 53 ಎಸೆತಗಳಲ್ಲಿ ಗಳಿಸಿದ 51 ರನ್ಗಳಿಂದಾಗಿ ಬಾಂಗ್ಲಾದೇಶ ಅನಿರೀಕ್ಷಿತ ಜಯ ಪಡೆದಿತ್ತು.</p><p>2010ರಲ್ಲಿ ಲಾರ್ಡ್ಸ್ನಲ್ಲಿ ಶತಕ ಹೊಡೆದ ಬಾಂಗ್ಲಾದೇಶದ ಮೊದಲ ಆಟಗಾರ ಎನಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
