ಟೆಸ್ಟ್ ಕ್ರಿಕೆಟ್‌: ಅಫ್ಗಾನ್‌ಗೆ ಜಯ, ನಬಿಗೆ ಉಡುಗೊರೆ

ಚಿತ್ತಗಾಂಗ್: ರಶೀದ್ ಖಾನ್ ಎರಡನೇ ಇನಿಂಗ್ಸ್ನಲ್ಲಿ ಆರು ವಿಕೆಟ್ಗಳನ್ನು ಕಬಳಿಸಿ ಅಫ್ಗಾನಿಸ್ತಾನ ತಂಡ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಸೋಮವಾರ ಬಾಂಗ್ಲಾದೇಶ ವಿರುದ್ಧ 224 ರನ್ಗಳ ಭಾರಿ ಜಯ ಪಡೆಯುವಲ್ಲಿ ಮಹತ್ವದ ಪಾತ್ರ ವಹಿಸಿದರು.

. ಕೊನೆಯ ದಿನ ಪ್ರತಿಕೂಲ ಹವಾಮಾನದ ನಡುವೆ ಅಲ್ಪಸ್ವಲ್ಪ ಅವಧಿಯಲ್ಲೇ ಅಫ್ಗಾನಿಸ್ತಾನ ಗೆಲುವನ್ನು ಸವಿಯುವಲ್ಲಿ ಯಶಸ್ವಿಯಾಯಿತು. ಆತಿಥೇಯ ಬಾಂಗ್ಲಾದೇಶ ತಂಡ ಎರಡನೇ ಇನಿಂಗ್ಸ್ನಲ್ಲಿ 173 ರನ್ಗಳಿಗೆ ಆಲೌಟ್ ಆಯಿತು.

. ಅತಿ ಕಿರಿಯ ನಾಯಕ ಎನಿಸಿದ, 20 ವರ್ಷದ ರಶೀದ್ ಎರಡನೇ ಇನಿಂಗ್ಸ್ನಲ್ಲಿ 49 ರನ್ನಿಗೆ 6 ವಿಕೆಟ್ ಪಡೆದರು. ಒಟ್ಟಾರೆ ಪಂದ್ಯದಲ್ಲಿ 11 ವಿಕೆಟ್ಗಳ ಗೊಂಚಲಿನೊಡನೆ ಸಂಭ್ರಮಿಸಿದರು. ಅಫ್ಗಾನಿಸ್ತಾನ ತಂಡದ ಮೊದಲ ಇನಿಂಗ್ಸ್ನಲ್ಲಿ ಉಪಯುಕ್ತ 51 ರನ್ ಹೊಡೆದಿದ್ದ ಅವರಿಗೆ ಅರ್ಹವಾಗಿ ‘ಪಂದ್ಯದ ಆಟಗಾರ’ ಗೌರವ ಒಲಿಯಿತು. ಟೆಸ್ಟ್ ಕ್ರಿಕೆಟ್ಗೆ ವಿದಾಯ ಹೇಳಿದ ಮೊಹಮ್ಮದ್ ನಬಿ ಅವರಿಗೆ ಈ ಪುರಸ್ಕಾರವನ್ನು ಸಮರ್ಪಿಸುವುದಾಗಿ ರಷೀದ್ ಹೇಳಿದರು.

. ಕೇವಲ ಮೂರನೇ ಟೆಸ್ಟ್ ಆಡುತ್ತಿರುವ ಈ ಗಲಭೆಪೀಡಿತ ರಾಷ್ಟ್ರ ಎರಡನೇ ಗೆಲುವನ್ನು ಪಡೆದಂತಾಯಿತು. ಎರಡು ವರ್ಷಗಳ ಹಿಂದೆಯಷ್ಟೇ ಈ ತಂಡ ‘ಟೆಸ್ಟ್ ಮಾನ್ಯತೆ’ ಪಡೆದಿತ್ತು.

. ‘ತಂಡದ ತರಬೇತು ಸಿಬ್ಬಂದಿಗೆ ಮತ್ತು ಆಟಗಾರರಿಗೆ ಈ ಗೆಲುವಿನ ಶ್ರೇಯ ಸಲ್ಲಬೇಕು. ಈ ಪಂದ್ಯಕ್ಕೆ ನಾವು ಉತ್ತಮ ರೀತಿ ಸಿದ್ಧತೆ ನಡೆಸಿದ್ದೆವು. ಖುಷಿಪಟ್ಟು ಬೌಲಿಂಗ್ ಮಾಡಿ, ಖುಷಿಪಟ್ಟು ಬ್ಯಾಟ್ ಮಾಡಿ ಎಂದಷ್ಟೇ ನಾನು ಆಟಗಾರರಿಗೆ ಹೇಳಿದ್ದೆ. ಸಾಂಘಿಕ ಯತ್ನದಿಂದ ಗೆಲುವು ಸಾಧ್ಯವಾಯಿತು’ ಎಂದು ಪ್ರಶಸ್ತಿ ಪ್ರದಾನ ಸಮಾರಂಭದ ನಂತರ ಅವರು ಹೇಳಿದರು.

. ಬಾಂಗ್ಲಾದೇಶವನ್ನು ನಾಲ್ಕನೇ ದಿನದಾಟದ ಕೊನೆಗೆ ಎರಡನೇ ಇನಿಂಗ್ಸ್ನಲ್ಲಿ 6 ವಿಕೆಟ್ಗೆ 136 ರನ್ನಿಗೆ ನಿಯಂತ್ರಿಸಿದ್ದ ಪ್ರವಾಸಿ ತಂಡಕ್ಕೆ ಕೊನೆಯ ದಿನ ಪ್ರತಿಕೂಲ ಹವಾಮಾನ ಕಾಡುವ ಭಯವಿತ್ತು. ಭಾರಿ ಮಳೆಯ ನಂತರ ಅಂತಿಮ ಅವಧಿಯಲ್ಲಿ 18.3 ಓವರುಗಳ ಆಟದ ಅವಧಿ ಮಾತ್ರ ಅಫ್ಗಾನಿಸ್ತಾನಕ್ಕೆ ದೊರೆಯಿತು. ಉಳಿದ ನಾಲ್ಕು ವಿಕೆಟ್ಗಳಲ್ಲಿ ರಶೀದ್ ಮೂರನ್ನು ಕೇವಲ 3.2 ಓವರುಗಳಲ್ಲಿ ಪಡೆದರು.

. ಸುಮಾರು 19 ವರ್ಷಗಳ ಹಿಂದೆ ಟೆಸ್ಟ್ ಮಾನ್ಯತೆ ಪಡೆದಿದ್ದ ಬಾಂಗ್ಲಾಕ್ಕೆ ಇದು ನಿರಾಶಾಯಕ ಫಲಿತಾಂಶ ಎನಿಸಿತು. ‘ನಮ್ಮ ಬ್ಯಾಟ್ಸ್ಮನ್ಗಳು ಮನಸ್ಸಿಟ್ಟು ಆಡಲಿಲ್ಲ. ಅಫ್ಗಾನಿಸ್ತಾನ ಬೌಲರ್ಗಳು ಉತ್ತಮ ಬೌಲಿಂಗ್ ಪ್ರದರ್ಶಿಸಿದರು’ ಎಂದು ನಾಯಕ ಶಕಿಬ್ ಅಲ್ ಹಸನ್ ಪ್ರತಿಕ್ರಿಯಿಸಿದರು.

. ತೈಜುಲ್ ಇಸ್ಲಾಂ ಅವರ ವಿಕೆಟ್ ಪಡೆದೊಡನೆ ರಶೀದ್ ನಾಯಕನಾಗಿ ಚೊಚ್ಚಲು ಪಂದ್ಯದಲ್ಲಿ 10 ವಿಕೆಟ್ ಪಡೆದ ಮತ್ತು ಅರ್ಧ ಶತಕ ಹೊಡೆದ ಮೊದಲ ಆಟಗಾರ ಎನಿಸಿದರು. ನಾಯಕನಾಗಿ ‘ಡಬಲ್ ಸಾಧನೆ’ ಮಾಡಿದ ಮೂರನೇ ಆಟಗಾರನೆಂಬ ಗೌರವಕ್ಕೆ ಪಾತ್ರರಾದರು. ಇಮ್ರಾನ್ ಖಾನ್ ಮತ್ತು ಆಲನ್ ಬಾರ್ಡರ್ ಮೊದಲ ಇಬ್ಬರು.

. ಸ್ಕೋರುಗಳು: ಅಫ್ಗಾನಿಸ್ತಾನ: 342 ಮತ್ತು 260; ಬಾಂಗ್ಲಾದೇಶ: 205 ಮತ್ತು 61.4 ಓವರುಗಳಲ್ಲಿ 173 (ಶಕೀಬ್ ಉಲ್ ಹಸನ್ 44, ಶಾದ್ಮನ್ 41; ರಶೀದ್ 49ಕ್ಕೆ6, ಜಹೀರ್ ಖಾನ್ 59ಕ್ಕೆ3).

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಟೆಸ್ಟ್ ಕ್ರಿಕೆಟ್‌: ಅಫ್ಗಾನ್‌ಗೆ ಜಯ, ನಬಿಗೆ ಉಡುಗೊರೆ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ