ಪಾಕ್ ಹೆಸರಿಲ್ಲದೆ IND vs BAN ಪಂದ್ಯದ ನೇರಪ್ರಸಾರ: PCB ಕಿಡಿ; ICC ಹೇಳಿದ್ದೇನು?

ಕರಾಚಿ : ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್ ಟೂರ್ನಿಯ ಭಾರತ ಹಾಗೂ ಬಾಂಗ್ಲಾದೇಶ ನಡುವಣ ಪಂದ್ಯದ ನೇರಪ್ರಸಾರದ ವೇಳೆ ಪಂದ್ಯಾವಳಿಯ ಲೋಗೊದಲ್ಲಿ ಪಾಕಿಸ್ತಾನದ ಹೆಸರು ಇಲ್ಲದ್ದಕ್ಕೆ ಬಗ್ಗೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಅಸಮಾಧಾನ ವ್ಯಕ್ತಪಡಿಸಿದೆ. ಈ ಕುರಿತು ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿಗೆ (ಐಸಿಸಿ) ಪತ್ರ ಬರೆದಿದೆ.

ಈ ಪಂದ್ಯವು ದುಬೈನಲ್ಲಿ ಗುರುವಾರ ನಡೆದಿತ್ತು.

ಪಿಸಿಬಿ ಮೂಲಗಳ ಪ್ರಕಾರ, ಆಗಿರುವ ಪ್ರಮಾದವನ್ನು ಐಸಿಸಿಯು ಒಪ್ಪಿಕೊಂಡಿದೆ. ದುಬೈನಲ್ಲಿ ನಡೆಯುವ ಎಲ್ಲ ಪಂದ್ಯದ ವೇಳೆ ಟೂರ್ನಿಯ ಮೂರು ಸಾಲಿನ ಲೋಗೊದಲ್ಲಿ ಪಾಕಿಸ್ತಾನ ಹೆಸರು ಇರುವಂತೆ ಮತ್ತು ಪಂದ್ಯಗಳ ಪ್ರಸಾರದ ವೇಳೆ ಬಳಸುವ ಗ್ರಾಫಿಕ್ನಲ್ಲಿಯೂ ಆತಿಥೇಯ ರಾಷ್ಟ್ರದ ಹೆಸರು ಇರುವಂತೆ ನೋಡಿಕೊಳ್ಳುವುದಾಗಿ ಭರವಸೆ ನೀಡಿದೆ ಎನ್ನಲಾಗಿದೆ.

ಪಾಕಿಸ್ತಾನಕ್ಕೆ ತೆರಳಲು ನಿರಾಕರಿಸಿರುವ ಭಾರತ, ತನ್ನ ಪಾಲಿನ ಎಲ್ಲ ಪಂದ್ಯಗಳನ್ನು 'ಹೈಬ್ರಿಡ್ ಮಾದರಿ'ಯಲ್ಲಿ ದುಬೈನಲ್ಲಿ ಆಡುತ್ತಿದೆ.

'ಹೌದು, ಪಿಸಿಬಿಯು ಐಸಿಸಿಗೆ ಪತ್ರ ಬರೆದಿದೆ. ಫೆಬ್ರುವರಿ 19 ಹಾಗೂ 21ರಂದು ಕರಾಜಿಯಲ್ಲಿ ನಡೆದ ಪಂದ್ಯಗಳ ವೇಳೆ ಬಳಸಿದ್ದ ಲೋಗೊದಲ್ಲಿ ಪಾಕಿಸ್ತಾನದ ಹೆಸರು ಇದ್ದಂತೆಯೇ, ದುಬೈನಲ್ಲಿ ನಡೆಯುವ ಎಲ್ಲ ಪಂದ್ಯಗಳ ಪ್ರಸಾರದ ಸಂದರ್ಭ ಗ್ರಾಫಿಕ್ ಲೋಗೊದಲ್ಲಿ ಪಾಕಿಸ್ತಾನದ ಹೆಸರನ್ನು ಸೇರಿಸಲಾಗುವುದು ಎಂದು ಭರವಸೆ ನೀಡಿದೆ' ಎಂದು ಪಿಸಿಬಿ ಮೂಲಗಳು ತಿಳಿಸಿವೆ.

ತಾಂತ್ರಿಕ ದೋಷದಿಂದಾಗಿ ಹೀಗಾಗಿದೆ ಎಂಬುದಾಗಿ ಐಸಿಸಿ ಅನೌಪಚಾರಿಕವಾಗಿ ಪಿಸಿಬಿಗೆ ತಿಳಿಸಿದೆ ಎನ್ನಲಾಗಿದೆ.

.CT: ಭಾರತ ವಿರುದ್ಧದ ಪಂದ್ಯ ಹೀರೋ ಆಗಲು ಒಂದು ಅವಕಾಶ ಎಂದ ಪಾಕ್ ಕ್ರಿಕೆಟಿಗ.Champions Trophy | IND vs BAN: ಶಮಿ ಬಿರುಗಾಳಿ; ಗಿಲ್ ತಂಗಾಳಿ: ಭಾರತ ಶುಭಾರಂಭ. ಭಾರತ–ಬಾಂಗ್ಲಾದೇಶ ಪಂದ್ಯದ ಪ್ರಸಾರದ ವೇಳೆ ಬಳಸಲಾಗಿದ್ದ ಗ್ರಾಫಿಕ್ ಲೋಗದಲ್ಲಿ ಪಂದ್ಯಾವಳಿಯ ಹೆಸರಷ್ಟೇ (Champions Trophy 2025) ಇತ್ತು. ಆತಿಥೇಯ ರಾಷ್ಟ್ರವಾದ ಪಾಕ್ ಹೆಸರು ಇರಲಿಲ್ಲ.

ಇಂಗ್ಲೆಂಡ್ ಮೂಲದ 'Sunset & Vine' ಕಂಪನಿಯು ಐಸಿಸಿಯ ಮೇಲ್ವಿಚಾರಣೆಯಲ್ಲಿ ಟೂರ್ನಿಯ ಗ್ರಾಫಿಕ್ ಸಿದ್ಧಪಡಿಸಿತ್ತು.

ಬಾಂಗ್ಲಾ ಎದುರಿನ ಪಂದ್ಯವನ್ನು ಭಾರತ 6 ವಿಕೆಟ್ಗಳಿಂದ ಗೆದ್ದುಕೊಂಡಿದೆ.

ಭಾರತ ಹಾಗೂ ಪಾಕಿಸ್ತಾನ ನಡುವಣ ಬಹುನಿರೀಕ್ಷಿತ ಪಂದ್ಯವು ನಾಳೆ (ಭಾನುವಾರ) ದುಬೈನಲ್ಲಿ ನಡೆಯಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಾಕ್ ಹೆಸರಿಲ್ಲದೆ IND vs BAN ಪಂದ್ಯದ ನೇರಪ್ರಸಾರ: PCB ಕಿಡಿ; ICC ಹೇಳಿದ್ದೇನು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ