<p>ಅಹಮದಾಬಾದ್ (ಪಿಟಿಐ): ಯುವ ಬ್ಯಾಟರ್ ಶುಭಮನ್ ಗಿಲ್ ಟಿ20 ಕ್ರಿಕೆಟ್ನಲ್ಲಿ ತಮ್ಮ ಚೊಚ್ಚಲ ಶತಕ ದಾಖಲಿಸಿದರು.</p>.<p>ಇದರಿಂದಾಗಿ ಭಾರತ ತಂಡವು 168 ರನ್ಗಳಿಂದ ನ್ಯೂಜಿಲೆಂಡ್ ಎದುರು ಗೆದ್ದಿತು. 2–1ರಿಂದ ಸರಣಿಯನ್ನು ಗೆದ್ದುಕೊಂಡಿತು.</p>.<p>ಇದರೊಂದಿಗೆ ಟಿ20 ಕ್ರಿಕೆಟ್ನಲ್ಲಿ ಗರಿಷ್ಠ ರನ್ಗಳ ಅಂತರದಲ್ಲಿ ಗೆದ್ದ ತನ್ನ ಸಾಧನೆಯನ್ನು ಉತ್ತಮಪಡಿಸಿಕೊಂಡಿತು. 2018ರಲ್ಲಿ ಭಾರತ ತಂಡವು ಡಬ್ಲಿನ್ನಲ್ಲಿ ಐರ್ಲೆಂಡ್ ಎದುರು 143 ರನ್ಗಳ ಅಂತರದಿಂದ ಗೆದ್ದಿತ್ತು.</p>.<p>ಮೊಟೇರಾದ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ನ್ಯೂಜಿಲೆಂಡ್ ಎದುರಿನ ಮೂರನೇ ಟಿ20 ಪಂದ್ಯದಲ್ಲಿ ಶುಭಮನ್ (126; 63ಎ) ಅಜೇಯ ಶತಕ ಗಳಿಸಿದರು. ಇದರಿಂದಾಗಿ ಭಾರತ ತಂಡವು 20 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 234 ರನ್ ಗಳಿಸಿತು. ಅದಕ್ಕುತ್ತರವಾಗಿ ಕಿವೀಸ್ ಬಳಗವು 12.1 ಓವರ್ಗಳಲ್ಲಿ 66 ರನ್ ಗಳಿಸಿ ಆಲೌಟ್ ಆಯಿತು.</p>.<p>ಟಾಸ್ ಗೆದ್ದ ಭಾರತದ ನಾಯಕ ಹಾರ್ದಿಕ್ ಪಾಂಡ್ಯ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಆದರೆ ತಂಡದ ಆರಂಭ ಚೆನ್ನಾಗಿರಲಿಲ್ಲ. ಇಶಾನ್ ಕಿಶನ್ ಅವರನ್ನು 2ನೇ ಓವರ್ನಲ್ಲಿಯೇ ಎಲ್ಬಿಡಬ್ಲ್ಯು ಬಲೆಗೆ ಕೆಡವಿದ ಮೈಕಲ್ ಬ್ರೇಸ್ವೆಲ್ ಸಂಭ್ರಮಿಸಿದರು.</p>.<p>ಆದರೆ ಕಿವೀಸ್ ಬಳಗದ ಸಂತಸಕ್ಕೆ ಶುಭಮನ್ ಅಡ್ಡಿಯಾದರು. ಬೌಲರ್ ಗಳಿಗೆ ಬೆವರಿಳಿಸಿದರು. ತಮಗೆ ಲಭಿಸಿದ ಮೂರು ಜೀವದಾನಗಳನ್ನು(5.6, 17.3 ಹಾಗೂ 18.3 ನೇ ಓವರ್ಗಳಲ್ಲಿ ಫೀಲ್ಡರ್ಗಳು ಕ್ಯಾಚ್ ಕೈಚೆಲ್ಲಿದ್ದರು) ಸಮರ್ಥವಾಗಿ ಬಳಸಿಕೊಂಡರು.</p>.<p>ಗಿಲ್ ಅವರು ರಾಹುಲ್ ತ್ರಿಪಾಠಿ (44; 22ಎ) ಜೊತೆಗೆ 80 ರನ್ ಗಳಿಸಿದರು. 200ರ ಸ್ಟ್ರೈಕ್ರೇಟ್ನಲ್ಲಿ ರನ್ ಗಳಿಸಿದರು.</p>.<p>9ನೇ ಓವರ್ನಲ್ಲಿ ತ್ರಿಪಾಠಿ ವಿಕೆಟ್ ಗಳಿಸಿದ ಸ್ಪಿನ್ನರ್ ಈಶ್ ಸೋಧಿ ಜೊತೆಯಾಟ ಮುರಿದರು.</p>.<p>ಕ್ರೀಸ್ಗೆ ಬಂದ ಸೂರ್ಯಕುಮಾರ್ ಯಾದವ್ ಬೀಸಾಟ ಆರಂಭಿಸಿದರು. ಒಂದೆಡೆ ಗಿಲ್, ಇನ್ನೊಂದೆಡೆ ಸೂರ್ಯನ ಆರ್ಭಟಕ್ಕೆ ಬೌಲರ್ಗಳು ಸುಸ್ತಾದರು. ಸೂರ್ಯ 2 ಸಿಕ್ಸರ್ ಮತ್ತು ಒಂದು ಬೌಂಡರಿ ಸಹಿತ 24 ರನ್ ಗಳನ್ನು ಗಳಿಸಿದರು. ಮೂರನೇ ವಿಕೆಟ್ ಜೊತೆಯಾಟದಲ್ಲಿ ಇಬ್ಬರೂ 38 ರನ್ ಸೇರಿಸಿದರು.</p>.<p>ಸೂರ್ಯ ವಿಕೆಟ್ ಪತನವಾದ ನಂತ ರವೂ ಗಿಲ್ ವೇಗ ಕುಂದಲಿಲ್ಲ. ಕ್ರೀಸ್ಗೆ ಬಂದ ಹಾರ್ದಿಕ್ ಕೂಡ ಅಬ್ಬರಿಸಿದರು.</p>.<p>ಗಿಲ್, 97 ರನ್ ಗಳಿಸಿದ್ದ ಗಿಲ್ ಬೌಂಡರಿ ಬಾರಿಸುವ ಮೂಲಕ ಶತಕದ ಗಡಿ ಮುಟ್ಟಿದರು. ಕೇವಲ 54 ಎಸೆತಗಳಲ್ಲಿ ಈ ಸಾಧನೆ ಮಾಡಿದರು. ನಂತರವೂ ಅಬ್ಬರಿಸಿದರು. ಚೆಂಡನ್ನು ಸಿಕ್ಸರ್ಗೆತ್ತುವಲ್ಲಿ ಮಗ್ನರಾದರು.</p>.<p>ಇದರೊಂದಿಗೆ ಮೂರು ಮಾದರಿಗಳಲ್ಲಿಯೂ ಶತಕ ಬಾರಿಸಿದ ಬ್ಯಾಟರ್ಗಳ ಸಾಲಿಗೆ ಸೇರಿದರು. ಈ ಹಿಂದೆ ಸುರೇಶ್ ರೈನಾ, ರೋಹಿತ್ ಶರ್ಮಾ, ಕೆ.ಎಲ್. ರಾಹುಲ್ ಮತ್ತು ವಿರಾಟ್ ಕೊಹ್ಲಿ ಈ ಸಾಧನೆ<br />ಮಾಡಿದ್ದಾರೆ. </p>.<p>ಈಚೆಗೆ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಶುಭಮನ್ ದ್ವಿಶತಕ ಹೊಡೆದಿದ್ದರು.</p>.<p>ನಂತರ ಬೌಲರ್ಗಳೂ ಮಿಂಚಿದರು. ಹಾರ್ದಿಕ್ (16ಕ್ಕೆ4), ಆರ್ಷದೀಪ್ ಸಿಂಗ್ 16ಕ್ಕೆ2, ಉಮ್ರಾನ್ ಮಲಿಕ್ 9ಕ್ಕೆ2 ಹಾಗೂ ಶಿವಂ ಮಾವಿ 12ಕ್ಕೆ2 ವಿಕೆಟ್ ಗಳಿಸಿದರು.</p>.<p class="Subhead">ಸಂಕ್ಷಿಪ್ತ ಸ್ಕೋರು: ಭಾರತ: 20 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 234 (ಶುಭಮನ್ ಗಿಲ್ ಔಟಾಗದೆ 126, ರಾಹುಲ್ ತ್ರಿಪಾಠಿ 44, ಸೂರ್ಯ ಕುಮಾರ್ ಯಾದವ್ 24, ಹಾರ್ದಿಕ್ ಪಾಂಡ್ಯ 30, ಮೈಕಲ್ ಬ್ರೇಸ್ವೆಲ್ 8ಕ್ಕೆ1, ಈಶ್ ಸೋಧಿ 34ಕ್ಕೆ1). ನ್ಯೂಜಿಲೆಂಡ್: 12.1 ಓವರ್ಗಳಲ್ಲಿ 66 (ಡೆರಿಲ್ ಮಿಚೆಲ್ 35, ಮಿಚೆಲ್ ಸ್ಯಾಂಟನರ್ 13; ಹಾರ್ದಿಕ್ ಪಾಂಡ್ಯ 16ಕ್ಕೆ 4, ಆರ್ಷದೀಪ್ ಸಿಂಗ್ 16ಕ್ಕೆ 2, ಉಮ್ರಾನ್ ಮಲಿಕ್ 9ಕ್ಕೆ 2, ಶಿವಂ ಮಾವಿ 12ಕ್ಕೆ 2). ಫಲಿತಾಂಶ: ಭಾರತಕ್ಕೆ 168 ರನ್ಗಳ ಜಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಹಮದಾಬಾದ್ (ಪಿಟಿಐ): ಯುವ ಬ್ಯಾಟರ್ ಶುಭಮನ್ ಗಿಲ್ ಟಿ20 ಕ್ರಿಕೆಟ್ನಲ್ಲಿ ತಮ್ಮ ಚೊಚ್ಚಲ ಶತಕ ದಾಖಲಿಸಿದರು.</p>.<p>ಇದರಿಂದಾಗಿ ಭಾರತ ತಂಡವು 168 ರನ್ಗಳಿಂದ ನ್ಯೂಜಿಲೆಂಡ್ ಎದುರು ಗೆದ್ದಿತು. 2–1ರಿಂದ ಸರಣಿಯನ್ನು ಗೆದ್ದುಕೊಂಡಿತು.</p>.<p>ಇದರೊಂದಿಗೆ ಟಿ20 ಕ್ರಿಕೆಟ್ನಲ್ಲಿ ಗರಿಷ್ಠ ರನ್ಗಳ ಅಂತರದಲ್ಲಿ ಗೆದ್ದ ತನ್ನ ಸಾಧನೆಯನ್ನು ಉತ್ತಮಪಡಿಸಿಕೊಂಡಿತು. 2018ರಲ್ಲಿ ಭಾರತ ತಂಡವು ಡಬ್ಲಿನ್ನಲ್ಲಿ ಐರ್ಲೆಂಡ್ ಎದುರು 143 ರನ್ಗಳ ಅಂತರದಿಂದ ಗೆದ್ದಿತ್ತು.</p>.<p>ಮೊಟೇರಾದ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ನ್ಯೂಜಿಲೆಂಡ್ ಎದುರಿನ ಮೂರನೇ ಟಿ20 ಪಂದ್ಯದಲ್ಲಿ ಶುಭಮನ್ (126; 63ಎ) ಅಜೇಯ ಶತಕ ಗಳಿಸಿದರು. ಇದರಿಂದಾಗಿ ಭಾರತ ತಂಡವು 20 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 234 ರನ್ ಗಳಿಸಿತು. ಅದಕ್ಕುತ್ತರವಾಗಿ ಕಿವೀಸ್ ಬಳಗವು 12.1 ಓವರ್ಗಳಲ್ಲಿ 66 ರನ್ ಗಳಿಸಿ ಆಲೌಟ್ ಆಯಿತು.</p>.<p>ಟಾಸ್ ಗೆದ್ದ ಭಾರತದ ನಾಯಕ ಹಾರ್ದಿಕ್ ಪಾಂಡ್ಯ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಆದರೆ ತಂಡದ ಆರಂಭ ಚೆನ್ನಾಗಿರಲಿಲ್ಲ. ಇಶಾನ್ ಕಿಶನ್ ಅವರನ್ನು 2ನೇ ಓವರ್ನಲ್ಲಿಯೇ ಎಲ್ಬಿಡಬ್ಲ್ಯು ಬಲೆಗೆ ಕೆಡವಿದ ಮೈಕಲ್ ಬ್ರೇಸ್ವೆಲ್ ಸಂಭ್ರಮಿಸಿದರು.</p>.<p>ಆದರೆ ಕಿವೀಸ್ ಬಳಗದ ಸಂತಸಕ್ಕೆ ಶುಭಮನ್ ಅಡ್ಡಿಯಾದರು. ಬೌಲರ್ ಗಳಿಗೆ ಬೆವರಿಳಿಸಿದರು. ತಮಗೆ ಲಭಿಸಿದ ಮೂರು ಜೀವದಾನಗಳನ್ನು(5.6, 17.3 ಹಾಗೂ 18.3 ನೇ ಓವರ್ಗಳಲ್ಲಿ ಫೀಲ್ಡರ್ಗಳು ಕ್ಯಾಚ್ ಕೈಚೆಲ್ಲಿದ್ದರು) ಸಮರ್ಥವಾಗಿ ಬಳಸಿಕೊಂಡರು.</p>.<p>ಗಿಲ್ ಅವರು ರಾಹುಲ್ ತ್ರಿಪಾಠಿ (44; 22ಎ) ಜೊತೆಗೆ 80 ರನ್ ಗಳಿಸಿದರು. 200ರ ಸ್ಟ್ರೈಕ್ರೇಟ್ನಲ್ಲಿ ರನ್ ಗಳಿಸಿದರು.</p>.<p>9ನೇ ಓವರ್ನಲ್ಲಿ ತ್ರಿಪಾಠಿ ವಿಕೆಟ್ ಗಳಿಸಿದ ಸ್ಪಿನ್ನರ್ ಈಶ್ ಸೋಧಿ ಜೊತೆಯಾಟ ಮುರಿದರು.</p>.<p>ಕ್ರೀಸ್ಗೆ ಬಂದ ಸೂರ್ಯಕುಮಾರ್ ಯಾದವ್ ಬೀಸಾಟ ಆರಂಭಿಸಿದರು. ಒಂದೆಡೆ ಗಿಲ್, ಇನ್ನೊಂದೆಡೆ ಸೂರ್ಯನ ಆರ್ಭಟಕ್ಕೆ ಬೌಲರ್ಗಳು ಸುಸ್ತಾದರು. ಸೂರ್ಯ 2 ಸಿಕ್ಸರ್ ಮತ್ತು ಒಂದು ಬೌಂಡರಿ ಸಹಿತ 24 ರನ್ ಗಳನ್ನು ಗಳಿಸಿದರು. ಮೂರನೇ ವಿಕೆಟ್ ಜೊತೆಯಾಟದಲ್ಲಿ ಇಬ್ಬರೂ 38 ರನ್ ಸೇರಿಸಿದರು.</p>.<p>ಸೂರ್ಯ ವಿಕೆಟ್ ಪತನವಾದ ನಂತ ರವೂ ಗಿಲ್ ವೇಗ ಕುಂದಲಿಲ್ಲ. ಕ್ರೀಸ್ಗೆ ಬಂದ ಹಾರ್ದಿಕ್ ಕೂಡ ಅಬ್ಬರಿಸಿದರು.</p>.<p>ಗಿಲ್, 97 ರನ್ ಗಳಿಸಿದ್ದ ಗಿಲ್ ಬೌಂಡರಿ ಬಾರಿಸುವ ಮೂಲಕ ಶತಕದ ಗಡಿ ಮುಟ್ಟಿದರು. ಕೇವಲ 54 ಎಸೆತಗಳಲ್ಲಿ ಈ ಸಾಧನೆ ಮಾಡಿದರು. ನಂತರವೂ ಅಬ್ಬರಿಸಿದರು. ಚೆಂಡನ್ನು ಸಿಕ್ಸರ್ಗೆತ್ತುವಲ್ಲಿ ಮಗ್ನರಾದರು.</p>.<p>ಇದರೊಂದಿಗೆ ಮೂರು ಮಾದರಿಗಳಲ್ಲಿಯೂ ಶತಕ ಬಾರಿಸಿದ ಬ್ಯಾಟರ್ಗಳ ಸಾಲಿಗೆ ಸೇರಿದರು. ಈ ಹಿಂದೆ ಸುರೇಶ್ ರೈನಾ, ರೋಹಿತ್ ಶರ್ಮಾ, ಕೆ.ಎಲ್. ರಾಹುಲ್ ಮತ್ತು ವಿರಾಟ್ ಕೊಹ್ಲಿ ಈ ಸಾಧನೆ<br />ಮಾಡಿದ್ದಾರೆ. </p>.<p>ಈಚೆಗೆ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಶುಭಮನ್ ದ್ವಿಶತಕ ಹೊಡೆದಿದ್ದರು.</p>.<p>ನಂತರ ಬೌಲರ್ಗಳೂ ಮಿಂಚಿದರು. ಹಾರ್ದಿಕ್ (16ಕ್ಕೆ4), ಆರ್ಷದೀಪ್ ಸಿಂಗ್ 16ಕ್ಕೆ2, ಉಮ್ರಾನ್ ಮಲಿಕ್ 9ಕ್ಕೆ2 ಹಾಗೂ ಶಿವಂ ಮಾವಿ 12ಕ್ಕೆ2 ವಿಕೆಟ್ ಗಳಿಸಿದರು.</p>.<p class="Subhead">ಸಂಕ್ಷಿಪ್ತ ಸ್ಕೋರು: ಭಾರತ: 20 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 234 (ಶುಭಮನ್ ಗಿಲ್ ಔಟಾಗದೆ 126, ರಾಹುಲ್ ತ್ರಿಪಾಠಿ 44, ಸೂರ್ಯ ಕುಮಾರ್ ಯಾದವ್ 24, ಹಾರ್ದಿಕ್ ಪಾಂಡ್ಯ 30, ಮೈಕಲ್ ಬ್ರೇಸ್ವೆಲ್ 8ಕ್ಕೆ1, ಈಶ್ ಸೋಧಿ 34ಕ್ಕೆ1). ನ್ಯೂಜಿಲೆಂಡ್: 12.1 ಓವರ್ಗಳಲ್ಲಿ 66 (ಡೆರಿಲ್ ಮಿಚೆಲ್ 35, ಮಿಚೆಲ್ ಸ್ಯಾಂಟನರ್ 13; ಹಾರ್ದಿಕ್ ಪಾಂಡ್ಯ 16ಕ್ಕೆ 4, ಆರ್ಷದೀಪ್ ಸಿಂಗ್ 16ಕ್ಕೆ 2, ಉಮ್ರಾನ್ ಮಲಿಕ್ 9ಕ್ಕೆ 2, ಶಿವಂ ಮಾವಿ 12ಕ್ಕೆ 2). ಫಲಿತಾಂಶ: ಭಾರತಕ್ಕೆ 168 ರನ್ಗಳ ಜಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
