ಮುಂಬೈ: ಕ್ರಿಕೆಟರ್ ಎಂ.ಎಸ್.ಧೋನಿ ಅವರು ಇತ್ತೀಚೆಗೆ ತಮ್ಮ 42ನೇ ಜನ್ಮದಿವನ್ನು ಆಚರಿಸಿಕೊಂಡರು. ಈ ಆಚರಣೆಯನ್ನು ಸೆಲೆಬ್ರೆಟಿ ಅಥವಾ ಕ್ರಿಕೆಟರ್‌ಗಳ ಬದಲಿಗೆ ತಮ್ಮನ್ನು ಅಪಾರವಾಗಿ ಪ್ರೀತಿಸುವ ನೆಚ್ಚಿನ ನಾಯಿಗಳೊಂದಿಗೆ ಆಚರಿಸಿಕೊಂಡಿದ್ದು ಈಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ಜನ್ಮದಿನದಂದು ಧೋನಿ ಅವರ ಹಲವು ವಿಡಿಯೊಗಳು ಹರಿದಾಡಿದವು. ಅವುಗಳಲ್ಲಿ ಟ್ರ್ಯಾಕ್ಟರ್ ಏರಿ ಉಳುಮೆ ಮಾಡುತ್ತಿದ್ದ ದೃಶ್ಯ ಹಾಗೂ ತಮಗಾಗಿ ಮನೆ ಎದುರು ಕಾಯುತ್ತಿದ್ದ ಅಭಿಮಾನಿಗಳಿಗೆ ಮೇಲ್ಛಾವಣಿಯಿಂದ ಕೈ ಬೀಸಿ ಧನ್ಯವಾದ ಹೇಳಿದ ದೃಶ್ಯಗಳೂ ಇದ್ದವು.
ಇದೀಗ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯ ಮೂಲಕ ಸುಂದರವಾದ ವಿಡಿಯೊ ಹಂಚಿಕೊಂಡಿರುವ @mahi7781, ತಮ್ಮ ಪ್ರೀತಿಯ ನಾಲ್ಕು ನಾಯಿಗಳ ಸಮ್ಮುಖದಲ್ಲಿ ಕೇಕು ಕತ್ತರಿಸಿ ಜನ್ಮದಿನ ಆಚರಿಸಿಕೊಂಡಿದ್ದಾರೆ.
ಮುಂಬತ್ತಿ ಆರಿಸಿ ಕೇಕು ಕತ್ತರಿಸುವವರೆಗೂ ಕುತೂಹಲ ಹಾಗೂ ಸಂಮಯ ಕಾಯ್ದುಕೊಂಡ ನಾಯಿಗಳು, ಬಾಲ ಅಲ್ಲಾಡಿಸುತ್ತಾ ನೆಚ್ಚಿನ ಮಾಲೀಕನಿಗೆ ಶುಭಾಶಯ ಕೋರಿದವು. ಕೇಕು ಕತ್ತರಿಸಿದ ನಂತರ ಧೋನಿ ನಾಲ್ಕೂ ನಾಯಿಗಳಿಗೆ ಕೇಕುಗಳ ತುಂಡುಗಳನ್ನು ನೀಡಿದರು.
