ಮುಂಬೈ: ‘ಮಗಳ ದಿನ (Daughter's Day)’ ಸಂದರ್ಭದಲ್ಲಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಇನ್‌ಸ್ಟಾಗ್ರಾಂನಲ್ಲಿ ಮಗಳು ಸಾರಾಗೆ ಶುಭಾಶಯ ಕೋರಿದ್ದು, ಪತ್ರವೊಂದನ್ನು ಬರೆದಿದ್ದಾರೆ.
ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಸಾಮಾಜಿಕ ಮಾಧ್ಯಮಗಳ ಮೂಲಕ ಆಗಾಗ ಸಂದೇಶಗಳನ್ನು ಪ್ರಕಟಿಸುತ್ತಾ ಇರುವ ಸಚಿನ್, ಮಗಳ ದಿನದಂದು ಸಾರಾಗೆ ಹೃತ್ಪೂರ್ವಕ ಶುಭಾಶಯ ಕೋರಿ ಸಂದೇಶ ಪ್ರಕಟಿಸಿದ್ದಾರೆ.
ಸಂದೇಶದ ಜತೆಗೆ, ಸಾರಾ ಮತ್ತು ಸಾಕು ನಾಯಿಗಳು ಹಾಗೂ ತಾವು ಜತೆಯಾಗಿ ಕುಳಿತಿರುವ ಎರಡು ಚಿತ್ರಗಳನ್ನೂ ಸಚಿನ್ ಪೋಸ್ಟ್ ಮಾಡಿದ್ದಾರೆ.
‘ನನ್ನ ಮಡಿಲಲ್ಲಿ ಕುಳಿತಿರುತ್ತಿದ್ದ ನೀನಿಂದು ಎತ್ತರಕ್ಕೆ ಬೆಳೆದಿದ್ದರೂ ನನ್ನ ಹೃಯದಿಂದ ಹೊರಹೋಗಲು ಸಾಧ್ಯವಿಲ್ಲ. ನಾವು ಜತೆಯಾಗಿ ಹಂಚಿಕೊಂಡ ಅದ್ಭುತ ಸಮಯಗಳನ್ನು ಈ ದಿನ ನನಗೆ ನೆನಪಿಸುತ್ತದೆ. ಆ ಕ್ಷಣಗಳನ್ನು ನಾನು ನಿಜವಾಗಿಯೂ ಪ್ರೀತಿಸುತ್ತೇನೆ. ಮಗಳ ದಿನದ ಶುಭಾಶಯಗಳು ಸಾರಾ’ ಎಂದು ತೆಂಡೂಲ್ಕರ್ ಬರೆದಿದ್ದಾರೆ.
