ಗುರುವಾರ , ಜೂನ್ 30, 2022
24 °C
ಲಯಕ್ಕೆ ಮರಳಿದ ಭರವಸೆಯಲ್ಲಿ ಪಾಕಿಸ್ತಾನ

ಮಹಿಳಾ ವಿಶ್ವಕಪ್ ಕ್ರಿಕೆಟ್ ಟೂರ್ನಿ: ಇಂಗ್ಲೆಂಡ್‌ಗೆ ಗುರುವಾರ ಮಾಡು–ಮಡಿ ಪಂದ್ಯ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕ್ರೈಸ್ಟ್‌ ಚರ್ಚ್‌: ಹಾಲಿ ಚಾಂಪಿಯನ್ ಇಂಗ್ಲೆಂಡ್ ತಂಡ ಮಹಿಳಾ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಮಾಡು–ಮಡಿ ಪಂದ್ಯದಲ್ಲಿ ಗುರುವಾರ ಕಣಕ್ಕೆ ಇಳಿಯಲಿದೆ. ಮಹತ್ವದ ಈ ಪಂದ್ಯದಲ್ಲಿ ತಂಡಕ್ಕೆ ಪಾಕಿಸ್ತಾನ ಎದುರಾಳಿ.

ಆರಂಭದಲ್ಲಿ ಸೋಲಿನ ಸುಳಿಯಲ್ಲಿ ಸಿಲುಕಿದ್ದ ಇಂಗ್ಲೆಂಡ್ ನಂತರ ಚೇತರಿಸಿಕೊಂಡಿತ್ತು. ಮೊದಲ ಮೂರು ಪಂದ್ಯಗಳಲ್ಲಿ ಸೋತಿದ್ದ ತಂಡ ಕಳೆದೆರಡು ಹಣಾಹಣಿಗಳಲ್ಲಿ ಗೆಲುವಿನ ಲಯಕ್ಕೆ ಮರಳಿದೆ. ಹೀಗಾಗಿ ಸೆಮಿಫೈನಲ್ ಆಸೆ ಚಿಗುರಿದೆ. ಪಾಕಿಸ್ತಾನ ಹಿಂದಿನ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಎದುರು ಜಯ ಗಳಿಸಿ ಸೋಲಿನ ಸರಪಳಿ ಕಳಚಿಕೊಂಡಿತ್ತು. ಮಹಿಳೆಯರ ವಿಶ್ವಕಪ್‌ನ ಸತತ 18 ಪಂದ್ಯಗಳಲ್ಲಿ ಈ ತಂಡ ಜಯ ಗಳಿಸಿರಲಿಲ್ಲ.

ಸೋಫಿಯಾ ಡಂಕ್ಲಿ, ನಥಾಲಿಯಾ ಶೀವರ್ ಮತ್ತು ಟಾಮಿ ಬ್ಯೂಮೌಂಟ್ ಅವರು ಇಂಗ್ಲೆಂಡ್ ತಂಡದ ಬ್ಯಾಟಿಂಗ್ ವಿಭಾಗದ ಬಲವಾಗಿದ್ದು ಕೇಟ್ ಕ್ರಾಸ್ ಮತ್ತು ಸೋಫಿ ಎಕ್ಲೆಸ್ಟಾನ್ ಬೌಲಿಂಗ್‌ನಲ್ಲಿ ಭರವಸೆ ಮೂಡಿಸಿದ್ದಾರೆ.

ಪಾಕಿಸ್ತಾನವು ಬ್ಯಾಟರ್‌ಗಳಾದ ಅಲಿಯಾ ರಿಯಾಜ್, ಮುನೀಬಾ ಅಲಿ, ಬಿಸ್ಮಾ ಮರೂಫ್ ಅವರ ಮೇಲೆ ಭರವಸೆ ಇರಿಸಿಕೊಂಡಿದೆ. ಬೌಲಿಂಗ್ ಆಲ್‌ರೌಂಡರ್‌ಗಳಾದ ನಿದಾ ದಾರ್, ಘುಲಾಮ್ ಫಾತಿಮಾ, ಬೌಲರ್‌ಗಳಾದ ಡಯಾನ ಬೇಗ್‌, ನಶ್ರಾ ಸಂಧು, ಸಿದ್ರಾ ಅಮೀನ್ ಮುಂತಾದವರು ನಿರೀಕ್ಷೆ ಮೂಡಿಸಿದ್ದಾರೆ. ಸೆಮಿಫೈನಲ್ ಹಂತಕ್ಕೇರಲು ಸಾಧ್ಯವಿಲ್ಲದ ಕಾರಣದಿಂದ ತಂಡ ಕೊನೆಯ ಎರಡು ಪಂದ್ಯಗಳಲ್ಲಿ ಜಯ ಸಾಧಿಸಿ ಸಮಾಧಾನಪಟ್ಟುಕೊಳ್ಳಲು ಪ್ರಯತ್ನಿಸಲಿದೆ. 

ಇಂಗ್ಲೆಂಡ್‌ಗೆ ಎರಡು ಪಂದ್ಯಗಳು ಉಳಿದಿದ್ದ ಎರಡರಲ್ಲೂ ಜಯ ಸಾಧಿಸಿದರೆ ಮಾತ್ರ ಸೆಮಿಫೈನಲ್ ಹಾದಿ ಸುಗಮವಾಗಲಿದೆ. ಆದ್ದರಿಂದ ಗೆಲುವಿವಾಗಿ ತಂಡ ಶಕ್ತಿಮೀರಿ ಪ್ರಯತ್ನಿಸಲಿದೆ. ಹೀಗಾಗಿ ಪಂದ್ಯ ಕುತೂಹಲ ಕೆರಳಿಸಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು