ಬುಧವಾರ, ಮೇ 12, 2021
27 °C

ನ್ಯೂಜಿಲೆಂಡ್‌ಗೆ ಎದುರಾದ ‘ಸೂಪರ್’ ಸೋಲುಗಳಿವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವೆಲ್ಲಿಂಗ್ಟನ್‌: ಭಾರತ ವಿರುದ್ಧ ತವರಿನಲ್ಲಿ ನಡೆಯುತ್ತಿರುವ ಐದು ಪಂದ್ಯಗಳ ಚುಟುಕು ಕ್ರಿಕೆಟ್‌ ಸರಣಿಯನ್ನು 4–0 ಅಂತರದಿಂದ ಸೋತಿರುವ ನ್ಯೂಜಿಲೆಂಡ್‌ ತಂಡ ಎರಡು ಪಂದಗಳನ್ನು ಸೂಪರ್‌ ಓವರ್‌ನಲ್ಲಿ ಕಳೆದುಕೊಂಡಿದೆ. ಈ ತಂಡ ಇದುವರೆಗೆ ಎಂಟು ಬಾರಿ ಸೂಪರ್‌ ಓವರ್‌ನಲ್ಲಿ ಸೆಣಸಿದ್ದು, ಕೇವಲ ಒಂದೇಒಂದರಲ್ಲಷ್ಟೇ ಗೆಲುವು ಸಾಧಿಸಿದೆ.

ನ್ಯೂಜಿಲೆಂಡ್ ಆಡಿದ ಎಲ್ಲ ಸೂಪರ್‌ ಓವರ್‌ ಪಂದ್ಯಗಳ ವಿವರ ಇಲ್ಲಿದೆ.

**

ಡಿಸೆಂಬರ್‌ 26, 2008: ವಿಂಡೀಸ್‌ ವಿರುದ್ಧ ಟಿ20 ಪಂದ್ಯದಲ್ಲಿ ಸೋಲು
ಆಕ್ಲೆಂಡ್‌ನಲ್ಲಿ ನಡೆದ ಟಿ20 ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ನ್ಯೂಜಿಲೆಂಡ್‌, ರಾಸ್ ಟೇಲರ್‌ (63) ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್‌ ಕಳೆದುಕೊಂಡು 155 ರನ್‌ ಗಳಿಸಿತ್ತು.

ಈ ಮೊತ್ತ ಬೆನ್ನಟ್ಟಿದ್ದ ವೆಸ್ಟ್‌ ಇಂಡೀಸ್‌, ಕ್ರಿಸ್‌ ಗೇಲ್‌ (67) ಅರ್ಧಶತಕದ ಹೊರತಾಗಿಯೂ ಇಷ್ಟೇ ರನ್‌ ಗಳಿಸಿತ್ತು. ಹೀಗಾಗಿ ಸೂಪರ್ ಓವರ್‌ ನಡೆದಿತ್ತು.

ಸೂಪರ್ ಓವರ್‌ನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ವಿಂಡೀಸ್‌ ಕ್ರಿಸ್‌ ಗೇಲ್‌ ಮತ್ತು ಕ್ಸೇವಿಯರ್‌ ಮಾರ್ಷಲ್‌ ಕ್ರೀಸ್‌ಗಿಳಿಸಿತ್ತು. ಡೆನಿಯಲ್‌ ವೆಟೋರಿ ಎಸೆದ ಓವರ್‌ನ ಆರೂ ಎಸೆತಗಳನ್ನು ಆಡಿದ ಗೇಲ್‌ ಮೂರು ಸಿಕ್ಸರ್‌ ಹಾಗೂ 1 ಬೌಂಡರಿ ಸಹಿತ 25 ರನ್ ಚಚ್ಚಿದ್ದರು.

ಬಳಿಕ ಸುಲೇಮಾನ್‌ ಬೆನ್‌ ಎಸೆದ ಓವರ್‌ನ ನಾಲ್ಕು ಎಸೆತಗಳಲ್ಲೇ 2 ವಿಕೆಟ್‌ ಕಳೆದುಕೊಂಡ ಕಿವೀಸ್‌, 15 ರನ್‌ ಗಳಿಸಿ ಸೋಲೊಪ್ಪಿಕೊಂಡಿತು.

ವೆಸ್ಟ್‌ ಇಂಡೀಸ್‌ ಬ್ಯಾಟಿಂಗ್‌: 25 ರನ್‌
ಬೌಲರ್: ಡೆನಿಯಲ್‌ ವೆಟೋರಿ

1ನೇ ಎಸೆತ: ಕ್ರಿಸ್‌ ಗೇಲ್‌, 6
2ನೇ ಎಸೆತ: ಕ್ರಿಸ್‌ ಗೇಲ್‌, 1 + ಕ್ಸೇವಿಯರ್‌ ಮಾರ್ಷಲ್‌ ರನೌಟ್‌
3ನೇ ಎಸೆತ: ಕ್ರಿಸ್‌ ಗೇಲ್‌, 6
4ನೇ ಎಸೆತ: ಕ್ರಿಸ್‌ ಗೇಲ್‌, 6
5ನೇ ಎಸೆತ: ಕ್ರಿಸ್‌ ಗೇಲ್‌, 4
6ನೇ ಎಸೆತ: ಕ್ರಿಸ್‌ ಗೇಲ್‌, 2

ನ್ಯೂಜಿಲೆಂಡ್‌ ಬ್ಯಾಟಿಂಗ್‌: 2 ವಿಕೆಟ್‌ಗೆ 15 ರನ್‌
ಬೌಲರ್: ಸುಲೇಮಾನ್‌ ಬೆನ್‌

1ನೇ ಎಸೆತ: ಜೇಕಬ್‌ ಓರಮ್‌, 6
1ನೇ ಎಸೆತ: ಜೇಕಬ್‌ ಓರಮ್‌, 2
3ನೇ ಎಸೆತ: ಜೇಕಬ್‌ ಓರಮ್‌, ಔಟ್‌
4ನೇ ಎಸೆತ: ರಾಸ್‌ ಟೇಲರ್‌, ನೋಬಾಲ್‌ + 6
4ನೇ ಎಸೆತ: ರಾಸ್‌ ಟೇಲರ್‌, ಔಟ್‌

**

ಫೆಬ್ರುವರಿ 28, 2010: ಆಸ್ಟ್ರೇಲಿಯಾ ವಿರುದ್ಧ ಟಿ20 ಪಂದ್ಯದಲ್ಲಿ ಗೆಲುವು
ನ್ಯೂಜಿಲೆಂಡ್‌ನ ಕ್ರೈಸ್ಟ್‌ ಚರ್ಚ್‌ನಲ್ಲಿ ನಡೆದ ಪಂದ್ಯದಲ್ಲಿ ಬ್ರೆಂಡಮ್‌ ಮೆಕಲಮ್‌ (116) ಶತಕ ಸಿಡಿಸಿದ್ದರು. ಅವರ ಬ್ಯಾಟಿಂಗ್ ಬಲದಿಂದ ಕಿವೀಸ್‌ ಬಳಗ 20 ಓವರ್‌ಗಳಲ್ಲಿ ಆರು ವಿಕೆಟ್‌ ಕಳೆದುಕೊಂಡು 214 ರನ್‌ ಕಲೆಹಾಕಿತ್ತು. ಈ ಮೊತ್ತ ಬೆನ್ನಟ್ಟಿದ್ದ ಆಸ್ಟ್ರೇಲಿಯಾ, ಮೈಕಲ್‌ ಕ್ಲಾರ್ಕ್‌ (67), ಕೆಮರೂನ್‌ ವೈಟ್‌ (64) ಅರ್ಧಶತಕಗಳ ನೆರವಿನಿಂದ 214 ರನ್‌ ಗಳಿಸಿ ಪಂದ್ಯ ಟೈ ಮಾಡಿಕೊಂಡಿತ್ತು.

ಹೀಗಾಗಿ ನಡೆದ ಸೂಪರ್‌ ಓವರ್‌ನಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಆಸ್ಟ್ರೇಲಿಯಾ ಒಂದು ವಿಕೆಟ್‌ ಕಳೆದುಕೊಂಡು 6 ರನ್‌ ಗಳಿಸಿತ್ತು. ಕಿವೀಸ್‌ ಪರ ಟಿಮ್‌ ಸೌಥಿ ಬೌಲಿಂಗ್ ಮಾಡಿದ್ದರು. ಈ ಮೊತ್ತವನ್ನು ಮೂರೇ ಎಸೆತಗಳಲ್ಲಿ ಗಳಿಸಿತು.

ಆಸ್ಟ್ರೇಲಿಯಾ ಬ್ಯಾಟಿಂಗ್‌: 1 ವಿಕೆಟ್‌ಗೆ 6 ರನ್‌
ಬೌಲರ್: ಟಿಮ್‌ ಸೌಥಿ

1ನೇ ಎಸೆತ: ಕೆಮರೂನ್‌ ವೈಟ್‌, 2
2ನೇ ಎಸೆತ: ಕೆಮರೂನ್‌ ವೈಟ್‌, 1
3ನೇ ಎಸೆತ: ಡೇವಿಡ್ ವಾರ್ನರ್‌, 0
4ನೇ ಎಸೆತ: ಡೇವಿಡ್ ವಾರ್ನರ್‌, ಔಟ್‌
5ನೇ ಎಸೆತ: ಕೆಮರೂನ್‌ ವೈಟ್‌, 1
6ನೇ ಎಸೆತ: ಬ್ರಾಡ್ ಹಡ್ಡಿನ್‌, 2

ನ್ಯೂಜಿಲೆಂಡ್‌ ಬ್ಯಾಟಿಂಗ್‌: 9 ರನ್‌
ಬೌಲರ್: ಶಾನ್‌ ಟೈಟ್‌

1ನೇ ಎಸೆತ: ಬ್ರೆಂಡನ್‌ ಮೆಕಲಮ್‌, 1
2ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, ವೈಡ್‌
2ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, 1
3ನೇ ಎಸೆತ: ಬ್ರೆಂಡನ್‌ ಮೆಕಲಮ್‌, ವೈಡ್‌ + 1
3ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, 4

**

ಸೆಪ್ಟೆಂಬರ್‌ 27, 2012: ಶ್ರೀಲಂಕಾ ವಿರುದ್ಧ ಟಿ20 ಪಂದ್ಯದಲ್ಲಿ ಸೋಲು
ಶ್ರೀಲಂಕಾದ ಪಲ್ಲಿಕಲೆಯಲ್ಲಿ ನಡೆದ ವಿಶ್ವಕಪ್‌ ಟೂರ್ನಿಯ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್‌ 7 ವಿಕೆಟ್‌ಗೆ 174 ರನ್‌ ಗಳಿಸಿತ್ತು. ಲಂಕಾ ಪಡೆಯೂ ಇಷ್ಟೇ ರನ್‌ ಗಳಿಸಿದ್ದರಿಂದ ಪಂದ್ಯ ಟೈ ಆಗಿತ್ತು.

ನಂತರ ನಡೆದ ಸೂಪರ್‌ ಓವರ್‌ನಲ್ಲಿ ಲಂಕಾ 1 ವಿಕೆಟ್‌ ಕಳೆದುಕೊಂಡು 13 ರನ್‌ ಪೇರಿಸಿತು. ಇದಕ್ಕುತ್ತರವಾಗಿ ನ್ಯೂಜಿಲೆಂಡ್‌ ಒಂದು ವಿಕೆಟ್‌ ಕಳೆದುಕೊಂಡು 7 ರನ್‌ ಗಳಿಸಲಷ್ಟೇ ಶಕ್ತವಾಯಿತು.

ಶ್ರೀಲಂಕಾ ಬ್ಯಾಟಿಂಗ್‌: 1 ವಿಕೆಟ್‌ಗೆ 13 ರನ್‌
ಬೌಲರ್: ಟಿಮ್‌ ಸೌಥಿ

1ನೇ ಎಸೆತ: ಮಹೇಲ ಜಯವರ್ಧನೆ, 2
2ನೇ ಎಸೆತ: ಮಹೇಲ ಜಯವರ್ಧನೆ, 1
3ನೇ ಎಸೆತ: ತಿಸಾರ ಪೆರೇರಾ, ವೈಡ್‌1
3ನೇ ಎಸೆತ: ತಿಸಾರ ಪೆರೇರಾ, 2
4ನೇ ಎಸೆತ: ತಿಸಾರ ಪೆರೇರಾ, ವೈಡ್‌ + 1
4ನೇ ಎಸೆತ: ಮಹೇಲ ಜಯವರ್ಧನೆ, 1 + ರನೌಟ್‌
5ನೇ ಎಸೆತ: ತಿಲಕರತ್ನೆ ದಿಲ್ಶಾನ್‌, ಲೆಗ್‌ಬೈಸ್‌ 1
6ನೇ ಎಸೆತ: ತಿಸಾರ ಪೆರೇರಾ, 3

ನ್ಯೂಜಿಲೆಂಡ್‌ ಬ್ಯಾಟಿಂಗ್‌: 9 ರನ್‌
ಬೌಲರ್: ಲಸಿತ್‌ ಮಾಲಿಂಗ

1ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, 2
2ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, 1
3ನೇ ಎಸೆತ: ಬ್ರೆಂಡನ್‌ ಮೆಕಲಮ್‌, ಬೈಸ್ 2
4ನೇ ಎಸೆತ: ಬ್ರೆಂಡನ್‌ ಮೆಕಲಮ್‌, 1
5ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, ಔಟ್‌
6ನೇ ಎಸೆತ: ಬ್ರೆಂಡನ್‌ ಮೆಕಲಮ್‌, 1

**

ಅಕ್ಟೋಬರ್‌ 01, 2012: ವಿಂಡೀಸ್‌ ವಿರುದ್ಧ ಟಿ20 ಪಂದ್ಯದಲ್ಲಿ ಸೋಲು
ಶ್ರೀಲಂಕಾದ ಪಲ್ಲಿಕಲೆಯಲ್ಲಿ ನಡೆದ ಚುಟುಕು ವಿಶ್ವಕಪ್‌ ಟೂರ್ನಿಯ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ವೆಸ್ಟ್‌ ಇಂಡೀಸ್‌ ತಂಡ 19.3 ಓವರ್‌ಗಳಲ್ಲಿ 139 ರನ್‌ ಗಳಿಸಿ ಆಲೌಟ್‌ ಆಗಿತ್ತು. ನ್ಯೂಜಿಲೆಂಡ್‌ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್‌ ಕಳೆದುಕೊಂಡು 139 ರನ್‌ ಗಳಿಸಿತ್ತು.

ಹೀಗಾಗಿ ಸೂಪರ್‌ ಓವರ್‌ಗೆ ಹೋದ ಪಂದ್ಯದಲ್ಲಿ ಕಿವೀಸ್‌ ಸೋಲು ಕಂಡಿತ್ತು.

ಸೂಪರ್ ಓವರ್‌ನಲ್ಲಿ ಮೊದಲು ಬ್ಯಾಟ್‌ ಬೀಸಿದ ಕಿವೀಸ್‌ 17 ರನ್‌ ಗಳಿಸಿತ್ತು. ವಿಂಡೀಸ್‌ ಕೇವಲ 5 ಎಸೆತಗಳಲ್ಲೇ 19 ರನ್‌ ಗಳಿಸಿತು.

ನ್ಯೂಜಿಲೆಂಡ್‌ ಬ್ಯಾಟಿಂಗ್‌: 17 ರನ್‌
ಬೌಲರ್: ಮರ್ಲಾನ್‌ ಸ್ಯಾಮುಯಲ್ಸ್‌

1ನೇ ಎಸೆತ: ರಾಸ್ ಟೇಲರ್‌, ವೈಡ್‌
1ನೇ ಎಸೆತ: ರಾಸ್ ಟೇಲರ್‌, 2
2ನೇ ಎಸೆತ: ರಾಸ್ ಟೇಲರ್‌, 1
3ನೇ ಎಸೆತ: ಬ್ರೆಂಡನ್‌ ಮೆಕಲಮ್‌, 1
4ನೇ ಎಸೆತ: ರಾಸ್ ಟೇಲರ್‌, 4
5ನೇ ಎಸೆತ: ರಾಸ್‌ ಟೇಲರ್‌, 6
6ನೇ ಎಸೆತ: ರಾಸ್‌ ಟೇಲರ್‌, 2

ವೆಸ್ಟ್‌ ಇಂಡೀಸ್‌ ಬ್ಯಾಟಿಂಗ್‌: 19 ರನ್‌
ಬೌಲರ್: ಟಿಮ್‌ ಸೌಥಿ

1ನೇ ಎಸೆತ: ಕ್ರಿಸ್‌ ಗೇಲ್‌, ನೋಬಾಲ್‌
1ನೇ ಎಸೆತ: ಕ್ರಿಸ್‌ ಗೇಲ್‌, 1
2ನೇ ಎಸೆತ: ಮರ್ಲಾನ್‌ ಸ್ಯಾಮುಯೆಲ್ಸ್‌, 2
3ನೇ ಎಸೆತ: ಮರ್ಲಾನ್‌ ಸ್ಯಾಮುಯೆಲ್ಸ್‌, 1
4ನೇ ಎಸೆತ: ಕ್ರಿಸ್‌ ಗೇಲ್‌, ವೈಡ್‌
4ನೇ ಎಸೆತ: ಕ್ರಿಸ್‌ ಗೇಲ್‌, 1
5ನೇ ಎಸೆತ: ಮರ್ಲಾನ್‌ ಸ್ಯಾಮುಯೆಲ್ಸ್‌, 6

**

ಜುಲೈ 14, 2019: ಇಂಗ್ಲೆಂಡ್‌ ವಿರುದ್ಧ ಏಕದಿನ ವಿಶ್ವಕಪ್‌ ಪಂದ್ಯ
ಇಂಗ್ಲೆಂಡ್‌ನ ಲಾರ್ಡ್‌ನಲ್ಲಿ ಈ ಪಂದ್ಯ ನಡೆದಿತ್ತು. ಕ್ರಿಕೆಟ್‌ ಜಗತ್ತನ್ನೇ ತನ್ನತ್ತ ಸೆಳೆದುಕೊಂಡಿದ್ದ ವಿಶ್ವಕಪ್‌ ಫೈನಲ್‌ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಕಿವೀಸ್‌ ಪಡೆ ನಿಗದಿತ 50 ಓವರ್‌ಗಳಲ್ಲಿ 8 ವಿಕೆಟ್‌ ಕಳೆದುಕೊಂಡು 241 ರನ್‌ ಗಳಿಸಿತ್ತು. ಈ ಮೊತ್ತದೆದುರು ಅಮೋಘ ಆಟವಾಡಿದ್ದ  ಬೆನ್‌ ಸ್ಟೋಕ್ಸ್‌ (84) ತಮ್ಮ ತಂಡದ ಮೊತ್ತವನ್ನು ಕಿವೀಸ್‌ ಮೊತ್ತಕ್ಕೆ ಸಮವಾಗಿಸಿದ್ದರು.

ಹೀಗಾಗಿ ಸೂಪರ್ ಓವರ್ ನಡೆದಿತ್ತು. ಕಿವೀಸ್‌ ಪರ ಟ್ರೆಂಟ್‌ ಬೌಲ್ಟ್‌ ಎಸೆದ ಓವರ್‌ನಲ್ಲಿ ಇಂಗ್ಲೆಂಡ್‌ 15 ರನ್‌ ಗಳಿಸಿತ್ತು. ಬಳಿಕ ಕಿವೀಸ್‌ ಕೂಡ ಇಷ್ಟೇ ರನ್‌ ಗಳಿಸಿತಾದರೂ ಪಂದ್ಯದಲ್ಲಿ ದಾಖಲಾದ ಬೌಂಡರಿ ಮತ್ತು ಸಿಕ್ಸರ್‌ ಆಧಾರದಲ್ಲಿ ಇಂಗ್ಲೆಂಡ್‌ಗೆ ಗೆಲುವು ನೀಡಲಾಯಿತು. ಈ ನಿರ್ಧಾರವನ್ನು ಅಭಿಮಾನಿಗಳೂ ವ್ಯಾಪಕವಾಗಿ ಟೀಕಿಸಿದರಾದರೂ, ಇಂಗ್ಲೆಂಡ್‌ ಚಾಂಪಿಯನ್‌ ಎನಿಸಿಕೊಂಡಿತು.


ವಿಶ್ವಕಪ್‌ ಸೋಲಿನ ಬಳಿಕ ನ್ಯೂಜಿಲೆಂಡ್‌ ತಂಡ

ಇಂಗ್ಲೆಂಡ್‌ ಬ್ಯಾಟಿಂಗ್‌: 15 ರನ್‌
ಬೌಲರ್: ಜೋಫ್ರಾ ಆರ್ಚರ್

1ನೇ ಎಸೆತ: ಬೆನ್ ಸ್ಟೋಕ್ಸ್‌, 3
2ನೇ ಎಸೆತ: ಜಾಸ್‌ ಬಟ್ಲರ್‌, 1
3ನೇ ಎಸೆತ: ಬೆನ್ ಸ್ಟೋಕ್ಸ್‌, 4
4ನೇ ಎಸೆತ: ಬೆನ್ ಸ್ಟೋಕ್ಸ್‌, 1
5ನೇ ಎಸೆತ: ಜಾಸ್‌ ಬಟ್ಲರ್‌, 2
6ನೇ ಎಸೆತ: ಜಾಸ್‌ ಬಟ್ಲರ್‌, 4​​

ನ್ಯೂಜಿಲೆಂಡ್‌ ಬ್ಯಾಟಿಂಗ್‌: 15 ರನ್‌
ಬೌಲರ್: ಟ್ರೆಂಟ್‌ ಬೌಲ್ಟ್‌

1ನೇ ಎಸೆತ: ಜಿಮ್ಮಿ ನೀಶಮ್‌, ವೈಡ್‌
1ನೇ ಎಸೆತ: ಜಿಮ್ಮಿ ನೀಶಮ್‌, 2
2ನೇ ಎಸೆತ: ಜಿಮ್ಮಿ ನೀಶಮ್‌, 6
3ನೇ ಎಸೆತ: ಜಿಮ್ಮಿ ನೀಶಮ್‌, 2
4ನೇ ಎಸೆತ: ಜಿಮ್ಮಿ ನೀಶಮ್‌, 2
5ನೇ ಎಸೆತ: ಜಿಮ್ಮಿ ನೀಶಮ್‌, 1
6ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, 1 + ರನೌಟ್‌

**

ನವೆಂಬರ್ 10, 2019: ಇಂಗ್ಲೆಂಡ್‌ ವಿರುದ್ಧ ಟಿ20 ಪಂದ್ಯದಲ್ಲಿ ಸೋಲು
ಕೆಲವೇ ತಿಂಗಳ ಹಿಂದಷ್ಟೇ ವಿಶ್ವಕಪ್‌ ಟೂರ್ನಿಯ ಫೈನಲ್‌ನಲ್ಲಿ ರೂಚಕ ‘ಟೈ’ ಕಂಡಿದ್ದ ನ್ಯೂಜಿಲೆಂಡ್‌ ಮತ್ತು ಇಂಗ್ಲೆಂಡ್‌ ತಂಡಗಳು ಮತ್ತೊಮ್ಮೆ ಅಂತಹದೇ ಕ್ಷಣಕ್ಕೆ ಸಾಕ್ಷಿಯಾದವು.

ಕಿವೀಸ್‌ನ ಆಕ್ಲೆಂಡ್‌ನಲ್ಲಿ ನಡೆದ ಪಂದ್ಯವನ್ನು ಮಳೆಯಿಂದಾಗಿ 11 ಓವರ್‌ಗಳಿಗೆ ಇಳಿಸಲಾಗಿತ್ತು. ಮೊದಲು ಬ್ಯಾಟಿಂಗ್ ಮಾಡಿದ್ದ ಆತಿಥೇಯರು ನಿಗದಿತ 146ರನ್‌ಗಳ ಬೃಹತ್‌ ಮೊತ್ತ ಕಲೆಹಾಕಿದ್ದರು. ಈ ಮೊತ್ತದೆದುರು ಡಿಟ್ಟ ಆಟವಾಡಿದ್ದ ಇಂಗ್ಲೆಂಡ್‌ ಮೊತ್ತ ಸಮ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು.

ಹೀಗಾಗಿ ನಡೆದ ಸೂಪರ್ ಓವರ್‌ನಲ್ಲಿ ಮೊದಲು ಬ್ಯಾಟ್‌ ಬೀಸಿದ ಇಂಗ್ಲೆಂಡ್‌ 17 ರನ್‌ ಗಳಿಸಿತು. ಇದಕ್ಕುತ್ತರವಾಗಿ ಕಿವೀಸ್‌ ಕೇವಲ ಎಂಟು ರನ್‌ ಗಳಿಸಿತು.

ಇಂಗ್ಲೆಂಡ್‌ ಬ್ಯಾಟಿಂಗ್‌: 17 ರನ್‌
ಬೌಲರ್: ಟಿಮ್‌ ಸೌಥಿ

1ನೇ ಎಸೆತ: ಜಾನಿ ಬೈರ್ಸ್ಟ್ರೋವ್‌, 1
2ನೇ ಎಸೆತ: ಇಯಾನ್‌ ಮಾರ್ಗನ್‌, 6
3ನೇ ಎಸೆತ: ಇಯಾನ್‌ ಮಾರ್ಗನ್‌, 1
4ನೇ ಎಸೆತ: ಜಾನಿ ಬೈರ್ಸ್ಟ್ರೋವ್‌, 6
5ನೇ ಎಸೆತ: ಜಾನಿ ಬೈರ್ಸ್ಟ್ರೋವ್‌, 1
6ನೇ ಎಸೆತ: ಇಯಾನ್‌ ಮಾರ್ಗನ್‌, 2

ನ್ಯೂಜಿಲೆಂಡ್‌ ಬ್ಯಾಟಿಂಗ್‌: 8 ರನ್‌
ಬೌಲರ್: ಕ್ರಿಸ್‌ ಜೋರ್ಡನ್‌

1ನೇ ಎಸೆತ: ಟಿಮ್‌ ಸೀಫರ್ಟ್‌, 2
2ನೇ ಎಸೆತ: ಟಿಮ್‌ ಸೀಫರ್ಟ್‌, ವೈಡ್‌
2ನೇ ಎಸೆತ: ಟಿಮ್‌ ಸೀಫರ್ಟ್‌, 4
3ನೇ ಎಸೆತ: ಟಿಮ್‌ ಸೀಫರ್ಟ್‌, 0
4ನೇ ಎಸೆತ: ಟಿಮ್‌ ಸೀಫರ್ಟ್‌, ಔಟ್‌
5ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, 1
6ನೇ ಎಸೆತ: ಕಾಲಿನ್‌ ಡಿ ಗ್ರಾಂಡ್‌ಹೋಮ್‌, 0

**

ಜನವರಿ 29, 2020: ಭಾರತ ವಿರುದ್ಧ ಟಿ20 ಪಂದ್ಯದಲ್ಲಿ ಸೋಲು
ಐದು ಪಂದ್ಯಗಳ ಸರಣಿ ಮೊದಲೆರಡು ಪಂದ್ಯಗಳನ್ನು ಭಾರತ ಗೆದ್ದುಕೊಂಡಿದ್ದರಿಂದ, ಸರಣಿ ಜಯದ ಆಸೆ ಜೀವಂತವಾಗಿರಿಸಿಕೊಳ್ಳಲು ಈ ಪಂದ್ಯವನ್ನು ಗೆಲ್ಲಲೇ ಬೇಕಾದ ಒತ್ತಡ ನ್ಯೂಜಿಲೆಂಡ್‌ಗೆ ಇತ್ತು. ಹಾಗಾಗಿ ಉಭಯ ತಂಡಗಳು ಜಿದ್ದಿಗೆ ಬಿದ್ದಂತೆ ಸೆಣಸಿದವು.

ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ರೋಹಿತ್ ಶರ್ಮಾ ಅರ್ಧಶತಕದ ಬಲದಿಂದ 179 ರನ್‌ ಗಳಿಸಿತ್ತು. ಈ ಮೊತ್ತ ಬೆನ್ನಟ್ಟಿದ ಕಿವೀಸ್‌ಗೆ ನಾಯಕ ಕೇನ್‌ ವಿಲಿಯಮ್ಸನ್‌ ಬಲ ತುಂಬಿದ್ದರು. 

ಇದನ್ನೂ ಓದಿ: ಹೀಗಿತ್ತು ಸೂಪರ್ ಓವರ್!: ರೋಹಿತ್ ಸಿಕ್ಸರ್ ಎದುರು ಮಂಕಾದ ವಿಲಿಯಮ್ಸನ್ ಆಟ

ಮೊಹಮದ್ ಶಮಿ ಎಸೆದ ಕೊನೆಯ ಓವರ್‌ನಲ್ಲಿ ನ್ಯೂಜಿಲೆಂಡ್‌ ಗೆಲುವಿಗೆ 9 ರನ್‌ ಬೇಕಿತ್ತು. ವಿಲಿಯಮ್ಸನ್‌ ಮತ್ತು ಅನುಭವಿ ರಾಸ್‌ ಟೇಲರ್ (17) ಕ್ರೀಸ್‌ನಲ್ಲಿದ್ದರು. ಮೊದಲ ಎಸೆತವನ್ನು ಸಿಕ್ಸರ್‌ಗೆ ಅಟ್ಟಿದ ಟೇಲರ್‌ ಎರಡನೇ ಎಸೆತದಲ್ಲಿ 1 ರನ್‌ ಗಳಿಸಿದರು. ಕೊನೆಯ ನಾಲ್ಕು ಎಸೆತಗಳಲ್ಲಿ ಕೇವಲ ಎರಡು ರನ್‌ ಬೇಕಿದ್ದರಿಂದ, ಕಿವೀಸ್‌ ಪಡೆಗೆ ಗೆಲುವು ನಿಶ್ಚಿತ ಎನ್ನಲಾಗಿತ್ತು.

ಆದರೆ, 95 ರನ್ ಗಳಿಸಿ ಶತಕದ ಸನಿಹವಿದ್ದ ವಿಲಿಯಮ್ಸನ್‌ ಮೂರನೇ ಎಸೆತದಲ್ಲಿ ವಿಕೆಟ್‌ ಒಪ್ಪಿಸಿದರು. ನಾಲ್ಕನೇ ಎಸೆತದಲ್ಲಿ ರನ್‌ ಕದಿಯಲು ವಿಫಲವಾದ ಟಿಮ್ ಸೀಫರ್ಟ್‌ ನಂತರ ಒಂದು ರನ್‌ ಗಳಿಸಿದರು. ಕೊನೆ ಎಸೆತದಲ್ಲಿ ಟೇಲರ್‌ ವಿಕೆಟ್‌ ಒಪ್ಪಿಸಿದ್ದರಿಂದ ಟೈ ಆಯಿತು.


ಮೂರನೇ ಟಿ20 ಪಂದ್ಯದ ವೇಳೆ ಗಾಯಗೊಂಡ ಕೇನ್‌ ವಿಲಿಯಮ್ಸನ್‌

ಫಲಿತಾಂಶಕ್ಕಾಗಿ ಸೂಪರ್‌ ಓವರ್‌ಗೆ ಸಾಗಿದ ಪಂದ್ಯದಲ್ಲಿ ಭಾರತ ಪರ ಜಸ್‌ಪ್ರೀತ್‌ ಬೂಮ್ರಾ ಬೌಲಿಂಗ್ ಮಾಡಿದರು. ಈ ಓವರ್‌ನಲ್ಲಿ 4 ಎಸೆತ ಎದುರಿಸಿದ ಕೇನ್‌ ವಿಲಿಯಮ್ಸನ್‌ 11 ರನ್‌ ಗಳಿಸಿದರೆ, ಉಳಿದೆರಡು ಎಸೆತಗಳಲ್ಲಿ ಮಾರ್ಟಿನ್‌ ಗಪ್ಟಿಲ್‌ 5 ರನ್‌ ಬಾರಿಸಿದರು. ಹೀಗಾಗಿ ನ್ಯೂಜಿಲೆಂಡ್‌ 17 ರನ್‌ ಗಳಿಸಿಕೊಂಡಿತು. 

ಈ ಗುರಿಯನ್ನು ಕಾಪಾಡಿಕೊಳ್ಳಲು ನ್ಯೂಜಿಲೆಂಡ್‌ ಪರ ಟಿಮ್‌ ಸೌಥಿ ಬೌಲಿಂಗ್ ಮಾಡಿದರು. ನಾಲ್ಕು ಎಸೆತಗಳನ್ನು ಎದುರಿಸಿದ ರೋಹಿತ್‌ ಶರ್ಮಾ 2 ಸಿಕ್ಸರ್ ಸಹಿತ 15 ರನ್‌ ಚಚ್ಚಿದರು. ಎರಡು ಎಸೆತಗಳನ್ನು ಆಡಿದ ಕೆ.ಎಲ್‌. ರಾಹುಲ್‌ 5 ರನ್‌ ಗಳಿಸಿದರು.

ನ್ಯೂಜಿಲೆಂಡ್‌ ಬ್ಯಾಟಿಂಗ್‌: 17 ರನ್‌
ಬೌಲರ್: ಜಸ್‌ಪ್ರೀತ್ ಬೂಮ್ರಾ

1ನೇ ಎಸೆತ: ಕೇನ್‌ ವಿಲಿಯಮ್ಸನ್‌, 1
2ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, 1
3ನೇ ಎಸೆತ: ಕೇನ್‌ ವಿಲಿಯಮ್ಸನ್‌, 6
4ನೇ ಎಸೆತ: ಕೇನ್‌ ವಿಲಿಯಮ್ಸನ್‌, 4
5ನೇ ಎಸೆತ: ಕೇನ್‌ ವಿಲಿಯಮ್ಸನ್‌, ಬೈಸ್‌ 1
6ನೇ ಎಸೆತ: ಮಾರ್ಟಿನ್‌ ಗಪ್ಟಿಲ್‌, 4

ಭಾರತ ಬ್ಯಾಟಿಂಗ್‌: 20 ರನ್‌
ಬೌಲರ್: ಟಿಮ್‌ ಸೌಥಿ

1ನೇ ಎಸೆತ: ರೋಹಿತ್‌ ಶರ್ಮಾ, 2
2ನೇ ಎಸೆತ: 
ರೋಹಿತ್‌ ಶರ್ಮಾ, 1
3ನೇ ಎಸೆತ: ಕೆ.ಎಲ್. ರಾಹುಲ್‌, 4
4ನೇ ಎಸೆತ: ಕೆ.ಎಲ್. ರಾಹುಲ್‌, 1
5ನೇ ಎಸೆತ: ರೋಹಿತ್‌ ಶರ್ಮಾ, 6
6ನೇ ಎಸೆತ: ರೋಹಿತ್‌ ಶರ್ಮಾ, 6

**

ಜನವರಿ 31, 2020: ಭಾರತ ವಿರುದ್ಧ ಟಿ20 ಪಂದ್ಯದಲ್ಲಿ ಸೋಲು
ಐದು ಪಂದ್ಯಗಳ ಸರಣಿ ನಾಲ್ಕನೇ ಪಂದ್ಯವೂ ಸೂಪರ್ ಓವರ್‌ನಲ್ಲಿ ಅಂತ್ಯವಾಯಿತು. ವೆಲ್ಲಿಂಗ್ಟನ್‌ನಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ, ಪ್ರಮುಖ ಬ್ಯಾಟ್ಸ್‌ಮನ್‌ಗಳ ವೈಫಲ್ಯದ ನಡುವೆಯೂ 165 ರನ್‌ ಕಲೆಹಾಕಿತ್ತು. ಕನ್ನಡಿಗ ಮನೀಷ್ ಪಾಂಡೆ 50 ರನ್‌ ಗಳಿಸಿ ತಂಡಕ್ಕೆ ನೆರವಾಗಿದ್ದರು.

ಇದನ್ನೂ ಓದಿ: ಮಿಂಚಿದ ಮನೀಷ್, ರಾಹುಲ್: ಭಾರತಕ್ಕೆ ಮತ್ತೊಂದು ಸೂಪರ್ ಜಯ

ಈ ಮೊತ್ತದೆರು ಕಿವೀಸ್‌ ಪಡೆಯ ಕಾಲಿನ್‌ ಮುನ್ರೊ (64) ಮತ್ತು ಟಿಮ್‌ ಸಿಫರ್ಟ್‌ (57) ಅರ್ಧಶತಕ ಗಳಿಸಿ ಮಿಂಚಿದ್ದರು. ಅವರ ಆಟದ ಹೊರತಾಗಿಯೂ ಪಂದ್ಯ ಟೈ ಆಯಿತು. ಕೊನೆಯ ಓವರ್‌ನಲ್ಲಿ ಆತಿಥೇಯರಿಗೆ ಕೇವಲ 7 ರನ್‌ ಬೇಕಿತ್ತು. ವೇಗಿ ಶಾರ್ದೂಲ್‌ ಠಾಕೂರ್‌ ಆ ಮೊತ್ತವನ್ನು ರಕ್ಷಿಸಿಕೊಳ್ಳುವಲ್ಲಿ ಯಶಸ್ವಿಯಾದರು. ಕೊನೆಯ ಓವರ್‌ನಲ್ಲಿ ನಾಲ್ಕು ವಿಕೆಟ್‌ ಕಳೆದುಕೊಂಡದ್ದು ಕಿವೀಸ್‌ಗೆ ಮುಳುವಾಯಿತು.


ಟಿ20 ಸರಣಿಯ 4ನೇ ಪಂದ್ಯದಲ್ಲಿ ಟಿಪ್‌ ಸೀಫರ್ಟ್‌ ರನೌಟ್‌ ಆದದ್ದು

ಹೀಗಾಗಿ ಸೂಪರ್‌ ಓವರ್ ನಡೆಯಿತು. ಬೂಮ್ರಾ ಎಸೆದ ಈ ಓವರ್‌ನಲ್ಲಿ ಕಿವೀಸ್‌ 13 ರನ್‌ ಗಳಿಸಿತು. ಈ ಮೊತ್ತವನ್ನು ಭಾರತ ಐದೇ ಎಸೆತಗಳಲ್ಲಿ ಮುಟ್ಟಿ ಗೆಲುವಿನ ನಗೆ ಬೀರಿತು.

ನ್ಯೂಜಿಲೆಂಡ್‌ ಬ್ಯಾಟಿಂಗ್‌: 1ವಿಕೆಟ್‌ಗೆ 13 ರನ್‌
ಬೌಲರ್: ಜಸ್‌ಪ್ರೀತ್ ಬೂಮ್ರಾ

1ನೇ ಎಸೆತ: ಟಿಮ್‌ ಸೀಫರ್ಟ್‌, 2
2ನೇ ಎಸೆತ: ಟಿಮ್‌ ಸೀಫರ್ಟ್‌, 4
3ನೇ ಎಸೆತ: ಟಿಮ್‌ ಸೀಫರ್ಟ್‌, 2
4ನೇ ಎಸೆತ: ಟಿಮ್‌ ಸೀಫರ್ಟ್‌, ಔಟ್‌
5ನೇ ಎಸೆತ: ಕಾಲಿನ್‌ ಮುನ್ರೊ, 4
6ನೇ ಎಸೆತ: ಕಾಲಿನ್‌ ಮುನ್ರೊ, 1

ಭಾರತ ಬ್ಯಾಟಿಂಗ್‌: 1 ವಿಕೆಟ್‌ಗೆ 16 ರನ್‌
ಬೌಲರ್: ಟಿಮ್‌ ಸೌಥಿ

1ನೇ ಎಸೆತ: ಕೆ.ಎಲ್‌. ರಾಹುಲ್‌, 6
2ನೇ ಎಸೆತ: ಕೆ.ಎಲ್‌. ರಾಹುಲ್‌, 4
3ನೇ ಎಸೆತ: ಕೆ.ಎಲ್. ರಾಹುಲ್‌, ಔಟ್‌
4ನೇ ಎಸೆತ: ವಿರಾಟ್‌ ಕೊಹ್ಲಿ, 2
5ನೇ ಎಸೆತ:  ವಿರಾಟ್‌ ಕೊಹ್ಲಿ, 4

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು