Ind A Vs Aus A: ಭಾರತದ ಹೋರಾಟಕ್ಕೆ ರಾಹುಲ್‌ ಆಸರೆ

ಲಖನೌ: ಆಸ್ಟ್ರೇಲಿಯಾ ಎ ತಂಡವು ನೀಡಿದ ಬೃಹತ್ ಗುರಿಯನ್ನು ಬೆನ್ನಟ್ಟಿದ ಭಾರತ ಎ ತಂಡಕ್ಕೆ ಗುರುವಾರ ಆರಂಭಿಕ ಆಟಗಾರ ಕೆ.ಎಲ್.ರಾಹುಲ್ (ಗಾಯಗೊಂಡು ನಿವೃತ್ತಿ 74;92ಎ, 4x9) ಆಸರೆಯಾದರು. ಎರಡನೇ ‘ಟೆಸ್ಟ್’ನ ಮೊದಲ ಇನಿಂಗ್ಸ್ನಲ್ಲಿ ಭಾರೀ ಹಿನ್ನೆಡೆ ಅನುಭವಿಸಿದ್ದ ಆತಿಥೇಯ ತಂಡಕ್ಕೆ ಅವರು ಗೆಲುವಿನ ಆಸೆ ಚಿಗುರಿಸಿದರು.

. ಗೆಲುವಿಗೆ 412 ರನ್ಗಳ ಗುರಿ ಪಡೆದಿರುವ ಭಾರತ ತಂಡವು ಎರಡನೇ ಇನಿಂಗ್ಸ್ನಲ್ಲಿ 41 ಓವರ್ಗಳಲ್ಲಿ 2 ವಿಕೆಟ್ಗೆ 169 ರನ್ ಗಳಿಸಿದೆ. ಗೆಲುವಿಗೆ ಇನ್ನೂ 243 ರನ್ ಬೇಕಿದೆ. ಆದರೆ, ಪಂದ್ಯದ ವೇಳೆ ರಾಹುಲ್ ಗಾಯಗೊಂಡು ನಿವೃತ್ತರಾದರು. ಸಾಯಿ ಸುದರ್ಶನ್ (ಔಟಾಗದೇ 44) ಮತ್ತು ಮಾನವ್ ಸುತಾರ್ (ಔಟಾಗದೇ 1) ನಾಲ್ಕನೇ ದಿನಕ್ಕೆ ಆಟ ಕಾಯ್ದುಕೊಂಡಿದ್ದಾರೆ.

. ಮೊದಲ ಇನಿಂಗ್ಸ್ನಲ್ಲಿ 226 ರನ್ಗಳ ಮುನ್ನಡೆ ಪಡೆದ ಆಸ್ಟ್ರೇಲಿಯಾ ತಂಡವು ಎರಡನೇ ಇನಿಂಗ್ಸ್ನಲ್ಲಿ ಭಾರತದ ಬೌಲರ್ಗಳ ದಾಳಿಗೆ ತತ್ತರಿಸಿತು. ಬುಧವಾರ 3 ವಿಕೆಟ್ಗೆ 16 ರನ್ ಗಳಿಸಿದ್ದ ತಂಡವು ನಾಯಕ ನೇಥನ್ ಮೆಕ್ಸ್ವೀನಿ (ಔಟಾಗದೇ 85;149ಎ) ಏಕಾಂಗಿ ಹೋರಾಟದ ಬಲದಿಂದ 46.5 ಓವರ್ಗಳಲ್ಲಿ 185 ರನ್ ಗಳಿಸಿತು. ಭಾರತದ ಪರ ಗುರ್ನೂರ್ ಬ್ರಾರ್ ಮತ್ತು ಮಾನವ್ ಸುತಾರ್ ತಲಾ ಮೂರು ವಿಕೆಟ್ ಪಡೆದರು.

. ಸಂಕ್ಷಿಪ್ತ ಸ್ಕೋರು:

. ಮೊದಲ ಇನಿಂಗ್ಸ್: ಆಸ್ಟ್ರೇಲಿಯಾ ಎ: 98 ಓವರ್ಗಳಲ್ಲಿ 6 ಕ್ಕೆ 532 ಡಿಕ್ಲೇರ್ಡ್.

ಭಾರತ ಎ: 52.5 ಓವರುಗಳಲ್ಲಿ 194.

ಎರಡನೇ ಇನಿಂಗ್ಸ್: ಆಸ್ಟ್ರೇಲಿಯಾ ಎ: 46.5 ಓವರ್ಗಳಲ್ಲಿ 185 (ನೇಥನ್ ಮೆಕ್ಸ್ವೀನಿ ಔಟಾಗದೇ 85, ಜೋಷ್ ಫಿಲಿಪ್ 50; ಗುರ್ನೂರ್ ಬ್ರಾರ್ 42ಕ್ಕೆ 3, ಮಾನವ್ ಸುತಾರ್ 50ಕ್ಕೆ 3, ಮೊಹಮ್ಮದ್ ಸಿರಾಜ್ 20ಕ್ಕೆ 2, ಯಶ್ ಠಾಕೂರ್ 29ಕ್ಕೆ 2).

ಭಾರತ ಎ: 41 ಓವರ್ಗಳಲ್ಲಿ 2 ವಿಕೆಟ್ಗೆ 169 (ನಾರಾಯಣ ಜಗದೀಶನ್ 36, ಕೆ.ಎಲ್.ರಾಹುಲ್ 74 (ಗಾಯಾಳಾಗಿ ನಿವೃತ್ತಿ), ಸಾಯಿ ಸುದರ್ಶನ್ ಔಟಾಗದೇ 44).

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Ind A Vs Aus A: ಭಾರತದ ಹೋರಾಟಕ್ಕೆ ರಾಹುಲ್‌ ಆಸರೆ

ಚಿನಕುರುಳಿ: ಗುರುವಾರ, 25 ಸೆಪ್ಟೆಂಬರ್ 2025

ಚುರುಮುರಿ: ನೀವೂ ಗಿಫ್ಟ್ ಕೊಡಿ

ದಿನ ಭವಿಷ್ಯ: ಹೊಸ ಕೆಲಸವನ್ನು ಆರಂಭ ಮಾಡುವುದಕ್ಕೆ ಈ ದಿನ ಶುಭ

ಕೆಪಿಟಿಸಿಎಲ್‌, ಎಸ್ಕಾಂಗಳಲ್ಲಿ ನೇಮಕ: 13 ಸಾವಿರ ನೌಕರರಿಗೆ ‘ಕಾಯಂ’ ಭಾಗ್ಯ?

Asia Cup: ಫೈನಲ್‌ ಗುರಿ; ಪಾಕ್ ವಿರುದ್ಧ ಬಾಂಗ್ಲಾ ಗೆಲುವಿಗೆ ಬೇಕು 136 ರನ್

ಸೂಪರ್ ಕಪ್‌ ಫುಟ್‌ಬಾಲ್‌: ಸಿ ಗುಂಪಿನಲ್ಲಿ ಬಿಎಫ್‌ಸಿ

ಕ್ಲಾಸಿಕಲ್‌ ಚೆಸ್ ಟೂರ್ನಿ: ಇಂಟರ್‌ನ್ಯಾಷನಲ್‌ ಮಾಸ್ಟರ್‌ಗಳ ಮುನ್ನಡೆ