ಯೂತ್ ಏಕದಿನ ಕ್ರಿಕೆಟ್: ಆಸ್ಟ್ರೇಲಿಯಾ ವಿರುದ್ಧ ಭಾರತ 'ಯುವಪಡೆ’ಗೆ ಜಯ

ಬ್ರಿಸ್ಬೇನ್ : ವಿಕೆಟ್ಕೀಪರ್–ಬ್ಯಾಟರ್ ಅಭಿಗ್ಯಾನ್ ಕುಂದು ಮತ್ತು ವೇದಾಂತ ತ್ರಿವೇದಿ ಅವರ ಅಜೇಯ ಅರ್ಧಶತಕಗಳ ಬಲದಿಂದ ಭಾರತ 19 ವರ್ಷದೊಳಗಿನವರ ತಂಡವು ಆಸ್ಟ್ರೇಲಿಯಾ 19 ವರ್ಷದೊಳಗಿನವರ ತಂಡದ ಎದುರಿನ ‘ಯೂತ್ ಏಕದಿನ’ ಪಂದ್ಯದಲ್ಲಿ 7 ವಿಕೆಟ್ಗಳ ಜಯಸಾಧಿಸಿತು. 15 ವರ್ಷದ ವೈಭವ್ ಸೂರ್ಯವಂಶಿ ಅವರೂ ತಮ್ಮ ಬ್ಯಾಟಿಂಗ್ ಪ್ರತಿಭೆಯನ್ನು ತೋರಿದರು.

. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಆಸ್ಟ್ರೇಲಿಯಾ ಎ ತಂಡವು ಭಾರತ ತಂಡದ ಬೌಲರ್ಗಳ ಎದುರು ದೊಡ್ಡ ಮೊತ್ತ ಪೇರಿಸಲಿಲ್ಲ. 9 ವಿಕೆಟ್ಗಳಿಗೆ 225 ರನ್ ಗಳಿಸಿತು. ಕಿಶನ್ ಕುಮಾರ್ ಮತ್ತು ಕನಿಷ್ಕ್ ಚೌಹಾಣ್ ತಲಾ 2 ಮತ್ತು ಹೆನಿಲ್ ಪಟೇಲ್ 3 ವಿಕೆಟ್ ಗಳಿಸಿದರು.

. ಇದಕ್ಕುತ್ತರವಾಗಿ ಭಾರತ ತಂಡವು ಪಂದ್ಯದಲ್ಲಿ ಇನ್ನೂ 117 ಎಸೆತಗಳು ಬಾಕಿ ಇರುವಾಗಲೇ ಜಯಭೇರಿ ಬಾರಿಸಿತು. ಇಯಾನ್ ಹೀಲಿ ಓವಲ್ನಲ್ಲಿ ನಡೆದ ಪಂದ್ಯದಲ್ಲಿ ಕುಂದು (ಔಟಾಗದೇ 87; 74ಎ, 4X8, 6X5) ಮತ್ತು ವೇದಾಂತ್ (ಔಟಾಗದೇ 61; 69ಎ, 4X8) ಅವರು ಮುರಿಯದ ನಾಲ್ಕನೇ ವಿಕೆಟ್ ಜೊತೆಯಾಟದಲ್ಲಿ 152 ರನ್ ಸೇರಿಸಿದರು. ಇದರಿಂದಾಗಿ ತಂಡವು 30.3 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 227 ರನ್ ಗಳಿಸಿತು.

. ಆರಂಭಿಕ ಬ್ಯಾಟರ್ ವೈಭವ್ 22 ಎಸೆತಗಳಲ್ಲಿ 38 ರನ್ ಗಳಿಸಿತು. ಅದರಲ್ಲಿ 7 ಬೌಂಡರಿ ಮತ್ತು 1 ಸಿಕ್ಸರ್ ಇದ್ದವು. ನಾಯಕ ಆಯುಷ್ ಮ್ಹಾತ್ರೆ (6 ರನ್) ಮತ್ತು ವಿಹಾನ್ ಮಲ್ಹೋತ್ರಾ (9 ರನ್) ಬೇಗನೆ ಔಟಾದರು.

. ಸಂಕ್ಷಿಪ್ತ ಸ್ಕೋರು:

ಆಸ್ಟ್ರೇಲಿಯಾ 19 ವರ್ಷದೊಳಗಿನವರು: 50 ಓವರ್ಗಳಲ್ಲಿ 9ಕ್ಕೆ225 (ಸ್ಟೀವನ್ ಹಾಗನ್ 39, ಟಾಮ್ ಹಾಗನ್ 41, ಜಾನ್ ಜೇಮ್ಸ್ ಔಟಾಗದೇ 77, ಕಿಶನ್ ಕುಮಾರ್ 59ಕ್ಕೆ2, ಹೆನಿಲ್ ಪಟೇಲ್ 38ಕ್ಕೆ3, ಕನಿಷ್ಕ ಚೌಹಾಣ್ 39ಕ್ಕೆ2)

ಭಾರತ 19 ವರ್ಷದೊಳಗಿನರು : 30.3 ಓವರ್ಗಳಲ್ಲಿ 3ಕ್ಕೆ227 (ವೈಭವ್ ಸೂರ್ಯವಂಶಿ 38, ವೇದಾಂತ್ ತ್ರಿವೇದಿ ಔಟಾಗದೇ 61, ಅಭಿಗ್ಯಾನ್ ಕುಂದು ಔಟಾಗದೇ 87, ಚಾರ್ಲ್ಸ್ ಲಾಚಾಮುಂದ್ 46ಕ್ಕೆ2)

ಫಲಿತಾಂಶ: ಭಾರತ 19 ವರ್ಷದೊಳಗಿನವರ ತಂಡಕ್ಕೆ 7 ವಿಕೆಟ್ ಜಯ.

ಪಂದ್ಯಶ್ರೇಷ್ಠ: ಅಭಿಗ್ಯಾನ್ ಕುಂದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯೂತ್ ಏಕದಿನ ಕ್ರಿಕೆಟ್: ಆಸ್ಟ್ರೇಲಿಯಾ ವಿರುದ್ಧ ಭಾರತ 'ಯುವಪಡೆ’ಗೆ ಜಯ

ಚಿನಕುರುಳಿ: ಭಾನುವಾರ, 21 ಸೆಪ್ಟೆಂಬರ್ 2025

ದಿನ ಭವಿಷ್ಯ: ಸಿನಿಮಾ ರಂಗದಲ್ಲಿ ಕೆಲಸ ನಿರ್ವಹಿಸುವವರಿಗೆ ಯಶಸ್ಸು

ವಾರ ಭವಿಷ್ಯ | ಸೆ.21 ರಿಂದ 27ರವರೆಗೆ: ಈ ರಾಶಿಯವರಿಗೆ ವಾಹನ ಖರೀದಿಸುವ ಯೋಗವಿದೆ

ಚುರುಮುರಿ: ರೊಮ್ಯಾಂಟಿಕ್ ಪೇಯ್ನ್!

ಚೀನಾ ಮಾಸ್ಟರ್ಸ್‌: ಸಾತ್ವಿಕ್‌–ಚಿರಾಗ್‌ ಮತ್ತೆ ರನ್ನರ್ಸ್‌ ಅಪ್‌

ಬೆಂಗಳೂರು | ವಿಪ್ರೊ ಬೆಂಗಳೂರು ಮ್ಯಾರಥಾನ್: ಪ್ರದೀಪ್‌, ಅಶ್ವಿನಿ ಚಾಂಪಿಯನ್‌