<p><strong>ಶಾರ್ಜಾ:</strong> ಹದಿಮೂರು ವರ್ಷದ ಪೋರ ವೈಭವ್ ಸೂರ್ಯವಂಶಿ ಅವರ ಪ್ರತಿಭೆಯನ್ನು ಸಾಬೀತುಪಡಿಸಿದರು. ಅವರ ಸಾಮರ್ಥ್ಯದ ಕುರಿತು ಅಚ್ಚರಿ, ಅನುಮಾನ ವ್ಯಕ್ತಪಡಿಸಿದವರಿಗೆ ಇಲ್ಲಿ ತಕ್ಕ ಉತ್ತರ ನೀಡಿದರು. </p><p>ಇಲ್ಲಿ ನಡೆಯುತ್ತಿರುವ 19 ವರ್ಷದೊಳಗಿನವರ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಭಾರತ ತಂಡವು ಸೆಮಿಫೈನಲ್ ಪ್ರವೇಶಿಸಲು ವೈಭವ್ (ಔಟಾಗದೆ 76; 46ಎ, 4X3, 6X6) ಅರ್ಧಶತಕದ ಕಾಣಿಕೆ ನೀಡಿದರು. </p><p>ಬುಧವಾರ ಇಲ್ಲಿ ನಡೆದ ಪಂದ್ಯದಲ್ಲಿ ಭಾರತದ 19 ವರ್ಷದೊಳಗಿನವರ ತಂಡವು 10 ವಿಕೆಟ್ಗಳಿಂದ ಜಯಿಸಿತು. </p><p>ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದ ಯುಎಇ ತಂಡವು 44 ಓವರ್ಗಳಲ್ಲಿ 137 ರನ್ ಗಳಿಸಿತು. ರಯಾನ್ ಖಾನ್ (35; 48ಎ, 4X3, 6X1) ಮತ್ತು ಅಕ್ಷತ್ ರಾಯ್ (26; 52ಎ) ಅವರುತಂಡಕ್ಕೆ ಆಸರೆಯಾದರು. </p><p>ಭಾರತ ತಂಡದ ಯುದ್ಧಜೀತ್ ಗುಹಾ (15ಕ್ಕೆ3), ಚೇತನ್ ಶರ್ಮಾ (27ಕ್ಕೆ2) ಮತ್ತು ಕರ್ನಾಟಕದ ಹುಡುಗ ಹಾರ್ದಿಕ್ ರಾಜ್ (28ಕ್ಕೆ2)ಅವರು ಯುಎಇ ತಂಡದ ಬ್ಯಾಟಿಂಗ್ ಪಡೆಯನ್ನು ಕಟ್ಟಿಹಾಕಿದರು. </p><p>ಗುರಿ ಬೆನ್ನಟ್ಟಿದ ಭಾರತ ತಂಡವು 16.1 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 143 ರನ್ ಗಳಿಸಿ ಜಯಿಸಿತು. </p><p>ವೈಭವ್ ಮತ್ತು ಆಯುಷ್ ಮಾತ್ರೆ (ಔಟಾಗದೆ 67, 51ಎ, 4X4, 6X4) ಮುರಿಯದ ಮೊದಲ ವಿಕೆಟ್ ಜೊತೆಯಾಟದಲ್ಲಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. ಈಚೆಗೆ ನಡೆದಿದ್ದ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ರಾಜಸ್ಥಾನ ರಾಯಲ್ಸ್ ತಂಡವು ₹ 1.10 ಕೋಟಿ ನೀಡಿ ಬಿಹಾರ್ ಮೂಲದ ವೈಭವ್ ಸೂರ್ಯವಂಶಿಯನ್ನು ಖರೀದಿಸಿತ್ತು. ಐಪಿಎಲ್ನಲ್ಲಿ ಆಯ್ಕೆಯಾದ ಅತ್ಯಂತ ಕಿರಿಯ ವಯಸ್ಸಿನ ಆಟಗಾರ ಅವರಾಗಿದ್ದಾರೆ. </p><p><strong>ಸಂಕ್ಷಿಪ್ತ ಸ್ಕೋರು:</strong> </p><p>ಯುಎಇ: 44 ಓವರ್ಗಳಲ್ಲಿ 137 (ಮೊಹಮ್ಮದ್ ರಯಾನ್ 35, ಯುದ್ಧಜೀತ್ ಗುಹಾ (15ಕ್ಕೆ3, ಚೇತನ್ ಶರ್ಮಾ 27ಕ್ಕೆ2, ಹಾರ್ದಿಕ್ ರಾಜ್ 28ಕ್ಕೆ2) ಭಾರತ: 16.1 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 143 (ವೈಭವ್ ಸೂರ್ಯವಂಶಿ ಔಟಾಗದೆ 76, ಆಯುಷ್ ಮಾತ್ರೆ ಔಟಾಗದೆ 67) ಫಲಿತಾಂಶ ಭಾರತ ತಂಡಕ್ಕೆ 10 ವಿಕೆಟ್ಗಳ ಜಯ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶಾರ್ಜಾ:</strong> ಹದಿಮೂರು ವರ್ಷದ ಪೋರ ವೈಭವ್ ಸೂರ್ಯವಂಶಿ ಅವರ ಪ್ರತಿಭೆಯನ್ನು ಸಾಬೀತುಪಡಿಸಿದರು. ಅವರ ಸಾಮರ್ಥ್ಯದ ಕುರಿತು ಅಚ್ಚರಿ, ಅನುಮಾನ ವ್ಯಕ್ತಪಡಿಸಿದವರಿಗೆ ಇಲ್ಲಿ ತಕ್ಕ ಉತ್ತರ ನೀಡಿದರು. </p><p>ಇಲ್ಲಿ ನಡೆಯುತ್ತಿರುವ 19 ವರ್ಷದೊಳಗಿನವರ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಭಾರತ ತಂಡವು ಸೆಮಿಫೈನಲ್ ಪ್ರವೇಶಿಸಲು ವೈಭವ್ (ಔಟಾಗದೆ 76; 46ಎ, 4X3, 6X6) ಅರ್ಧಶತಕದ ಕಾಣಿಕೆ ನೀಡಿದರು. </p><p>ಬುಧವಾರ ಇಲ್ಲಿ ನಡೆದ ಪಂದ್ಯದಲ್ಲಿ ಭಾರತದ 19 ವರ್ಷದೊಳಗಿನವರ ತಂಡವು 10 ವಿಕೆಟ್ಗಳಿಂದ ಜಯಿಸಿತು. </p><p>ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದ ಯುಎಇ ತಂಡವು 44 ಓವರ್ಗಳಲ್ಲಿ 137 ರನ್ ಗಳಿಸಿತು. ರಯಾನ್ ಖಾನ್ (35; 48ಎ, 4X3, 6X1) ಮತ್ತು ಅಕ್ಷತ್ ರಾಯ್ (26; 52ಎ) ಅವರುತಂಡಕ್ಕೆ ಆಸರೆಯಾದರು. </p><p>ಭಾರತ ತಂಡದ ಯುದ್ಧಜೀತ್ ಗುಹಾ (15ಕ್ಕೆ3), ಚೇತನ್ ಶರ್ಮಾ (27ಕ್ಕೆ2) ಮತ್ತು ಕರ್ನಾಟಕದ ಹುಡುಗ ಹಾರ್ದಿಕ್ ರಾಜ್ (28ಕ್ಕೆ2)ಅವರು ಯುಎಇ ತಂಡದ ಬ್ಯಾಟಿಂಗ್ ಪಡೆಯನ್ನು ಕಟ್ಟಿಹಾಕಿದರು. </p><p>ಗುರಿ ಬೆನ್ನಟ್ಟಿದ ಭಾರತ ತಂಡವು 16.1 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 143 ರನ್ ಗಳಿಸಿ ಜಯಿಸಿತು. </p><p>ವೈಭವ್ ಮತ್ತು ಆಯುಷ್ ಮಾತ್ರೆ (ಔಟಾಗದೆ 67, 51ಎ, 4X4, 6X4) ಮುರಿಯದ ಮೊದಲ ವಿಕೆಟ್ ಜೊತೆಯಾಟದಲ್ಲಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. ಈಚೆಗೆ ನಡೆದಿದ್ದ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ರಾಜಸ್ಥಾನ ರಾಯಲ್ಸ್ ತಂಡವು ₹ 1.10 ಕೋಟಿ ನೀಡಿ ಬಿಹಾರ್ ಮೂಲದ ವೈಭವ್ ಸೂರ್ಯವಂಶಿಯನ್ನು ಖರೀದಿಸಿತ್ತು. ಐಪಿಎಲ್ನಲ್ಲಿ ಆಯ್ಕೆಯಾದ ಅತ್ಯಂತ ಕಿರಿಯ ವಯಸ್ಸಿನ ಆಟಗಾರ ಅವರಾಗಿದ್ದಾರೆ. </p><p><strong>ಸಂಕ್ಷಿಪ್ತ ಸ್ಕೋರು:</strong> </p><p>ಯುಎಇ: 44 ಓವರ್ಗಳಲ್ಲಿ 137 (ಮೊಹಮ್ಮದ್ ರಯಾನ್ 35, ಯುದ್ಧಜೀತ್ ಗುಹಾ (15ಕ್ಕೆ3, ಚೇತನ್ ಶರ್ಮಾ 27ಕ್ಕೆ2, ಹಾರ್ದಿಕ್ ರಾಜ್ 28ಕ್ಕೆ2) ಭಾರತ: 16.1 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 143 (ವೈಭವ್ ಸೂರ್ಯವಂಶಿ ಔಟಾಗದೆ 76, ಆಯುಷ್ ಮಾತ್ರೆ ಔಟಾಗದೆ 67) ಫಲಿತಾಂಶ ಭಾರತ ತಂಡಕ್ಕೆ 10 ವಿಕೆಟ್ಗಳ ಜಯ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
