ಮುಂಬೈ: ಟ್ವೆಂಟಿ-20 ಕ್ರಿಕೆಟ್ ಇತಿಹಾಸದಲ್ಲೇಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್ ದಾಖಲೆಯ 89ನೇ ಅರ್ಧಶತಕ ಗಳಿಸಿದ್ದಾರೆ.
ಈ ಮೂಲಕ ವೆಸ್ಟ್ ಇಂಡೀಸ್ನ ದೈತ್ಯ ಕ್ರಿಸ್ ಗೇಲ್ (88 ಅರ್ಧಶತಕ) ದಾಖಲೆ ಮುರಿದಿದ್ದಾರೆ. ಈ ಪಟ್ಟಿಯಲ್ಲಿ ಭಾರತದ ವಿರಾಟ್ ಕೊಹ್ಲಿ (77) ಹಾಗೂ ರೋಹಿತ್ ಶರ್ಮಾ (69) ಕ್ರಮವಾಗಿ ಮೂರು ಹಾಗೂ ಐದನೇ ಸ್ಥಾನದಲ್ಲಿದ್ದಾರೆ.
9⃣2⃣* Runs
— IndianPremierLeague (@IPL) May 5, 2022
5⃣8⃣ Balls
1⃣2⃣ Fours
3⃣ Sixes@davidwarner31 set the stage on fire 🔥 🔥 with his brilliant opening act and played a fantastic knock. 👌 👌 #TATAIPL | #DCvSRH | @DelhiCapitals
Watch 🎥 🔽https://t.co/0VoSr3eNU1
ಐಪಿಎಲ್ 2022 ಟೂರ್ನಿಯಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಪ್ರತಿನಿಧಿಸುತ್ತಿರುವ ವಾರ್ನರ್ ತನ್ನ ಹಳೆಯ ತಂಡವಾದ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಆಕರ್ಷಕ ಅರ್ಧಶತಕ ಗಳಿಸಿದರು.
ಈ ಮೂಲಕ ಐಪಿಎಲ್ನಲ್ಲೂ ದಾಖಲೆಯ 54ನೇ ಅರ್ಧಶತಕ ಬಾರಿಸಿದರು. ಅಲ್ಲದೆ ಈ ಬಾರಿಯ ಐಪಿಎಲ್ನಲ್ಲಿ 4ನೇ ಫಿಫ್ಟಿ ಬಾರಿಸಿದರು.
34 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ ವಾರ್ನರ್, ಹೈದರಾಬಾದ್ ಬೌಲರ್ಗಳನ್ನು ನಿರ್ದಯವಾಗಿ ದಂಡಿಸಿದರು.
ಅಂತಿಮವಾಗಿ 92 ರನ್ ಗಳಿಸಿ ಔಟಾಗದೆ ಉಳಿದರು. ಈ ಮೂಲಕ ಕೇವಲ ಎಂಟು ರನ್ ಅಂತರದಿಂದ ಐಪಿಎಲ್ನಲ್ಲಿ 5ನೇ ಶತಕ ಬಾರಿಸುವ ಅವಕಾಶದಿಂದ ವಂಚಿತರಾದರು.
58 ಎಸೆತಗಳನ್ನು ಎದುರಿಸಿದ ವಾರ್ನರ್ ಇನ್ನಿಂಗ್ಸ್ನಲ್ಲಿ 12 ಬೌಂಡರಿ ಹಾಗೂ ಮೂರು ಸಿಕ್ಸರ್ಗಳು ಸೇರಿದ್ದವು.
4⃣th FIFTY of the #TATAIPL 2022 for @davidwarner31! 👍 👍
— IndianPremierLeague (@IPL) May 5, 2022
5⃣4⃣th IPL FIFTY overall! 👏 👏
Follow the match ▶️ https://t.co/0T96z8GzHj#TATAIPL | #DCvSRH | @DelhiCapitals pic.twitter.com/AreLRAheXa
ಟ್ವೆಂಟಿ-20 ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಅರ್ಧಶತಕ ಸಾಧನೆ:
ಡೇವಿಡ್ ವಾರ್ನರ್: 89
ಕ್ರಿಸ್ ಗೇಲ್: 88
ವಿರಾಟ್ ಕೊಹ್ಲಿ: 77
ಆ್ಯರನ್ ಫಿಂಚ್: 70
ರೋಹಿತ್ ಶರ್ಮಾ: 69
ಐಪಿಎಲ್ನಲ್ಲಿ ಅತಿ ಹೆಚ್ಚು ಅರ್ಧಶತಕ ಸಾಧನೆ:
ಡೇವಿಡ್ ವಾರ್ನರ್: 54
ಶಿಖರ್ ಧವನ್: 49
ವಿರಾಟ್ ಕೊಹ್ಲಿ: 48
ಎಬಿ ಡಿವಿಲಿಯರ್ಸ್: 43
ರೋಹಿತ್ ಶರ್ಮಾ: 41
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.