ಈ ನಡುವೆ ನಿರ್ಣಾಯಕ ಹಂತದಲ್ಲಿ ಶಿವಂ ದುಬೆ ಕ್ಯಾಚ್ ಹಿಡಿಯಲು ಯತ್ನಿಸದಿರುವುದು ನಾಯಕ ರವೀಂದ್ರ ಜಡೇಜ ಹಾಗೂ ಬೌಲರ್ ಡ್ವೇನ್ ಬ್ರಾವೊ ಅಸಮಾಧಾನಕ್ಕೆ ಕಾರಣವಾಗಿದೆ.
ಗುಜರಾತ್ ಚೇಸಿಂಗ್ ವೇಳೆ ಬ್ರಾವೊ ಎಸೆದ ಇನ್ನಿಂಗ್ಸ್ನ 17ನೇ ಓವರ್ನಲ್ಲಿ ಘಟನೆ ನಡೆದಿತ್ತು. ಮಿಲ್ಲರ್ ಹೊಡೆದ ಚೆಂಡು ದುಬೆಯತ್ತ ಧಾವಿಸುತ್ತಿತ್ತು. ಆದರೆ ಚೆಂಡಿನತ್ತ ಓಡೋಡಿ ಬಂದ ದುಬೆ, ಇನ್ನೇನು ಕ್ಯಾಚ್ ಹಿಡಿಯುವಷ್ಟರಲ್ಲಿ ಏಕಾಏಕಿ ನಿಂತು ಬಿಟ್ಟರು. ಇದರಿಂದಾಗಿ ಕ್ಯಾಚ್ ಹಿಡಿಯುವ ಅವಕಾಶ ಕೈತಪ್ಪಿತು.
