<p><strong>ಮುಂಬೈ</strong>: ವಿಶ್ವದ ಅಗ್ರಮಾನ್ಯ ಟಿ20 ಬ್ಯಾಟರ್ ಸೂರ್ಯ ಕುಮಾರ್ ಯಾದವ್ ಅವರು ಇಂಡಿಯನ್ ಪ್ರೀಮಿ ಯರ್ ಲೀಗ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಮೊದಲ ಪಂದ್ಯ ಕಳೆದುಕೊಳ್ಳಲಿದ್ದಾರೆ. ಎನ್ಸಿಎನಿಂದ (ನ್ಯಾಷನಲ್ ಕ್ರಿಕೆಟ್ ಅಕಾಡೆಮಿ) ಅವರಿಗೆ ಇನ್ನೂ ಫಿಟ್ನೆಸ್ ಪ್ರಮಾಣಪತ್ರ ಲಭಿಸಿಲ್ಲ.</p><p>ಮುಂಬೈ ಮಾರ್ಚ್ 24ರಂದು ನಡೆಯುವ ತನ್ನ ಮೊದಲ ಪಂದ್ಯದಲ್ಲಿ ಕಳೆದ ಬಾರಿಯ ಫೈನಲಿಸ್ಟ್ ಗುಜರಾತ್ ಟೈಟನ್ಸ್ ವಿರುದ್ಧ ಆಡಲಿದೆ.</p><p>33 ವರ್ಷದ ಸೂರ್ಯ, ‘ಸ್ಪೋರ್ಟ್ಸ್ ಅರ್ನಿಯಾ’ ಶಸ್ತ್ರಚಿಕಿತ್ಸೆಗೊಳಗಾದ ನಂತರ ಬೆಂಗಳೂರಿನ ಎನ್ಸಿಎಯಲ್ಲಿ ಪುನಶ್ಚೇತನ ಶಿಬಿರದಲ್ಲಿ ಭಾಗಿಯಾಗಿದ್ದಾರೆ. ಡಿಸೆಂಬರ್ನಿಂದ ಅವರು ಯಾವುದೇ ಅಂತರರಾಷ್ಟ್ರೀಯ ಪಂದ್ಯ ಆಡಿಲ್ಲ. ಅವರು ಮಂಗಳವಾರ ಫಿಟ್ನೆಸ್ ಟೆಸ್ಟ್ಗೆ ಒಳಗಾಗಿದ್ದರು.</p><p>ಅವರು ಇನ್ಸ್ಟಾದಲ್ಲಿ ‘ಹಾರ್ಟ್ಬ್ರೇಕ್’ ಎಂಬ ಸೂಚ್ಯ ಸಂದೇಶ ಹಾಕಿದ್ದಾರೆ.</p><p>ಮುಂಬೈ ಇಂಡಿಯನ್ಸ್ನ ನಂತರದ ಮೂರು ಪಂದ್ಯಗಳಿಗೆ (27ರಂದು ಸನ್ರೈಸರ್ಸ್ ವಿರುದ್ಧ, ಏ. 1ರಂದು ರಾಜಸ್ಥಾನ್ ರಾಯಲ್ಸ್ ವಿರುದ್ಧ, ಏ. 7ರಂದು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ) ಅವರ ಲಭ್ಯತೆ ನಂತರ ಗೊತ್ತಾಗಲಿದೆ.</p><p><strong>3 ಪಂದ್ಯಗಳಿಗೆ ಹಸರಂಗ ಇಲ್ಲ</strong>: </p><p>ಆಲ್ರೌಂಡರ್ ವನಿಂದು ಹಸರಂಗ ಅವರು ಐಪಿಎಲ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡದ ಮೊದಲ ಮೂರು ಪಂದ್ಯಗಳಿಗೆ ಅಲಭ್ಯರಾಗಿದ್ದಾರೆ. ಬಾಂಗ್ಲಾದೇಶ ವಿರುದ್ಧ ಮಾರ್ಚ್ 22ರಂದು ಆರಂಭವಾಗುವ ಎರಡು ಟೆಸ್ಟ್ಗಳ ಸರಣಿಗೆ ಅವರನ್ನು ಶ್ರೀಲಂಕಾ ತಂಡಕ್ಕೆ ಆಯ್ಕೆ ಮಾಡಲಾಗಿದೆ.</p><p>ಸೀಮಿತ ಓವರುಗಳ ಪಂದ್ಯದಲ್ಲಿ ಹೆಚ್ಚು ಗಮನ ಹರಿಸಲು ಅವರು ಕಳೆದ ಆಗಸ್ಟ್ನಲ್ಲಿ ಟೆಸ್ಟ್ ಮಾದರಿಗೆ ವಿದಾಯ ಹೇಳಿದ್ದರು. ಆದರೆ 26 ವರ್ಷದ ಲೆಗ್ ಬ್ರೇಕ್ ಬೌಲರ್ ಮಂಗಳವಾರ ಪ್ರಕಟಿಸಿದ ಟೆಸ್ಟ್ ತಂಡಕ್ಕೆ ಆಯ್ಕೆಯಾಗಿದ್ದಾರೆ.</p><p>ಹಸರಂಗ ಅವರನ್ನು ₹1.5 ಕೋಟಿ ಮೊತ್ತಕ್ಕೆ ಸನ್ರೈಸರ್ಸ್ ತಂಡ ಪಡೆದಿತ್ತು. ಹೈದರಾಬಾದಿನ ತಂಡ ಮಾ.23ರಂದು ಮೊದಲ ಪಂದ್ಯವನ್ನು ಕೋಲ್ಕತ್ತ ನೈಟ್ ರೈಡರ್ಸ್ ವಿರುದ್ಧ ಆಡಲಿದೆ.</p><p><strong>ಮುಂಬೈ ತಂಡಕ್ಕೆ ಲ್ಯೂಕ್ ವುಡ್:</strong> </p><p>ಕಾಲಿನ ಮೂಳೆ ಮುರಿತದಿಂದಾಗಿ ಆಸ್ಟ್ರೇಲಿಯಾದ ಎಡಗೈ ವೇಗಿ ಜೇಸನ್ ಬೆಹ್ರೆನ್ಡಾರ್ಫ್ ಅವರು ತಮಗೆ ಈ ಬಾರಿಯ ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಆಡಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದ್ದಾರೆ. ತರಬೇತಿ ವೇಳೆ ಆಕಸ್ಮಿಕವಾಗಿ ಅವರಿಗೆ ಮೂಳೆಮುರಿತವಾಗಿದೆ. 33 ವರ್ಷದ ಜೇಸನ್ ಬದಲು ಇಂಗ್ಲೆಂಡ್ನ ಎಡಗೈ ವೇಗಿ ಲ್ಯೂಕ್ ವುಡ್ ಅವರು ಮುಂಬೈ ತಂಡ ಸೇರಿಕೊಳ್ಳಲಿದ್ದಾರೆ.</p><p><strong>ತ್ವರಿತ ನಿರ್ಣಯ: ಐಪಿಎಲ್ಗೆ ‘ಸ್ಮಾರ್ಟ್ ರಿಪ್ಲೇ ಸಿಸ್ಟಂ’</strong></p><p>ತ್ವರಿತವಾಗಿ ಮತ್ತು ಕರಾರುವಾಕ್ ಆಗಿ ನಿರ್ಣಯ ನೀಡಲು ನೆರವಾಗುವ ‘ಸ್ಮಾರ್ಟ್ ರಿಪ್ಲೇ ಸಿಸ್ಟಂ’ ಅನ್ನು ಈ ಬಾರಿ ಐಪಿಎಲ್ನಲ್ಲಿ ಜಾರಿಗೊಳಿಸಲಾಗುವುದು.</p><p>ಟಿವಿ ಅಂಪೈರ್ ಅವರು ತಮ್ಮ ಕೊಠಡಿಯಲ್ಲಿ, ಹಾಕ್–ಐ ವ್ಯವಸ್ಥೆ ನಿರ್ವಹಿಸುವ ಇಬ್ಬರು ಅಪರೇಟರ್ಗಳಿಂದ ನೇರವಾಗಿ ಇನ್ಪುಟ್ಸ್ (ದೃಶ್ಯಾವಳಿಗಳನ್ನು) ಪಡೆಯಲಿದ್ದಾರೆ. ಈ ಅಪರೇಟರ್ಗಳೂ ಟಿವಿ ಅಂಪೈರ್ ಜೊತೆಗೇ ಇರುತ್ತಾರೆ. ಎಂಟು ಹೈಸ್ಪೀಡ್ ಕ್ಯಾಮೆರಾಗಳು ಸೆರೆಹಿಡಿಯುವ ದೃಶ್ಯಾವಳಿಗಳ ನೆರವಿನಿಂದ ಟಿವಿ ಅಂಪೈರ್ಗಳು ಕ್ಷಿಪ್ರವಾಗಿ ತೀರ್ಪು ನೀಡಲಿದ್ದಾರೆ. ಅವರಿಗೆ ವಿಶ್ಲೇಷಣೆ ನಡೆಸಲು ಹೆಚ್ಚು ಮತ್ತು ಸ್ಪಷ್ಟ ದೃಶ್ಯಾವಳಿಗಳು ಸಿಗಲಿದ್ದು, ಸ್ಪ್ಲಿಟ್ ಸ್ಕ್ರೀನ್ ಇಮೇಜ್ಗಳೂ ಲಭ್ಯವಿರಲಿವೆ. ಹೀಗಾಗಿ ಈ ಹಿಂದಿಗಿಂತ ಬೇಗನೇ ನಿರ್ಣಯಕ್ಕೆ ಬರಲು ಅನುಕೂಲವಾಗಲಿದೆ.</p><p>ಹೊಸ ವ್ಯವಸ್ಥೆಯಲ್ಲಿ ಟಿವಿ ಪ್ರಸಾರ ನಿರ್ವಾಹಕರ ಪಾತ್ರ ಹೆಚ್ಚು ಇರಲಿದೆ. ಅವರು ಅಂಪೈರ್ ಮತ್ತು ಹಾಕ್ ಐ ಅಪರೇಟರ್ಗಳ ಮಧ್ಯೆ ಸುಗಮ ನಿರ್ವಹಣೆಯ ಪಾತ್ರ ವಹಿಸುವರು. ಈ ವ್ಯವಸ್ಥೆಯಿಂದ ಅಂಪೈರ್ಗಳು ತೀರ್ಪಿನ ವೇಳೆ ವಿವಿಧ ಕೋನಗಳಿಂದ ದೃಶ್ಯಾವಳಿಗಳನ್ನು ಪಡೆಯಲಿದ್ದಾರೆ. ಇದರಿಂದ ಬೌಂಡರಿ ಗೆರೆಯಲ್ಲಿ ಹಿಡಿಯುವ ಕ್ಯಾಚ್ಗಳ ಬಗ್ಗೆ, ಕಾಟ್ ಬಿಹೈಂಡ್, ಲೆಗ್ ಬಿಫೋರ್, ಸ್ಟಂಪಿಂಗ್ ಕುರಿತು ಇಂಚಿಂಚೂ ನಿಖರವಾದ ಚಿತ್ರಣ ಸಿಗಲಿದೆ.</p><p>ಸ್ಮಾರ್ಟ್ ರಿಪ್ಲೇ ಸಿಸ್ಟಂ ಜೊತೆಗೆ ಕಾರ್ಯನಿರ್ವಹಿಸುವ ಬಗ್ಗೆ ಬಿಸಿಸಿಐ, ಆಯ್ದ ಅಂಪೈರ್ಗಳಿಗೆ ಎರಡು ದಿನಗಳ ಕಾರ್ಯಾಗಾರ ಏರ್ಪಡಿಸಿತ್ತು. ದೇಶದ ಮತ್ತು ಹೊರದೇಶಗಳ 15 ಅಂಪೈರ್ಗಳು ಭಾಗವಹಿಸಿದ್ದರು.</p><p>‘ದಿ ಹಂಡ್ರೆಡ್’ ಪಂದ್ಯಾವಳಿಗೂ ಈ ವ್ಯವಸ್ಥೆಯನ್ನು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ ಪ್ರಾಯೋಗಿಕವಾಗಿ ಬಳಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ</strong>: ವಿಶ್ವದ ಅಗ್ರಮಾನ್ಯ ಟಿ20 ಬ್ಯಾಟರ್ ಸೂರ್ಯ ಕುಮಾರ್ ಯಾದವ್ ಅವರು ಇಂಡಿಯನ್ ಪ್ರೀಮಿ ಯರ್ ಲೀಗ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಮೊದಲ ಪಂದ್ಯ ಕಳೆದುಕೊಳ್ಳಲಿದ್ದಾರೆ. ಎನ್ಸಿಎನಿಂದ (ನ್ಯಾಷನಲ್ ಕ್ರಿಕೆಟ್ ಅಕಾಡೆಮಿ) ಅವರಿಗೆ ಇನ್ನೂ ಫಿಟ್ನೆಸ್ ಪ್ರಮಾಣಪತ್ರ ಲಭಿಸಿಲ್ಲ.</p><p>ಮುಂಬೈ ಮಾರ್ಚ್ 24ರಂದು ನಡೆಯುವ ತನ್ನ ಮೊದಲ ಪಂದ್ಯದಲ್ಲಿ ಕಳೆದ ಬಾರಿಯ ಫೈನಲಿಸ್ಟ್ ಗುಜರಾತ್ ಟೈಟನ್ಸ್ ವಿರುದ್ಧ ಆಡಲಿದೆ.</p><p>33 ವರ್ಷದ ಸೂರ್ಯ, ‘ಸ್ಪೋರ್ಟ್ಸ್ ಅರ್ನಿಯಾ’ ಶಸ್ತ್ರಚಿಕಿತ್ಸೆಗೊಳಗಾದ ನಂತರ ಬೆಂಗಳೂರಿನ ಎನ್ಸಿಎಯಲ್ಲಿ ಪುನಶ್ಚೇತನ ಶಿಬಿರದಲ್ಲಿ ಭಾಗಿಯಾಗಿದ್ದಾರೆ. ಡಿಸೆಂಬರ್ನಿಂದ ಅವರು ಯಾವುದೇ ಅಂತರರಾಷ್ಟ್ರೀಯ ಪಂದ್ಯ ಆಡಿಲ್ಲ. ಅವರು ಮಂಗಳವಾರ ಫಿಟ್ನೆಸ್ ಟೆಸ್ಟ್ಗೆ ಒಳಗಾಗಿದ್ದರು.</p><p>ಅವರು ಇನ್ಸ್ಟಾದಲ್ಲಿ ‘ಹಾರ್ಟ್ಬ್ರೇಕ್’ ಎಂಬ ಸೂಚ್ಯ ಸಂದೇಶ ಹಾಕಿದ್ದಾರೆ.</p><p>ಮುಂಬೈ ಇಂಡಿಯನ್ಸ್ನ ನಂತರದ ಮೂರು ಪಂದ್ಯಗಳಿಗೆ (27ರಂದು ಸನ್ರೈಸರ್ಸ್ ವಿರುದ್ಧ, ಏ. 1ರಂದು ರಾಜಸ್ಥಾನ್ ರಾಯಲ್ಸ್ ವಿರುದ್ಧ, ಏ. 7ರಂದು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ) ಅವರ ಲಭ್ಯತೆ ನಂತರ ಗೊತ್ತಾಗಲಿದೆ.</p><p><strong>3 ಪಂದ್ಯಗಳಿಗೆ ಹಸರಂಗ ಇಲ್ಲ</strong>: </p><p>ಆಲ್ರೌಂಡರ್ ವನಿಂದು ಹಸರಂಗ ಅವರು ಐಪಿಎಲ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡದ ಮೊದಲ ಮೂರು ಪಂದ್ಯಗಳಿಗೆ ಅಲಭ್ಯರಾಗಿದ್ದಾರೆ. ಬಾಂಗ್ಲಾದೇಶ ವಿರುದ್ಧ ಮಾರ್ಚ್ 22ರಂದು ಆರಂಭವಾಗುವ ಎರಡು ಟೆಸ್ಟ್ಗಳ ಸರಣಿಗೆ ಅವರನ್ನು ಶ್ರೀಲಂಕಾ ತಂಡಕ್ಕೆ ಆಯ್ಕೆ ಮಾಡಲಾಗಿದೆ.</p><p>ಸೀಮಿತ ಓವರುಗಳ ಪಂದ್ಯದಲ್ಲಿ ಹೆಚ್ಚು ಗಮನ ಹರಿಸಲು ಅವರು ಕಳೆದ ಆಗಸ್ಟ್ನಲ್ಲಿ ಟೆಸ್ಟ್ ಮಾದರಿಗೆ ವಿದಾಯ ಹೇಳಿದ್ದರು. ಆದರೆ 26 ವರ್ಷದ ಲೆಗ್ ಬ್ರೇಕ್ ಬೌಲರ್ ಮಂಗಳವಾರ ಪ್ರಕಟಿಸಿದ ಟೆಸ್ಟ್ ತಂಡಕ್ಕೆ ಆಯ್ಕೆಯಾಗಿದ್ದಾರೆ.</p><p>ಹಸರಂಗ ಅವರನ್ನು ₹1.5 ಕೋಟಿ ಮೊತ್ತಕ್ಕೆ ಸನ್ರೈಸರ್ಸ್ ತಂಡ ಪಡೆದಿತ್ತು. ಹೈದರಾಬಾದಿನ ತಂಡ ಮಾ.23ರಂದು ಮೊದಲ ಪಂದ್ಯವನ್ನು ಕೋಲ್ಕತ್ತ ನೈಟ್ ರೈಡರ್ಸ್ ವಿರುದ್ಧ ಆಡಲಿದೆ.</p><p><strong>ಮುಂಬೈ ತಂಡಕ್ಕೆ ಲ್ಯೂಕ್ ವುಡ್:</strong> </p><p>ಕಾಲಿನ ಮೂಳೆ ಮುರಿತದಿಂದಾಗಿ ಆಸ್ಟ್ರೇಲಿಯಾದ ಎಡಗೈ ವೇಗಿ ಜೇಸನ್ ಬೆಹ್ರೆನ್ಡಾರ್ಫ್ ಅವರು ತಮಗೆ ಈ ಬಾರಿಯ ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಆಡಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದ್ದಾರೆ. ತರಬೇತಿ ವೇಳೆ ಆಕಸ್ಮಿಕವಾಗಿ ಅವರಿಗೆ ಮೂಳೆಮುರಿತವಾಗಿದೆ. 33 ವರ್ಷದ ಜೇಸನ್ ಬದಲು ಇಂಗ್ಲೆಂಡ್ನ ಎಡಗೈ ವೇಗಿ ಲ್ಯೂಕ್ ವುಡ್ ಅವರು ಮುಂಬೈ ತಂಡ ಸೇರಿಕೊಳ್ಳಲಿದ್ದಾರೆ.</p><p><strong>ತ್ವರಿತ ನಿರ್ಣಯ: ಐಪಿಎಲ್ಗೆ ‘ಸ್ಮಾರ್ಟ್ ರಿಪ್ಲೇ ಸಿಸ್ಟಂ’</strong></p><p>ತ್ವರಿತವಾಗಿ ಮತ್ತು ಕರಾರುವಾಕ್ ಆಗಿ ನಿರ್ಣಯ ನೀಡಲು ನೆರವಾಗುವ ‘ಸ್ಮಾರ್ಟ್ ರಿಪ್ಲೇ ಸಿಸ್ಟಂ’ ಅನ್ನು ಈ ಬಾರಿ ಐಪಿಎಲ್ನಲ್ಲಿ ಜಾರಿಗೊಳಿಸಲಾಗುವುದು.</p><p>ಟಿವಿ ಅಂಪೈರ್ ಅವರು ತಮ್ಮ ಕೊಠಡಿಯಲ್ಲಿ, ಹಾಕ್–ಐ ವ್ಯವಸ್ಥೆ ನಿರ್ವಹಿಸುವ ಇಬ್ಬರು ಅಪರೇಟರ್ಗಳಿಂದ ನೇರವಾಗಿ ಇನ್ಪುಟ್ಸ್ (ದೃಶ್ಯಾವಳಿಗಳನ್ನು) ಪಡೆಯಲಿದ್ದಾರೆ. ಈ ಅಪರೇಟರ್ಗಳೂ ಟಿವಿ ಅಂಪೈರ್ ಜೊತೆಗೇ ಇರುತ್ತಾರೆ. ಎಂಟು ಹೈಸ್ಪೀಡ್ ಕ್ಯಾಮೆರಾಗಳು ಸೆರೆಹಿಡಿಯುವ ದೃಶ್ಯಾವಳಿಗಳ ನೆರವಿನಿಂದ ಟಿವಿ ಅಂಪೈರ್ಗಳು ಕ್ಷಿಪ್ರವಾಗಿ ತೀರ್ಪು ನೀಡಲಿದ್ದಾರೆ. ಅವರಿಗೆ ವಿಶ್ಲೇಷಣೆ ನಡೆಸಲು ಹೆಚ್ಚು ಮತ್ತು ಸ್ಪಷ್ಟ ದೃಶ್ಯಾವಳಿಗಳು ಸಿಗಲಿದ್ದು, ಸ್ಪ್ಲಿಟ್ ಸ್ಕ್ರೀನ್ ಇಮೇಜ್ಗಳೂ ಲಭ್ಯವಿರಲಿವೆ. ಹೀಗಾಗಿ ಈ ಹಿಂದಿಗಿಂತ ಬೇಗನೇ ನಿರ್ಣಯಕ್ಕೆ ಬರಲು ಅನುಕೂಲವಾಗಲಿದೆ.</p><p>ಹೊಸ ವ್ಯವಸ್ಥೆಯಲ್ಲಿ ಟಿವಿ ಪ್ರಸಾರ ನಿರ್ವಾಹಕರ ಪಾತ್ರ ಹೆಚ್ಚು ಇರಲಿದೆ. ಅವರು ಅಂಪೈರ್ ಮತ್ತು ಹಾಕ್ ಐ ಅಪರೇಟರ್ಗಳ ಮಧ್ಯೆ ಸುಗಮ ನಿರ್ವಹಣೆಯ ಪಾತ್ರ ವಹಿಸುವರು. ಈ ವ್ಯವಸ್ಥೆಯಿಂದ ಅಂಪೈರ್ಗಳು ತೀರ್ಪಿನ ವೇಳೆ ವಿವಿಧ ಕೋನಗಳಿಂದ ದೃಶ್ಯಾವಳಿಗಳನ್ನು ಪಡೆಯಲಿದ್ದಾರೆ. ಇದರಿಂದ ಬೌಂಡರಿ ಗೆರೆಯಲ್ಲಿ ಹಿಡಿಯುವ ಕ್ಯಾಚ್ಗಳ ಬಗ್ಗೆ, ಕಾಟ್ ಬಿಹೈಂಡ್, ಲೆಗ್ ಬಿಫೋರ್, ಸ್ಟಂಪಿಂಗ್ ಕುರಿತು ಇಂಚಿಂಚೂ ನಿಖರವಾದ ಚಿತ್ರಣ ಸಿಗಲಿದೆ.</p><p>ಸ್ಮಾರ್ಟ್ ರಿಪ್ಲೇ ಸಿಸ್ಟಂ ಜೊತೆಗೆ ಕಾರ್ಯನಿರ್ವಹಿಸುವ ಬಗ್ಗೆ ಬಿಸಿಸಿಐ, ಆಯ್ದ ಅಂಪೈರ್ಗಳಿಗೆ ಎರಡು ದಿನಗಳ ಕಾರ್ಯಾಗಾರ ಏರ್ಪಡಿಸಿತ್ತು. ದೇಶದ ಮತ್ತು ಹೊರದೇಶಗಳ 15 ಅಂಪೈರ್ಗಳು ಭಾಗವಹಿಸಿದ್ದರು.</p><p>‘ದಿ ಹಂಡ್ರೆಡ್’ ಪಂದ್ಯಾವಳಿಗೂ ಈ ವ್ಯವಸ್ಥೆಯನ್ನು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ ಪ್ರಾಯೋಗಿಕವಾಗಿ ಬಳಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
