<p><strong>ದುಬೈ:</strong> ಕೊರೊನಾ ವೈರಸ್ ಕರಿನೆರಳಿನ ಅಡಿಯಲ್ಲೇ ಐಪಿಎಲ್ ಆಡಲು ದುಬೈಗೆ ಬಂದಿರುವ ವಿವಿಧ ತಂಡಗಳ ಆಟಗಾರರ ಮೊದಲ ದಿನ ಹೇಗಿತ್ತು? ಅವರಿಗೆ ವಿಧಿಸಲಾಗಿರುವ ಷರತ್ತುಗಳೇನು? ನಿಯಮಾವಳಿಗಳೇನು?</p>.<p>ದುಬೈಗೆ ಬಂದಿಳಿದಿರುವ ಆಟಗಾರರು ಹೋಟೆಲ್ನ ತಮ್ಮ ಬಾಲ್ಕನಿಯ ಮೂಲಕವೇ ಎಲ್ಲರೊಂದಿಗೆ ಕುಶಲೋಪರಿ ವಿಚಾರಿಸಿಕೊಂಡರು. ಆಟಗಾರರು ಆರು ದಿನ ಹೋಟೆಲ್ ಕೋಣೆಗಳಿಗೇ ಸೀಮಿತವಾಗಬೇಕು ಎಂದು ಸೂಚಿಸಲಾಗಿದೆ. ಫಿಟ್ನೆಸ್ ತರಬೇತುದಾರರು ಫಿಟ್ನೆಸ್ ಸೂತ್ರಗಳನ್ನು ಆಟಗಾರರ ಕೈಗಿಟ್ಟಿದ್ದಾರೆ.</p>.<p>ರಾಜಸ್ಥಾನ್ ರಾಯಲ್ಸ್ ಮತ್ತು ಕಿಂಗ್ಸ್ ಇಲೆವೆನ್ ಪಂಜಾಬ್ ಆಟಗಾರರು ಗುರುವಾರ ಸಂಜೆ ದುಬೈಗೆ ಆಗಮಿಸಿದರೆ, ಕೋಲ್ಕತಾ ನೈಟ್ ರೈಡರ್ಸ್ ತಂಡ ರಾತ್ರಿ ಅಬುಧಾಬಿಗೆ ಬಂದಿಳಿಯಿತು.</p>.<p>ಬಿಸಿಸಿಐ ವಿಧಿಸಿರುವ ನಿಯಮಗಳ ಪ್ರಕಾರ ರಾಯಲ್ಸ್ ತಂಡ ವಿಮಾನ ನಿಲ್ದಾಣದಲ್ಲಿಯೇ ಕೋವಿಡ್ ಪರೀಕ್ಷೆಗೆ ಒಳಗಾಯಿತು. ಪಂಜಾಬ್ ತಂಡ ಶುಕ್ರವಾರ ಮತ್ತೊಮ್ಮೆ ಪರೀಕ್ಷೆಗೆ ಒಳಪಟ್ಟಿತು.</p>.<p>ಬಿಸಿಸಿಐ ರೂಪಿಸಿರುವ ಕೋವಿಡ್ ನಿಯಮಾವಳಿಗಳ ಪ್ರಕಾರ 1, 3 ಮತ್ತು 6 ನೇ ದಿನದಂದು ಆಟಗಾರರ ಪರೀಕ್ಷೆ ನಡೆಸಲಾಗುತ್ತದೆ. ಅದರ ನಂತರ ತಂಡಗಳು ಸೆಪ್ಟೆಂಬರ್ 19 ರಿಂದ ಲೀಗ್ಗೆ ತರಬೇತಿಯನ್ನು ಪ್ರಾರಂಭಿಸಬಹುದು.</p>.<p>ಸದ್ಯ ದುಬೈಗೆ ಬಂದಿಳಿದಿರುವ ಆಟಗಾರರು ಆರುದಿನಗಳ ಕಾಲ ಹೋಟೆಲ್ನ ಕೊಠಡಿಗಳಲ್ಲೇ ಬಂಧಿಯಾಗಿರಬೇಕು. ಹೋಟೆಲ್ನ ಬಾಲ್ಕನಿ ಮೂಲಕ ಆಟಗಾರರು ಪರಸ್ಪರ ಮಾತನಾಡಿಕೊಳ್ಳಬಹುದು. ಆದರೆ, ಅಂತರ ಪಾಲಿಸುವುದು ಕಡ್ಡಾಯ ಎಂದು ಬಿಸಿಸಿಐ ಆಟಗಾರರಿಗೆ ಸೂಚಿಸಿದೆ.</p>.<p>ಆಟಗಾರರು ಕೋಣೆಗೆ ಪರ್ಯಾಯವಾಗಿ ಹೊರಾಂಗಣವನ್ನು ಬಳಸಲು ಅವಕಾಶವಿದೆ. ಒಬ್ಬ ಆಟಗಾರ ಬರುವಾಗ ಇನ್ನೊಬ್ಬ ಆಟಗಾರ ಹೊರಾಂಗಣದಲ್ಲಿ ಇರುವಂತಿಲ್ಲ ಎಂದು ತಿಳಿಸಲಾಗಿದೆ.</p>.<p>ಕೋವಿಡ್ ನಿಯಮಾವಳಿಗಳ ಅನ್ವಯ ತಾವು ತಂಗಿರುವ ಹೋಟೆಲ್ನಲ್ಲಿ ಪರಿಸ್ಥಿತಿ ಹೇಗಿದೆ ಎಂಬುದರ ಬಗ್ಗೆ ರಾಯಲ್ಸ್ ತಂಡದ ಆಟಗಾರ ಜಯದೇವ ಉನಾದ್ಕಟ್ ಅವರು ಸಾಮಾಜಿಕ ತಾಣದಲ್ಲಿ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ.</p>.<p>ಚೆನ್ನೈ ಸೂಪರ್ ಕಿಂಗ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಮುಂಬೈ ಇಂಡಿಯನ್ಸ್ ಶುಕ್ರವಾರ ಭಾರತದಿಂದ ದುಬೈಗೆ ಪ್ರಯಾಣ ಬೆಳೆಸಿದವು. ದೆಹಲಿ ಕ್ಯಾಪಿಟಲ್ಸ್ ಮತ್ತು ಸನ್ರೈಸರ್ಸ್ ಹೈದರಾಬಾದ್ ತಂಡಗಳು ಈ ವಾರಾಂತ್ಯದಲ್ಲಿ ಯುಎಇಗೆ ತೆರಳಲಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದುಬೈ:</strong> ಕೊರೊನಾ ವೈರಸ್ ಕರಿನೆರಳಿನ ಅಡಿಯಲ್ಲೇ ಐಪಿಎಲ್ ಆಡಲು ದುಬೈಗೆ ಬಂದಿರುವ ವಿವಿಧ ತಂಡಗಳ ಆಟಗಾರರ ಮೊದಲ ದಿನ ಹೇಗಿತ್ತು? ಅವರಿಗೆ ವಿಧಿಸಲಾಗಿರುವ ಷರತ್ತುಗಳೇನು? ನಿಯಮಾವಳಿಗಳೇನು?</p>.<p>ದುಬೈಗೆ ಬಂದಿಳಿದಿರುವ ಆಟಗಾರರು ಹೋಟೆಲ್ನ ತಮ್ಮ ಬಾಲ್ಕನಿಯ ಮೂಲಕವೇ ಎಲ್ಲರೊಂದಿಗೆ ಕುಶಲೋಪರಿ ವಿಚಾರಿಸಿಕೊಂಡರು. ಆಟಗಾರರು ಆರು ದಿನ ಹೋಟೆಲ್ ಕೋಣೆಗಳಿಗೇ ಸೀಮಿತವಾಗಬೇಕು ಎಂದು ಸೂಚಿಸಲಾಗಿದೆ. ಫಿಟ್ನೆಸ್ ತರಬೇತುದಾರರು ಫಿಟ್ನೆಸ್ ಸೂತ್ರಗಳನ್ನು ಆಟಗಾರರ ಕೈಗಿಟ್ಟಿದ್ದಾರೆ.</p>.<p>ರಾಜಸ್ಥಾನ್ ರಾಯಲ್ಸ್ ಮತ್ತು ಕಿಂಗ್ಸ್ ಇಲೆವೆನ್ ಪಂಜಾಬ್ ಆಟಗಾರರು ಗುರುವಾರ ಸಂಜೆ ದುಬೈಗೆ ಆಗಮಿಸಿದರೆ, ಕೋಲ್ಕತಾ ನೈಟ್ ರೈಡರ್ಸ್ ತಂಡ ರಾತ್ರಿ ಅಬುಧಾಬಿಗೆ ಬಂದಿಳಿಯಿತು.</p>.<p>ಬಿಸಿಸಿಐ ವಿಧಿಸಿರುವ ನಿಯಮಗಳ ಪ್ರಕಾರ ರಾಯಲ್ಸ್ ತಂಡ ವಿಮಾನ ನಿಲ್ದಾಣದಲ್ಲಿಯೇ ಕೋವಿಡ್ ಪರೀಕ್ಷೆಗೆ ಒಳಗಾಯಿತು. ಪಂಜಾಬ್ ತಂಡ ಶುಕ್ರವಾರ ಮತ್ತೊಮ್ಮೆ ಪರೀಕ್ಷೆಗೆ ಒಳಪಟ್ಟಿತು.</p>.<p>ಬಿಸಿಸಿಐ ರೂಪಿಸಿರುವ ಕೋವಿಡ್ ನಿಯಮಾವಳಿಗಳ ಪ್ರಕಾರ 1, 3 ಮತ್ತು 6 ನೇ ದಿನದಂದು ಆಟಗಾರರ ಪರೀಕ್ಷೆ ನಡೆಸಲಾಗುತ್ತದೆ. ಅದರ ನಂತರ ತಂಡಗಳು ಸೆಪ್ಟೆಂಬರ್ 19 ರಿಂದ ಲೀಗ್ಗೆ ತರಬೇತಿಯನ್ನು ಪ್ರಾರಂಭಿಸಬಹುದು.</p>.<p>ಸದ್ಯ ದುಬೈಗೆ ಬಂದಿಳಿದಿರುವ ಆಟಗಾರರು ಆರುದಿನಗಳ ಕಾಲ ಹೋಟೆಲ್ನ ಕೊಠಡಿಗಳಲ್ಲೇ ಬಂಧಿಯಾಗಿರಬೇಕು. ಹೋಟೆಲ್ನ ಬಾಲ್ಕನಿ ಮೂಲಕ ಆಟಗಾರರು ಪರಸ್ಪರ ಮಾತನಾಡಿಕೊಳ್ಳಬಹುದು. ಆದರೆ, ಅಂತರ ಪಾಲಿಸುವುದು ಕಡ್ಡಾಯ ಎಂದು ಬಿಸಿಸಿಐ ಆಟಗಾರರಿಗೆ ಸೂಚಿಸಿದೆ.</p>.<p>ಆಟಗಾರರು ಕೋಣೆಗೆ ಪರ್ಯಾಯವಾಗಿ ಹೊರಾಂಗಣವನ್ನು ಬಳಸಲು ಅವಕಾಶವಿದೆ. ಒಬ್ಬ ಆಟಗಾರ ಬರುವಾಗ ಇನ್ನೊಬ್ಬ ಆಟಗಾರ ಹೊರಾಂಗಣದಲ್ಲಿ ಇರುವಂತಿಲ್ಲ ಎಂದು ತಿಳಿಸಲಾಗಿದೆ.</p>.<p>ಕೋವಿಡ್ ನಿಯಮಾವಳಿಗಳ ಅನ್ವಯ ತಾವು ತಂಗಿರುವ ಹೋಟೆಲ್ನಲ್ಲಿ ಪರಿಸ್ಥಿತಿ ಹೇಗಿದೆ ಎಂಬುದರ ಬಗ್ಗೆ ರಾಯಲ್ಸ್ ತಂಡದ ಆಟಗಾರ ಜಯದೇವ ಉನಾದ್ಕಟ್ ಅವರು ಸಾಮಾಜಿಕ ತಾಣದಲ್ಲಿ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ.</p>.<p>ಚೆನ್ನೈ ಸೂಪರ್ ಕಿಂಗ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಮುಂಬೈ ಇಂಡಿಯನ್ಸ್ ಶುಕ್ರವಾರ ಭಾರತದಿಂದ ದುಬೈಗೆ ಪ್ರಯಾಣ ಬೆಳೆಸಿದವು. ದೆಹಲಿ ಕ್ಯಾಪಿಟಲ್ಸ್ ಮತ್ತು ಸನ್ರೈಸರ್ಸ್ ಹೈದರಾಬಾದ್ ತಂಡಗಳು ಈ ವಾರಾಂತ್ಯದಲ್ಲಿ ಯುಎಇಗೆ ತೆರಳಲಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
