<p><strong>ನವಿ ಮುಂಬೈ:</strong> ಆಸ್ಟ್ರೇಲಿಯಾವನ್ನು 1999ರ ಆ ಟೆಸ್ಟ್ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಸೋಲಿಸಲಿದೆ ಎಂದು ತಮ್ಮ ಸ್ನೇಹಿತನೊಬ್ಬ ಭವಿಷ್ಯ ನುಡಿದಾಗ ಬ್ರಯಾನ್ ಲಾರಾ ಅವರಿಗೆ ನಂಬಿಕೆ ಬಂದಿರಲಿಲ್ಲ. ಅವರು ಮಾದಕ ವಸ್ತುಗಳಿಗೆ ಪ್ರಸಿದ್ಧವಾದ ಜಮೈಕಾದ ‘ಮರೈವಾನಾ’ ಪ್ರಭಾವದಲ್ಲಿದ್ದಾರೆಂದು ಭಾವಿಸಿದ್ದರು.</p>.<p>ಆದರೆ ಸ್ನೇಹಿತನ ಭವಿಷ್ಯ ಸುಳ್ಳಾ ಗಲಿಲ್ಲ. ಆ ಸರಣಿಯಲ್ಲಿ ನಾಯಕನಾಗಿದ್ದ ಲಾರಾ ಮುಂಚೂಣಿಯಲ್ಲಿ ನಿಂತು 213 ರನ್ ಬಾರಿಸಿ ಸಂಕಟದಲ್ಲಿದ್ದ ತಮ್ಮ ತಂಡಕ್ಕೆ ನಂಬಲಸಾಧ್ಯವಾದ ರೀತಿಯಲ್ಲಿ ಗೆಲುವು ತಂದುಕೊಟ್ಟಿದ್ದರು.</p>.<p>ಆಡಿರುವ ಹಲವು ಅಮೋಘ ಇನಿಂಗ್ಸ್ಗಳ ಪೈಕಿ ಜಮೈಕಾದ ಸಬೀನಾ ಪಾರ್ಕ್ನಲ್ಲಿ ಗಳಿಸಿದ 213 ರನ್ಗಳ ಇನಿಂಗ್ಸ್ ಅತಿ ಶ್ರೇಷ್ಠ ಎಂದು ಗುರುವಾರ ಲಾರಾ ಅಭಿಪ್ರಾಯಪಟ್ಟರು.</p>.<p>ಕಾಂಗರೂಗಳ ವಿರುದ್ಧವೇ ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಗಳಿಸಿದ 277, ಬಾರ್ಬಡೋಸ್ನಲ್ಲಿ ಗಳಿಸಿದ 153 ರನ್ಗಳ ಅಮೋಘ ಇನಿಂಗ್ಸ್ಗಿಂತ, ಜಮೈಕಾದ ಆ ಇನಿಂಗ್ಸ್ ಸ್ಮರಣೀಯ ಎಂದಿದ್ದಾರೆ. ಸಿಡ್ನಿಯಲ್ಲಿ ಗಳಿಸಿದ 277 ರನ್ಗಳ ಆ ಇನಿಂಗ್ಸ್ ಕ್ರಿಕೆಟ್ ಜಗತ್ತಿಗೆ ಈ ಪ್ರತಿಭಾನ್ವಿತ ಆಟಗಾರನ ಆಗಮನವನ್ನು ಸಾರಿತ್ತು. ಲಾರಾ ತಮ್ಮ ಮಗಳಿಗೂ ಈ ಮೈದಾನದ ಹೆಸರನ್ನೇ (ಸಿಡ್ನಿ) ಇಟ್ಟಿದ್ದರು.</p>.<p>ಇಂಗ್ಲೆಂಡ್ ವಿರುದ್ಧ ಗಳಿಸಿದ ಭರ್ಜರಿ 375 ಮತ್ತು ಅಜೇಯ 400 ರನ್ಗಳ ಇನಿಂಗ್ಸ್ ಕೂಡ ಅವರಿಗೆ ಅಷ್ಟೊಂದು ಸಂತೃಪ್ತಿ ತಂದಿಲ್ಲ. ‘ಪ್ರತಿಕೂಲ ಪರಿಸ್ಥಿತಿಯಲ್ಲಿ ಆ ಇನಿಂಗ್ಸ್ ಬಂದಿತ್ತು. ನನ್ನ ತಲೆದಂಡ ಹತ್ತಿರವಿರುವಾಗಲೇ ನಾನು ಆ ಇನಿಂಗ್ಸ್ (213) ಆಡಿದ್ದೆ. ನನ್ನ ಸ್ಥಾನ ಅಲುಗಾಡುತಿತ್ತು. ನನ್ನನ್ನು ಕಿತ್ತುಹಾಕಲು ಆಯ್ಕೆದಾರರು ಕಾಯುತ್ತಿದ್ದರು’ ಎಂದು ಅವರು ನೆನಪಿಸಿಕೊಂಡಿದ್ದಾರೆ.</p>.<p>‘ಆ ಇನಿಂಗ್ಸ್ ನನ್ನ ಸಾಮರ್ಥ್ಯ ಏನೆಂದು ಸಾಬೀತುಪಡಿಸಿತು. ಆದು ಸೊಗಸಾದ ಇನಿಂಗ್ಸ್ ಆಗಿರಲಿಕ್ಕಿಲ್ಲ. ಆದರೆ ಅದು ನನ್ನ ಕ್ರಿಕೆಟ್ ಜೀವನದ ಅತಿ ಶ್ರೇಷ್ಠ ಇನಿಂಗ್ಸ್ ಆಗಿತ್ತು. ವಾರದ ನಂತರ ನನ್ನನ್ನು ಆ ವರ್ಷದ ಉಳಿದ ಸರಣಿಗಳಿಗೆ ನಾಯಕನಾಗಿ ಮುಂದುವರಿಸಿದರು. ವಾರಕ್ಕೆ ಮೊದಲು 153 ರನ್ಗಳ (ಬಾರ್ಬಡೋಸ್ನಲ್ಲಿ) ಆಟವಾಡಿದ್ದೆ. ಆದರೆ 213 ರನ್ಗಳ ಆ ಆಟ ಉನ್ನತವಾದುದು’ ಎಂದರು.</p>.<p>ಡಿ.ವೈ. ಪಾಟೀಲ ವಿಶ್ವವಿದ್ಯಾಲಯದಿಂದ ತಮಗೆ ಡಾಕ್ಟರೇಟ್ ಆಫ್ ಸೈನ್ಸ್ ಪದವಿ ಪ್ರದಾನ ಮಾಡಿದ ನಂತರ ಲಾರಾ ಅವರು ಮಾತನಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವಿ ಮುಂಬೈ:</strong> ಆಸ್ಟ್ರೇಲಿಯಾವನ್ನು 1999ರ ಆ ಟೆಸ್ಟ್ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಸೋಲಿಸಲಿದೆ ಎಂದು ತಮ್ಮ ಸ್ನೇಹಿತನೊಬ್ಬ ಭವಿಷ್ಯ ನುಡಿದಾಗ ಬ್ರಯಾನ್ ಲಾರಾ ಅವರಿಗೆ ನಂಬಿಕೆ ಬಂದಿರಲಿಲ್ಲ. ಅವರು ಮಾದಕ ವಸ್ತುಗಳಿಗೆ ಪ್ರಸಿದ್ಧವಾದ ಜಮೈಕಾದ ‘ಮರೈವಾನಾ’ ಪ್ರಭಾವದಲ್ಲಿದ್ದಾರೆಂದು ಭಾವಿಸಿದ್ದರು.</p>.<p>ಆದರೆ ಸ್ನೇಹಿತನ ಭವಿಷ್ಯ ಸುಳ್ಳಾ ಗಲಿಲ್ಲ. ಆ ಸರಣಿಯಲ್ಲಿ ನಾಯಕನಾಗಿದ್ದ ಲಾರಾ ಮುಂಚೂಣಿಯಲ್ಲಿ ನಿಂತು 213 ರನ್ ಬಾರಿಸಿ ಸಂಕಟದಲ್ಲಿದ್ದ ತಮ್ಮ ತಂಡಕ್ಕೆ ನಂಬಲಸಾಧ್ಯವಾದ ರೀತಿಯಲ್ಲಿ ಗೆಲುವು ತಂದುಕೊಟ್ಟಿದ್ದರು.</p>.<p>ಆಡಿರುವ ಹಲವು ಅಮೋಘ ಇನಿಂಗ್ಸ್ಗಳ ಪೈಕಿ ಜಮೈಕಾದ ಸಬೀನಾ ಪಾರ್ಕ್ನಲ್ಲಿ ಗಳಿಸಿದ 213 ರನ್ಗಳ ಇನಿಂಗ್ಸ್ ಅತಿ ಶ್ರೇಷ್ಠ ಎಂದು ಗುರುವಾರ ಲಾರಾ ಅಭಿಪ್ರಾಯಪಟ್ಟರು.</p>.<p>ಕಾಂಗರೂಗಳ ವಿರುದ್ಧವೇ ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಗಳಿಸಿದ 277, ಬಾರ್ಬಡೋಸ್ನಲ್ಲಿ ಗಳಿಸಿದ 153 ರನ್ಗಳ ಅಮೋಘ ಇನಿಂಗ್ಸ್ಗಿಂತ, ಜಮೈಕಾದ ಆ ಇನಿಂಗ್ಸ್ ಸ್ಮರಣೀಯ ಎಂದಿದ್ದಾರೆ. ಸಿಡ್ನಿಯಲ್ಲಿ ಗಳಿಸಿದ 277 ರನ್ಗಳ ಆ ಇನಿಂಗ್ಸ್ ಕ್ರಿಕೆಟ್ ಜಗತ್ತಿಗೆ ಈ ಪ್ರತಿಭಾನ್ವಿತ ಆಟಗಾರನ ಆಗಮನವನ್ನು ಸಾರಿತ್ತು. ಲಾರಾ ತಮ್ಮ ಮಗಳಿಗೂ ಈ ಮೈದಾನದ ಹೆಸರನ್ನೇ (ಸಿಡ್ನಿ) ಇಟ್ಟಿದ್ದರು.</p>.<p>ಇಂಗ್ಲೆಂಡ್ ವಿರುದ್ಧ ಗಳಿಸಿದ ಭರ್ಜರಿ 375 ಮತ್ತು ಅಜೇಯ 400 ರನ್ಗಳ ಇನಿಂಗ್ಸ್ ಕೂಡ ಅವರಿಗೆ ಅಷ್ಟೊಂದು ಸಂತೃಪ್ತಿ ತಂದಿಲ್ಲ. ‘ಪ್ರತಿಕೂಲ ಪರಿಸ್ಥಿತಿಯಲ್ಲಿ ಆ ಇನಿಂಗ್ಸ್ ಬಂದಿತ್ತು. ನನ್ನ ತಲೆದಂಡ ಹತ್ತಿರವಿರುವಾಗಲೇ ನಾನು ಆ ಇನಿಂಗ್ಸ್ (213) ಆಡಿದ್ದೆ. ನನ್ನ ಸ್ಥಾನ ಅಲುಗಾಡುತಿತ್ತು. ನನ್ನನ್ನು ಕಿತ್ತುಹಾಕಲು ಆಯ್ಕೆದಾರರು ಕಾಯುತ್ತಿದ್ದರು’ ಎಂದು ಅವರು ನೆನಪಿಸಿಕೊಂಡಿದ್ದಾರೆ.</p>.<p>‘ಆ ಇನಿಂಗ್ಸ್ ನನ್ನ ಸಾಮರ್ಥ್ಯ ಏನೆಂದು ಸಾಬೀತುಪಡಿಸಿತು. ಆದು ಸೊಗಸಾದ ಇನಿಂಗ್ಸ್ ಆಗಿರಲಿಕ್ಕಿಲ್ಲ. ಆದರೆ ಅದು ನನ್ನ ಕ್ರಿಕೆಟ್ ಜೀವನದ ಅತಿ ಶ್ರೇಷ್ಠ ಇನಿಂಗ್ಸ್ ಆಗಿತ್ತು. ವಾರದ ನಂತರ ನನ್ನನ್ನು ಆ ವರ್ಷದ ಉಳಿದ ಸರಣಿಗಳಿಗೆ ನಾಯಕನಾಗಿ ಮುಂದುವರಿಸಿದರು. ವಾರಕ್ಕೆ ಮೊದಲು 153 ರನ್ಗಳ (ಬಾರ್ಬಡೋಸ್ನಲ್ಲಿ) ಆಟವಾಡಿದ್ದೆ. ಆದರೆ 213 ರನ್ಗಳ ಆ ಆಟ ಉನ್ನತವಾದುದು’ ಎಂದರು.</p>.<p>ಡಿ.ವೈ. ಪಾಟೀಲ ವಿಶ್ವವಿದ್ಯಾಲಯದಿಂದ ತಮಗೆ ಡಾಕ್ಟರೇಟ್ ಆಫ್ ಸೈನ್ಸ್ ಪದವಿ ಪ್ರದಾನ ಮಾಡಿದ ನಂತರ ಲಾರಾ ಅವರು ಮಾತನಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
