ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಐಸಿಸಿ ಮುಖ್ಯಸ್ಥ ಹುದ್ದೆ: ನಾಮಪತ್ರ ಸಲ್ಲಿಕೆಗೆ ಅಕ್ಟೋಬರ್ 18ರ ಗಡುವು

Last Updated 12 ಅಕ್ಟೋಬರ್ 2020, 12:33 IST
ಅಕ್ಷರ ಗಾತ್ರ

ದುಬೈ: ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್‌ನ (ಐಸಿಸಿ) ಮುಖ್ಯಸ್ಥ ಹುದ್ದೆಗೆ ಸಂಭಾವ್ಯ ಅಭ್ಯರ್ಥಿಗಳ ಹೆಸರುಗಳನ್ನು ಸೂಚಿಸಲು ನಿರ್ದೇಶಕರ ಮಂಡಳಿಗೆ (ಬೋರ್ಡ್‌ ಆಫ್‌ ಡೈರೆಕ್ಟರ್ಸ್) ಅಕ್ಟೋಬರ್‌ 18ರ ಗಡುವು ನೀಡಲಾಗಿದೆ. ಭಾರತದ ಶಶಾಂಕ್ ಮನೋಹರ್‌ ಅವರಿಂದ ತೆರವಾದ ಸ್ಥಾನಕ್ಕೆ ಮುಖ್ಯಸ್ಥರ ಆಯ್ಕೆ ನಡೆಯಬೇಕಿದೆ.

ಐಸಿಸಿ ಲೆಕ್ಕಪತ್ರ ಸಮಿತಿಯ ಸ್ವತಂತ್ರ ಮುಖ್ಯಸ್ಥರು ಆಯ್ಕೆ ಪ್ರಕ್ರಿಯೆಯ ವೀಕ್ಷಕರಾಗಲಿದ್ದಾರೆ.

ಒಂದು ವೇಳೆ ಒಬ್ಬರಿಗಿಂತ ಹೆಚ್ಚು ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದರೆ ಮತದಾನ ನಡೆಸಬೇಕೆ ಎಂಬುದನ್ನು ಐಸಿಸಿ ಇನ್ನೂ ನಿರ್ಧರಿಸಿಲ್ಲ. ನೂತನ ಮುಖ್ಯಸ್ಥರು ಈ ವರ್ಷದ ಡಿಸೆಂಬರ್‌ನಿಂದ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ ಎಂದು ಐಸಿಸಿ ಈಗಾಗಲೇ ತಿಳಿಸಿದೆ.

‘ಮುಂದಿನ ಮುಖ್ಯಸ್ಥರ ಆಯ್ಕೆ ಪ್ರಕ್ರಿಯೆ ಜಾರಿಯಲ್ಲಿದೆ. ಡಿಸೆಂಬರ್‌ ವೇಳೆಗೆ ನೂತನ ಮುಖ್ಯಸ್ಥರು ಅಧಿಕಾರ ವಹಿಸಿಕೊಳ್ಳಲಿದ್ದಾರೆ‘ ಎಂದು ಐಸಿಸಿ ತಿಳಿಸಿದೆ.

ನಿರ್ದೇಶಕರ ಮಂಡಳಿಯು ಸೂಚಿಸುವ ಅಭ್ಯರ್ಥಿಗಳು ಐಸಿಸಿ ಮುಖ್ಯಸ್ಥ ಹುದ್ದೆಗೆ ಸ್ಪರ್ಧಿಸಲಿದ್ದಾರೆ.

‘ಮಂಡಳಿಯ ಹಾಲಿ ಅಥವಾ ಮಾಜಿ ನಿರ್ದೇಶಕರಾಗಿರುವವರು ಮುಖ್ಯಸ್ಥ ಹುದ್ದೆಗೆ ಅರ್ಜಿ ಸಲ್ಲಿಸಲು ಅರ್ಹರು‘ ಎಂದು ಐಸಿಸಿ ಹೇಳಿಕೆಯಲ್ಲಿ ಉಲ್ಲೇಖಿಸಲಾಗಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT