<p><strong>ಅಹಮದಾಬಾದ್:</strong> ಮೊಟೇರಾದ ಸರ್ದಾರ್ ಪಟೇಲ್ ಕ್ರೀಡಾಂಗಣವು ಮೊದಲ ಟೆಸ್ಟ್ ಪಂದ್ಯ ಆಯೋಜಿಸಲು ಸರ್ವಸನ್ನದ್ಧವಾಗಿದೆ.</p>.<p>ಅತಿ ದೊಡ್ಡ ಕ್ರಿಕೆಟ್ ಕ್ರೀಡಾಂಗಣ ಎಂಬ ಹೆಗ್ಗಳಿಕೆಇರುವ ಇಲ್ಲಿ ಇದೇ 24ರಿಂದ ಭಾರತ–ಇಂಗ್ಲೆಂಡ್ ನಡುವಣ ಹಗಲು–ರಾತ್ರಿ ಟೆಸ್ಟ್ ಪಂದ್ಯ ನಡೆಯಲಿದೆ.</p>.<p>ಅದಕ್ಕಾಗಿ ನಾಲ್ಕು ಡ್ರೆಸ್ಸಿಂಗ್ ಕೋಣೆಗಳನ್ನು ಸಿದ್ಧಪಡಿಸಲಾಗಿದೆ. ಬೇರೆ ಯಾವ ಕ್ರೀಡಾಂಗಣದಲ್ಲೂ ಇಷ್ಟು ಸಂಖ್ಯೆಯ ಡ್ರೆಸ್ಸಿಂಗ್ ರೂಮ್ಗಳಿಲ್ಲ. ಪ್ರತಿಯೊಂದು ಕೋಣೆಯಲ್ಲಿಯೂ ಅತ್ಯಾಧುನಿಕ ಜಿಮ್ನಾಷಿಯಂಗಳೂ ಇವೆ ಎಂದು ಗುಜರಾತ್ ಕ್ರಿಕೆಟ್ ಸಂಸ್ಥೆಯ ಜಂಟಿ ಕಾರ್ಯದರ್ಶಿ ಅನಿಲ್ ಪಟೇಲ್ ತಿಳಿಸಿದ್ದಾರೆ.</p>.<p>ಹೊನಲು ಬೆಳಕಿನಲ್ಲಿ ಉಂಟಾಗುವ ನೆರಳಿನ ಬಿಂಬಗಳನ್ನು ಮರೆಮಾಚಲು ಎಲ್ಇಡಿ ಬಲ್ಬ್ಗಳನ್ನು ಬಳಸಲಾಗಿದೆ. ಇದರಿಂದಾಗಿ ಚೆಂಡು ಎತ್ತರದಲ್ಲಿ ಸಾಗಿದಾಗಲೂ ಸ್ಪಷ್ಟವಾಗಿ ಗೋಚರಿಸಲಿದೆ ಎಂದು ಪಟೇಲ್ ಹೇಳಿದ್ದಾರೆ.</p>.<p>ಈ ಕ್ರೀಡಾಂಗಣದಲ್ಲಿ ಪ್ರೇಕ್ಷಕರ ಗ್ಯಾಲರಿ ಸಾಮರ್ಥ್ಯವು 1.10 ಲಕ್ಷವಾಗಿದೆ. ಕೋವಿಡ್ ತಡೆ ಮಾರ್ಗಸೂಚಿಯನ್ವಯ ಸಾಮರ್ಥ್ಯದ ಶೇ 50ರಷ್ಟು ಪ್ರೇಕ್ಷಕರಿಗೆ ಮಾತ್ರ ಪ್ರವೇಶಕ್ಕೆ ಅವಕಾಶ ನೀಡಲಾಗುತ್ತಿದೆ. 55 ಸಾವಿರ ಟಿಕೆಟ್ಗಳನ್ನು ಮಾರಾಟ ಮಾಡಲಾಗುತ್ತಿದೆ.</p>.<p>ಈಚೆಗಷ್ಟೇ ಇಲ್ಲಿ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟಿ20 ಕ್ರಿಕೆಟ್ ಟೂರ್ನಿಯ ನಾಕೌಟ್ ಪಂದ್ಯಗಳು ನಡೆದಿದ್ದವು.</p>.<p>’ಕ್ರೀಡಾಂಗಣದ ಮಧ್ಯದಲ್ಲಿ 11 ಪಿಚ್ಗಳು ಇವೆ. ಇಲ್ಲಿಯ ವಿಶೇಷವೆಂದರೆ ಎಲ್ಲ ಪಿಚ್ಗಳಿಗೂ ಒಂದೇ ರೀತಿಯ ಮಣ್ಣು ಬಳಸಲಾಗಿದೆ. ಮಳೆ ಬಂದರೆ ನೀರು ಸರಾಗವಾಗಿ ಇಂಗಿಹೋಗಲು ಕೂಡ ಒಳಚರಂಡಿ ವ್ಯವಸ್ಥೆ ಮಾಡಲಾಗಿದೆ‘ ಎಂದೂ ತಿಳಿಸಿದರು.</p>.<p>’ಒಟ್ಟು 63 ಎಕರೆ ಜಾಗದಲ್ಲಿ ಈ ಕ್ರೀಡಾಂಗಣದ ನಿರ್ಮಾಣವಾಗಿದೆ. ಒಳಾಂಗಣದಲ್ಲಿ ಆರು ಪಿಚ್ಗಳು ಇವೆ. ಬೌಲಿಂಗ್ ಯಂತ್ರಗಳೂ ಇವೆ. ಹೊರಾಂಗಣದಲ್ಲಿಯೂ ಅಭ್ಯಾಸದ ಪಿಚ್ಗಳು, ಮಿನಿ ಪೆವಿಲಿಯನ್ ಮತ್ತು ಎರಡು ಮೈದಾನಗಳೂ ಇವೆ‘ ಎಂದು ಪಟೇಲ್ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಹಮದಾಬಾದ್:</strong> ಮೊಟೇರಾದ ಸರ್ದಾರ್ ಪಟೇಲ್ ಕ್ರೀಡಾಂಗಣವು ಮೊದಲ ಟೆಸ್ಟ್ ಪಂದ್ಯ ಆಯೋಜಿಸಲು ಸರ್ವಸನ್ನದ್ಧವಾಗಿದೆ.</p>.<p>ಅತಿ ದೊಡ್ಡ ಕ್ರಿಕೆಟ್ ಕ್ರೀಡಾಂಗಣ ಎಂಬ ಹೆಗ್ಗಳಿಕೆಇರುವ ಇಲ್ಲಿ ಇದೇ 24ರಿಂದ ಭಾರತ–ಇಂಗ್ಲೆಂಡ್ ನಡುವಣ ಹಗಲು–ರಾತ್ರಿ ಟೆಸ್ಟ್ ಪಂದ್ಯ ನಡೆಯಲಿದೆ.</p>.<p>ಅದಕ್ಕಾಗಿ ನಾಲ್ಕು ಡ್ರೆಸ್ಸಿಂಗ್ ಕೋಣೆಗಳನ್ನು ಸಿದ್ಧಪಡಿಸಲಾಗಿದೆ. ಬೇರೆ ಯಾವ ಕ್ರೀಡಾಂಗಣದಲ್ಲೂ ಇಷ್ಟು ಸಂಖ್ಯೆಯ ಡ್ರೆಸ್ಸಿಂಗ್ ರೂಮ್ಗಳಿಲ್ಲ. ಪ್ರತಿಯೊಂದು ಕೋಣೆಯಲ್ಲಿಯೂ ಅತ್ಯಾಧುನಿಕ ಜಿಮ್ನಾಷಿಯಂಗಳೂ ಇವೆ ಎಂದು ಗುಜರಾತ್ ಕ್ರಿಕೆಟ್ ಸಂಸ್ಥೆಯ ಜಂಟಿ ಕಾರ್ಯದರ್ಶಿ ಅನಿಲ್ ಪಟೇಲ್ ತಿಳಿಸಿದ್ದಾರೆ.</p>.<p>ಹೊನಲು ಬೆಳಕಿನಲ್ಲಿ ಉಂಟಾಗುವ ನೆರಳಿನ ಬಿಂಬಗಳನ್ನು ಮರೆಮಾಚಲು ಎಲ್ಇಡಿ ಬಲ್ಬ್ಗಳನ್ನು ಬಳಸಲಾಗಿದೆ. ಇದರಿಂದಾಗಿ ಚೆಂಡು ಎತ್ತರದಲ್ಲಿ ಸಾಗಿದಾಗಲೂ ಸ್ಪಷ್ಟವಾಗಿ ಗೋಚರಿಸಲಿದೆ ಎಂದು ಪಟೇಲ್ ಹೇಳಿದ್ದಾರೆ.</p>.<p>ಈ ಕ್ರೀಡಾಂಗಣದಲ್ಲಿ ಪ್ರೇಕ್ಷಕರ ಗ್ಯಾಲರಿ ಸಾಮರ್ಥ್ಯವು 1.10 ಲಕ್ಷವಾಗಿದೆ. ಕೋವಿಡ್ ತಡೆ ಮಾರ್ಗಸೂಚಿಯನ್ವಯ ಸಾಮರ್ಥ್ಯದ ಶೇ 50ರಷ್ಟು ಪ್ರೇಕ್ಷಕರಿಗೆ ಮಾತ್ರ ಪ್ರವೇಶಕ್ಕೆ ಅವಕಾಶ ನೀಡಲಾಗುತ್ತಿದೆ. 55 ಸಾವಿರ ಟಿಕೆಟ್ಗಳನ್ನು ಮಾರಾಟ ಮಾಡಲಾಗುತ್ತಿದೆ.</p>.<p>ಈಚೆಗಷ್ಟೇ ಇಲ್ಲಿ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟಿ20 ಕ್ರಿಕೆಟ್ ಟೂರ್ನಿಯ ನಾಕೌಟ್ ಪಂದ್ಯಗಳು ನಡೆದಿದ್ದವು.</p>.<p>’ಕ್ರೀಡಾಂಗಣದ ಮಧ್ಯದಲ್ಲಿ 11 ಪಿಚ್ಗಳು ಇವೆ. ಇಲ್ಲಿಯ ವಿಶೇಷವೆಂದರೆ ಎಲ್ಲ ಪಿಚ್ಗಳಿಗೂ ಒಂದೇ ರೀತಿಯ ಮಣ್ಣು ಬಳಸಲಾಗಿದೆ. ಮಳೆ ಬಂದರೆ ನೀರು ಸರಾಗವಾಗಿ ಇಂಗಿಹೋಗಲು ಕೂಡ ಒಳಚರಂಡಿ ವ್ಯವಸ್ಥೆ ಮಾಡಲಾಗಿದೆ‘ ಎಂದೂ ತಿಳಿಸಿದರು.</p>.<p>’ಒಟ್ಟು 63 ಎಕರೆ ಜಾಗದಲ್ಲಿ ಈ ಕ್ರೀಡಾಂಗಣದ ನಿರ್ಮಾಣವಾಗಿದೆ. ಒಳಾಂಗಣದಲ್ಲಿ ಆರು ಪಿಚ್ಗಳು ಇವೆ. ಬೌಲಿಂಗ್ ಯಂತ್ರಗಳೂ ಇವೆ. ಹೊರಾಂಗಣದಲ್ಲಿಯೂ ಅಭ್ಯಾಸದ ಪಿಚ್ಗಳು, ಮಿನಿ ಪೆವಿಲಿಯನ್ ಮತ್ತು ಎರಡು ಮೈದಾನಗಳೂ ಇವೆ‘ ಎಂದು ಪಟೇಲ್ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
