ಪೊಷೆಫ್ಸ್ಟ್ರೂಮ್:19 ವರ್ಷದೊಳಗಿನವರ ಏಕದಿನ ವಿಶ್ವಕಪ್ ಟೂರ್ನಿಯ ಎರಡನೇ ಸೆಮಿಫೈನಲ್ನಲ್ಲಿ ನ್ಯೂಜಿಲೆಂಡ್ ವಿರುದ್ಧ 6 ವಿಕೆಟ್ ಅಂತರದಿಂದ ಗೆದ್ದ ಬಾಂಗ್ಲಾದೇಶ, ಇದೇ ಮೊದಲ ಸಲ ಫೈನಲ್ಗೆ ಪ್ರವೇಶ ಪಡೆಯಿತು. ಈಗಾಗಲೇ ಫೈನಲ್ ಪ್ರವೇಶಿಸಿರುವ ಭಾರತ, ಬಾಂಗ್ಲಾ ಬಳಗಕ್ಕೆ ಅಂತಿಮ ಸುತ್ತಿನಲ್ಲಿಸವಾಲು ನೀಡಲಿದೆ.
ಇಲ್ಲಿನ ಸೆನ್ವೆಸ್ ಪಾರ್ಕ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದಬಾಂಗ್ಲಾ ನಾಯಕ ಅಕ್ಬರ್ ಅಲಿ ಎದುರಾಳಿಯನ್ನು ಬ್ಯಾಟಿಂಗ್ಗೆ ಆಹ್ವಾನಿಸಿದರು. ನಾಯಕನ ನಿರ್ಧಾರ ಸಮರ್ಥಿಸಿಕೊಳ್ಳುವಂತೆ ಬೌಲಿಂಗ್ ಮಾಡಿದ ಬಾಂಗ್ಲಾ ಬೌಲರ್ಗಳು, ಕಿವೀಸ್ಗೆ ಎರಡನೇ ಓವರ್ನಲ್ಲೇ ಆಘಾತ ನೀಡಿದರು.
ಕೇವಲ 74 ರನ್ ಆಗುವಷ್ಟರಲ್ಲೇ ನ್ಯೂಜಿಲೆಂಡ್ನ ನಾಲ್ಕು ವಿಕೆಟ್ ಪತನವಾಗಿದ್ದವು. ಈ ವೇಳೆ ಜೊತೆಯಾದನಿಕೋಲಸ್ ಲಿಡ್ಸ್ಸ್ಟೋನ್ (44) ಹಾಗು ಬಿಡಬ್ಲ್ಯೂ ಗ್ರೀನಲ್ ಐದನೇ ವಿಕೆಟ್ಗೆ 67 ರನ್ ಸೇರಿಸಿ ಅಲ್ಪ ಚೇತರಿಕೆ ನೀಡಿದರು. ಈ ಇಬ್ಬರನ್ನುಹೊರತುಪಡಿಸಿ ಉಳಿದವರದಿಂದ ಉತ್ತಮ ಆಟ ಮೂಡಿ ಬರಲಿಲ್ಲ.
ಒಂದೆಡೆ ವಿಕೆಟ್ ಬೀಳುತ್ತಿದ್ದರೂ ವಿಕೆಟ್ ಕೊಡದೆ ಆಡಿದ ಗ್ರೀನಲ್ 83 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 2 ಸಿಕ್ಸರ್ ಸಹಿತ ಅಜೇಯ 75 ರನ್ ಗಳಿಸಿದರು. ಅವರ ಆಟದ ನೆರವಿನಿಂದ ಕಿವೀಸ್ ನಿಗದಿತ 50 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 211 ರನ್ ಕಲೆ ಹಾಕಿತು.
ಈ ಮೊತ್ತದೆದುರು ನಿರಾಯಾಸವಾಗಿ ಬ್ಯಾಟ್ ಬೀಸಿದ ಅಲಿ ಪಡೆ ಇನ್ನೂ 35 ಎಸೆತಗಳು ಬಾಕಿ ಇರುವಂತೆಯೇ 215 ರನ್ ಗಳಿಸಿ ಗೆಲುವಿನ ಸಂಭ್ರಮ ಆಚರಿಸಿತು.
ಕೇವಲ 32 ರನ್ ಆಗುವಷ್ಟರಲ್ಲಿ ಆರಂಭಿಕರಿಬ್ಬರೂ ಪೆವಿಲಿಯನ್ ಸೇರಿಕೊಂಡರೂ ಎದೆಗುಂದದೆ ಆಡಿದ ಮೊಹಮದ್ವುಲ್ ಹಸನ್ ಜಾಯ್ ಹಾಗೂ ತೊವ್ಹಿದ್ ಹ್ರಿದೋಯ್ (40) ಮೂರನೇ ವಿಕೆಟ್ಗೆ 68 ರನ್ ಸೇರಿಸಿರು. 127 ಎಸೆತಗಳನ್ನು ಎದುರಿಸಿದ ಜಾಯ್ 13 ಬೌಂಡರಿ ಸಹಿತ100 ರನ್ ಗಳಿಸಿದರು.
ಕೊನೆಯಲ್ಲಿಶಹಾದತ್ ಹೊಸ್ಸೈನ್ (40)ಹಾಗೂ ಶಮಿನ್ಹೊಸ್ಸೈನ್ (5) ಬಾಂಗ್ಲಾ ತಂಡಕ್ಕೆ ಜಯದ ರನ್ ಕೂಡಿಸಿದರು.
ಭಾರತ–ಬಾಂಗ್ಲಾಫೈನಲ್ ಫೈಟ್
ಭಾನುವಾರ ಇದೇ ಮೈದಾನದಲ್ಲಿ ನಡೆಯುವ ಫೈನಲ್ ಪಂದ್ಯದಲ್ಲಿಬಾಂಗ್ಲಾದೇಶ ತಂಡ ಭಾರತದ ಜೊತೆ ಪ್ರಶಸ್ತಿಗಾಗಿ ಸೆಣಸಲಿದೆ.
ಮಂಗಳವಾರ ನಡೆದ ಮೊದಲ ಸೆಮಿಫೈನಲ್ನಲ್ಲಿ ಪಾಕಿಸ್ತಾನ ತಂಡವನ್ನು ಮಣಿಸಿದ್ದ ಭಾರತ, ಸತತ ಮೂರನೇ ಬಾರಿಗೆ ಫೈನಲ್ ಪ್ರವೇಶಿಸಿದೆ. ಭಾರತ ನಾಲ್ಕು ಬಾರಿ ಚಾಂಪಿಯನ್ ಆಗಿದೆ. ಬಾಂಗ್ಲಾ ಫೈನಲ್ ತಲುಪಿರುವುದು ಇದೇ ಮೊದಲು.
ಬಾಂಗ್ಲಾದೇಶದ ಫೈನಲ್ ಹಾದಿ
ಜಿಂಬಾಬ್ವೆ ವಿರುದ್ಧ 9 ವಿಕಟ್ ಜಯ (ಗುಂಪು ಹಂತ)
ಸ್ಕಾಟ್ಲೆಂಡ್ ವಿರುದ್ಧ 7 ವಿಕೆಟ್ ಜಯ(ಗುಂಪು ಹಂತ)
ಪಾಕಿಸ್ತಾನ ವಿರುದ್ಧ ಪಂದ್ಯ ರದ್ಧು (ಗುಂಪು ಹಂತ)
ದಕ್ಷಿಣ ಆಫ್ರಿಕಾ ವಿರುದ್ಧ 104 ರನ್ ಜಯ (ಕ್ವಾರ್ಟರ್ ಫೈನಲ್)
ನ್ಯೂಜಿಲೆಂಡ್ ವಿರುದ್ಧ 6 ವಿಕೆಟ್ ಜಯ (ಸೆಮಿಫೈನಲ್)
ಭಾರತದ ಫೈನಲ್ ಹಾದಿ
ಶ್ರೀಲಂಕಾ ವಿರುದ್ಧ 90 ರನ್ ಜಯ (ಗುಂಪು ಹಂತ)
ಜಪಾನ್ ವಿರುದ್ಧ 10 ವಿಕೆಟ್ ಜಯ(ಗುಂಪು ಹಂತ)
ನ್ಯೂಜಿಲೆಂಡ್ ವಿರುದ್ಧ 44 ರನ್ ಜಯ(ಗುಂಪು ಹಂತ)
ಆಸ್ಟ್ರೇಲಿಯಾ ವಿರುದ್ಧ 74 ರನ್ ಜಯ (ಕ್ವಾರ್ಟರ್ ಫೈನಲ್)
ಪಾಕಿಸ್ತಾನ ವಿರುದ್ಧ 10 ವಿಕೆಟ್ ಜಯ(ಸೆಮಿಫೈನಲ್)
Wow, a very special knock from Mahmudul Hasan Joy.
— Cricket World Cup (@cricketworldcup) February 6, 2020
Bangladesh are in touching distance of the #U19CWC final!#NZvBAN | #FutureStars pic.twitter.com/CWQUAIkg5I
Bangladesh are going to the final!#U19CWC | #NZvBAN | #FutureStars pic.twitter.com/p1o3XXhazT
— Cricket World Cup (@cricketworldcup) February 6, 2020
ICC UNDER-19 WORLD CUP 2020
— K-SPORTS (@ksportsbd) February 6, 2020
BANGLADESH UNDER 19s vs NEW ZEALAND UNDER 19s
SEMI FINAL 02 | FEBRUARY 06, 2020 (TODAY)
POTCHEFSTROOM | LIVE : 2:00 (BST) | LIVE ON : GAZI TV#u19cwc #ksports #ksportsbd pic.twitter.com/5aNl2bjoHV
Final words are being spoken.
— Cricket World Cup (@cricketworldcup) February 6, 2020
Who will meet India in the 2020 #U19CWC final?#NZvBAN | #FutureStars pic.twitter.com/PbcF80Kb60
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.