<p><strong>ಹರಾರೆ, ಜಿಂಬಾಬ್ವೆ:</strong> ಲೂಕ್ ಜೊಂಗ್ವೆ ಅವರ ಪರಿಣಾಮಕಾರಿ ಬೌಲಿಂಗ್ ದಾಳಿಯ ನೆರವಿನಿಂದ ಜಿಂಬಾಬ್ವೆ ತಂಡ ಪಾಕಿಸ್ತಾನ ಎದುರಿನ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ಜಯ ಗಳಿಸಿತು.</p>.<p>ಮೊದಲ ಪಂದ್ಯದಲ್ಲಿ ಸೋತಿದ್ದ ಜಿಂಬಾಬ್ವೆ ಶುಕ್ರವಾರ ನಡೆದ ಹಣಾಹಣಿಯಲ್ಲಿ 19 ರನ್ಗಳಿಂದ ಪ್ರವಾಸಿ ತಂಡವನ್ನು ಮಣಿಸಿ ಮೂರು ಪಂದ್ಯಗಳ ಸರಣಿಯಲ್ಲಿ ಸಮಬಲ ಸಾಧಿಸಿತು.</p>.<p>ಟಾಸ್ ಗೆದ್ದ ಪಾಕಿಸ್ತಾನ ಬೌಲಿಂಗ್ ಆರಿಸಿಕೊಂಡಿತು. ಆತಿಥೇಯರು ಒಂಬತ್ತು ವಿಕೆಟ್ ಕಳೆದುಕೊಂಡು 118 ರನ್ ಗಳಿಸಿದರು. 34 ರನ್ ಕಲೆ ಹಾಕಿದ ತಿನಾಶೆ ಕಮುನುಕನ್ವೆ ಏಕಾಂಗಿ ಹೋರಾಟ ನಡೆಸಿದರು.</p>.<p>ಸಾಧಾರಣ ಮೊತ್ತದ ಗೆಲುವಿನ ಗುರಿ ಬೆನ್ನತ್ತಿದ ಪಾಕಿಸ್ತಾನ ಆರಂಭಿಕ ಬ್ಯಾಟ್ಸ್ಮನ್ ಮೊಹಮ್ಮದ್ ರಿಜ್ವಾನ್ ಅವರನ್ನು ಬೇಗನೇ ಕಳೆದುಕೊಂಡಿತು. ಬಾಬರ್ ಆಜಂ ಏಕಾಂಗಿಯಾಗಿ ತಂಡದ ಇನಿಂಗ್ಸ್ ಮನ್ನಡೆಸಲು ಪ್ರಯತ್ನಿಸಿದರು. ಆದರೆ 19.5 ಓವರ್ಗಳಲ್ಲಿ 99 ರನ್ಗಳಿಗೆ ತಂಡ ಆಲೌಟಾಗಿ ಸೋಲೊಪ್ಪಿಕೊಂಡಿತು.</p>.<p>ರಿಜ್ವಾನ್ ಮತ್ತು ಆಜಂ ವಿಕೆಟ್ ಉರುಳಿಸಿದ ಮಧ್ಯಮ ವೇಗಿ ಜೊಂಗ್ವೆ ಕೊನೆಯಲ್ಲಿ ಹ್ಯಾರಿಸ್ ರವೂಫ್ ಮತ್ತು ಅರ್ಷದ್ ಇಕ್ಬಾಲ್ ಅವರನ್ನೂ ವಾಪಸ್ ಕಳುಹಿಸಿದರು. ಈ ಮೂಲಕ 18 ರನ್ಗಳಿಗೆ ನಾಲ್ಕು ವಿಕೆಟ್ಗಳು ಅವರ ಪಾಲಾದವು. ರಯಾನ್ ಬರ್ಲ್, ಬ್ಲೆಸಿಂಗ್ ಮುಜರಬಾನಿ ಮತ್ತು ರಿಚರ್ಡ್ ಗರಾವ ಕೂಡ ಬೌಲಿಂಗ್ನಲ್ಲಿ ಮಿಂಚಿದರು.</p>.<p>ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ 11 ರನ್ಗಳಿಂದ ಜಯ ಗಳಿಸಿತ್ತು. ಕೊನೆಯ ಪಂದ್ಯ ಭಾನುವಾರ ನಡೆಯಲಿದ್ದು ಸತತ ಎರಡು ಟಿ20 ಸರಣಿ ಗೆಲುವಿನ ಗುರಿಯೊಂದಿಗೆ ಪಾಕಿಸ್ತಾನ ಕಣಕ್ಕೆ ಇಳಿಯಲಿದೆ. ದಕ್ಷಿಣ ಆಫ್ರಿಕಾದಲ್ಲಿ ಸರಣಿ ಗೆದ್ದು ತಂಡ ಇಲ್ಲಿಗೆ ಬಂದಿತ್ತು.</p>.<p><strong>ಸಂಕ್ಷಿಪ್ತ ಸ್ಕೋರು<br />ಜಿಂಬಾಬ್ವೆ:</strong> 20 ಓವರ್ಗಳಲ್ಲಿ 9ಕ್ಕೆ 118 (ತಿನಾಶೆ ಕಮುನುಕನ್ವೆ 34, ಮರುಮಾನಿ 13, ಮಧೆವೆರೆ 16, ಚಕಾಬ್ವ 18, ಮುಸಕಂಡ 13; ಮೊಹಮ್ಮದ್ ಹಸ್ನಾನಿ 19ಕ್ಕೆ2, ಫಹೀಂ ಅಶ್ರಫ್ 10ಕ್ಕೆ1, ಅರ್ಷದ್ ಇಕ್ಬಾಲ್ 16ಕ್ಕೆ1, ಹ್ಯಾರಿಸ್ ರವೂಫ್ 10ಕ್ಕೆ1, ಉಸ್ಮಾನ್ ಖಾದಿರ್ 28ಕ್ಕೆ1, ಡ್ಯಾನಿಶ್ ಅಜೀಜ್ 29ಕ್ಕೆ2)<br /><strong>ಪಾಕಿಸ್ತಾನ: 1</strong>9.5 ಓವರ್ಗಳಲ್ಲಿ 99 (ಮೊಹಮ್ಮದ್ ರಿಜ್ವಾನ್ 13, ಬಾಬರ್ ಆಜಂ 41, ಡ್ಯಾನಿಶ್ ಅಜೀಜ್ 22; ಮುಜರಬಾನಿ 24ಕ್ಕೆ1, ಗರಾವ 10ಕ್ಕೆ1, ಲೂಕ್ ಜೊಂಗ್ವೆ 18ಕ್ಕೆ4, ಬರ್ಲ್ 21ಕ್ಕೆ2)<br /><strong>ಫಲಿತಾಂಶ:</strong> ಜಿಂಬಾಬ್ವೆಗೆ 19 ರನ್ಗಳ ಜಯ; ಮೂರು ಪಂದ್ಯಗಳ ಸರಣಿ 1–1ರಲ್ಲಿ ಸಮ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹರಾರೆ, ಜಿಂಬಾಬ್ವೆ:</strong> ಲೂಕ್ ಜೊಂಗ್ವೆ ಅವರ ಪರಿಣಾಮಕಾರಿ ಬೌಲಿಂಗ್ ದಾಳಿಯ ನೆರವಿನಿಂದ ಜಿಂಬಾಬ್ವೆ ತಂಡ ಪಾಕಿಸ್ತಾನ ಎದುರಿನ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ಜಯ ಗಳಿಸಿತು.</p>.<p>ಮೊದಲ ಪಂದ್ಯದಲ್ಲಿ ಸೋತಿದ್ದ ಜಿಂಬಾಬ್ವೆ ಶುಕ್ರವಾರ ನಡೆದ ಹಣಾಹಣಿಯಲ್ಲಿ 19 ರನ್ಗಳಿಂದ ಪ್ರವಾಸಿ ತಂಡವನ್ನು ಮಣಿಸಿ ಮೂರು ಪಂದ್ಯಗಳ ಸರಣಿಯಲ್ಲಿ ಸಮಬಲ ಸಾಧಿಸಿತು.</p>.<p>ಟಾಸ್ ಗೆದ್ದ ಪಾಕಿಸ್ತಾನ ಬೌಲಿಂಗ್ ಆರಿಸಿಕೊಂಡಿತು. ಆತಿಥೇಯರು ಒಂಬತ್ತು ವಿಕೆಟ್ ಕಳೆದುಕೊಂಡು 118 ರನ್ ಗಳಿಸಿದರು. 34 ರನ್ ಕಲೆ ಹಾಕಿದ ತಿನಾಶೆ ಕಮುನುಕನ್ವೆ ಏಕಾಂಗಿ ಹೋರಾಟ ನಡೆಸಿದರು.</p>.<p>ಸಾಧಾರಣ ಮೊತ್ತದ ಗೆಲುವಿನ ಗುರಿ ಬೆನ್ನತ್ತಿದ ಪಾಕಿಸ್ತಾನ ಆರಂಭಿಕ ಬ್ಯಾಟ್ಸ್ಮನ್ ಮೊಹಮ್ಮದ್ ರಿಜ್ವಾನ್ ಅವರನ್ನು ಬೇಗನೇ ಕಳೆದುಕೊಂಡಿತು. ಬಾಬರ್ ಆಜಂ ಏಕಾಂಗಿಯಾಗಿ ತಂಡದ ಇನಿಂಗ್ಸ್ ಮನ್ನಡೆಸಲು ಪ್ರಯತ್ನಿಸಿದರು. ಆದರೆ 19.5 ಓವರ್ಗಳಲ್ಲಿ 99 ರನ್ಗಳಿಗೆ ತಂಡ ಆಲೌಟಾಗಿ ಸೋಲೊಪ್ಪಿಕೊಂಡಿತು.</p>.<p>ರಿಜ್ವಾನ್ ಮತ್ತು ಆಜಂ ವಿಕೆಟ್ ಉರುಳಿಸಿದ ಮಧ್ಯಮ ವೇಗಿ ಜೊಂಗ್ವೆ ಕೊನೆಯಲ್ಲಿ ಹ್ಯಾರಿಸ್ ರವೂಫ್ ಮತ್ತು ಅರ್ಷದ್ ಇಕ್ಬಾಲ್ ಅವರನ್ನೂ ವಾಪಸ್ ಕಳುಹಿಸಿದರು. ಈ ಮೂಲಕ 18 ರನ್ಗಳಿಗೆ ನಾಲ್ಕು ವಿಕೆಟ್ಗಳು ಅವರ ಪಾಲಾದವು. ರಯಾನ್ ಬರ್ಲ್, ಬ್ಲೆಸಿಂಗ್ ಮುಜರಬಾನಿ ಮತ್ತು ರಿಚರ್ಡ್ ಗರಾವ ಕೂಡ ಬೌಲಿಂಗ್ನಲ್ಲಿ ಮಿಂಚಿದರು.</p>.<p>ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ 11 ರನ್ಗಳಿಂದ ಜಯ ಗಳಿಸಿತ್ತು. ಕೊನೆಯ ಪಂದ್ಯ ಭಾನುವಾರ ನಡೆಯಲಿದ್ದು ಸತತ ಎರಡು ಟಿ20 ಸರಣಿ ಗೆಲುವಿನ ಗುರಿಯೊಂದಿಗೆ ಪಾಕಿಸ್ತಾನ ಕಣಕ್ಕೆ ಇಳಿಯಲಿದೆ. ದಕ್ಷಿಣ ಆಫ್ರಿಕಾದಲ್ಲಿ ಸರಣಿ ಗೆದ್ದು ತಂಡ ಇಲ್ಲಿಗೆ ಬಂದಿತ್ತು.</p>.<p><strong>ಸಂಕ್ಷಿಪ್ತ ಸ್ಕೋರು<br />ಜಿಂಬಾಬ್ವೆ:</strong> 20 ಓವರ್ಗಳಲ್ಲಿ 9ಕ್ಕೆ 118 (ತಿನಾಶೆ ಕಮುನುಕನ್ವೆ 34, ಮರುಮಾನಿ 13, ಮಧೆವೆರೆ 16, ಚಕಾಬ್ವ 18, ಮುಸಕಂಡ 13; ಮೊಹಮ್ಮದ್ ಹಸ್ನಾನಿ 19ಕ್ಕೆ2, ಫಹೀಂ ಅಶ್ರಫ್ 10ಕ್ಕೆ1, ಅರ್ಷದ್ ಇಕ್ಬಾಲ್ 16ಕ್ಕೆ1, ಹ್ಯಾರಿಸ್ ರವೂಫ್ 10ಕ್ಕೆ1, ಉಸ್ಮಾನ್ ಖಾದಿರ್ 28ಕ್ಕೆ1, ಡ್ಯಾನಿಶ್ ಅಜೀಜ್ 29ಕ್ಕೆ2)<br /><strong>ಪಾಕಿಸ್ತಾನ: 1</strong>9.5 ಓವರ್ಗಳಲ್ಲಿ 99 (ಮೊಹಮ್ಮದ್ ರಿಜ್ವಾನ್ 13, ಬಾಬರ್ ಆಜಂ 41, ಡ್ಯಾನಿಶ್ ಅಜೀಜ್ 22; ಮುಜರಬಾನಿ 24ಕ್ಕೆ1, ಗರಾವ 10ಕ್ಕೆ1, ಲೂಕ್ ಜೊಂಗ್ವೆ 18ಕ್ಕೆ4, ಬರ್ಲ್ 21ಕ್ಕೆ2)<br /><strong>ಫಲಿತಾಂಶ:</strong> ಜಿಂಬಾಬ್ವೆಗೆ 19 ರನ್ಗಳ ಜಯ; ಮೂರು ಪಂದ್ಯಗಳ ಸರಣಿ 1–1ರಲ್ಲಿ ಸಮ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
