<p><strong>ಚಂಡೀಗಢ:</strong>ಸರಿಯಾಗಿ ಆರು ವರ್ಷಗಳ ಹಿಂದೆ ಲಾಹ್ಲಿಯ ಬನ್ಸಿ ಲಾಲ್ ಕ್ರೀಡಾಂಗಣದಲ್ಲಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರು ತಮ್ಮ ಕ್ರಿಕೆಟ್ ಬದುಕಿನ ಕೊನೆಯ ರಣಜಿ ಪಂದ್ಯ ಆಡುತ್ತಿದ್ದರು. ಪಂದ್ಯ ವೀಕ್ಷಿಸಲು ಬಂದಿದ್ದ 9 ವರ್ಷದ ಬಾಲಕಿಯೊಬ್ಬಳು ಅಪ್ಪನ ಹೆಗಲೇರಿ ಕುಳಿತು, ‘ಸಚಿನ್.. ಸಚಿನ್..’ ಎನ್ನುತ್ತಾ ಒಂದೇ ಸಮನೆ ಕೂಗಿಕೊಳ್ಳುತ್ತಿದ್ದಳು. ಸಚಿನ್ ತೆಂಡೂಲ್ಕರ್ ಮೇಲಿನ ಅಪಾರ ಅಭಿಮಾನದಿಂದ ಚೀರುತ್ತಿದ್ದ ಆ ಹುಡುಗಿ ಮುಂದೊಂದು ದಿನ ಕ್ರಿಕೆಟ್ ದೇವರ ದಾಖಲೆ ಮುರಿಯುತ್ತಾಳೆ ಎಂದು ಯಾರೊಬ್ಬರೂ ಎಣಿಸಿರಲಿಲ್ಲ.</p>.<p>ಆಗ ಅಲ್ಲಿದ್ದಾಕೆಯೇ ಮೊನ್ನೆ ವೆಸ್ಟ್ಇಂಡೀಸ್ ವಿರುದ್ಧಗ್ರಾಸ್ ಐಲ್ನ ಡ್ಯಾರೆನ್ ಸಮಿ ನ್ಯಾಷನಲ್ ಕ್ರೀಡಾಂಗಣದಲ್ಲಿ ಭರ್ಜರಿ ಅರ್ಧಶತಕ ಸಿಡಿಸಿ, ಭಾರತ ಪರ ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿಅರ್ಧಶತಕ ಸಿಡಿಸಿದ ಅತಿ ಕಿರಿಯ ಆಟಗಾರ್ತಿ ಎನಿಸಿಕೊಂಡ ಶೆಫಾಲಿ ವರ್ಮಾ.</p>.<p>ಮೂವತ್ತು ವರ್ಷಗಳ ಹಿಂದೆ(1989) ಫೈಸಲಾಬಾದ್ನಲ್ಲಿ ಪಾಕಿಸ್ತಾನ ಎದುರಿನ ಪಂದ್ಯದಲ್ಲಿ ಸಚಿನ್, 59 ರನ್ ಗಳಿಸಿದ್ದರು. ಆಗ ಸಚಿನ್ ವಯಸ್ಸು16 ವರ್ಷ 214 ದಿನಗಳು. ವೆಸ್ಟ್ಇಂಡೀಸ್ ವಿರುದ್ಧದ ಪಂದ್ಯದಲ್ಲಿ<strong>ಕೇವಲ</strong><strong>49 ಎಸೆತಗಳಲ್ಲಿ 73ರನ್</strong>ಗಳಿಸಿದಾಗ ವರ್ಮಾ ವಯಸ್ಸು15 ವರ್ಷ 285 ದಿನಗಳು.</p>.<p>ಅಂದಹಾಗೆ ವಿಶ್ವ ಕ್ರಿಕೆಟ್ನಲ್ಲಿ ಕಿರಿಯ ವಯಸ್ಸಿಗೆಅರ್ಧಶತಕ ಗಳಿಸಿದ ದಾಖಲೆ ಇರುವುದು ಯುಎಇ ಆಟಗಾರ್ತಿ ಕವಿಷಾ ಎಗೊಡೇಜ್ ಹೆಸರಲ್ಲಿ. ಅವರು 15 ವರ್ಷ 267 ದಿನದವರಿದ್ದಾಗ ಮಲೇಷ್ಯಾ ವಿರುದ್ಧ ಇದೇ ವರ್ಷಜನವರಿಯಲ್ಲಿ ಅರ್ಧಶತಕ ಸಿಡಿಸಿದ್ದರು.</p>.<p>ವಿಂಡೀಸ್ ವಿರುದ್ಧ ಐದು ಪಂದ್ಯಗಳ ಟಿ–20 ಸರಣಿಯಲ್ಲಿ ಭಾರತ ಈಗಾಗಲೇ ಮೊದಲೆರಡು ಪಂದ್ಯಗಳನ್ನು ಗೆದ್ದು ಬೀಗುತ್ತಿದೆ.</p>.<p>ಮೊದಲ ಪಂದ್ಯದಲ್ಲಿ ಅನುಭವಿ ಆಟಗಾರ್ತಿ ಸ್ಮೃತಿ ಮಂದಾನ ಜೊತೆ ಇನಿಂಗ್ಸ್ ಆರಂಭಿಸಿದ ವರ್ಮಾ ಮೊದಲ ವಿಕೆಟ್ಗೆ 143ರನ್ಗಳ ಜೊತೆಯಾಟವಾಡಿದ್ದರು. ಇದು ಭಾರತ ಪರ ಮಹಿಳಾ ಟಿ–20 ಕ್ರಿಕೆಟ್ನಲ್ಲಿ ಯಾವುದೇ ವಿಕೆಟ್ ಜೊತೆಯಾಟದಲ್ಲಿ ಕೂಡಿಹಾಕಿದ ಗರಿಷ್ಠ ಮೊತ್ತವಾಗಿದೆ.</p>.<p>ಭಾರತ ನೀಡಿದ್ದ 186ರನ್ಗಳ ಬೃಹತ್ ಗುರಿ ಬೆನ್ನತ್ತಿದ್ದ ವಿಂಡೀಸ್ ನಿಗದಿತ ಓವರ್ಗಳಲ್ಲಿ ಕೇವಲ 101ರನ್ ಗಳಿಸಿ, 84 ರನ್ ಅಂತರದಿಂದ ಸೋಲೊಪ್ಪಿಕೊಂಡಿತ್ತು.</p>.<p>ಭಾನುವಾರ ನಡೆದ ಎರಡನೇ ಪಂದ್ಯದಲ್ಲಿಯೂ ವರ್ಮಾ ಅದೇ ಲಯದಲ್ಲಿ ಬ್ಯಾಟಿಂಗ್ ಮುಂದುವರಿಸಿ, ಮತ್ತೊಂದು ಅರ್ಧಶತಕ ಸಿಡಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ್ದ ಆತಿಥೇಯ ವಿಂಡೀಸ್ ನಿಗದಿತ ಓವರ್ಗಳಲ್ಲಿ 7ವಿಕೆಟ್ಗೆ 103ರನ್ ಗಳಿಸಿತ್ತು. ಈ ಗುರಿ ಎದುರು ಲೀಲಾಜಾಲವಾಗಿ ಬ್ಯಾಟ್ ಬೀಸಿದ ವರ್ಮಾ–ಮಂದಾನ ಜೋಡಿ 10.3 ಓವರ್ಗಳಲ್ಲಿ ಗುರಿ ಮುಟ್ಟಿ, ತಂಡಕ್ಕೆ 10ವಿಕೆಟ್ಗಳ ಗೆಲುವು ತಂದುಕೊಟ್ಟಿತು. ವರ್ಮಾ ಕೇವಲ 35 ಎಸೆತಗಳಲ್ಲಿ 69ರನ್ ಸಿಡಿಸಿದರೆ, ಮಂದಾನ 28 ಎಸೆತಗಳಲ್ಲಿ 30ರನ್ ಗಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಂಡೀಗಢ:</strong>ಸರಿಯಾಗಿ ಆರು ವರ್ಷಗಳ ಹಿಂದೆ ಲಾಹ್ಲಿಯ ಬನ್ಸಿ ಲಾಲ್ ಕ್ರೀಡಾಂಗಣದಲ್ಲಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರು ತಮ್ಮ ಕ್ರಿಕೆಟ್ ಬದುಕಿನ ಕೊನೆಯ ರಣಜಿ ಪಂದ್ಯ ಆಡುತ್ತಿದ್ದರು. ಪಂದ್ಯ ವೀಕ್ಷಿಸಲು ಬಂದಿದ್ದ 9 ವರ್ಷದ ಬಾಲಕಿಯೊಬ್ಬಳು ಅಪ್ಪನ ಹೆಗಲೇರಿ ಕುಳಿತು, ‘ಸಚಿನ್.. ಸಚಿನ್..’ ಎನ್ನುತ್ತಾ ಒಂದೇ ಸಮನೆ ಕೂಗಿಕೊಳ್ಳುತ್ತಿದ್ದಳು. ಸಚಿನ್ ತೆಂಡೂಲ್ಕರ್ ಮೇಲಿನ ಅಪಾರ ಅಭಿಮಾನದಿಂದ ಚೀರುತ್ತಿದ್ದ ಆ ಹುಡುಗಿ ಮುಂದೊಂದು ದಿನ ಕ್ರಿಕೆಟ್ ದೇವರ ದಾಖಲೆ ಮುರಿಯುತ್ತಾಳೆ ಎಂದು ಯಾರೊಬ್ಬರೂ ಎಣಿಸಿರಲಿಲ್ಲ.</p>.<p>ಆಗ ಅಲ್ಲಿದ್ದಾಕೆಯೇ ಮೊನ್ನೆ ವೆಸ್ಟ್ಇಂಡೀಸ್ ವಿರುದ್ಧಗ್ರಾಸ್ ಐಲ್ನ ಡ್ಯಾರೆನ್ ಸಮಿ ನ್ಯಾಷನಲ್ ಕ್ರೀಡಾಂಗಣದಲ್ಲಿ ಭರ್ಜರಿ ಅರ್ಧಶತಕ ಸಿಡಿಸಿ, ಭಾರತ ಪರ ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿಅರ್ಧಶತಕ ಸಿಡಿಸಿದ ಅತಿ ಕಿರಿಯ ಆಟಗಾರ್ತಿ ಎನಿಸಿಕೊಂಡ ಶೆಫಾಲಿ ವರ್ಮಾ.</p>.<p>ಮೂವತ್ತು ವರ್ಷಗಳ ಹಿಂದೆ(1989) ಫೈಸಲಾಬಾದ್ನಲ್ಲಿ ಪಾಕಿಸ್ತಾನ ಎದುರಿನ ಪಂದ್ಯದಲ್ಲಿ ಸಚಿನ್, 59 ರನ್ ಗಳಿಸಿದ್ದರು. ಆಗ ಸಚಿನ್ ವಯಸ್ಸು16 ವರ್ಷ 214 ದಿನಗಳು. ವೆಸ್ಟ್ಇಂಡೀಸ್ ವಿರುದ್ಧದ ಪಂದ್ಯದಲ್ಲಿ<strong>ಕೇವಲ</strong><strong>49 ಎಸೆತಗಳಲ್ಲಿ 73ರನ್</strong>ಗಳಿಸಿದಾಗ ವರ್ಮಾ ವಯಸ್ಸು15 ವರ್ಷ 285 ದಿನಗಳು.</p>.<p>ಅಂದಹಾಗೆ ವಿಶ್ವ ಕ್ರಿಕೆಟ್ನಲ್ಲಿ ಕಿರಿಯ ವಯಸ್ಸಿಗೆಅರ್ಧಶತಕ ಗಳಿಸಿದ ದಾಖಲೆ ಇರುವುದು ಯುಎಇ ಆಟಗಾರ್ತಿ ಕವಿಷಾ ಎಗೊಡೇಜ್ ಹೆಸರಲ್ಲಿ. ಅವರು 15 ವರ್ಷ 267 ದಿನದವರಿದ್ದಾಗ ಮಲೇಷ್ಯಾ ವಿರುದ್ಧ ಇದೇ ವರ್ಷಜನವರಿಯಲ್ಲಿ ಅರ್ಧಶತಕ ಸಿಡಿಸಿದ್ದರು.</p>.<p>ವಿಂಡೀಸ್ ವಿರುದ್ಧ ಐದು ಪಂದ್ಯಗಳ ಟಿ–20 ಸರಣಿಯಲ್ಲಿ ಭಾರತ ಈಗಾಗಲೇ ಮೊದಲೆರಡು ಪಂದ್ಯಗಳನ್ನು ಗೆದ್ದು ಬೀಗುತ್ತಿದೆ.</p>.<p>ಮೊದಲ ಪಂದ್ಯದಲ್ಲಿ ಅನುಭವಿ ಆಟಗಾರ್ತಿ ಸ್ಮೃತಿ ಮಂದಾನ ಜೊತೆ ಇನಿಂಗ್ಸ್ ಆರಂಭಿಸಿದ ವರ್ಮಾ ಮೊದಲ ವಿಕೆಟ್ಗೆ 143ರನ್ಗಳ ಜೊತೆಯಾಟವಾಡಿದ್ದರು. ಇದು ಭಾರತ ಪರ ಮಹಿಳಾ ಟಿ–20 ಕ್ರಿಕೆಟ್ನಲ್ಲಿ ಯಾವುದೇ ವಿಕೆಟ್ ಜೊತೆಯಾಟದಲ್ಲಿ ಕೂಡಿಹಾಕಿದ ಗರಿಷ್ಠ ಮೊತ್ತವಾಗಿದೆ.</p>.<p>ಭಾರತ ನೀಡಿದ್ದ 186ರನ್ಗಳ ಬೃಹತ್ ಗುರಿ ಬೆನ್ನತ್ತಿದ್ದ ವಿಂಡೀಸ್ ನಿಗದಿತ ಓವರ್ಗಳಲ್ಲಿ ಕೇವಲ 101ರನ್ ಗಳಿಸಿ, 84 ರನ್ ಅಂತರದಿಂದ ಸೋಲೊಪ್ಪಿಕೊಂಡಿತ್ತು.</p>.<p>ಭಾನುವಾರ ನಡೆದ ಎರಡನೇ ಪಂದ್ಯದಲ್ಲಿಯೂ ವರ್ಮಾ ಅದೇ ಲಯದಲ್ಲಿ ಬ್ಯಾಟಿಂಗ್ ಮುಂದುವರಿಸಿ, ಮತ್ತೊಂದು ಅರ್ಧಶತಕ ಸಿಡಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ್ದ ಆತಿಥೇಯ ವಿಂಡೀಸ್ ನಿಗದಿತ ಓವರ್ಗಳಲ್ಲಿ 7ವಿಕೆಟ್ಗೆ 103ರನ್ ಗಳಿಸಿತ್ತು. ಈ ಗುರಿ ಎದುರು ಲೀಲಾಜಾಲವಾಗಿ ಬ್ಯಾಟ್ ಬೀಸಿದ ವರ್ಮಾ–ಮಂದಾನ ಜೋಡಿ 10.3 ಓವರ್ಗಳಲ್ಲಿ ಗುರಿ ಮುಟ್ಟಿ, ತಂಡಕ್ಕೆ 10ವಿಕೆಟ್ಗಳ ಗೆಲುವು ತಂದುಕೊಟ್ಟಿತು. ವರ್ಮಾ ಕೇವಲ 35 ಎಸೆತಗಳಲ್ಲಿ 69ರನ್ ಸಿಡಿಸಿದರೆ, ಮಂದಾನ 28 ಎಸೆತಗಳಲ್ಲಿ 30ರನ್ ಗಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
