ಚಂಡೀಗಢ:ಸರಿಯಾಗಿ ಆರು ವರ್ಷಗಳ ಹಿಂದೆ ಲಾಹ್ಲಿಯ ಬನ್ಸಿ ಲಾಲ್ ಕ್ರೀಡಾಂಗಣದಲ್ಲಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರು ತಮ್ಮ ಕ್ರಿಕೆಟ್ ಬದುಕಿನ ಕೊನೆಯ ರಣಜಿ ಪಂದ್ಯ ಆಡುತ್ತಿದ್ದರು. ಪಂದ್ಯ ವೀಕ್ಷಿಸಲು ಬಂದಿದ್ದ 9 ವರ್ಷದ ಬಾಲಕಿಯೊಬ್ಬಳು ಅಪ್ಪನ ಹೆಗಲೇರಿ ಕುಳಿತು, ‘ಸಚಿನ್.. ಸಚಿನ್..’ ಎನ್ನುತ್ತಾ ಒಂದೇ ಸಮನೆ ಕೂಗಿಕೊಳ್ಳುತ್ತಿದ್ದಳು. ಸಚಿನ್ ತೆಂಡೂಲ್ಕರ್ ಮೇಲಿನ ಅಪಾರ ಅಭಿಮಾನದಿಂದ ಚೀರುತ್ತಿದ್ದ ಆ ಹುಡುಗಿ ಮುಂದೊಂದು ದಿನ ಕ್ರಿಕೆಟ್ ದೇವರ ದಾಖಲೆ ಮುರಿಯುತ್ತಾಳೆ ಎಂದು ಯಾರೊಬ್ಬರೂ ಎಣಿಸಿರಲಿಲ್ಲ.
#India got their #youngestfemale #Indian Cricketer who scored a half-century in the first #T20I against #WestIndies. She is none other than Fifteen-year-old #ShafaliVerma, surpassing #SachinTendulkar's 30-year-old record. pic.twitter.com/UJd4gpKYZt
— Sportsmatik (@sportsmatik) November 11, 2019
ಆಗ ಅಲ್ಲಿದ್ದಾಕೆಯೇ ಮೊನ್ನೆ ವೆಸ್ಟ್ಇಂಡೀಸ್ ವಿರುದ್ಧಗ್ರಾಸ್ ಐಲ್ನ ಡ್ಯಾರೆನ್ ಸಮಿ ನ್ಯಾಷನಲ್ ಕ್ರೀಡಾಂಗಣದಲ್ಲಿ ಭರ್ಜರಿ ಅರ್ಧಶತಕ ಸಿಡಿಸಿ, ಭಾರತ ಪರ ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿಅರ್ಧಶತಕ ಸಿಡಿಸಿದ ಅತಿ ಕಿರಿಯ ಆಟಗಾರ್ತಿ ಎನಿಸಿಕೊಂಡ ಶೆಫಾಲಿ ವರ್ಮಾ.
ಮೂವತ್ತು ವರ್ಷಗಳ ಹಿಂದೆ(1989) ಫೈಸಲಾಬಾದ್ನಲ್ಲಿ ಪಾಕಿಸ್ತಾನ ಎದುರಿನ ಪಂದ್ಯದಲ್ಲಿ ಸಚಿನ್, 59 ರನ್ ಗಳಿಸಿದ್ದರು. ಆಗ ಸಚಿನ್ ವಯಸ್ಸು16 ವರ್ಷ 214 ದಿನಗಳು. ವೆಸ್ಟ್ಇಂಡೀಸ್ ವಿರುದ್ಧದ ಪಂದ್ಯದಲ್ಲಿಕೇವಲ49 ಎಸೆತಗಳಲ್ಲಿ 73ರನ್ಗಳಿಸಿದಾಗ ವರ್ಮಾ ವಯಸ್ಸು15 ವರ್ಷ 285 ದಿನಗಳು.
Back-to-back fifties for 15-year-old Shafali Verma ✨ #INDvWI https://t.co/7aKkKnhh6r pic.twitter.com/ulMAhqk5u0
— ESPNcricinfo (@ESPNcricinfo) November 10, 2019
ಅಂದಹಾಗೆ ವಿಶ್ವ ಕ್ರಿಕೆಟ್ನಲ್ಲಿ ಕಿರಿಯ ವಯಸ್ಸಿಗೆಅರ್ಧಶತಕ ಗಳಿಸಿದ ದಾಖಲೆ ಇರುವುದು ಯುಎಇ ಆಟಗಾರ್ತಿ ಕವಿಷಾ ಎಗೊಡೇಜ್ ಹೆಸರಲ್ಲಿ. ಅವರು 15 ವರ್ಷ 267 ದಿನದವರಿದ್ದಾಗ ಮಲೇಷ್ಯಾ ವಿರುದ್ಧ ಇದೇ ವರ್ಷಜನವರಿಯಲ್ಲಿ ಅರ್ಧಶತಕ ಸಿಡಿಸಿದ್ದರು.
ವಿಂಡೀಸ್ ವಿರುದ್ಧ ಐದು ಪಂದ್ಯಗಳ ಟಿ–20 ಸರಣಿಯಲ್ಲಿ ಭಾರತ ಈಗಾಗಲೇ ಮೊದಲೆರಡು ಪಂದ್ಯಗಳನ್ನು ಗೆದ್ದು ಬೀಗುತ್ತಿದೆ.
ಮೊದಲ ಪಂದ್ಯದಲ್ಲಿ ಅನುಭವಿ ಆಟಗಾರ್ತಿ ಸ್ಮೃತಿ ಮಂದಾನ ಜೊತೆ ಇನಿಂಗ್ಸ್ ಆರಂಭಿಸಿದ ವರ್ಮಾ ಮೊದಲ ವಿಕೆಟ್ಗೆ 143ರನ್ಗಳ ಜೊತೆಯಾಟವಾಡಿದ್ದರು. ಇದು ಭಾರತ ಪರ ಮಹಿಳಾ ಟಿ–20 ಕ್ರಿಕೆಟ್ನಲ್ಲಿ ಯಾವುದೇ ವಿಕೆಟ್ ಜೊತೆಯಾಟದಲ್ಲಿ ಕೂಡಿಹಾಕಿದ ಗರಿಷ್ಠ ಮೊತ್ತವಾಗಿದೆ.
ಭಾರತ ನೀಡಿದ್ದ 186ರನ್ಗಳ ಬೃಹತ್ ಗುರಿ ಬೆನ್ನತ್ತಿದ್ದ ವಿಂಡೀಸ್ ನಿಗದಿತ ಓವರ್ಗಳಲ್ಲಿ ಕೇವಲ 101ರನ್ ಗಳಿಸಿ, 84 ರನ್ ಅಂತರದಿಂದ ಸೋಲೊಪ್ಪಿಕೊಂಡಿತ್ತು.
ICYMI: 15-year-old Shafali Verma scored her second consecutive fifty last night#INDvWI https://t.co/AKh18X1Cwd pic.twitter.com/q1NE78dCHC
— ESPNcricinfo (@ESPNcricinfo) November 11, 2019
ಭಾನುವಾರ ನಡೆದ ಎರಡನೇ ಪಂದ್ಯದಲ್ಲಿಯೂ ವರ್ಮಾ ಅದೇ ಲಯದಲ್ಲಿ ಬ್ಯಾಟಿಂಗ್ ಮುಂದುವರಿಸಿ, ಮತ್ತೊಂದು ಅರ್ಧಶತಕ ಸಿಡಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ್ದ ಆತಿಥೇಯ ವಿಂಡೀಸ್ ನಿಗದಿತ ಓವರ್ಗಳಲ್ಲಿ 7ವಿಕೆಟ್ಗೆ 103ರನ್ ಗಳಿಸಿತ್ತು. ಈ ಗುರಿ ಎದುರು ಲೀಲಾಜಾಲವಾಗಿ ಬ್ಯಾಟ್ ಬೀಸಿದ ವರ್ಮಾ–ಮಂದಾನ ಜೋಡಿ 10.3 ಓವರ್ಗಳಲ್ಲಿ ಗುರಿ ಮುಟ್ಟಿ, ತಂಡಕ್ಕೆ 10ವಿಕೆಟ್ಗಳ ಗೆಲುವು ತಂದುಕೊಟ್ಟಿತು. ವರ್ಮಾ ಕೇವಲ 35 ಎಸೆತಗಳಲ್ಲಿ 69ರನ್ ಸಿಡಿಸಿದರೆ, ಮಂದಾನ 28 ಎಸೆತಗಳಲ್ಲಿ 30ರನ್ ಗಳಿಸಿದರು.
Smriti Mandhana & Shafali Verma recreated Virat Kohli & Rohit Sharma's T20I feat for India. #WIWvINDW pic.twitter.com/4W04CByOVu
— CricTracker (@Cricketracker) November 11, 2019
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.