Women's U19 T20 World Cup | ಶಫಾಲಿ, ಶ್ವೇತಾ ಆಟ: ಭಾರತಕ್ಕೆ ಭರ್ಜರಿ ಜಯ

ಸೋಮವಾರ ಇಲ್ಲಿ ನಡೆದ ಪಂದ್ಯದಲ್ಲಿ ಭಾರತದ ಮಹಿಳೆಯರು 122 ರನ್‌ಗಳಿಂದ ಯುನೈಟೆಡ್‌ ಅರಬ್ ಎಮಿರೇಟ್ಸ್ (ಯುಎಇ) ತಂಡವನ್ನು ಪರಾಭವಗೊಳಿಸಿದರು.

ಪಂದ್ಯದಲ್ಲಿ ಟಾಸ್ ಗೆದ್ದ ಯುಎಇ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಆರಂಭಿಕರಾಗಿ ಕಣಕ್ಕಿಳಿದ ಶಫಾಲಿ (78; 34ಎ, 4X12, 6X4) ಮತ್ತು ಶ್ವೇತಾ (ಔಟಾಗದೆ 74; 49 ಎ, 4X10) ಅವರ ನೆರವಿನಿಂದ ಮೂರು ವಿಕೆಟ್‌ ಕಳೆದುಕೊಂಡು 219 ರನ್ ಕಲೆಹಾಕಿತು. ಮೊದಲ ವಿಕೆಟ್‌ ಜೊತೆಯಾಟದಲ್ಲಿ ಇವರಿಬ್ಬರು 111 ರನ್‌ ಸೇರಿಸಿದರು.

ರಿಚಾ ಘೋಷ್‌ (49) ಕೂಡ ಕೊಡುಗೆ ನೀಡಿದರು. ಗುರಿ ಬೆನ್ನತ್ತಿದ ಯುಎಇ ನಿಗದಿತ ಓವರ್‌ಗಳಲ್ಲಿ 5 ವಿಕೆಟ್‌ ಕಳೆದುಕೊಂಡು 97 ರನ್‌ ಮಾತ್ರ ಗಳಿಸಿತು. ಈ ಗೆಲುವಿನೊಂದಿಗೆ ಭಾರತ ತಂಡವು ಡಿ ಗುಂಪಿನಲ್ಲಿ ಅಗ್ರಸ್ಥಾನವನ್ನು ಇನ್ನಷ್ಟು ಭದ್ರಪಡಿಸಿಕೊಂಡಿತು.

ಭಾರತ ಮುಂದಿನ ಪಂದ್ಯದಲ್ಲಿ ಬುಧವಾರ ಸ್ಕಾಟ್ಲೆಂಡ್ ತಂಡವನ್ನು ಎದುರಿಸಲಿದೆ.

ಸಂಕ್ಷಿಪ್ತ ಸ್ಕೋರು: ಭಾರತ: 20 ಓವರ್‌ಗಳಲ್ಲಿ 3 ವಿಕೆಟ್‌ಗೆ 219 (ಶ್ವೇತಾ ಶೆರಾವತ್‌ ಔಟಾಗದೆ 74, ಶಫಾಲಿ ವರ್ಮಾ 78, ರಿಚಾ ಘೋಷ್‌ 49, ಇಂದುಜಾ ನಂದಕುಮಾರ್ 47ಕ್ಕೆ 1, ಮಹಿಕಾ ಗೌರ್ 53ಕ್ಕೆ 1, ಸಮೈರಾ ಧರಣಿಧರಕಾ 33ಕ್ಕೆ 1). ಯುನೈಟೆಡ್‌ ಅರಬ್ ಎಮಿರೇಟ್ಸ್: 20 ಓವರ್‌ಗಳಲ್ಲಿ 5 ವಿಕೆಟ್‌ಗೆ 97 (ತೀರ್ಥಾ ಸತೀಶ್‌ 16, ಲಾವಣ್ಯ ಕೆನಿ 24, ಮಹಿಕಾ ಗೌರ್ 26; ಶಬ್ನಂ ಎಂ.ಡಿ. 21ಕ್ಕೆ 1, ಟೈಟಸ್‌ ಸಧು 14ಕ್ಕೆ 1, ಮನ್ನತ್ ಕಶ್ಯಪ್‌ 14ಕ್ಕೆ 1). ಫಲಿತಾಂಶ: ಭಾರತ ತಂಡಕ್ಕೆ 122 ರನ್‌ಗಳ ಜಯ