ಶುಕ್ರವಾರ, ಅಕ್ಟೋಬರ್ 30, 2020
19 °C

ಚೆನ್ನೈಯಿನ್‌ ಎಫ್‌ಸಿ ಸೇರಿದ ಮೆಮೊ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಚೆನ್ನೈ: ಇಂಡಿಯನ್‌ ಸೂಪರ್‌ ಲೀಗ್‌ (ಐಎಸ್‌ಎಲ್‌) ಫುಟ್‌ಬಾಲ್ ಟೂರ್ನಿಯಲ್ಲಿ ಎರಡು ಬಾರಿ ಚಾಂಪಿಯನ್ ಆಗಿರುವ ಚೆನ್ನೈಯಿನ್‌ ಎಫ್‌ಸಿ, ಬ್ರೆಜಿಲ್‌ನ ಎಮರ್ಸನ್‌ ಗೋಮ್ಸ್ ಡಿ ಮೌರಾ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿದೆ. 2020–21ರ ಋತುವಿನ ಟೂರ್ನಿಗೆ ಫ್ರೀ ಟ್ರಾನ್ಸ್‌ಫರ್‌ ಆಧಾರದ ಮೇಲೆ ಅವರು ತಂಡಕ್ಕೆ ಸೇರಿದ್ದಾರೆ. ಈ ಆಟಗಾರ ಮೆಮೊ ಎಂದೇ ಹೆಚ್ಚು ಗುರುತಿಸಿಕೊಂಡಿದ್ದಾರೆ.

‘32 ವರ್ಷದ ಮೆಮೊ ಅವರ ಜೆಮ್‌ಶೆಡ್‌ಪುರ ಎಫ್‌ಸಿಯೊಂದಿಗಿನ (ಜೆಎಫ್‌ಸಿ) ಒಪ್ಪಂದ ಕೊನೆಗೊಂಡಿತ್ತು. ಈ ಹಿಂದಿನ ಮೂರು ಆವೃತ್ತಿಗಳಲ್ಲಿ ಅವರು ಜೆಮ್‌ಶೆಡ್‌ಪುರ ತಂಡದ ಪರ ಆಡಿದ್ದರು‘ ಎಂದು ಚೆನ್ನೈಯಿನ್‌ ಕ್ಲಬ್‌ ಭಾನುವಾರ ಹೇಳಿದೆ.

ಮಿಡ್‌ಫೀಲ್ಡ್‌ನ ಡಿಫೆನ್ಸಿವ್‌ ವಿಭಾಗದಲ್ಲಿ ಅವರು ಸೊಗಸಾದ ಆಟವಾಡಬಲ್ಲರು.

’ಚೆನ್ನೈಯಿನ್‌ ಎಫ್‌ಸಿ ಕುಟುಂಬದ ಭಾಗವಾಗುತ್ತಿರುವುದಕ್ಕೆ ತುಂಬಾ ಖುಷಿಯೆನಿಸುತ್ತಿದೆ. ಮುಂಬರುವ ಐಎಸ್‌ಎಲ್‌ ಟೂರ್ನಿಯು ಅದ್ಭುತವಾಗಿರುತ್ತದೆ ಎಂಬ ವಿಶ್ವಾಸವಿದೆ. ಗ್ಯಾಲರಿಗಳಲ್ಲಿ ಅಭಿಮಾನಿಗಳು ಇಲ್ಲದಿದ್ದರೆ ಬೇಸರವಾಗುತ್ತದೆ‘ ಎಂದು ಸದ್ಯ ಬ್ರೆಜಿಲ್‌ನಲ್ಲಿರುವ ಮೆಮೊ ಹೇಳಿದ್ದಾರೆ.

ಬ್ರೆಜಿಲ್‌ನ ಡಿವಿಷನ್‌ ಲೀಗ್‌ಗಳಲ್ಲಿ ಆಡಿದ್ದ ಮೆಮೊ, 2016ರ ಐಎಸ್‌ಎಲ್‌ ಆವೃತ್ತಿಯಲ್ಲಿ ಡೆಲ್ಲಿ ಡೈನಮೊಸ್‌ (ಈಗ ಒಡಿಶಾ ಎಫ್‌ಸಿ) ಪರ ಪ‍ದಾರ್ಪಣೆ ಮಾಡಿದ್ದರು.

ಈ ಹಿಂದಿನ ಮೂರು ಆವೃತ್ತಿಗಳಲ್ಲಿ ಜೆಎಫ್‌ಸಿ ಪರ ಎಲ್ಲ ಪಂದ್ಯಗಳಲ್ಲೂ ಅವರು ಆಡಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು