ಮಂಗಳವಾರ, ಮೇ 24, 2022
26 °C

ಏಷ್ಯಾಕಪ್‌ ಫುಟ್‌ಬಾಲ್‌: ಚೀನಾಗೆ ಭರ್ಜರಿ ಗೆಲುವು

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಮುಂಬೈ: ಎಂಟು ಬಾರಿಯ ಚಾಂಪಿಯನ್ ಚೀನಾ ಎಎಫ್‌ಸಿ ಮಹಿಳೆಯರ ಏಷ್ಯಾಕಪ್ ಫುಟ್‌ಬಾಲ್ ಟೂರ್ನಿಯಲ್ಲಿ ಮತ್ತೊಂದು ಸೊಗಸಾದ ಗೆಲುವು ದಾಖಲಿಸಿತು. ಭಾನುವಾರ ನಡೆದ ಪಂದ್ಯದಲ್ಲಿ ವ್ಯಾಂಗ್ ಶುಯಾಂಗ್ ಮತ್ತು ವಾಂಗ್ ಶ‌ನ್ಸೇನ್ ಅವರ ಭರ್ಜರಿ ಆಟದ ಬಲದಿಂದ ಚೀನಾ 7–0ಯಿಂದ ಇರಾನ್ ವಿರುದ್ಧ ಜಯ ಗಳಿಸಿತು.  

ಜನ್ಮದಿನ ಆಚರಿಸಿದ ಶುಯಾಂಗ್‌ 28ನೇ ನಿಮಿಷದಲ್ಲಿ ಗೋಲು ಗಳಿಸಿ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. 43ನೇ ನಿಮಿಷದಲ್ಲಿ ಕ್ಸಿಯಾ ಕ್ಸುಯಿ ಗೋಲು ಗಳಿಸಿದರೆ 49ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿಯಲ್ಲಿ ಶುಯಾಂಗ್ ಚೆಂಡನ್ನು ಗುರಿ ಮುಟ್ಟಿಸಿದರು.

55 ಮತ್ತು 59ನೇ ನಿಮಿಷಗಳಲ್ಲಿ ವಾಂಗ್ ಶ‌ನ್ಸೇನ್ ಗಳಿಸಿದ ಗೋಲುಗಳೊಂದಿಗೆ ತಂಡದ ಮುನ್ನಡೆ ಮತ್ತಷ್ಟು ಹೆಚ್ಚಿತು. ಜಿಯಾಲಿ ಟ್ಯಾಂಗ್ 77ನೇ ನಿಮಿಷದಲ್ಲಿ ತಂಡದ ಅರನೇ ಗೋಲು ಗಳಿಸಿ ಎದುರಾಳಿಗಳ ಸಂಕಷ್ಟ ಹೆಚ್ಚಿಸಿದರು. ಒತ್ತಡದಲ್ಲೇ ಮುಂದುವರಿದ ಇರಾನ್‌ 82ನೇ ನಿಮಿಷದಲ್ಲಿ ‘ಉಡುಗೊರೆ’ ನೀಡಿ ಚೀನಾದ ಗೆಲುವಿನ ಅಂತರ ಹೆಚ್ಚಿಸಿದರು. ಫಾತಿಮಾ ಅಡೇಲಿ ಅವರಿಂದ ಈ ಪ್ರಮಾದ ಆಯಿತು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು