ಫುಟ್‌ಬಾಲ್‌ | ಐವರು ಬದಲಿ ಆಟಗಾರರಿಗೆ ಅವಕಾಶ
ಅಕ್ಷರ ಗಾತ್ರ :ಆ |ಆ |ಆ
ಲೂಸೆನ್: ಕೋವಿಡ್–19 ಪಿಡುಗಿನ ನಿಯಂತ್ರಣದ ಬಳಿಕ ಫುಟ್‌ಬಾಲ್‌ ಪಂದ್ಯಗಳು ಆರಂಭವಾದರೆ, ತಂಡಗಳಿಗೆ ಐದು ಬದಲಿ ಆಟಗಾರರನ್ನು ಹೊಂದಲು ಅವಕಾಶ ನೀಡಲಾಗುವುದು ಎಂದು ಅಂತರರಾಷ್ಟ್ರೀಯ ಫುಟ್‌ಬಾಲ್‌ ಅಸೋಸಿಯೇಷನ್‌ ಮಂಡಳಿ (ಐಎಫ್‌ಎಬಿ) ಶುಕ್ರವಾರ ತಿಳಿಸಿದೆ.
‘ಆಟಗಾರರ ಹಿತರಕ್ಷಣೆ ಉದ್ದೇಶದಿಂದ ತಾತ್ಕಾಲಿಕ ಬದಲಾವಣೆಯಾಗಿ ಫಿಫಾ ಮುಂದಿಟ್ಟಿರುವ ಈ ಪ್ರಸ್ತಾವಕ್ಕೆ, ಫುಟ್‌ಬಾಲ್‌ ನಿಯಮಗಳನ್ನು ರೂಪಿಸುವ ಐಎಫ್‌ಎಬಿ ಒಪ್ಪಿಗೆ ನೀಡಿದೆ’ ಎಂದು ಐಎಫ್‌ಎಬಿ ಹೇಳಿದೆ.
ಈ ತಿದ್ದುಪಡಿಯು ತಕ್ಷಣದಿಂದಲೇ ಜಾರಿಗೆ ಬರಲಿದ್ದು ವರ್ಷಾಂತ್ಯದವರೆಗೆ ಅನ್ವಯವಾಗಲಿದೆ. ಇದೇ ನಿಯಮವನ್ನು ಮುಂದುವರಿಸಬೇಕೆ ಬೇಡವೇ ಎಂಬುದನ್ನು ನಂತರ ನಿರ್ಧರಿಸಲಾಗುವುದು ಎಂದು ಫಿಫಾ ಹಾಗೂ ಐಎಫ್‌ಎಬಿ ಹೇಳಿವೆ.
ಸದ್ಯ ಫುಟ್‌ಬಾಲ್‌ ಪಂದ್ಯಗಳಲ್ಲಿ ಮೂವರು ಬದಲಿ ಆಟಗಾರರಿಗೆ ಅವಕಾಶವಿದೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
