ಕೊಚ್ಚಿ: ಕೇರಳ ಬ್ಲಾಸ್ಟರ್ಸ್ ಮತ್ತು ನಾರ್ತ್‌ ಈಸ್ಟ್‌ ಯುನೈಟೆಡ್‌ ನಡುವಣ ಐಎಸ್‌ಎಲ್‌ ಫುಟ್‌ಬಾಲ್‌ ಟೂರ್ನಿಯ ಲೀಗ್ ಪಂದ್ಯ ಶನಿವಾರ 1–1 ಗೋಲುಗಳಿಂದ ಡ್ರಾ ಆಯಿತು.
ಜವಾಹರಲಾಲ್‌ ನೆಹರೂ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಬಾರ್ತಲೋಮಿಯೊ ಒಗ್ಬೇಚೆ 43ನೇ ನಿಮಿಷ ಕೇರಳ ತಂಡದ ಪರ ಗೋಲು ಗಳಿಸಿದರು. ವಿರಾಮದ ನಂತರ ಐದನೇ ನಿಮಿಷ ಅಸಮೋವಾ ಗ್ಯಾನ್‌ ಅವರು ನಾರ್ತ್‌ ಈಸ್ಟ್‌ ಯುನೈಟೆಡ್‌ ಸ್ಕೋರ್‌ ಸಮ ಮಾಡಿಕೊಳ್ಳಲು ನೆರವಾದರು.
ಎರಡೂ ತಂಡಗಳಿಗೆ ಇದು ಐದನೇ ಡ್ರಾ. ನಾರ್ತ್‌ ಈಸ್ಟ್‌ ತಂಡ (9 ಪಂದ್ಯಗಳಿಂದ 11 ಅಂಕ) ಏಳನೇ ಸ್ಥಾನದಲ್ಲಿದ್ದರೆ, ಕೇರಳ ತಂಡ (10 ಪಂದ್ಯಗಳಿಂದ 8) 9ನೇ ಸ್ಥಾನದಲ್ಲಿದೆ.
