ಮಹಿಳಾ ವಿಶ್ವಕಪ್‌ ಫುಟ್‌ಬಾಲ್‌ : ಆಸ್ಟ್ರೇಲಿಯಾ ಮಣಿಸಿದ ನೈಜೀರಿಯಾ

ಬ್ರಿಸ್ಬೇನ್ : ಒಸಿನಚಿ ಒಹಾಲೆ ಮತ್ತು ಅಸಿಸತ್ ಒಶೋಲಾ ಅವರು ಎರಡನೇ ಅವಧಿಯಲ್ಲಿ ತಂದಿತ್ತ ಗೋಲುಗಳ ನೆರವಿನಿಂದ ನೈಜೀರಿಯಾ ತಂಡ, ಮಹಿಳಾ ವಿಶ್ವಕಪ್ ಫುಟ್ಬಾಲ್ ಟೂರ್ನಿಯಲ್ಲಿ ಆತಿಥೇಯ ಆಸ್ಟ್ರೇಲಿಯಾಕ್ಕೆ ಆಘಾತ ನೀಡಿತು.

. ಬ್ರಿಸ್ಬೇನ್ ಕ್ರೀಡಾಂಗಣದಲ್ಲಿ 50 ಸಾವಿರ ಪ್ರೇಕ್ಷಕರ ಸಮ್ಮುಖದಲ್ಲಿ ನಡೆದ ಪಂದ್ಯದಲ್ಲಿ ನೈಜೀರಿಯಾ 3–2 ಗೋಲುಗಳ ಗೆಲುವು ಸಾಧಿಸಿತು.

. ಈ ಸೋಲಿನ ಕಾರಣ ಆಸ್ಟ್ರೇಲಿಯಾ, ಲೀಗ್ ಹಂತದಲ್ಲೇ ಹೊರಬೀಳುವ ಅಪಾಯಕ್ಕೆ ಸಿಲುಕಿದೆ. 16ರ ಘಟ್ಟ ಪ್ರವೇಶಿಸಬೇಕಾದರೆ ಅಂತಿಮ ಲೀಗ್ ಪಂದ್ಯದಲ್ಲಿ ಕೆನಡಾ ವಿರುದ್ಧ ಗೆಲ್ಲಲೇಬೇಕಾದ ಒತ್ತಡಕ್ಕೆ ಸಿಲುಕಿದೆ.

. ಗುರುವಾರ ನಡೆದ ಪಂದ್ಯದಲ್ಲಿ ವಿರಾಮದ ವೇಳೆಗೆ ಉಭಯ ತಂಡಗಳು 1–1 ಗೋಲಿನಿಂದ ಸಮಬಲ ಸಾಧಿಸಿದ್ದವು. ಎಮಿಲಿ ವಾನ್ ಎಗ್ಮಂಡ್ ಅವರು ಆಸ್ಟ್ರೇಲಿಯಾ ಪರ ಹಾಗೂ ಯುಚೆನಾ ಕಾನು ಅವರು ನೈಜೀರಿಯಾಕ್ಕೆ ಗೋಲು ತಂದಿತ್ತರು.

. ಎರಡನೇ ಅವಧಿಯಲ್ಲಿ ಒಸಿನಚಿ (65ನೇ ನಿ.) ಮತ್ತು ಒಶೋಲಾ (72 ನೇ ನಿ.) ಅವರು ಏಳು ನಿಮಿಷಗಳ ಅಂತರದಲ್ಲಿ ಗೋಲು ಗಳಿಸಿ ನೈಜೀರಿಯಾ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಇಂಜುರಿ ಅವಧಿಯಲ್ಲಿ ಗೋಲು ಗಳಿಸಿದ ಅಲನಾ ಕೆನೆಡಿ, ಆತಿಥೇಯರ ಸೋಲಿನ ಅಂತರ ತಗ್ಗಿಸಿದರು.

. ಹೊರಬಿದ್ದ ವಿಯೆಟ್ನಾಂ (ಹ್ಯಾಮಿಲ್ಟನ್ ವರದಿ): ಗುರುವಾರ ನಡೆದ ‘ಇ’ ಗುಂಪಿನ ಪಂದ್ಯದಲ್ಲಿ ಪೋರ್ಚುಗಲ್ 2–0 ಗೋಲುಗಳಿಂದ ವಿಯೆಟ್ನಾಂ ವಿರುದ್ಧ ಗೆದ್ದಿತು. ಸೋಲು ಅನುಭವಿಸಿದ ವಿಯೆಟ್ನಾಂ, 16ರ ಘಟ್ಟ ಪ್ರವೇಶಿಸುವ ಅವಕಾಶ ಕಳೆದುಕೊಂಡಿತು. ಟೆಲ್ಮಾ ಎನ್ಕರ್ನೇಸಾವೊ (7ನೇ ನಿ.) ಮತ್ತು ಕಿಕಾ ನಜರೆತ್ (21ನೇ ನಿ.) ಅವರು ಪೋರ್ಚುಗಲ್ ಗೆಲುವಿನಲ್ಲಿ ಗಮನ ಸೆಳೆದರು.

. ಡ್ರಾ ಪಂದ್ಯದಲ್ಲಿ ಅಮೆರಿಕ: ನಾಯಕಿ ಲಿಂಡ್ಸೆ ಹೊರಾನ್ ಅವರು ಎರಡನೇ ಅವಧಿಯಲ್ಲಿ ಗಳಿಸಿದ ಗೋಲಿನ ನೆರವಿನಿಂದ ಹಾಲಿ ಚಾಂಪಿಯನ್ ಅಮೆರಿಕ ತಂಡ, ನೆದರ್ಲೆಂಡ್ಸ್ ಜತೆ 1–1 ಗೋಲಿನ ಡ್ರಾ ಸಾಧಿಸಿತು.

. ಮಿಡ್ಫೀಲ್ಡರ್ ಜಿಲ್ ರೂರ್ಡ್ ಅವರು 17ನೇ ನಿಮಿಷದಲ್ಲಿ ನೆದರ್ಲೆಂಡ್ಸ್ಗೆ ಮುನ್ನಡೆ ತಂದುಕೊಟ್ಟರು. ಲಿಂಡ್ಸೆ, 62ನೇ ನಿಮಿಷದಲ್ಲಿ ಗೋಲು ಗಳಿಸಿ ಪಂದ್ಯವನ್ನು ಸಮಸ್ಥಿತಿಗೆ ತಂದರು.

. ‘ಇ’ ಗುಂಪಿನಲ್ಲಿ ಉಭಯ ತಂಡಗಳು ತಲಾ ನಾಲ್ಕು ಪಾಯಿಂಟ್ಸ್ ಕಲೆಹಾಕಿವೆ. ಮಂಗಳವಾರ ನಡೆಯಲಿರುವ ಕೊನೆಯ ಲೀಗ್ ಪಂದ್ಯಗಳಲ್ಲಿ ಅಮೆರಿಕ– ಪೋರ್ಚುಗಲ್ ಮತ್ತು ನೆದರ್ಲೆಂಡ್ಸ್– ವಿಯೆಟ್ನಾಂ ಎದುರಾಗಲಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಹಿಳಾ ವಿಶ್ವಕಪ್‌ ಫುಟ್‌ಬಾಲ್‌ : ಆಸ್ಟ್ರೇಲಿಯಾ ಮಣಿಸಿದ ನೈಜೀರಿಯಾ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!