ಶನಿವಾರ, ಅಕ್ಟೋಬರ್ 16, 2021
22 °C

ವಿಶ್ವಕಪ್ ಅರ್ಹತಾ ಟೂರ್ನಿ: ಕ್ರಿಸ್ಟಿಯಾನೊ ರೊನಾಲ್ಡೊ ಹ್ಯಾಟ್ರಿಕ್‌

ರಾಯಿಟರ್ಸ್‌/ಎಪಿ Updated:

ಅಕ್ಷರ ಗಾತ್ರ : | |

Prajavani

ಫರೊ, ಪೋರ್ಚುಗಲ್‌: ತಮ್ಮ ವೃತ್ತಿಜೀವನದ 58ನೇ ಹ್ಯಾಟ್ರಿಕ್ ದಾಖಲಿಸಿದ ಕ್ರಿಸ್ಟಿಯಾನೊ ರೊನಾಲ್ಡೊ ಅವರು ಪೋರ್ಚುಗಲ್ ತಂಡಕ್ಕೆ ಭರ್ಜರಿ ಜಯ ದೊರಕಿಸಿಕೊಟ್ಟರು. ಮಂಗಳವಾರ ರಾತ್ರಿ ನಡೆದ ವಿಶ್ವಕಪ್ ಅರ್ಹತಾ ಟೂರ್ನಿಯಲ್ಲಿ ಆ ತಂಡವು 5–0ಯಿಂದ ಲೂಕ್ಸೆಂಬರ್ಗ್ ತಂಡವನ್ನು ಪರಾಭವಗೊಳಿಸಿತು.

ಇಲ್ಲಿ ನಡೆದ ‘ಎ’ ಗುಂಪಿನ ಪಂದ್ಯದ ಮೂಲಕ ರೊನಾಲ್ಡೊ ಒಟ್ಟು 115 ಅಂತರರಾಷ್ಟ್ರೀಯ ಗೋಲುಗಳ ಸರದಾರನಾದರು. 182ನೇ ಪಂದ್ಯದಲ್ಲಿ ಅವರು ಈ ಸಾಧನೆ ಮಾಡಿದರು. ರೊನಾಲ್ಡೊ 8 ಮತ್ತು 13ನೇ ನಿಮಿಷಗಳಲ್ಲಿ ಪೆನಾಲ್ಟಿ ಅವಕಾಶಗಳನ್ನು ಗೋಲಾಗಿಸಿದರೆ, 87ನೇ ನಿಮಿಷದಲ್ಲಿ ಫೀಲ್ಡ್‌ ಗೋಲು ದಾಖಲಿಸಿದರು. ತಂಡದ ಪರ ಇನ್ನೆರಡು ಗೋಲುಗಳು ಬ್ರೂನಿ ಮಿಗ್ವೆಲ್‌ ಫರ್ನಾಂಡೀಸ್‌ (18ನೇ ನಿ.) ಮತ್ತು ಜೋವಾ ಪಲ್ಹಿನಾ ಗೊಂಜಾಲೆಜ್‌  (69ನೇ ನಿ.) ಮೂಲಕ ಬಂದವು.

ಡೆನ್ಮಾರ್ಕ್‌ಗೆ ಅರ್ಹತೆ: ‘ಎಫ್‌‘ ಗುಂಪಿನ ಪಂದ್ಯದಲ್ಲಿ ಅಸ್ಟ್ರಿಯಾ ವಿರುದ್ಧ 1–0ಯಿಂದ ಜಯಿಸಿದ ಡೆನ್ಮಾರ್ಕ್ ವಿಶ್ವಕಪ್‌ಗೆ ಅರ್ಹತೆ ಗಳಿಸಿದ ಯೂರೋಪಿನ ಎರಡನೇ ತಂಡ ಎನಿಸಿಕೊಂಡಿತು. ತಂಡದ ಪರ ಜೋಕಿಮ್ ಮೆಹಲೆ ಕಾಲ್ಚಳಕ ತೋರಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು