ಹಿರಿಯ ಫುಟ್‌ಬಾಲ್ ಆಟಗಾರ ಪುಟ್ಟಸ್ವಾಮಿ ನಿಧನ

ಕರ್ನಾಟಕ ಫುಟ್‌ಬಾಲ್ ತಂಡದ ಹಲವು ಪ್ರಶಸ್ತಿ ಸಾಧನೆಗಳಲ್ಲಿ ರೈಟ್‌ಔಟ್‌ ಆಟಗಾರರಾಗಿದ್ದ ಪುಟ್ಟಸ್ವಾಮಿ ಅವರ ಪಾತ್ರ ಮಹತ್ವದ್ದಾಗಿತ್ತು. ಅವರು ಅಖಿಲ ಭಾರತ ಮಟ್ಟದ ಟೂರ್ನಿಗಳಲ್ಲಿ ಕರ್ನಾಟಕವನ್ನು ಪ್ರತಿನಿಧಿಸಿದ್ದರು. ಡಿಸಿಎಂ, ಡುರಾಂಡ್ ಕಪ್, ರೋವರ್ಸ್ ಕಪ್, ವಿಠ್ಠಲ್ ಟ್ರೋಫಿ, ನಿಜಾಮ್ ಗೋಲ್ಡ್ ಕಪ್, ಸ್ಟಾಫರ್ಡ್ ಚಾಲೆಂಜ್ ಕಪ್ ಸೇರಿ ದಂತೆ ಹಲವು ಟೂರ್ನಿಗಳಲ್ಲಿ ಆಡಿದ್ದರು.

ವಿನಾಯಕ ಫುಟ್‌ಬಾಲ್ ಕ್ಲಬ್‌ ಸಂಸ್ಥಾಪಕರಾಗಿದ್ದರು. ಕರ್ನಾಟಕ ರಾಜ್ಯ ಫುಟ್‌ಬಾಲ್ ಸಂಸ್ಥೆಯ ಸದಸ್ಯರಾಗಿ ದ್ದರು. ಅಂತಿಮ ಸಂಸ್ಕಾರವನ್ನು ಮಂಗಳವಾರ ಹೆಬ್ಬಾಳದ ವಿದ್ಯುತ್ ಚಿತಾಗಾರದಲ್ಲಿ ನೆರವೇರಿಸಲಾಯಿತು.