ಬೆಂಗಳೂರು ಫುಟ್‌ಬಾಲ್ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ನಾಲ್ಕನೇ ಗುಂಪಿನ ಪಂದ್ಯದಲ್ಲಿ ಕರ್ನಾಟಕ 9–1ರಿಂದ ಗುಜರಾತ್ ತಂಡವನ್ನು ಸೋಲಿಸಿತು. ಮೈತ್ರೇಯಿ 7, 9, 25, 29, 45+2, 90+1ನೇ ನಿಮಿಷಗಳಲ್ಲಿ ಚೆಂಡನ್ನು ಗುರಿ ಸೇರಿಸಿದರು. ಕಾವ್ಯಾ ಫಕೀರಸ್ವಾಮಿ (22, 45+1) ಮತ್ತು ಮೊನಾಲಿಸಾ ಮರಾಂಡಿ (21ನೇ ನಿ.) ಕರ್ನಾಟಕದ ಗೆಲುವಿಗೆ ಕಾಣಿಕೆ ನೀಡಿದರು.

ಗುಜರಾತ್ ತಂಡದ ಏಕೈಕ ಗೋಲನ್ನು ಖುಷ್ಬು ಸರೋಜ್‌ (49ನೇ ನಿ.) ಗಳಿಸಿದರು.

ಮತ್ತೊಂದು ಪಂದ್ಯದಲ್ಲಿ ಮಣಿಪುರ ತಂಡವು 5–0ಯಿಂದ ಬಿಹಾರ್ ವಿರುದ್ಧ ಗೆದ್ದಿತು. ವಿಜೇತ ತಂಡದ ಪರ ಸಲಾಮ್‌ ರೀನಾ ರಾಯ್ ದೇವಿ (7, 40 ಮತ್ತು 52ನೇ ನಿ.) ಹ್ಯಾಟ್ರಿಕ್ ಗೋಲು ಹೊಡೆದರು. ಎಸ್‌. ಲಿಂಡಾ ಕೋಮ್‌ (45+3ನೇ ನಿ., 90+2ನೇ ನಿ.) ಎರಡು ಗೋಲು ದಾಖಲಿಸಿದರು.

ಕರ್ನಾಟಕ ತಂಡವು ಶುಕ್ರವಾರ ನಡೆಯಲಿರುವ ಪಂದ್ಯದಲ್ಲಿ ಅಸ್ಸಾಂ ತಂಡವನ್ನು ಎದುರಿಸಲಿದೆ.