ಬೆಂಗಳೂರು: ಅಪೂರ್ವ ಆಟ ಆಡಿದ ಕಿಕ್ಸ್ಟಾರ್ಟ್ ಎಫ್ಸಿ ಕರ್ನಾಟಕ ತಂಡದವರು ಬಿಡಿಎಫ್ಎ ಆಶ್ರಯದ ಸೂಪರ್ ಡಿವಿಷನ್ ಲೀಗ್ ಪಂದ್ಯದಲ್ಲಿ ಜಯಭೇರಿ ಮೊಳಗಿಸಿದ್ದಾರೆ.
ಅಶೋಕನಗರದಲ್ಲಿರುವ ಬೆಂಗಳೂರು ಫುಟ್ಬಾಲ್ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಹಣಾಹಣಿಯಲ್ಲಿ ಕಿಕ್ಸ್ಟಾರ್ಟ್ ಎಫ್ಸಿ 6–1 ಗೋಲುಗಳಿಂದ ಸ್ಟೂಡೆಂಟ್ಸ್ ಯೂನಿಯನ್ ತಂಡವನ್ನು ಸೋಲಿಸಿತು.
ಕಿಕ್ಸ್ಟಾರ್ಟ್ ತಂಡದ ಪ್ರದೀಪ್ (23ನೇ ನಿಮಿಷ), ಮೋನಿಷ್ (32ನೇ ನಿ.), ಚಂದ್ರ (43), ಮುರಳಿ (45), ಎಡ್ವಿನ್ (45+2) ಮತ್ತು ದುಲೀಪ್ (73) ತಲಾ ಒಮ್ಮೆ ಚೆಂಡನ್ನು ಗುರಿ ಮುಟ್ಟಿಸಿದರು.
