<p><strong>ಬೆಂಗಳೂರು:</strong> ಪಂದ್ಯದ ಹೆಚ್ಚುವರಿ ಅವಧಿಯಲ್ಲಿ ಅಬ್ದುಲ್ಲಾ ಅಲ್ ಬಲೂಶಿ (105+2) ತಂದಿತ್ತ ಗೋಲಿನ ನೆರವಿನಿಂದ ಕುವೈತ್ ತಂಡ, ಸ್ಯಾಫ್ ಫುಟ್ಬಾಲ್ ಚಾಂಪಿಯನ್ಷಿಪ್ನ ಫೈನಲ್ ಪ್ರವೇಶಿಸಿತು.</p>.<p>ಕಂಠೀರವ ಕ್ರೀಡಾಂಗಣದಲ್ಲಿ ಶನಿವಾರ ಸಂಜೆ ನಡೆದ ಸೆಮಿಫೈನಲ್ನಲ್ಲಿ ಕುವೈತ್ 1–0 ಗೋಲಿನಿಂದ ಬಾಂಗ್ಲಾದೇಶ ತಂಡವನ್ನು ಮಣಿಸಿತು. ಫಿಫಾ ರ್ಯಾಂಕಿಂಗ್ನಲ್ಲಿ ತನಗಿಂತ 51 ಸ್ಥಾನಗಳಷ್ಟು ಮೇಲಿನ ಸ್ಥಾನದಲ್ಲಿರುವ ತಂಡಕ್ಕೆ ಪ್ರಬಲ ಪೈಪೋಟಿ ಒಡ್ಡಲು ಬಾಂಗ್ಲಾದೇಶ ಯಶಸ್ವಿಯಾಯಿತು.</p>.<p>ನಿಗದಿತ 90 ನಿಮಿಷಗಳ ಆಟದಲ್ಲಿ ಗೋಲು ದಾಖಲಾಗದ ಕಾರಣ, ಪಂದ್ಯ ಹೆಚ್ಚುವರಿ ಅವಧಿಗೆ ಸಾಗಿತು. ಅಲ್ ಬಲೂಶಿ ಅವರು ಗೆಲುವಿನ ಗೋಲು ಗಳಿಸಿದರು. ಜುಲೈ 4 ರಂದು ನಡೆಯಲಿರುವ ಫೈನಲ್ನಲ್ಲಿ ಕುವೈತ್ ತಂಡ, ಭಾರತ ಅಥವಾ ಲೆಬನಾನ್ ತಂಡದ ಸವಾಲು ಎದುರಿಸಲಿದೆ.</p>.<p>ಎರಡೂ ತಂಡಗಳು ಗೋಲು ಗಳಿಸಲು ಲಭಿಸಿದ ಸಾಕಷ್ಟು ಅವಕಾಶಗಳನ್ನು ಹಾಳುಮಾಡಿಕೊಂಡಿತು. ಇದರಿಂದಾಗಿ ಪಂದ್ಯ ಹೆಚ್ಚುವರಿ ಅವಧಿಗೆ ಮುನ್ನಡೆಯಿತು.</p>.<p>ಎರಡನೇ ನಿಮಿಷದಲ್ಲಿ ಬಾಂಗ್ಲಾ ತಂಡದ ಶೇಖ್ ಮೊರ್ಸಲೀನ್ ಅವರಿಗೆ ಸುಲಭ ಅವಕಾಶ ಲಭಿಸಿದರೂ, ಚೆಂಡನ್ನು ಗುರಿ ಸೇರಿಸಲು ವಿಫಲರಾದರು. ಕುವೈತ್ ಗೋಲ್ಕೀಪರ್ ಅನೀಸ್ ಉರ್ ರೆಹಮಾನ್ ಮಾತ್ರ ಮುಂದಿದ್ದರೂ, ಅವರನ್ನು ತಪ್ಪಿಸಲು ಆಗಲಿಲ್ಲ. ಚೆಂಡನ್ನು ನೇರವಾಗಿ ಅವರತ್ತ ಒದ್ದರು.</p>.<p>ಇದಾದ ಕೆಲವು ನಿಮಿಷಗಳ ಬಳಿಕ ಕುವೈತ್ ತಂಡದ ಮೊಬಾರಕ್ ಅಲ್ ಫನೀನಿ ಅವರು ಗುರಿಯತ್ತ ಚೆಂಡನ್ನು ಹೆಡ್ ಮಾಡಿದರಾದರೂ, ಬಾಂಗ್ಲಾ ಡಿಫೆಂಡರ್ ಅದನ್ನು ತಡೆದರು.</p>.<p>ಬಾಂಗ್ಲಾ ತಂಡದ ಅನುಭವಿ ಆಟಗಾರ ರಕೀಬ್ ಹೊಸೇನ್ ಅವರು ಎದುರಾಳಿ ಗೋಲು ವಲಯಕ್ಕೆ ಹಲವು ಸಲ ಚೆಂಡಿನೊಂದಿಗೆ ಮುನ್ನುಗ್ಗಲು ಯಶಸ್ವಿಯಾದರು. ಎರಡನೇ ಅವಧಿಯ ಆರಂಭದಲ್ಲಿ ಮತ್ತು 61ನೇ ನಿಮಿಷದಲ್ಲಿ ರಕೀಬ್ ಅವರು ಚೆಂಡನ್ನು ಗುರಿಯತ್ತ ಒದ್ದರೂ, ಗೋಲ್ಕೀಪರ್ ತಡೆದರು.</p>.<p>ಪಂದ್ಯ ಇನ್ನೇನು ಪೆನಾಲ್ಟಿ ಶೂಟೌಟ್ಗೆ ಸಾಗಲಿದೆ ಎನ್ನುವಷ್ಟರಲ್ಲಿ ಅಲ್ ಬಲೂಶಿ ಗೆಲುವಿನ ಗೋಲು ಹೊಡೆದರು. ಅಹ್ಮದ್ ಅಲ್ ದೆಫೀರಿ ಅವರ ಚಾಣಾಕ್ಷ ಪಾಸ್ನಿಂದ ಚೆಂಡನ್ನು ನಿಯಂತ್ರಣಕ್ಕೆ ಪಡೆದುಕೊಂಡ ಬಲೂಶಿ ಗುರಿ ಸೇರಿಸಿದರು.</p>.<p>ಕೊನೆಯ 15 ನಿಮಿಷಗಳ ಆಟದಲ್ಲಿ ಬಾಂಗ್ಲಾ ತಂಡ ಸಮಬಲದ ಗೋಲಿಗಾಗಿ ಇನ್ನಿಲ್ಲದ ಪ್ರಯತ್ನ ನಡೆಸಿತು. ಪಂದ್ಯದ ಕಾವು ಹೆಚ್ಚಿದ್ದರಿಂದ ಉಭಯ ತಂಡಗಳ ಆಟಗಾರರು ಮಾತಿನ ಚಕಮಕಿ ನಡೆಸಿದರು. ಬಾಂಗ್ಲಾ ಆಟಗಾರರು ರೆಫರಿ ಜತೆಯೂ ವಾಗ್ವಾದ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಪಂದ್ಯದ ಹೆಚ್ಚುವರಿ ಅವಧಿಯಲ್ಲಿ ಅಬ್ದುಲ್ಲಾ ಅಲ್ ಬಲೂಶಿ (105+2) ತಂದಿತ್ತ ಗೋಲಿನ ನೆರವಿನಿಂದ ಕುವೈತ್ ತಂಡ, ಸ್ಯಾಫ್ ಫುಟ್ಬಾಲ್ ಚಾಂಪಿಯನ್ಷಿಪ್ನ ಫೈನಲ್ ಪ್ರವೇಶಿಸಿತು.</p>.<p>ಕಂಠೀರವ ಕ್ರೀಡಾಂಗಣದಲ್ಲಿ ಶನಿವಾರ ಸಂಜೆ ನಡೆದ ಸೆಮಿಫೈನಲ್ನಲ್ಲಿ ಕುವೈತ್ 1–0 ಗೋಲಿನಿಂದ ಬಾಂಗ್ಲಾದೇಶ ತಂಡವನ್ನು ಮಣಿಸಿತು. ಫಿಫಾ ರ್ಯಾಂಕಿಂಗ್ನಲ್ಲಿ ತನಗಿಂತ 51 ಸ್ಥಾನಗಳಷ್ಟು ಮೇಲಿನ ಸ್ಥಾನದಲ್ಲಿರುವ ತಂಡಕ್ಕೆ ಪ್ರಬಲ ಪೈಪೋಟಿ ಒಡ್ಡಲು ಬಾಂಗ್ಲಾದೇಶ ಯಶಸ್ವಿಯಾಯಿತು.</p>.<p>ನಿಗದಿತ 90 ನಿಮಿಷಗಳ ಆಟದಲ್ಲಿ ಗೋಲು ದಾಖಲಾಗದ ಕಾರಣ, ಪಂದ್ಯ ಹೆಚ್ಚುವರಿ ಅವಧಿಗೆ ಸಾಗಿತು. ಅಲ್ ಬಲೂಶಿ ಅವರು ಗೆಲುವಿನ ಗೋಲು ಗಳಿಸಿದರು. ಜುಲೈ 4 ರಂದು ನಡೆಯಲಿರುವ ಫೈನಲ್ನಲ್ಲಿ ಕುವೈತ್ ತಂಡ, ಭಾರತ ಅಥವಾ ಲೆಬನಾನ್ ತಂಡದ ಸವಾಲು ಎದುರಿಸಲಿದೆ.</p>.<p>ಎರಡೂ ತಂಡಗಳು ಗೋಲು ಗಳಿಸಲು ಲಭಿಸಿದ ಸಾಕಷ್ಟು ಅವಕಾಶಗಳನ್ನು ಹಾಳುಮಾಡಿಕೊಂಡಿತು. ಇದರಿಂದಾಗಿ ಪಂದ್ಯ ಹೆಚ್ಚುವರಿ ಅವಧಿಗೆ ಮುನ್ನಡೆಯಿತು.</p>.<p>ಎರಡನೇ ನಿಮಿಷದಲ್ಲಿ ಬಾಂಗ್ಲಾ ತಂಡದ ಶೇಖ್ ಮೊರ್ಸಲೀನ್ ಅವರಿಗೆ ಸುಲಭ ಅವಕಾಶ ಲಭಿಸಿದರೂ, ಚೆಂಡನ್ನು ಗುರಿ ಸೇರಿಸಲು ವಿಫಲರಾದರು. ಕುವೈತ್ ಗೋಲ್ಕೀಪರ್ ಅನೀಸ್ ಉರ್ ರೆಹಮಾನ್ ಮಾತ್ರ ಮುಂದಿದ್ದರೂ, ಅವರನ್ನು ತಪ್ಪಿಸಲು ಆಗಲಿಲ್ಲ. ಚೆಂಡನ್ನು ನೇರವಾಗಿ ಅವರತ್ತ ಒದ್ದರು.</p>.<p>ಇದಾದ ಕೆಲವು ನಿಮಿಷಗಳ ಬಳಿಕ ಕುವೈತ್ ತಂಡದ ಮೊಬಾರಕ್ ಅಲ್ ಫನೀನಿ ಅವರು ಗುರಿಯತ್ತ ಚೆಂಡನ್ನು ಹೆಡ್ ಮಾಡಿದರಾದರೂ, ಬಾಂಗ್ಲಾ ಡಿಫೆಂಡರ್ ಅದನ್ನು ತಡೆದರು.</p>.<p>ಬಾಂಗ್ಲಾ ತಂಡದ ಅನುಭವಿ ಆಟಗಾರ ರಕೀಬ್ ಹೊಸೇನ್ ಅವರು ಎದುರಾಳಿ ಗೋಲು ವಲಯಕ್ಕೆ ಹಲವು ಸಲ ಚೆಂಡಿನೊಂದಿಗೆ ಮುನ್ನುಗ್ಗಲು ಯಶಸ್ವಿಯಾದರು. ಎರಡನೇ ಅವಧಿಯ ಆರಂಭದಲ್ಲಿ ಮತ್ತು 61ನೇ ನಿಮಿಷದಲ್ಲಿ ರಕೀಬ್ ಅವರು ಚೆಂಡನ್ನು ಗುರಿಯತ್ತ ಒದ್ದರೂ, ಗೋಲ್ಕೀಪರ್ ತಡೆದರು.</p>.<p>ಪಂದ್ಯ ಇನ್ನೇನು ಪೆನಾಲ್ಟಿ ಶೂಟೌಟ್ಗೆ ಸಾಗಲಿದೆ ಎನ್ನುವಷ್ಟರಲ್ಲಿ ಅಲ್ ಬಲೂಶಿ ಗೆಲುವಿನ ಗೋಲು ಹೊಡೆದರು. ಅಹ್ಮದ್ ಅಲ್ ದೆಫೀರಿ ಅವರ ಚಾಣಾಕ್ಷ ಪಾಸ್ನಿಂದ ಚೆಂಡನ್ನು ನಿಯಂತ್ರಣಕ್ಕೆ ಪಡೆದುಕೊಂಡ ಬಲೂಶಿ ಗುರಿ ಸೇರಿಸಿದರು.</p>.<p>ಕೊನೆಯ 15 ನಿಮಿಷಗಳ ಆಟದಲ್ಲಿ ಬಾಂಗ್ಲಾ ತಂಡ ಸಮಬಲದ ಗೋಲಿಗಾಗಿ ಇನ್ನಿಲ್ಲದ ಪ್ರಯತ್ನ ನಡೆಸಿತು. ಪಂದ್ಯದ ಕಾವು ಹೆಚ್ಚಿದ್ದರಿಂದ ಉಭಯ ತಂಡಗಳ ಆಟಗಾರರು ಮಾತಿನ ಚಕಮಕಿ ನಡೆಸಿದರು. ಬಾಂಗ್ಲಾ ಆಟಗಾರರು ರೆಫರಿ ಜತೆಯೂ ವಾಗ್ವಾದ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
