ಫುಕೆಟ್‌ (ಥಾಯ್ಲೆಂಡ್),: ಕಾಮನ್ವೆಲ್ತ್ ಗೇಮ್ಸ್ ಪದಕ ವಿಜೇತೆ ಬಿಂದ್ಯಾರಾಣಿ ದೇವಿ ಅವರು ಐಡಬ್ಲ್ಯುಎಫ್‌ ವಿಶ್ವ ಕಪ್‌ ವೇಟ್‌ಲಿಫ್ಟಿಂಗ್‌ನ ಮಹಿಳೆಯರ 55 ಕೆ.ಜಿ. ವಿಭಾಗದಲ್ಲಿ ಮಂಗಳವಾರ ಕಂಚಿನ ಪದಕ ಗೆದ್ದುಕೊಂಡರು.
25 ವರ್ಷದ ಬಿಂದ್ಯಾರಾಣಿ ಒಟ್ಟು 196 ಕೆ.ಜಿ (83+113 ಕೆ.ಜಿ) ಭಾರ ಎತ್ತಿದರು. ಈ ತೂಕ ವಿಭಾಗದ ಒಲಿಂಪಿಕ್ಸ್‌ನಲ್ಲಿ ಇರುವುದಿಲ್ಲ. ಆದರೆ ಇದು ಮಣಿಪುರದ ಸ್ಪರ್ಧಿಯ ಉತ್ತಮ ಸಾಧನೆಯೇನಲ್ಲ. 2022ರ ಬರ್ಮಿಂಗ್‌ಹ್ಯಾಮ್ ಕಾಮನ್ವೆಲ್ತ್ ಗೇಮ್ಸ್‌ನಲ್ಲಿ 203 ಕೆ.ಜಿ ಎತ್ತಿದ್ದರು.
ಉತ್ತರ ಕೊರಿಯಾದ ಕಾಂಗ್‌ ಗ್ಯಾಂಗ್‌ 234 ಕೆ.ಜಿ (103+131) ಭಾರ ಎತ್ತಿ ಚಿನ್ನ ಗೆದ್ದರು. ಪ್ಯಾರಿಸ್‌ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದಿರುವ ರುಮೇನಿಯಾದ ಕ್ಯಾಂಬಿ ಮಿಹೇಲ ವೆಲಂಟಿನಾ ಒಟ್ಟು 201 ಕೆ.ಜಿ. ಭಾರ ಎತ್ತಿ ಬೆಳ್ಳಿ ಪಡೆದರು.
