Paris Olympics | ಬಾಕ್ಸಿಂಗ್: ವಿಶ್ವಾಸದಿಂದ ಆಡಿದ ಲವ್ಲಿನಾ ಎಂಟರ ಘಟ್ಟಕ್ಕೆ

ಪ್ಯಾರಿಸ್: ಸತತ ಎರಡನೇ ಪದಕ ಗೆಲ್ಲುವ ಗುರಿಯಲ್ಲಿರುವ ಲವ್ಲಿನಾ ಬೊರ್ಗೊಹೈನ್ ಅವರು ಒಲಿಂಪಿಕ್ಸ್ ಬಾಕ್ಸಿಂಗ್ ಅಭಿಯಾನವನ್ನು ಆತ್ಮವಿಶ್ವಾಸದಿಂದ ಆರಂಭಿಸಿ ಕ್ವಾರ್ಟರ್ಫೈನಲ್ ತಲುಪಿದರು. ಬುಧವಾರ ನಡೆದ 75 ಕೆ.ಜಿ ವಿಭಾಗದ ಸ್ಪರ್ಧೆಯಲ್ಲಿ ಅವರು, ನಾರ್ವೆಯ ಎದುರಾಳಿ ಸುನಿವಾ ಹೊಫ್ಸ್ಟಾಡ್ ಅವರನ್ನು ಪಂಚ್ಗಳಿಂದ ಕಂಗೆಡಿಸಿದರು.

. ಬೊರ್ಗೊಹೈನ್ ಈ ಸೆಣಸಾಟವನ್ನು 5–0 ಯಿಂದ ಗೆದ್ದರು. ಅವರು ಇನ್ನೊಂದು ಸೆಣಸಾಟ ಗೆದ್ದರೆ ಎರಡನೇ ಪದಕ ಗೆಲ್ಲುವುದು ಖಚಿತವಾಗಲಿದೆ. ಭಾರತದ ಬಾಕ್ಸಿಂಗ್ನಲ್ಲಿ ಈ ಹಿಂದೆ ಇಂಥ ಸಾಧನೆಯಾಗಿಲ್ಲ. 2020ರ ಟೋಕಿಯೊ ಕ್ರೀಡೆಗಳಲ್ಲಿ ಅಸ್ಸಾಮಿನ ಬಾಕ್ಸರ್ 69 ಕೆ.ಜಿ. ವಿಭಾಗದಲ್ಲಿ ಸ್ಪರ್ಧಿಸಿ ಕಂಚಿನ ಪದಕ ಗೆದ್ದಿದ್ದರು.

. ಆದರೆ ಲವ್ಲಿನಾ ಮುಂದಿನ ಹಾದಿ ಕಠಿಣವಾಗಿದೆ. ಅವರು ಆಗಸ್ಟ್ 4ರಂದು ನಡೆಯುವ ಎಂಟರ ಘಟ್ಟದ ಪಂದ್ಯದಲ್ಲಿ ಅಗ್ರ ಶ್ರೇಯಾಂಕದ, ಚೀನಾ ಎದುರಾಳಿ ಲಿ ಕಿಯಾನ್ ಅವರನ್ನು ಎದುರಿಸಲಿದ್ದಾರೆ. ಈ ಪಂದ್ಯ ಗೆದ್ದರೆ ಕಡೇಪಕ್ಷ ಕಂಚಿನ ಪದಕ ಗ್ಯಾರಂಟಿಯಾಗಲಿದೆ.

. ಬುಧವಾರ ಅವರ ಪ್ರದರ್ಶನ ಭರವಸೆಯಿಂದ ಕೂಡಿತ್ತು. ಅವರ ಎದುರಾಳಿ ಅವರನ್ನು ಮುಂದೆ ಬರಲು ಪ್ರಚೋದಿಸಿ ಪ್ರಹಾರಕ್ಕೆ ಗುರಿಮಾಡಲು ಪ್ರಯತ್ನಿಸಿದರು. ಆದರೆ ಏಕಾಗ್ರತೆ ಉಳಿಸಿಕೊಂಡ ಬೊರ್ಗೊಹೈನ್ ಈ ಬಲೆಗೆ ಬೀಳದೇ ಸ್ವಲ್ಪ ಅಂತರವಿಟ್ಟುಕೊಂಡು ಪ್ರಹಾರಗಳಿಗೆ ಮುಂದಾದರು.

. ಆರಂಭದಲ್ಲಿ ಸುನಿವಾ ಅವರೇ ದಾಳಿಗೆ ಹೆಚ್ಚು ಒಲವು ತೋರಿದಂತೆ ಕಂಡುಬಂತು. ಆದರೆ ಅಸ್ಸಾಮಿನ ಬಾಕ್ಸರ್ ಸಾವರಿಸಿಕೊಂಡು ಎದುರಾಳಿಯ ಮೇಲೆ ಕರಾರುವಾಕ್ ಪಂಚ್ಗಳನ್ನು ಮಾಡಿ ಮೇಲುಗೈ ಸಾಧಿಸಿದರು.

. ಬೊರ್ಗೊಹೈನ್ ಅವರಿಗೆ ಇಲ್ಲೂ ಕಠಿಣ ಮುಖಾಮುಖಿ ‘ಡ್ರಾ’ ಎದುರಾಗಿದೆ. ಆದರೆ ಈ ಹಿಂದೆ ಇಂಥ ಪ್ರಬಲ ಸ್ಪರ್ಧಿಗಳನ್ನು ಅವರು ಯಶಸ್ವಿ ಆಗಿ ಎದುರಿಸಿದ್ದಾರೆ. ಟೋಕಿಯೊ ಕ್ರೀಡೆಗಳ ಕ್ವಾರ್ಟರ್ಫೈನಲ್ನಲ್ಲಿ ವಿಶ್ವ ಚಾಂಪಿಯನ್ ಚೆನ್ ನೀನ್–ಚಿನ್ ಅವರನ್ನು ಮಣಿಸಿದ್ದು ಅವರಿಗೆ ಕಂಚಿನ ಪದಕ ತಂದುಕೊಟ್ಟಿತ್ತು.

. ಮುಂದಿನ ಭಾನುವಾರ ಅವರ ಎದುರಾಳಿ ಆಗಿರುವ ಕಿಯಾನ್ ಅವರು ಮಿಡ್ಲ್ ವೇಟ್ (75 ಕೆ.ಜಿ.) ವಿಭಾಗದಲ್ಲಿ ಬೆಳ್ಳಿ ಗೆದ್ದಿದ್ದರು. 2016ರ ರಿಯೊ ಕ್ರೀಡೆಗಳಲ್ಲಿ ಕಂಚಿನ ಪದಕ ಗೆದ್ದುಕೊಂಡಿದ್ದರು. ಜೊತೆಗೆ 2022ರ ಹಾಂಗ್ಝೌ ಏಷ್ಯನ್ ಗೇಮ್ಸ್ನಲ್ಲಿ ಸ್ವರ್ಣ ಕೊರಳಿಗೇರಿಸಿಕೊಂಡಿದ್ದರು.

. ಬಾಕ್ಸಿಂಗ್ನಲ್ಲಿ ಭಾರತ ಈ ಬಾರಿಯ ಕ್ರೀಡೆಗಳಲ್ಲಿ ಮಿಶ್ರಫಲ ಕಂಡಿದೆ. ಆರರಲ್ಲಿ ಮೂವರು ಬಾಕ್ಸರ್ಗಳು ಈಗಾಗಲೇ ಹೊರಬಿದ್ದಿದ್ದಾರೆ. ಏಷ್ಯನ್ ಗೇಮ್ಸ್ ಮಾಜಿ ಚಾಂಪಿಯನ್ ಅಮಿತ್ ಪಂಘಲ್ (51 ಕೆ.ಜಿ), ಪ್ರೀತಿ ಪವಾರ್ (54 ಕೆ.ಜಿ) ಮತ್ತು ಜೈಸ್ಮಿನ್ ಲಂಬೋರಿಯಾ (57 ಕೆ.ಜಿ)– ಬೇಗನೇ ಹೊರಬಿದ್ದವರು.

. ಬೊರ್ಗೊಹೈನ್ ಜೊತೆ ಮೊದಲ ಒಲಿಂಪಿಕ್ಸ್ ಕಾಣುತ್ತಿರುವ ನಿಖತ್ ಝರೀನ್ (ಮಹಿಳೆಯರ 50 ಕೆ.ಜಿ) ಮತ್ತು ನಿಶಾಂತ್ ದೇವ್ (ಪುರುಷರ 71 ಕೆ.ಜಿ) ಸವಾಲು ಉಳಿಸಿಕೊಂಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Paris Olympics | ಬಾಕ್ಸಿಂಗ್: ವಿಶ್ವಾಸದಿಂದ ಆಡಿದ ಲವ್ಲಿನಾ ಎಂಟರ ಘಟ್ಟಕ್ಕೆ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ