ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್ ಚೆಸ್: ಪ್ರಾಣೇಶ್‌ಗೆ ಚಾಲೆಂಜರ್ಸ್ ಪ್ರಶಸ್ತಿ

ಚೆನ್ನೈ: ಗ್ರ್ಯಾಂಡ್ಮಾಸ್ಟರ್ ಎಂ. ಪ್ರಾಣೇಶ್ ಅಂತಿಮ ಸುತ್ತಿನಲ್ಲಿ ಹರ್ಷವರ್ಧನ್ ಜಿ.ಬಿ. ಎದುರು ಸೋತು ಹಿನ್ನಡೆ ಅನುಭವಿಸಿದರೂ ಚಾಲೆಂಜರ್ಸ್ ವಿಭಾಗದ ಪ್ರಶಸ್ತಿ ಗೆಲ್ಲುವಲ್ಲಿ ಸಮಸ್ಯೆಯಾಗಲಿಲ್ಲ. ಶುಕ್ರವಾರ ಮುಕ್ತಾಯಗೊಂಡ ಈ ಟೂರ್ನಿಯ ಮಾಸ್ಟರ್ಸ್ ವಿಭಾಗದಲ್ಲಿ ಅಗ್ರ ಶ್ರೇಯಾಂಕದ ಆಟಗಾರ ಅರ್ಜುನ್ ಇರಿಗೇಶಿ ಜಂಟಿ ಎರಡನೇ ಸ್ಥಾನ ಪಡೆದರು.

. ಮಾಸ್ಟರ್ಸ್ ವಿಭಾಗದಲ್ಲಿ ಒಂದು ಸುತ್ತು ಮೊದಲೇ ಪ್ರಶಸ್ತಿ ಖಾತರಿಪಡಿಸಿಕೊಂಡಿದ್ದ ಜರ್ಮನಿಯ ವಿನ್ಸೆಂಟ್ ಕೀಮರ್ ಒಂಬತ್ತನೇ ಹಾಗೂ ಅಂತಿಮ ಸುತ್ತಿನಲ್ಲೂ ಜಯಗಳಿಸಿ ಒಟ್ಟು 7 ಅಂಕ ಸಂಗ್ರಹಿಸಿದರು. ನೆದರ್ಲೆಂಡ್ಸ್ನ ಅನಿಶ್ ಗಿರಿ, ಅರ್ಜುನ್ ಮತ್ತು ಕಾರ್ತಿಕೇಯನ್ ಮುರಳಿ ತಲಾ ಐದು ಅಂಕ ಗಳಿಸಿದರು.

. ಭಾರತೀಯ ಆಟಗಾರರ ಪೈಕಿ ನಿಹಾಲ್ ಸರಿನ್ ಐದನೇ, ವಿದಿತ್ ಗುಜರಾತಿ ಏಳನೇ ಮತ್ತು ಪ್ರಣವ್ ಒಂಬತ್ತನೇ ಸ್ಥಾನ ಗಳಿಸಿದರು.

. ಅರ್ಜುನ್ ಅಂತಿಮ ಸುತ್ತಿನಲ್ಲಿ ಕಾರ್ತಿಕೇಯನ್ ಮುರಳಿ ಜೊತೆ ಡ್ರಾ ಮಾಡಿಕೊಂಡರೆ, ಅವಾಂಡರ್ ಲಿಯಾಂಗ್ (4.5), ವಿದಿತ್ ಗುಜರಾತಿ (4) ಜೊತೆ ಡ್ರಾ ಮಾಡಿಕೊಂಡರು.

. ಜೋರ್ಡನ್ ಫೋರೀಸ್ಟ್ (4), ಅನಿಸ್ ಗಿರಿ ಅವರಿಗೆ ಸೋತರೆ, ರೇ ರಾಬ್ಸನ್ (3), ವಿನ್ಸೆಂಟ್ ಕೀಮರ್ ಅವರಿಗೆ ಶರಣಾದರು. ನಿಹಾಲ್ ಸರಿನ್ (4.5), ಸ್ವದೇಶದ ಪ್ರಣವ್ (3) ಅವರನ್ನು ಮಣಿಸಿದರು.

. ಪ್ರಾಣೇಶ್ ಚಾಂಪಿಯನ್:

. ತಮಿಳುನಾಡಿನ ಪ್ರಾಣೇಶ್ ಅವರು ಚಾಲೆಂಜರ್ ವಿಭಾಗದ ಒಟ್ಟು 6.5 ಅಂಕಗಳೊಡನೆ ಅಗ್ರಸ್ಥಾನ ಉಳಿಸಿಕೊಂಡರು. ಅವರು ಟ್ರೋಫಿ ಜೊತೆ ₹5 ಲಕ್ಷ ಬಹುಮಾನ ಪಡೆದರು. ಜೊತೆಗೆ ಮುಂದಿನ ವರ್ಷ ಮಾಸ್ಟರ್ಸ್ ವಿಭಾಗದಲ್ಲಿ ಆಡುವ ಅವಕಾಶ ಸಂಪಾದಿಸಿದರು.

. ಚಾಲೆಂಜರ್ ವಿಭಾಗದಲ್ಲಿ ಭಾರತದ ಆಟಗಾರರಷ್ಟೇ ಇದ್ದರು. ಅಧಿಬನ್ ಭಾಸ್ಕರನ್, ಅಭಿಮನ್ಯು ಪುರಾಣಿಕ್ ಮತ್ತು ಲಿಯಾನ್ ಲ್ಯೂಕ್ ಮೆಂಡೋನ್ಸಾ ತಲಾ ಆರು ಪಾಯಿಂಟ್ಸ್ ಸಂಗ್ರಹಿಸಿದರು. ಪಿ.ಇನಿಯನ್ (5.5) ಐದನೇ ಸ್ಥಾನ ಪಡೆದರೆ, ದೀಪ್ತಾಯನ ಘೋಷ್ (4.5) ಆರನೇ ಸ್ಥಾನ ಗಳಿಸಿದರು.

. ಹರ್ಷವರ್ಧನ್ (4) ಮತ್ತು ಆರ್ಯನ್ ಚೋಪ್ರಾ (4) ಜಂಟಿ ಏಳನೇ ಸ್ಥಾನ ಪಡೆದರು. ಹಾರಿಕಾ (1.5) ಒಂಬತ್ತನೇ ಹಾಗೂ ವೈಶಾಲಿ (1) ಅಂತಿಮ ಸ್ಥಾನ ಪಡೆದರು.

. ಒಂಬತ್ತನೇ ಸುತ್ತಿನಲ್ಲಿ ಆರ್ಯನ್, ಹಾರಿಕಾ ವಿರುದ್ಧ; ದೀಪ್ತಾಯನ್, ವೈಶಾಲಿ ವಿರುದ್ಧ; ಇನಿಯನ್, ಅಭಿಮನ್ಯು ಪುರಾಣಿಕ್ ವಿರುದ್ಧ, ಅಧಿಬನ್, ಲಿಯಾನ್ ಮೆಂಡೋನ್ಸಾ ವಿರುದ್ಧ ಜಯಗಳಿಸಿದರು. ಆ ಮೂಲಕ ಎಲ್ಲ ಬೋರ್ಡ್ಗಳಲ್ಲಿ ನಿರ್ಣಾಯಕ ಫಲಿತಾಂಶ ಬಂದಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್ ಚೆಸ್: ಪ್ರಾಣೇಶ್‌ಗೆ ಚಾಲೆಂಜರ್ಸ್ ಪ್ರಶಸ್ತಿ

ಚಿನಕುರುಳಿ | ಶುಕ್ರವಾರ 15 ಆಗಸ್ಟ್‌ 2025

ಚುರುಮುರಿ: ನಾಯಿಗಳ ಕತೆ!

ದಿನ ಭವಿಷ್ಯ: ತೋಟದ ಬೆಳೆಗಾರರಿಗೆ ವಾಣಿಜ್ಯ ಬೆಳೆಗಳಿಂದ ಅಧಿಕ ಲಾಭ ಸಿಗವುದು..

LIVE | 79th Independence Day: ಸತತ 12ನೇ ಸ್ವಾತಂತ್ರ್ಯೋತ್ಸವದ ಭಾಷಣ:ಇಂದಿರಾ ದಾಖಲೆ ಮುರಿದ ಮೋದಿ

ಮೈಸೂರು ಓಪನ್‌ ಗಾಲ್ಫ್‌: ಯುವರಾಜ್‌ಗೆ ಕಿರೀಟ

ಅತಿ ಕಡಿಮೆ ವಯಸ್ಸಿನ ನಾಯಕ: ದಾಖಲೆ ಹೊಸ್ತಿಲಲ್ಲಿ ಜೇಕಬ್ ಬೆಥೆಲ್

ರಾಷ್ಟ್ರೀಯ ರ‍್ಯಾಂಕಿಂಗ್‌ ಟೇಬಲ್‌ ಟೆನಿಸ್‌: ಕರ್ನಾಟಕದ ಸಿದ್ಧಾಂತ್‌ ಚಾಂಪಿಯನ್‌

ಜೆರುಸಲೆಂ ಗ್ರ್ಯಾನ್‌ಸ್ಲ್ಯಾಮ್: ಅಂಕಿತಾ ರಾಷ್ಟ್ರೀಯ ದಾಖಲೆ

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಚಿನಕುರುಳಿ | ಶುಕ್ರವಾರ 15 ಆಗಸ್ಟ್‌ 2025

ಚುರುಮುರಿ: ನಾಯಿಗಳ ಕತೆ!

ದಿನ ಭವಿಷ್ಯ: ತೋಟದ ಬೆಳೆಗಾರರಿಗೆ ವಾಣಿಜ್ಯ ಬೆಳೆಗಳಿಂದ ಅಧಿಕ ಲಾಭ ಸಿಗವುದು..

LIVE | 79th Independence Day: ಸತತ 12ನೇ ಸ್ವಾತಂತ್ರ್ಯೋತ್ಸವದ ಭಾಷಣ:ಇಂದಿರಾ ದಾಖಲೆ ಮುರಿದ ಮೋದಿ