<p><strong>ಎಸ್ಸೆನ್ (ಜರ್ಮನಿ)</strong>: ಆರ್ಚರಿಪಟುಗಳಾದ ಪರ್ನೀತ್ ಕೌರ್ ಮತ್ತು ಕುಶಾಲ್ ದಲಾಲ್ ಅವರನ್ನು ಒಳಗೊಂಡ ಭಾರತದ ಮಿಶ್ರ ಕಾಂಪೌಂಡ್ ತಂಡವು ಇಲ್ಲಿ ನಡೆದ ವಿಶ್ವ ಯೂನಿವರ್ಸಿಟಿ ಗೇಮ್ಸ್ನಲ್ಲಿ ಚಿನ್ನದ ಸಾಧನೆ ಮಾಡಿತು.</p>.<p>ಭಾರತದ ಜೋಡಿಯು ಚಿನ್ನದ ಪದಕ ಸುತ್ತಿನಲ್ಲಿ 157-154ರಿಂದ ದಕ್ಷಿಣ ಕೊರಿಯಾದ ಯೆರಿನ್ ಪಾರ್ಕ್ ಮತ್ತು ಸೆಯುಂಗ್ಹ್ಯುನ್ ಪಾರ್ಕ್ ಅವರನ್ನು ಮಣಿಸಿತು. </p>.<p>ಕೂಟದಲ್ಲಿ ಇದು ಭಾರತಕ್ಕೆ ದೊರೆತ ಮೊದಲ ಚಿನ್ನವಾಗಿದೆ. ಆರ್ಚರಿಯಲ್ಲಿ ದಕ್ಕಿದ ಮೂರನೇ ಪದಕ ಇದಾಗಿದೆ. ಈ ಮೂಲಕ ಭಾರತದ ಪದಕಗಳ ಸಂಖ್ಯೆ ಐದಕ್ಕೆ ಏರಿಕೆಯಾಗಿದೆ. ಅಮೆರಿಕ (74) ಮತ್ತು ಚೀನಾ (49) ಪದಕ ಪಟ್ಟಿಯಲ್ಲಿ ಕ್ರಮವಾಗಿ ಮೊದಲೆರಡು ಸ್ಥಾನದಲ್ಲಿವೆ. </p>.<p>ಇದಕ್ಕೂ ಮುನ್ನ ದಲಾಲ್, ಸಾಹಿಲ್ ಜಾಧವ್ ಮತ್ತು ಹೃತಿಕ್ ಶರ್ಮಾ ಅವರನ್ನು ಒಳಗೊಂಡ ಪುರುಷರ ತಂಡವು ರೋಚಕ ಫೈನಲ್ನಲ್ಲಿ ಟರ್ಕಿಯ ತಂಡಕ್ಕೆ ಮಣಿದು, ಬೆಳ್ಳಿ ಪದಕ ತಮ್ಮದಾಗಿಸಿಕೊಂಡಿತು. ಮೊದಲೆರಡು ಸುತ್ತಿನಲ್ಲಿ ಮುನ್ನಡೆ ಸಾಧಿಸಿದ್ದ ಭಾರತ ತಂಡವು ನಾಲ್ಕು ಸುತ್ತಿನ ಅಂತ್ಯಕ್ಕೆ ಕೇವಲ 1 ಅಂಕದಿಂದ (231–232) ಸೋತಿತು. </p>.<p>ಪರ್ನೀತ್, ಅವನೀತ್ ಕೌರ್ ಮತ್ತು ಮಧುರಾ ಧಮನ್ ಗಾಂವ್ಕರ್ ಅವರನ್ನು ಒಳಗೊಂಡ ಮಹಿಳೆಯರ ತಂಡವು 232-224ರಿಂದ ಬ್ರಿಟನ್ ತಂಡವನ್ನು ಮಣಿಸಿ ಕಂಚಿನ ಪದಕ ಗೆದ್ದುಕೊಂಡಿತು. </p>.<p>ಶನಿವಾರ ನಡೆಯಲಿರುವ ಪುರುಷರ ವೈಯಕ್ತಿಕ ಸೆಮಿಫೈನಲ್ನಲ್ಲಿ ದಲಾಲ್ ಮತ್ತು ಜಾಧವ್ ಮುಖಾಮುಖಿಯಾಗಲಿದ್ದಾರೆ. ಮಹಿಳೆಯರ ವಿಭಾಗದ ಸೆಮಿಫೈನಲ್ನಲ್ಲಿ ಪರ್ನೀತ್ ಅವರು ದಕ್ಷಿಣ ಕೊರಿಯಾದ ಎಸ್. ಕಿಮ್ ಅವರನ್ನು ಎದುರಿಸಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಎಸ್ಸೆನ್ (ಜರ್ಮನಿ)</strong>: ಆರ್ಚರಿಪಟುಗಳಾದ ಪರ್ನೀತ್ ಕೌರ್ ಮತ್ತು ಕುಶಾಲ್ ದಲಾಲ್ ಅವರನ್ನು ಒಳಗೊಂಡ ಭಾರತದ ಮಿಶ್ರ ಕಾಂಪೌಂಡ್ ತಂಡವು ಇಲ್ಲಿ ನಡೆದ ವಿಶ್ವ ಯೂನಿವರ್ಸಿಟಿ ಗೇಮ್ಸ್ನಲ್ಲಿ ಚಿನ್ನದ ಸಾಧನೆ ಮಾಡಿತು.</p>.<p>ಭಾರತದ ಜೋಡಿಯು ಚಿನ್ನದ ಪದಕ ಸುತ್ತಿನಲ್ಲಿ 157-154ರಿಂದ ದಕ್ಷಿಣ ಕೊರಿಯಾದ ಯೆರಿನ್ ಪಾರ್ಕ್ ಮತ್ತು ಸೆಯುಂಗ್ಹ್ಯುನ್ ಪಾರ್ಕ್ ಅವರನ್ನು ಮಣಿಸಿತು. </p>.<p>ಕೂಟದಲ್ಲಿ ಇದು ಭಾರತಕ್ಕೆ ದೊರೆತ ಮೊದಲ ಚಿನ್ನವಾಗಿದೆ. ಆರ್ಚರಿಯಲ್ಲಿ ದಕ್ಕಿದ ಮೂರನೇ ಪದಕ ಇದಾಗಿದೆ. ಈ ಮೂಲಕ ಭಾರತದ ಪದಕಗಳ ಸಂಖ್ಯೆ ಐದಕ್ಕೆ ಏರಿಕೆಯಾಗಿದೆ. ಅಮೆರಿಕ (74) ಮತ್ತು ಚೀನಾ (49) ಪದಕ ಪಟ್ಟಿಯಲ್ಲಿ ಕ್ರಮವಾಗಿ ಮೊದಲೆರಡು ಸ್ಥಾನದಲ್ಲಿವೆ. </p>.<p>ಇದಕ್ಕೂ ಮುನ್ನ ದಲಾಲ್, ಸಾಹಿಲ್ ಜಾಧವ್ ಮತ್ತು ಹೃತಿಕ್ ಶರ್ಮಾ ಅವರನ್ನು ಒಳಗೊಂಡ ಪುರುಷರ ತಂಡವು ರೋಚಕ ಫೈನಲ್ನಲ್ಲಿ ಟರ್ಕಿಯ ತಂಡಕ್ಕೆ ಮಣಿದು, ಬೆಳ್ಳಿ ಪದಕ ತಮ್ಮದಾಗಿಸಿಕೊಂಡಿತು. ಮೊದಲೆರಡು ಸುತ್ತಿನಲ್ಲಿ ಮುನ್ನಡೆ ಸಾಧಿಸಿದ್ದ ಭಾರತ ತಂಡವು ನಾಲ್ಕು ಸುತ್ತಿನ ಅಂತ್ಯಕ್ಕೆ ಕೇವಲ 1 ಅಂಕದಿಂದ (231–232) ಸೋತಿತು. </p>.<p>ಪರ್ನೀತ್, ಅವನೀತ್ ಕೌರ್ ಮತ್ತು ಮಧುರಾ ಧಮನ್ ಗಾಂವ್ಕರ್ ಅವರನ್ನು ಒಳಗೊಂಡ ಮಹಿಳೆಯರ ತಂಡವು 232-224ರಿಂದ ಬ್ರಿಟನ್ ತಂಡವನ್ನು ಮಣಿಸಿ ಕಂಚಿನ ಪದಕ ಗೆದ್ದುಕೊಂಡಿತು. </p>.<p>ಶನಿವಾರ ನಡೆಯಲಿರುವ ಪುರುಷರ ವೈಯಕ್ತಿಕ ಸೆಮಿಫೈನಲ್ನಲ್ಲಿ ದಲಾಲ್ ಮತ್ತು ಜಾಧವ್ ಮುಖಾಮುಖಿಯಾಗಲಿದ್ದಾರೆ. ಮಹಿಳೆಯರ ವಿಭಾಗದ ಸೆಮಿಫೈನಲ್ನಲ್ಲಿ ಪರ್ನೀತ್ ಅವರು ದಕ್ಷಿಣ ಕೊರಿಯಾದ ಎಸ್. ಕಿಮ್ ಅವರನ್ನು ಎದುರಿಸಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
