ಕರಾಚಿ: ಬರ್ಮಿಂಗ್ಹ್ಯಾಮ್ ಕಾಮನ್ವೆಲ್ತ್ ಕ್ರೀಡಾಕೂಟಕ್ಕೆ ತೆರಳಿದ್ದ ಪಾಕಿಸ್ತಾನದ ಇಬ್ಬರು ಬಾಕ್ಸರ್ಗಳು ನಾಪತ್ತೆಯಾಗಿದ್ದಾರೆ. ರಾಷ್ಟ್ರೀಯ ಫೆಡರೇಷನ್ ಬುಧವಾರ ಈ ವಿಷಯ ತಿಳಿಸಿದೆ.
‘ಬಾಕ್ಸರ್ಗಳಾದ ಸುಲೇಮಾನ್ ಬಲೋಚ್ ಮತ್ತು ನಜೀರುಲ್ಲಾ ಅವರು ಕೂಟ ಮುಗಿದ ಬಳಿಕ ನಾಪತ್ತೆಯಾಗಿದ್ದಾರೆ‘ ಎಂದು ಪಾಕಿಸ್ತಾನ ಬಾಕ್ಸಿಂಗ್ ಫೆಡರೇಷನ್ (ಪಿಬಿಎಫ್) ಕಾರ್ಯದರ್ಶಿ ನಾಸಿರ್ ತಾಂಗ್ ಖಚಿತಪಡಿಸಿದ್ದಾರೆ.
‘ಬಾಕ್ಸರ್ಗಳ ಪಾಸ್ಪೋರ್ಟ್ ಸೇರಿದಂತೆ ಮತ್ತಿತರ ದಾಖಲೆಗಳು ಫೆಡರೇಷನ್ನ ಅಧಿಕಾರಿಗಳ ಬಳಿಯಿವೆ‘ ಎಂದು ನಾಸಿರ್ ಹೇಳಿದ್ದಾರೆ.