ಗುರುವಾರ , ಮೇ 13, 2021
17 °C
ಗವರ್ನರ್ಸ್‌ ಕಪ್ ಟೂರ್ನಿ: ಮೊದಲ ಸುತ್ತಿನಲ್ಲೇ ಹೊರಬಿದ್ದ ಸುಮಿತ್, ನಮನ್‌, ವಿನೋದ್‌

ಬಾಕ್ಸಿಂಗ್‌: ಅಮಿತ್ ಸೆಮಿಫೈನಲ್‌ಗೆ

ಪಿಟಿಐ‌ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಒಲಿಂಪಿಕ್ಸ್ ಟಿಕೆಟ್ ಪಡೆದಿರುವ ಮತ್ತು ವಿಶ್ವ ಬಾಕ್ಸಿಂಗ್ ಚಾಪಿಯನ್‌ಷಿಪ್‌ನಲ್ಲಿ ಬೆಳ್ಳಿ ಪದಕ ಗೆದ್ದಿರುವ ಭಾರತದ ಅಮಿತ್ ಫಂಗಲ್ ಅವರು ರಷ್ಯಾದ ಸೇಂಟ್ ಪೀಟರ್ಸ್‌ಬರ್ಗ್‌ನಲ್ಲಿ ನಡೆಯುತ್ತಿರುವ ಗವರ್ನರ್ಸ್ ಕಪ್ ಬಾಕ್ಸಿಂಗ್‌ನಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.

52 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸುತ್ತಿರುವ ಹರಿಯಾಣದ ಅಮಿತ್ ಕ್ವಾರ್ಟರ್ ಫೈನಲ್‌ನಲ್ಲಿ ಸ್ಥಳೀಯ ತಮೀರ್ ಗಲನೊವ್‌ ವಿರುದ್ಧ 5–0 ಅಂತರದ ಜಯ ಗಳಿಸಿದರು. ಆದರೆ ಭಾರತದ ಉಳಿದ ಐವರು ಮೊದಲ ಸುತ್ತಿನಲ್ಲೇ ಹೊರಬಿದ್ದರು.   

81 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಸುಮಿತ್ ಸಾಂಗ್ವಾನ್‌, 57 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಮೊಹಮ್ಮದ್ ಹೊಸಮುದ್ದೀನ್‌, 91 ಕೆಜಿ ವಿಭಾಗದ ಸ್ಪರ್ಧಾಳು ನಮನ್ ತನ್ವರ್‌, ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದಿರುವ ಆಶಿಶ್‌ ಕುಮಾರ್ (75 ಕೆಜಿ) ಮತ್ತು ವಿನೋದ್ ತನ್ವರ್ (49 ಕೆಜಿ) ನಿರಾಸೆಗೊಂಡರು.

ರಷ್ಯಾದ ಇಗೊರ್‌ ಸರೆಗೊಡ್ಸೆವ್‌ ವಿರುದ್ಧ ವಿನೋದ್‌ 2–3ರಲ್ಲಿ ಸೋತರೆ ಸುಮಿತ್‌ 0–5ರಲ್ಲಿ ಉಜ್ಬೆಕಿಸ್ತಾನದ ದಿಶೋದ್‌ ರುಜ್ಮೆಟೊವ್‌ಗೆ ಮಣಿದರು. ಕಾಮನ್ವೆಲ್ತ್ ಗೇಮ್ಸ್‌ನಲ್ಲಿ ಕಂಚಿನ ಪದಕ ಗೆದ್ದಿರುವ ನಮನ್‌ 0–5ರಲ್ಲಿ ಕಜಕಸ್ತಾನದ ಅಯಬೆಕ್‌ ಒರಲ್ಬೆಗೆ ಮಣಿದರು. ರಷ್ಯಾದ ನಿಕಿತ ಕುಜ್ಮಿನ್ ವಿರುದ್ಧ ಆಶಿಶ್‌ 2–3ರಲ್ಲಿ ಸೋತರು. ಹೊಸಮುದ್ದೀನ್‌ ಉಜ್ಬೆಕಿಸ್ತಾನದ ಮಿರಜಿವ್‌ ಮುರ್ಜಕಿಲೊವ್‌ ಎದುರು ಸೋತರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು