ಡೆಸರ್ಟ್‌ ಸ್ಟಾರ್ಮ್‌ ರ‍್ಯಾಲಿ: ಎರಡನೇ ಸ್ಥಾನದಲ್ಲಿ ಸಂತೋಷ್‌

ಸೋಮವಾರ, ಮೇ 20, 2019
30 °C

ಡೆಸರ್ಟ್‌ ಸ್ಟಾರ್ಮ್‌ ರ‍್ಯಾಲಿ: ಎರಡನೇ ಸ್ಥಾನದಲ್ಲಿ ಸಂತೋಷ್‌

Published:
Updated:
Prajavani

ಬೆಂಗಳೂರು: ಕರ್ನಾಟಕದ ಸಿ.ಎಸ್‌.ಸಂತೋಷ್‌, ರಾಜಸ್ಥಾನದ ಬಿಕಾನೇರ್‌ನಲ್ಲಿ ಆರಂಭವಾದ ಡೆಸರ್ಟ್‌ ಸ್ಟಾರ್ಮ್‌ ಮೋಟರ್‌ ರ‍್ಯಾಲಿಯ ಮೊದಲ ಹಂತದ ಸ್ಪರ್ಧೆಯನ್ನು ಎರಡನೇಯವರಾಗಿ ಮುಗಿಸಿದ್ದಾರೆ.

250 ಸಿ.ಸಿ. ಮೇಲ್ಪಟ್ಟವರ ವಿಭಾಗದಲ್ಲಿ ಕಣಕ್ಕಿಳಿದಿರುವ ಸಂತೋಷ್‌, ಗುರುವಾರ ನಡೆದ 87 ಕಿ.ಮೀ. ವಿಶೇಷ ಹಂತದ ಸ್ಪರ್ಧೆಯನ್ನು 1 ಗಂಟೆ 7 ನಿಮಿಷ 23 ಸೆಕೆಂಡುಗಳಲ್ಲಿ ಪೂರ್ಣಗೊಳಿಸಿದರು.

ಹೀರೊ ಮೋಟರ್‌ ಸ್ಪೋರ್ಟ್ಸ್‌ ತಂಡವನ್ನು ಪ್ರತಿನಿಧಿಸಿರುವ ಸಂತೋಷ್‌, 41 ಕಿಲೊ ಮೀಟರ್ಸ್‌ ದೂರದ ಸ್ಪರ್ಧೆಯಲ್ಲಿ ಶರವೇಗದಲ್ಲಿ ಮೋಟರ್‌ ಬೈಕ್‌ ಚಲಾಯಿಸಿದರು. 46 ಕಿಲೊ ಮೀಟರ್ಸ್‌ ದೂರದ ಸ್ಪರ್ಧೆಯಲ್ಲೂ ಅಮೋಘ ಚಾಲನಾ ಕೌಶಲ ಮೆರೆದರು.

ಟಿವಿಎಸ್‌ ರೇಸಿಂಗ್‌ ತಂಡದ ಆ್ಯಡ್ರಿಯನ್ ಮೆಟ್ಗೆ ಮೊದಲಿಗರಾಗಿ ಗುರಿ ಕ್ರಮಿಸಿದರು. ನಿಗದಿತ ದೂರ ಕ್ರಮಿಸಲು ಅವರು 1 ಗಂಟೆ 5 ನಿಮಿಷ 03 ಸೆಕೆಂಡು ತೆಗೆದುಕೊಂಡರು.

ಟಿವಿಎಸ್‌ ರೇಸಿಂಗ್‌ ತಂಡವನ್ನು ಪ್ರತಿನಿಧಿಸಿರುವ ಕರ್ನಾಟಕದ ಅಬ್ದುಲ್‌ ವಾಹೀದ್‌ ತನ್ವೀರ್‌ ಹಾಗೂ ಆರ್‌.ನಟರಾಜ್‌ ಅವರೂ ಉತ್ತಮ ಸಾಮರ್ಥ್ಯ ತೋರಿದರು.

ಮೈಸೂರಿನ ಅಬ್ದುಲ್‌ ವಾಹೀದ್‌ (1 ಗಂಟೆ 10 ನಿಮಿಷ 11 ಸೆಕೆಂಡು) ಮೂರನೇಯವರಾಗಿ ಸ್ಪರ್ಧೆ ಮುಗಿಸಿದರು.

ನೆಲಮಂಗಲದ ನಟರಾಜ್‌ ನಾಲ್ಕನೇ ಸ್ಥಾನ ಪಡೆದರು. ಅವರು 1 ಗಂಟೆ 16 ನಿಮಿಷ 42 ಸೆಕೆಂಡುಗಳಲ್ಲಿ ಅಂತಿಮ ರೇಖೆ ಮುಟ್ಟಿದರು.

ಟಿವಿಎಸ್‌ ತಂಡದ ಇತರ ಸ್ಪರ್ಧಿಗಳಾದ ಆರ್‌.ಇ.ರಾಜೇಂದ್ರ ಮತ್ತು ಐಶ್ವರ್ಯ ಪಿಸ್ಸೆ ಕ್ರಮವಾಗಿ ಐದು ಮತ್ತು 23ನೇ ಸ್ಥಾನಗಳಲ್ಲಿ ಕಾಣಿಸಿಕೊಂಡರು.

ರಾಜೇಂದ್ರ ಅವರು 1 ಗಂಟೆ 17 ನಿಮಿಷ 32 ಸೆಕೆಂಡುಗಳಲ್ಲಿ ಸ್ಪರ್ಧೆ ಮುಗಿಸಿದರು.‌

ಎರಡನೇ ಲೆಗ್‌ನ ಸ್ಪರ್ಧೆಯು (116 +313ಕಿ.ಮೀ.) ಶುಕ್ರವಾರ ಬಿಕಾನೇರ್‌ನಲ್ಲಿ ಆರಂಭವಾಗಿ ಜೈಸಲ್ಮೇರ್‌ನಲ್ಲಿ ಮುಗಿಯಲಿದೆ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !